ដោយ វណ្ណ សុគន្ធា
19/06/2017
RFI
លោក សម រង្ស៊ី អតីតប្រធានគណបក្សសង្រ្គោះជាតិ (@Sam Rainsy Facebook)
មួយរយៈចុងក្រោយនេះ លោក សម រង្ស៊ី អតីតប្រមុខបក្សប្រឆាំងបានបញ្ចេញព័ត៌មានរសើបមួយចំនួនទាក់ទងនឹងលោកនាយករដ្ឋមន្រ្តី ហ៊ុន សែន ដែលជាប្រធានបក្សប្រជាជនកម្ពុជា។ ចំពោះប្រភពព័ត៌មានទាំងនោះ លោក សម រង្ស៊ី បានអះអាងថា គឺលោកបានទទួលពីសមាជិកផ្ទៃក្នុងរបស់គណបក្សកាន់អំណាច។ អ្នកនាំពាក្យបក្សប្រជាជនកម្ពុជាបានទាត់ចោលដោយលើកឡើងថា វាមិនអាចទៅរួចនោះទេ។
សំឡេង សម រង្ស៊ី… ការអះអាងរបស់លោក សម រង្ស៊ី នេះ បានធ្វើឡើងក្នុងពេលជួបជាមួយសមាជិកគណបក្សសង្រ្គោះជាតិនៅទីក្រុង Long Beach រដ្ឋ California សហរដ្ឋអាមេរិកនៅថ្ងៃអាទិត្យ ទី ១៨ ខែមិថុនា ត្រូវនឹងថ្ងៃទី១៩ មិថុនានៅកម្ពុជា។ លោកសម រង្ស៊ី ថែមទាំងហ៊ានអះអាងថា មានមេទ័ពរបស់គណបក្សប្រជាជនកម្ពុជាបានមកខ្សឹបប្រាប់លោកថា គេនឹងគោរពតាមឆន្ទះរបស់ប្រជាពលរដ្ឋ គឺមិនធ្វើសង្រ្គាមណាមួយនោះទេ។ បើតាមលោកអតីតប្រធានគណបក្សសង្រ្គោះជាតិដែលហ៊ុំព័ន្ធដោយបណ្តឹងស្ទើរជុំជិតនៅតុលាការខ្មែរនេះ ការណ៍ដែលសមាជិកផ្ទៃក្នុងគណបក្សប្រជាជនកម្ពុជាបញ្ចេញព័ត៌មានដល់លោកដូច្នេះ ក៏ព្រោះថាពួកគេបានដឹងជាមុនថា គណបក្សកាន់អំណាចនឹងចាញ់ឆ្នោតគណបក្សប្រឆាំងនៅឆ្នាំ២០១៨ខាងមុខនេះ។
ជាការឆ្លើយតប លោក សុខ ឥសាន អ្នកនាំពាក្យគណបក្សប្រជាជនកម្ពុជា បានទាត់ចោលនូវការអះអាងរបស់លោក សម រង្ស៊ី នេះ។ សំឡេង… បន្ថែមលើនេះ អ្នកនាំពាក្យរូបនេះ ក៏បានបញ្ជាក់ថា ព័ត៌មានដែលលោក សម រង្ស៊ី បានបញ្ចេញទាំងនោះ សុទ្ធតែជាព័ត៌មានប្រឌិតគ្មានការពិតឡើយ។
សូមជំរាបជូនថា កាលពីថ្ងៃទី១៨ និង ១៩ មិថុនា តាមរយៈទំព័រហ្វេសប៊ុករបស់ខ្លួន លោក សម រង្ស៊ី បានបញ្ចេញព័ត៌មានមួយស្តីពីគណបក្សប្រជាជនកម្ពុជា បានជួលក្រុមហ៊ុនអន្តរជាតិមួយធ្វើការស្ទង់មតិឲ្យខ្លួនជាសម្ងាត់ចំពោះការបោះឆ្នោតថ្នាក់ជាតិឆ្នាំ២០១៨។ តាមទំព័រហ្វេសប៊ុករបស់លោក សម រង្ស៊ី ការស្ទង់មតិនោះ បង្ហាញថា ប្រជាប្រិយភាពរបស់លោក សម រង្ស៊ី និងលោក កឹម សុខា ឈ្នះប្រជាប្រិយភាពរបស់លោកនាយករដ្ឋមន្រ្តី ហ៊ុន សែន។
ដោយឡែក កាលពីថ្ងៃទី១៦ មិថុនា លោក សម រង្ស៊ី ក៏បានបញ្ចេញព័ត៌មានមួយដែរ គឺទាក់ទងបទបញ្ជាសម្ងាត់ដែលលោក សម រង្ស៊ី បញ្ជាក់ថា ជាបទបញ្ជារបស់លោកហ៊ុន សែន សរសេរទៅកាន់មេបញ្ជាការកងកម្លាំងប្រដាប់អាវុធ សម្រាប់អនុវត្តលើរូបលោក។ បើតាមលោក សម រង្ស៊ី បទបញ្ជានោះបង្ហាញឲ្យឃើញថា លោក ហ៊ុន សែន រៀបចំបង្កសង្គ្រាម និងសម្លាប់ប្រជាពលរដ្ឋ លោកពេលលោកសម រង្ស៊ី វិលត្រឡប់មកប្រទេសកម្ពុជាវិញហើយលោកសម រង្ស៊ី ចាត់ទុកថា នេះក៏ជាលេសមួយទៀត ដើម្បីរំលាយគណបក្សសង្គ្រោះជាតិ។
ព័ត៌មានមួយនេះ ធ្វើឲ្យមានប្រតិកម្មភ្លាមៗ និងខ្លាំងៗពីសំណាក់លោកនាយករដ្ឋមន្រ្តី ហ៊ុន សែន។ តាមរយៈបណ្តាញព័ត៌មានស្និតនឹងរដ្ឋាភិបាលFresh News លោក ហ៊ុន សែន បានហៅលោក សម រង្ស៊ី ថាជាមនុស្សល្ងង់ដែលគិតថា បទបញ្ជានោះជារបស់គាត់ ព្រោះថាវាគ្មានត្រា និងហត្ថលេខា។ លោកនាយករដ្ឋមន្រ្តីចំអកឲ្យលោក សម រង្ស៊ី ទៀតថា ព្រោះចូលចិត្តប្រើប្រាស់ភាសាមួលបង្កាច់ លាបពណ៌គេបែបនេះ បានចេះតែជាប់គុក បង្កើតរឿងមិនពិតថាជារឿងពិត រាល់កំហុសរបស់លោក សម រង្ស៊ី គឺកើតឡើងពីទង្វើរបស់ខ្លួនឯងផ្ទាល់។ យ៉ាងណាក៏ដោយ លោក ហ៊ុន សែន បានគូសបញ្ជាក់ថា លោកមិនប្តឹងផ្តល់ទេចំពោះរឿងនេះ ព្រោះលោក សម រង្ស៊ី ជាមនុស្សដែលមានទោសស្រាប់ទៅហើយ៕
we Cambodian knew there are HUN SEN’s officers who love their nation did not like HUN SEN ‘s way of leading this nation. more importantly they did not like HUN SEN attitude and his mentally speak, action of evil, they have no hop for their children in the future. and more importantly they do not want to lost their country. actually in HUN SEN leadership there some of those what they call themselves ( KHMER PHEAK KHANG CHEINH ) they was brain washed by Vietcong. you can see some strange official that you never seen their face since 1970. some of them still can not speak KHMER clear instated they speak Vietnam fluently . at this moment the song that sang by SINSY SAMUT is playing the roll for this sad nation. remember the song said.( SAMREK CHHEAM KHMER NEAK SNEHA CHEAT) I wish this song that wrote and sang by SINSY SAMUT will come true as it’s meaning. we Cambodian can not depending on HUN SEN he can not save this poor nation instate he will pushing this nation to the dead end. GOD bless Cambodian
Cette lettre est 100% Hunsen !
Calming as “master of spy”. So it is not surprised to see no name, no signature, and no trace of record found. It is called in secret espionage world as : Tom Clancy’s John Doe Novel”.
The world should give another chance to cambodia’ for GOD ‘sake’ .cambodian people really hungry of democracy’ please help cambodian people one more ‘ send U_N troops to stay in cambodia for 50 years and specially U S (the father of democracy) send the troop to stay there for 50-100 years and cambodian people will be out of the crocodiles east&west because we can see clearly ‘LAOS country been invaded by youn-veitcong from 1975 till now and it will be out of the world map in the future.’ .GOD bless all cambodian people’