ដោយ កញ្ញា ខាន់ លក្ខិណា | ថ្ងៃសុក្រ ទី៧ ខែមេសា ឆ្នាំ២០១៧ | ម៉ោង 4:09 PM
http://vodhotnews.com
ដំរីឈ្មោលមួយក្បាលត្រូវបានអាជ្ញាធរសម្រេចបាញ់ (Facebook)
អាជ្ញាធរក្រុងសែនមនោរម្យ ខេត្តមណ្ឌលគិរី ឲ្យដឹងថា អាជ្ញាធរសម្រេចបាញ់សត្វដំរីមួយក្បាល ដែលមានវ័យ៧០ឆ្នាំ ឲ្យស្លាប់ ដោយសារសត្វដំរីឈ្មោលនោះ ចុះប្រេងហើយ បន្តការរំខាននិងបំផ្លិតបំផ្លាញទ្រព្យសម្បត្តិអ្នកស្រុក។
អភិបាលក្រុងសែនមនោរម្យ លោក ឡុង វិបុល ប្រាប់វីអូឌីនៅថ្ងៃសុក្រនេះថា កាលពីទី៥ខែមេសា សត្វដំរីមួយក្បាលនោះ បានចុះប្រេង រហូតវាយម្ចាស់បណ្ដាលឲ្យស្លាប់ ហើយបានបន្តមករាលល្បាតនៅក្នុងភូមិ ដោយបំផ្លាញផ្ទះពលរដ្ឋចំនួន៦ខ្នង និងបំផ្លាញឡានទឹកស្នងការ១គ្រឿង។
លោកបន្តថា អាជ្ញាធរ មិនមានចេទនាបាញ់ដំរីនោះឲ្យស្លាប់នោះទេ ហើយថាគោលបំណង គឺបាញ់ត្រង់ជើង ដើម្បីជួយសង្គ្រោះកុមារីម្នាក់ទៀត។ ប៉ុន្តែ ដោយសារដំរីបានក្រាបចុះ ទើបបណ្ដាលឲ្យគ្រាប់កំភ្លើង ត្រូវចំក្បាលដំរី បណ្តាលឲ្យដំរីស្លាប់ភ្លាមៗ នៅហ្នឹងកន្លែង។
កាលពីខែមុន ដំរីព្រៃឈ្មោលមួយក្បាល នៅស្រុកកំពង់សីលា ខេត្តកោះកុង ត្រូវបានគេប្រទះឃើញស្លាប់។ ដំរីនោះ ត្រូវបានចរន្តអគ្គិសនីឆក់រហូតដល់ បន្ទាប់ពីទៅត្រដុស នឹងបង្គោលចែកចាយចរន្តអគ្គិសនី៕