កម្ពុជា
កម្ពុជា-ទំនាក់ទំនងអន្តរជាតិ
09/05/2025 – 09:47
ដោយ៖ សឹម ចាន់សំណាង
RFI
លោក ហ៊ុន សែន បញ្ជាក់ជាថ្មីថា ចិនមិនដែលបញ្ជាឲ្យកម្ពុជាធ្វើតាមខ្លួនជាថ្នូរនឹងការផ្តល់ជំនួយ
លោក ហ៊ុន សែន ប្រធានព្រឹទ្ធសភាកម្ពុជាបានថ្លែងអរគុណរដ្ឋាភិបាលចិនដែលតែងតែផ្តល់ជំនួយដល់កម្ពុជាក្នុងការកសាងហេដ្ឋារចនាសម្ព័ន្ធ និងការអភិវឌ្ឍនានាក្នុងប្រទេស ដោយមិនមានការបញ្ជា ឬដាក់លក្ខខណ្ឌឲ្យកម្ពុជាធ្វើនេះ ធ្វើនោះតាមខ្លួនឡើយ។ លោកហ៊ុន សែនបានអះអាងដូចនេះនៅពេលថ្លែងបាឋកថាក្រោមប្រធានបទ «មេរៀនរបស់ ហ៊ុន សែន ពីរបបប្រល័យពូជសាសន៍ និងភាពក្រីក្រឆ្ពោះទៅកាន់សេរីភាព និងវិបុលភាព» នៅប្រទេសទីម័រខាងកើតនាព្រឹកថ្ងៃទី ៩ ឧសភា។ តាមលោក ហ៊ុន សែន មានប្រទេសមួយចំនួនបានបញ្ជាឲ្យកម្ពុជាអនុវត្តតាមគោលការណ៍របស់ខ្លូនជាមុនសិន ទើបពួកគេសម្រេចផ្តល់ជំនួយនានាឲ្យកម្ពុជា។
