នៅថ្ងៃទី១នៃការចេញល្បាតព្រៃឡង់នៅថ្ងៃទី១៣ខែសីហានេះ ប្រជាពលរដ្ឋបណ្តាញសហគមន៍ព្រៃឡង់ បានរកឃើញស្នាមឈើកាត់ និងដីទំហំ៥០ហិកតាត្រូវបានគេទន្ទ្រានកាប់ឈើ ហើយពួកគេបានថតរូប និងវិដេអូធ្វើជាឯកសារភស្តុតាងបញ្ជូនទៅក្រសួងកសិកម្ម រុក្ខាប្រមាញ់ និងនេសាទ។
Monday, 13 August 2012
មុំ គន្ធា
ភ្នំពេញ ប៉ុស្តិ៍
ប្រជាពលរដ្ឋបណ្តាញសហគមន៍ព្រៃឡង់ ដើរល្បាតក្នុងព្រៃឡង់កាលពីឆ្នាំមុន។
រូបថតអង្គការ លីកាដូ
លោកជុំ យីន តំណាងប្រជាពលរដ្ឋបណ្តេញសហគមន៍ព្រៃឡង់បានឲ្យដឹងថាពេលគាត់និងអ្នកភូមិជាង៦០នាក់ដែលរស់នៅក្នុងព្រៃ និងអ្នកភូមិមកពី៧ភូមិ និងឃុំ៣ក្នុងស្រុកសណ្តាន់ ចាប់ផ្តើមដើរល្បាតក្នុងព្រៃក្នុងថ្ងៃទី១ ដោយគ្មានការរារាំងពីមន្ត្រីអាជ្ញាធរឡើយ។
សូមបញ្ជាក់ថា បណ្តាញសហគមន៍ព្រៃឡង់ នៅក្នុងស្រុកសណ្តាន់ ខេត្តកំពង់ធំ រាប់រយនាក់ បានចេញដំណើរតាម ម៉ូតូចូលទៅក្នុងព្រៃឡង់រយៈពេល៣ថ្ងៃ ចាប់ពីថ្ងៃ១៣ ខែសីហា ឆ្នាំ២០១២ រហូតដល់ថ្ងៃ១៥ខែសីហាឆ្នាំ២០១២ ដើម្បីល្បាត និងរុករកបទល្មើស ប្រមូលវត្ថុតាងល្មើសច្បាប់ដាក់ជូនរដ្ឋាភិបាល ដើម្បីវែកមុខជនល្មើសនិងជួយការពារធនធាន ធម្មជាតិរបស់ប្រទេស។
យោងតាមសេចក្តីប្រកាសព័ត៌មានរបស់មជ្ឈមណ្ឌលសិទ្ធិមនុស្សកម្ពុជា បានឲ្យដឹងថា បទល្មើសដែលពួកគាត់បានដឹង គឺបច្ចុប្បន្ននេះ ក្នុងព្រៃឡង់ចំណុចឃុំដងកាំបិតមានការកាប់ព្រៃស្រោង រាប់រយហិកតា រានយកដីធ្វើចំការហើយជនល្មើសគឺជា មន្ត្រីប្រដាប់អាវុធក្នុងខេត្តនេះ។
បងប្អូនអើយវាជាជំងឺមហារីក ប៉ុន្តែខ្ញុំសូមសរសើទឹកចិត្តរបស់បងប្អូនណាស់ ហើយខ្ញុំសូមចូលរួមគាំទ្រនូវកំលាំងទឹកចិត្តអោយបន្តរការពារគង់នឹងបានសម្រេច។
ខ្ញុំសូមសសើរពីទឹកចិត្តដ៏ក្លាហានមោះមុតក្នុងការរួមចំណែកការពារព្រៃឈើដែលជាសម្បត្តិ
ដ៏មានតំលៃរបស់ប្រទេសជាតិយើងរបស់ប្រជាជននៅតំបន់ព្រៃឡង់នេះ។ប៉ុន្តែសូមប្រជាជនដែល
ការពារព្រៃឡង់ប្រយ័ត្នប្រយែងខ្លួនព្រោះថាយើងនៅទីភ្លឺពពួកពុករលួយបំផ្លាញជាតិវានៅទីងងឹត
ពួកនេះអាចនឹងធ្វើអ្វីម្យ៉ាងមកលើប្រជាជនដែលបានទៅរំខានការរកស៊ីរបស់គេ។សកម្មភាពនេះ
បញ្ជាក់ពីការស្នេហាជាតិមានឧត្តមគតិជាងមន្រ្តីមួយចំនួន និងអ្នកមានអំណាច មានលុយ មានឡាន
ទំនើបៗ បែរជាប្រព្រឹត្តអំពើរពុករលួយ កាប់ព្រៃឈើ បំផ្លាញជាតិគ្មានឧត្តមគតិ។ជាចុងក្រោយ
សូមជូនពរប្រជាជនក្នុងសហគមន៍ព្រៃឡង់ទាំងអស់មានសុខភាពល្អ ឈ្នះអស់មាសត្រូវ។