ភ្នំពេញៈ បន្ទាប់ពីមានជម្លោះជាមួយពិធីការិនី ឌួង ហ្សូរីដា នាឱកាសបុណ្យឆ្លងសមុទ្រ២០១១ឆ្លងចូលឆ្នាំ២០១២មក មួយរយៈចុងក្រោយនេះ កត់សម្គាល់ឃើញ តារាចម្រៀងវ័យជ្រេ មានកំណើតពីខេត្តព្រៃវែងនាង ពេជ្រ សោភា ហាក់មានជម្លោះជាមួយអ្នកសិល្បៈដូចគ្នាកាន់តែច្រើន។ ប៉ុន្តែតែរាល់ការសាកសួរពីរឿងនេះ នាងតែងច្រានចោលនូវព័ត៌មាននេះថាមិនមែនជាការពិតនោះឡើយ។
Tuesday, 14 August 2012
ស៊ូ វុទ្ធី
ភ្នំពេញ ប៉ុស្តិ៍
តារាចម្រៀង ពេជ្រ សោភា បានជាប់ឈ្មោះជាតារាពូកែឈ្លោះ។
រូបថត សេត គឹមសឿន
ក្នុងឆ្នាំ២០១២នេះ ពេជ្រ សោភា ហាក់កើតមានរឿងរ៉ាវជាបន្តបន្ទាប់ ជាមួយអ្នកសិល្បៈដូចគ្នា ពិសេសមិត្តភក្តិរួមអាជីព និងជាមួយអ្នកសិល្បៈក្រោមដំបូលតែមួយ ហើយផ្ទុះជម្លោះរវាងនាងពេជ្រ សោភា និងតារាៗរួមផលិតកម្មនេះ គេសម្គាល់ឃើញថា កើតឡើងក្រោយផលិតកម្មរស្មីហង្សមាស ប្រមូលយកតារាចម្រៀងចំណូលថ្មីចូល។
នាងពេជ្រ សោភា បើទោះបីជានាងមានវ័យកាន់តែច្រើនក៏ដោយ ប៉ុន្តែទឹកដមសំឡេងរបស់នាងនៅតែទទួលបានការគាំទ្រគួរសម។ ប៉ុន្តែផ្ទុយពីការរក្សាតំណែងល្បី នាងបែបជាតែងមានសភាពប្រែប្រួលនូវចរិតបែបរើសអើង ចំពោះតារាៗចំណូលថ្មីផងដែរ។ ដោយស្តែងនូវចរិតបែររើសអើង រយៈពេលមួយឆ្នាំចុងក្រោយនេះ មហាជនជាច្រើនបានលើកឡើងថា នាង ពេជ្រ សោភា បន្ទាប់ពីផ្ទុះជម្លោះនឹងពិធីការិនីប្រចាំស្ថានីយទូរទស្សន៍ អាស៊ីអាគ្នេយ៍នាង ឌួង ហ្សូរីដា នៅក្រុងព្រះសីហនុនាឱកាសបុណ្យសមុទ្រមក នាងក៏បានមានបញ្ហាជាមួយតារាបួនដួងទៀតឯណោះក្នុង២០១២នេះ មានដូចជា កញ្ញា ទេព បូព្រឹក្ស កញ្ញា កុល ដាវី លោក ណុប បាយ៉ារិទ្ធ និងចុងក្រោយនេះក៏ល្បីថា ឈ្លោះជាមួយលោកនៅ ស៊ីនឿនទៀតផង!»។
ជាមួយនឹងភាពល្បីនៃការបង្កជម្លោះនេះដែរ នាងក៏ត្រូវបានមហាជន លើកឡើងថា នៅពេលនេះបញ្ហាបង្កទំនាស់របស់នាងបានស្ទុះឡើងល្បីជាងបទ ចម្រៀងរបស់នាងទៅទៀត។
បើទោះជាយ៉ាងណា ជម្លោះរបស់តារាចម្រៀងចាស់វស្សានៅក្នុងទ្រនំហង្សមាស នាងពេជ្រ សោភា ជាមួយអ្នកសិល្បៈទាំង៥ខាងលើ មានរឿងរ៉ាវខ្លះត្រូវបានសម្រួលគ្នា តែរឿងរ៉ាវខ្លះត្រូវបានសាមីខ្លួនទាំងពីរភាគីថា ជារឿងយល់ច្រឡំ មិនមានបញ្ហាដូចដែលគេបានលើកឡើងនោះទេ ពិសេសគឺ ពេជ្រ សោភា ខ្លួនឯង តែងតែបដិសេធថា មិនដែលមានទំនាស់ជាមួយអ្នកសិល្បៈណាម្នាក់ឡើយ។
យ៉ាងណាក៏ដោយនាង ពេជ្រ សោភា ត្រូវបានពិភពសិល្បៈនិយាយពីមាត់មួយទៅមាត់មួយយ៉ាងសុសសាយ។ អ្នកខ្លះបានលើកឡើងថា ពេជ្រ សោភា ជាតារាល្បីជួរមុខ និងយូរឆ្នាំមកហើយ ប៉ុន្តែនាងមិនដែលទុកអ្នកសិល្បៈស្រករក្រោយក្នុងកែវភ្នែកនោះទេ ប្រសិនបើមានអ្វីធ្វើឲ្យនាងឃ្នើសចិត្តនោះ។ រីឯអ្នកខ្លះទៀតលើកឡើងថា នៅក្រោមដំបូលហង្សមាស បើតារាស្រករក្រោយមួយណាមិនយកចិត្ត នាងពេជ្រ សោភា គឺមានបញ្ហាភ្លាមជាមួយ ពេជ្រ សោភា គឺចៀសមិនផុតពីមានបញ្ហានឹងនាងឡើយ។
ដោយមានភាពល្បីនូវទង្វើបែបពើងទ្រូងឲ្យអ្នកជំនាន់ក្រោយនេះ ត្រូវបានអ្នកវិភាគសិល្បៈជាច្រើនបានលើកឡើងទៀតថា ជាតារាសិល្បៈមួយរូប នៅពេលដែលខ្លួនបានទៅដល់ចំណុចកំពូលមួយហើយ មិនអាចធ្វើអ្វីមួយ ដោយមិនពិចារណាល្អិតល្អន់នោះទេ ចៀសវាងធ្វើឲ្យខ្លួនឯងឲ្យបាត់បង់ប្រជាប្រិយភាព។
ស្របជាមួយនឹងព្យុះពាក្យសំដីរិះគន់ទាំងនេះ ថ្មីនេះៗ មានបុរសមិនស្គាល់ អត្តសញ្ញាណម្នាក់បានសរសេរ Comment facebook លើរូបថតរបស់នាង ដោយប្រើពាក្យអសុរោះ បែបជាមនុស្សមិនមាន ចំណេះដឹងក្នុងខ្លួនដោយពោលពាក្យថា «ចង់គេងជាមួយនាង» ។
តបនឹងរឿងរ៉ាវនោះនាង ពេជ្រ សោភា បានថ្លែងទាំងហួសចិត្តថា៖ «ខ្ញុំមិននឹកស្មានថា កេរ្តិ៍ឈ្មោះខ្ញុំ គេមើលងាយ មើលថោក ដល់ថ្នាក់ហ្នឹងសោះ»។ បើទោះយ៉ាងណារឿងនេះនាងអះអាងថា ចំពោះរូបនាងផ្ទាល់មិនសូវជាតូចចិត្តប៉ុន្មានទេ តែម្តាយនាងវិញគាត់មានការតូចចិត្តខ្លាំងមែនទែនពេលឮថា គេប្រមាថកិត្តិយសកូនស្រីដូចនេះ។
នាងលើកឡើងថា៖«ឆ្នាំ២០១២នេះ នាងហាក់ញាំញីទៅដោយរឿងបង្កាច់បង្ខូចនូវកិត្តិយសនាងមិនអស់មិន ហើយសោះផុតពីរឿងគេថា ខ្លួនជាតារាពូកែឈ្លោះជាមួយតារាដូចគ្នា បែរជាមកជួបនឹងរឿង គេប្រមាថកេរ្តិ៍ខ្មាសមួយទៀត។
ពេជ្រ សោភា បានបញ្ជាក់ដោយខ្លីថា នាងធ្វើអ្វីគ្រប់យ៉ាងច្រៀងរាំ លក់សំឡេង តែមិនលក់កិត្តិយសម្តាយឡើយ៕
ខំរក្សាខ្លួនឲ្យមានភាពថ្លៃថ្នូផង នាងមិនមែនល្បីទេ គឺត្រូវដឹងខ្លួនថាអន់ច្រៀងនៅប្រទេសកាណាដាមិនកើតផង
កុំអឿធ្វើឯងគ្រាន់បើនោះ នាងអន់អើយ!!! ត្រូវដឹងខ្លួនថាអន់ផង ក្រែងគេអាណិត!!!
ស្តាប់សំដីគាត់និយាយដូចជាវាយឬកខ្លាំងណាស់ ។
ជូន រពិសមាត់
ម៉េច ថាអោយពេជ្រ សោភា បែបនេះ បើគាត់អន់ គេមិនចំណាយលុយ អោយគាត់ទៅ កាណាដានោះ ទេ ។សំលេង គាត់ ច្រៀងបែប យុវយ៏ ពិរោះណាស់ បទ ញាក់បែបសមយ័ ដើម ក៏ពិរោះ ។
កំភ្លេច ថា គាត់ធ្លាប់ ល្បីដល់ ចំណុច កំពូល ២០០៥ ២០០៦ កក្រើកពីភព សិល្បះ ។
ពេជ្េសោភា មិនអន់ដូចអ្នក គិតឡើយ ។
my supper star . i love pich so phea somuch
គាត់នៅ ក្រៅ ស្អាតណាស់ ។ រុះរាយ ទៀតផង