ដោយ លោក សូរ្យ ជ័យឧត្ដម | ថ្ងៃសៅរ៍ ទី៨ ខែមេសា ឆ្នាំ២០១៧
http://vodhotnews.com
មនុស្សដល់ទៅ ២៥នាក់ ត្រូវបានសមត្ថកិច្ចចាប់ខ្លួននៅក្នុងប្រតិបត្តិការបង្ក្រាបគ្រឿងញៀនតែមួយថ្ងៃម្សិលមិញនេះ ដែលបង្ហាញឲ្យឃើញថា បទល្មើសគ្រឿងញៀន បានកើតឡើងរៀងរាល់ថ្ងៃ នៅទូទាំងប្រទេស។
របាយការណ៍នគរបាលជាតិ បានបង្ហាញថា បទល្មើសគ្រឿងញៀនចំនួន ១៣ករណី ត្រូវបានកម្លាំងសមត្ថកិច្ចបង្ក្រាបបានកាលពីថ្ងៃទី៧ ខែមេសា ដោយឃាត់ខ្លួនមនុស្សដល់ទៅ ២៥នាក់ ក្នុងនោះ ១៣នាក់មានជាប់ពាក់ព័ន្ធនឹងការជួញដូរគ្រឿងញៀន។
បទល្មើសគ្រឿងញៀន ត្រូវសមត្ថកិច្ចបង្ក្រាបបានរៀងរាល់ថ្ងៃ ដោយឃាត់ខ្លួនមនុស្សដល់ទៅជាង ៦៦០០នាក់ហើយ ចាប់ពីថ្ងៃទី១ ខែមករា ដល់ថ្ងៃទី៧ ខែមេសានេះ៕