ដោយ មួង ណារ៉េត
2017-03-22
RFA

របាយការណ៍​របស់​សមាជិក​សភា​អាស៊ាន​ដើម្បី​សិទ្ធិ​មនុស្ស (APHR) ចេញ​ផ្សាយ​កាល​ពី​ថ្ងៃ​ទី​២០ ខែ​មីនា ឆ្នាំ​២០១៧។ Screenshot

ក្រសួង​ការ​បរទេស​កម្ពុជា នៅ​ថ្ងៃ​ពុធ ទី​២២ មីនា ចាត់​ទុក​ របាយការណ៍​របស់​សមាជិក​សភា​អាស៊ាន​ដើម្បី​សិទ្ធិ​មនុស្ស (APHR) ថា​ជា​ការ​ចោទ​ប្រកាន់​មក​លើ​រដ្ឋាភិបាល​កម្ពុជា ដោយ​គ្មាន​មូលដ្ឋាន និង​មាន​ភាព​ខ្មៅ​ងងឹត។

កាល​ពី​ថ្ងៃ​ទី​២០ ខែ​មីនា ឆ្នាំ​២០១៧ សមាជិក​សភា​អាស៊ាន​ដើម្បី​សិទ្ធិ​មនុស្ស (APHR) បាន​ចេញ​របាយការណ៍​កម្រាស់ ៥២​ទំព័រ​ដាក់​ចំណង​ជើង​ថា «ការ​វាយ​ប្រហារ​មក​លើ​អ្នក​តំណាងរាស្ត្រ និង​ការ​គំរាម​កំហែង​ដល់​ស្ថាប័ន​ជាតិ​នៅ​កម្ពុជា ជា​សំឡេង​ក្លងខែក​នៃ​លទ្ធិប្រជាធិបតេយ្យ»។

របាយការណ៍​នេះ​បាន​រក​ឃើញ​ថា គណបក្ស​កាន់​អំណាច​របស់​លោក​នាយក​រដ្ឋមន្ត្រី ហ៊ុន សែន បាន​បង្កើត​ឲ្យ​មាន “បរិយាកាស​ភ័យ​ខ្លាច” ដោយសារ​តែ​រដ្ឋាភិបាល​កាន់​តែ​បង្កើន​សន្ទុះ​នៃ​ការ​បង្ក្រាប​សកម្មជន និង​គណបក្ស​ប្រឆាំង ស្រប​ពេល​ដែល​ការ​បោះឆ្នោត​ឃុំ–សង្កាត់​កាន់​តែ​ខិត​ចូល​មក​ដល់។

របាយការណ៍​ដដែល​នេះ​លើក​ឡើង​ថា លទ្ធិប្រជាធិបតេយ្យ​នៅ​កម្ពុជា ត្រូវ​បាន​គេ “ធ្វើ​ឲ្យ​រង្គោះរង្គើ​ជា​លក្ខណៈ​ប្រព័ន្ធ” ឧទាហរណ៍​ដូចជា​ការ​អនុម័ត​ច្បាប់​ស្ដីពី​គណបក្ស​នយោបាយ ដែល​ស្ដែង​ចេញ​ឲ្យ​ឃើញ “ការ​ខិតខំ​ប្រឹងប្រែង​យ៉ាង​ខ្លាំង ក្នុង​ការ​ធ្វើ​ឲ្យ​គណបក្ស​ប្រឆាំង​ចុះ​ខ្សោយ”។

ក្រសួង​ការ​បរទេស លើក​ឡើង​ថា សមាជិក​សភា​អាស៊ាន​ដើម្បី​សិទ្ធិ​មនុស្ស​នេះ​ជា​ក្រុម​តូច គ្មាន​ទទួល​ស្គាល់​ដោយ​អង្គភាព​របស់​អាស៊ាន និង​មិន​ឆ្លុះ​បញ្ចាំង​ពី​ការ​យល់​ឃើញ​របស់​អាស៊ាន​ឡើយ ហើយ​ថា​រដ្ឋាភិបាល​កម្ពុជា បាន​ខិតខំ​ប្រឹងប្រែង​យ៉ាង​ខ្លាំង​ក្នុង​ការ​ការពារ និង​លើក​កម្ពស់​លទ្ធិប្រជាធិបតេយ្យ សិទ្ធិ​មនុស្ស និង​នីតិរដ្ឋ​នៅ​កម្ពុជា។ ក្រសួង​ការ​បរទេស បញ្ជាក់​ថា ច្បាប់​ស្ដីពី​គណបក្ស​នយោបាយ មិន​មាន​ការ​គំរាម​កំហែង​ណា​មួយ​ឡើយ និង​ក្រើន​រំឭក​លោក ឆាលស៍ សានទីអេហ្គោ (Charles Santiago) ដែល​ជា​ប្រធាន​នៃ​ក្រុម​សមាជិក​សភា​អាស៊ាន​ដើម្បី​សិទ្ធិ​មនុស្ស កុំ​ឲ្យ​ជ្រៀតជ្រែក​ចូល​កិច្ចការ​ផ្ទៃ​ក្នុង​របស់​រដ្ឋ​សមាជិក​អាស៊ាន៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

អត្ថបទ​ដែល​ទាក់ទង

• សមាជិក​សភា​អាស៊ាន​ព្រមាន​ថា​ប្រព័ន្ធ​នយោបាយ​កម្ពុជា​កំពុង​ប្រឈម​នឹង​វិបត្តិ
  

• អង្គការ​សមាជិក​សភា​អាស៊ាន​នឹង​ធ្វើ​សន្និសីទ​កាសែត​ពី​ស្ថានភាព​សិទ្ធិ​មនុស្ស​នៅ​កម្ពុជា
  

• បទសម្ភាសន៍៖ មន្ត្រី​ជាន់​ខ្ពស់​អង្គការ​សហប្រជាជាតិ​ថា​កម្ពុជា​កំពុង​ប្រឈម​នឹង​បញ្ហា​សិទ្ធិ​មនុស្ស
  

• តំណាង​ស្ត្រី​សហគមន៍​ដីធ្លី​ខេត្ត​ព្រះសីហនុ​ថា​មិន​ទាន់​ទទួល​បាន​សិទ្ធិ​ពេញលេញ​នៅ​ឡើយ
  

• “មន្ត្រី​អ.ស.ប​យក​បញ្ហា​សិទ្ធិ​មនុស្ស​នៅ​កម្ពុជា​ធ្វើ​ជា​ឧបករណ៍​បង្ខូច​ឈ្មោះ​រដ្ឋាភិបាល”
  

• សម្ភាស​ប្រធាន​សម្ព័ន្ធ​សហជីព​កម្ពុជា​អំពី​ស្ថានភាព​លំបាក​របស់​កម្មករ​និង​សហជីព
  

• មន្ត្រី​សិទ្ធិមនុស្ស​រដ្ឋាភិបាល៖ ដើម្បី​ទប់ស្កាត់​ការ​លួច​ថត​សំឡេង​ត្រូវ​បង្កើត​ច្បាប់​ការពារ​សិទ្ធិ​ឯកជន
  

• ពលរដ្ឋ​នៅ​ត្បូងឃ្មុំ​រក​កិច្ច​អន្តរាគមន៍​ពី​សមាគម​អាដហុក​ឲ្យ​ជួយ​កូនៗ​ដែល​ជាប់​ឃុំ​នៅ​ម៉ាឡេស៊ី
  

• អ្នក​ជំនាញ​សិទ្ធិ​មនុស្ស​អ.ស.ប​ស្នើ​រដ្ឋាភិបាល​បញ្ឈប់​លប​លួច​ស្ដាប់​និង​ថត​សំឡេង​អ្នក​ដទៃ
  

• សហជីព​ថា​ស្ត្រី​នៅ​តែ​ប្រឈម​នឹង​ការ​រើសអើង​នៅ​កន្លែង​ការងារ