ដោយ លោក សូរ្យ ជ័យឧត្ដម | ថ្ងៃសៅរ៍ ទី១៨ ខែមីនា ឆ្នាំ២០១៧ | ម៉ោង 2:38 PM
http://vodhotnews.com
ទូរ ATM របស់ធនាគារកាណាឌីយ៉ាដែរផ្ទុះ (រូបថតពីសហការី)
ទូម៉ាស៊ីន ATM មួយគ្រឿងរបស់ធនាគារកាណាឌីយ៉ា ត្រូវបានគេរាយការណ៍ថាបានផ្ទុះកាលពីពាក់កណ្ដាលយប់មិញ ប៉ុន្តែ ពុំបណ្ដាលឲ្យនរណាម្នាក់រងគ្រោះនោះឡើយ។ នេះដោយយោងតាមការចុះផ្សាយរបស់វេបសាយនគរបាលជាតិកម្ពុជា។
ស្នងការរងនគរបាលរាជធានីភ្នំពេញ លោក សុង លី ត្រូវបានវេបសាយនគរបាលជាតិដកស្រង់សម្ដីចុះផ្សាយថា ទូម៉ាស៊ីន ATM របស់ធនាគារកាណាឌីយ៉ា ដែលត្រូវបានគេដាក់បញ្ឈរនៅជាប់នឹងរបងមន្ទីរពេទ្យកុមារជាតិ តាមផ្លូវសហព័ន្ធរុស្ស៊ីនោះ បានផ្ទុះកាលពីពាក់កណ្ដាលអាធ្រាត្រ ប៉ុន្តែ មិនបានប៉ះពាល់ដល់លុយ ដែលត្រូវបានរក្សាទុកនៅក្នុងម៉ាស៊ីននោះឡើយ។
សមត្ថកិច្ចពុំទាន់អាចបញ្ជាក់ពីមូលហេតុនៃការផ្ទុះទូម៉ាស៊ីនដកប្រាក់នេះនៅឡើយទេរហូតមកដល់ពេលនេះ។
ប៉ុន្តែ អធិការនគរបាលខណ្ឌទួលគោក លោក ហ៊ុន សុធី ត្រូវបានសារព័ត៌មាន Fresh News ដកស្រង់សម្ដីចុះផ្សាយថា សមត្ថកិច្ចបានសង្ស័យទៅលើបុរសម្នាក់ ចំពោះករណីនេះ៕