ដោយ កញ្ញា យួង ចន្នី | ថ្ងៃសៅរ៍ ទី៣ ខែមិថុនា ឆ្នាំ២០១៧
http://vodhotnews.com
អ្នកស្រី ប៊ូ រចនា ភរិយាសពលោកបណ្ឌិត កែម ឡី កាលពីពេលកន្លងមក
ភរិយារបស់លោកបណ្ឌិត កែម ឡី អ្នកស្រី បូ រចនា នៅថ្ងៃសុក្រម្សិលមិញនេះ បានអំពាវនាវដល់ពលរដ្ឋខ្មែរឲ្យទៅបោះឆ្នោតឱ្យបានគ្រប់ៗគ្នានៅថ្ងៃទី ០៤ខែ ឧសភាខាងមុខនេះ ដើម្បីទទួលបានតុលាការឯករាជ្យ។
នៅក្នុងសារសរសេរនៅលើទំព័រហ្វេសប៊ុក ដែលគេស្គាល់ថាជារបស់របស់លោកស្រី បូ រចនា លោកស្រីបានសរសេររំលឹកដល់អ្នកបោះឆ្នោតថាសន្លឹកឆ្នោតពលរដ្ឋ១សន្លឹកមានតម្លៃខ្លាំងណាស់សំរាប់ភូមិ ឃុំ និងប្រទេសជាតិដែលខ្លួនរស់នៅ។ លោកស្រីបញ្ជាក់ថាដើម្បីទទួលបានភាពយុត្តិធម៌ និងទទួលបានតុលាការឯករាជ្យត្រូវទៅបោះឆ្នោតឱ្យបានគ្រប់គ្នានៅថ្ងៃទី ០៤ ខែឧសភា ខាងមុខនេះ។
ភរិយាលោកបណ្ឌិតកែម ឡី លោកស្រី បូ រចនា និងកូនប្រុសចំនួន៥របស់លោកស្រីកំពុងតែរស់នៅក្រៅប្រទេស ក្នុងបំណងដើម្បីស្វែងរកសិទ្ធិជ្រកកោននៅក្នុងប្រទេសទី៣បន្ទាប់ពីលោក កែម ឡី ត្រូវបានខ្មាន់កាំភ្លើងបាញ់សម្លាប់កាលពីថ្ងៃទី១០ ខែកក្កដា ឆ្នាំ២០១៦៕
ព្រះមហាក្សត្រយើង ប្រទេសយើង ខ្មែររួបរួម អភិវឌ្ឍជាតិយើង យើងត្រូវបោះឆ្នោតជូនមេឃុំគណបក្សសង្គ្រោះជាតិទាំងអស់គ្នា, អត់ត្រូវខ្លាចការគាបសង្កត់ពីជនណាម្នាក់ឡើយ។
មានតែបងប្អូនខ្មែរទេដែលអាចរក្សារប្រទេសខ្មែរសម្រាប់កូនចៅតទៅមុខបានសូមបងប្អូនបោះឆ្នោតដើម្បីខ្លួនឯងនឹងការពារប្រទេសខ្លួនឯង។