ក្រុមជំនាញស្រាវជ្រាវលើដំណើរការប្រឡងបាក់ឌុប កាលពីដើមខែសីហានេះ នឹងបង្ហាញលទ្ធផលស្រាវជ្រាវរបស់ខ្លួននៅថ្ងៃចន្ទស្អែក ព្រមទាំងផ្ញើលទ្ធផលជូនទៅក្រសួងអប់រំនៅចុងសប្តាហ៍ក្រោយ។ លទ្ធផលអង្កេតបានបង្ហាញថា កូនសិស្សប្រឡងបាក់ឌុបចំនួន៦៧%បានឆ្លើយថា ពួកគេបានចំណាយថវិកាសម្រាប់ការប្រឡងនាពេលកន្លងមក។
ថ្ងៃ អាទិត្យ 19 សីហា 2012
ដោយ គី សុខលីម
RFI
សិស្សានុសិស្សពេលចេញពីប្រឡង
©channa/rfi
«កូនសិស្សប្រឡងបាក់ឌុបចំនួន៧៨%បានឆ្លើយថា ពួកគេអាចចម្លងគ្នាទៅវិញទៅមកបាននៅក្នុងថ្នាក់ប្រឡង។ កូនសិស្ស៦៧%បានឆ្លើយថា ពួកគេបានចំណាយប្រាក់សម្រាប់ការប្រឡងបាក់ឌុប»។ ទាំងនេះគឺជាលទ្ធផលអង្កេតរបស់ លោក កែម ឡី អ្នកស្រាវជ្រាវសង្គមសេដ្ឋកិច្ចឯករាជ្យដែលបានធ្វើការអង្កេតជុំវិញភាពមិនប្រក្រតីលើការប្រឡងបាក់ឌុបកាលពីដើមខែសីហាកន្លងមកនេះ។ ការអង្កេតរបស់លោក កែម ឡី បានធ្វើឡើងជាមួយសិស្សប្រឡងបាក់ឌុបចំនួន១៥៤នាក់ ជាមួយសាស្រ្តាចារ្យមួយចំនួនតូចនិងជាមួយមាតាបិតាសិស្សមួយចំនួនផងដែរ។
លទ្ធផលអង្កេតលើការប្រឡងបាក់ឌុបដែលគ្រោងនឹងចេញផ្សាយនៅថ្ងៃចន្ទស្អែកនេះ បានបញ្ជាក់ថា កូនសិស្សប្រឡងបាក់ឌុបបានចំណាយប្រាក់ជាមធ្យមចំនួន៣០ដុល្លារ ដើម្បីអាចបើកមើលវិញ្ញាសាព្រាងបាន។ កូនសិស្ស៩២%បានឆ្លើយថា ពួកគេជាអ្នកមានគំនិតផ្តួចផ្តើមប្រមូលប្រាក់ដោយខ្លួនឯងដើម្បីយកទៅជូនលោកគ្រូអ្នកគ្រូ។ កូនសិស្សបានឆ្លើយថា ការប្រមូលប្រាក់កាសជូនលោកគ្រូអ្នកគ្រូនៅពេលប្រឡងបានក្លាយទៅជាវប្បធម៌ទៅហើយ។
ត្រង់ចំណុចនេះ លោក កែម ឡី អ្នកស្រាវជ្រាវសង្គមសេដ្ឋកិច្ចនៅក្នុងប្រទេសកម្ពុជាបានសម្តែងក្តីព្រួយបារម្ភខ្លាចទម្លាប់នេះក្លាយទៅជាវប្បធម៌ដែលពិបាកកែប្រែនាពេលអនាគត។
របាយការណ៍ដដែលបានលើកឡើងទៀតថា កូនសិស្ស២៥%បានឆ្លើយថា ការប្រឡងបាក់ឌុបនាពេលកន្លងមកមិនមានភាពយុត្តិធម៌ទេ ក្នុងខណៈពេលដែលសិស្ស៥០%ផ្សេងទៀតថា មានភាពយុត្តិធម៌។ បើទោះបីជាមានការចោទប្រកាន់ថា មានភាពមិនប្រក្រតីច្រើនយ៉ាងណាក៏ដោយជុំវិញការប្រឡងបាក់ឌុបនោះប៉ុន្តែមន្រ្តីក្រសួងអប់រំតែងតែបដិសេធទៅនឹងការចោទប្រកាន់ទាំងនោះ។
លោក អ៊ឹង ង៉ោហុក ប្រធាននាយកដ្ឋានមធ្យមសិក្សាចំណេះទូទៅ ធ្លាប់បានអះអាងថា ក្រសួងអប់រំបានបូកសរុបការវាយតម្លៃរួចរាល់ហើយ ហើយថាគ្មានបញ្ហាអី្វកើតឡើងទេ។ ម៉្យាងវិញទៀត វាគ្មានផលប៉ះពាល់ដល់ដំណើរការប្រឡងឡើយ។ លោកអះអាងថា ក្រសួងអប់រំបានសន្និដា្ឋនថា ការប្រឡងឆ្នាំនេះអាចទទួលយកបាន។
សូមបញ្ជាក់ថា របាយការណ៍អង្កេតលើការប្រឡងបាក់ឌុបនឹងត្រូវគេផ្សព្វផ្សាយជាសាធារណៈចាប់ពីថ្ងៃចន្ទស្អែកនិងផ្ញើជូនក្រសួងអប់រំនៅក្នុងសប្តាហ៍ក្រោយនេះដែរ។
ទោះជាយ៉ាងណាក៏ដោយ ក៏លោក កែម ឡី បានបញ្ជាក់ទៀតថា ប្រសិនបើគេវាយតម្លៃជារួម ការប្រឡងបាក់ឌុបនៅឆ្នាំនេះមានការរឹតបន្តឹងល្អជាងឆ្នាំមុនៗ៕
——————————————-
សូកក៏បាន, ចម្លងក៏បាន, សម្តាចម៍មហាbanditអាជោរទទួលPhD
មិនបាច់ចូលសាលាក៏បាន, នាងសាមហ៊ាងប្រពន្ធសម្តាចម៍អាជោរ
បានសញ្ញាបត្រbandit អានអក្សរខ្មែរប្រកបក៏បាន ។ គិតទៅកម្ពុជា
ក្នុងសម័យសម្តាចម៍អាជោរ គុណសម្បទ័ជជុះវាធ្លាក់ចុះមកពីមេដឹក
នាំដែលជជុះៗ!
កំណែទំរង់លើវិស័យអប់រំមិនមែនផ្តោតទៅលើពេលប្រលងបញ្ចប់ការសិក្សានោះទេ គួរតែធ្វើការសិក្សាវាយតម្លៃទៅលើការអនុវត្តប្រចាំថ្ងៃលើការបង្រៀន ការប្រលងប្រចាំខែ ការប្រលងប្រចាំត្រីមាស-ឆមាស
ចំណុចបន្ថែមគឺផ្តល់ការណែនាំនិងការយល់ដឹង និង ការអនុវត្តជាក់ស្តែងក្នុងការអោយតម្លៃលើអ្នកដែល មានសមត្ថភាពពិតប្រាកដ ចាប់ពីការប្រលងចូលមហាវិទ្យាល័យ ការជ្រើសរើសចូលធ្វើការងារ និង ការប្រគល់តួនាទីការងារ ។
បច្ចុប្បន្ននេះការប្រលងចូលមហាវិទ្យាល័យ ការជ្រើសរើសបំរើការងារ និង ការប្រគល់តួនាទី មិនមានតម្លាភាព [=មានភាពពុករលួយ និង បក្ស-ពួកគ្រួសារនិយម] ទាំងនេះហើយដែលជាកត្តាដែលសិស្សនិងអាណាព្យាបាលមួយចំនួនធំ មិនមានទំនុកចិត្តទៅលើតម្លៃនៃការសិក្សានិងសមត្ថភាពទាំងស្រុងនោះទេ
តើស្ថាប័នណាខ្លះដែលមានភារកិច្ចលើកស្ទួយគុណភាពធនធានមនុស្សក្នុងប្រទេសយើង?
មិនមែនតែក្រសួងអប់រំមួយនោះទេ……. គឺចាប់ផ្តើមពីគុណភាពនៃការរស់នៅប្រចាំថ្ងៃរបស់គ្រូបង្រៀន
មានជីវភាពរស់នៅសមរម្យ….មានស្មារតីទទួលខុសត្រូវលើភារកិច្ចរបស់ខ្លួន…. ហ៊ានប្រឈមមុខដោះស្រាយនឹងភាពអវិជ្ជមានដែលកើតមាននៅក្នុងប្រព័ន្ធសិក្សា
សម័យសម្ដេចស៊ីជោរកុំជោរ,បើមានលុយនិងអំណាចគឺមានអ្វីៗទាំងអស់សម្បីតែ
ក្បាលតុលាការក៍អាចទិញបានដែរ,អ្វីដែលយើងស្មានមិនដល់ថាអាចធ្វើបាន,
ក្នុងសង្គមខ្មែរបច្ចុប្បន្នគឺអាចគ្មានបញ្ហា។
ទំពាំងរលួយតាំងពីនៅក្នុងដីទៅហើយ ចំណែកប្ញស្សីត្រូវស្រមោចលីងអស់ តើប្ញស្សីនឹងក្លាយទៅជាអី្វ?
សិស្សប្រៀបដូចជាក្រដាសស ត្រូវគេបញ្ជៀបនូវអំពើពុករលួសស្រេចទៅហើយ តើមានកន្លែង រឺ ស្ថាប័នណាមួយនៅស្រុកខ្មែរដែលស្អាតស្អំជាងនេះនោះ?
Patron Client system (កូនចៅរកលុយអោយមេ ចំណែកមេការពារកូនចៅនៅពេលពួកគេប្រព្រឹត្តិល្មើសច្បាប់) ត្រូវបានគេប្រើប្រាស់ទូទាំងស្រុកខ្មែរ។
មានតែមនុស្សល្ងីល្ងឺ រឺ ធ្វើជាឆ្កួតទេ ដែលនិយាយថា ការដឹកនាំរបស់សម្តេច តេជោ អស្ចារ្យ។
សូមលោកអ៊ឹម សុធី គួរគិតអានាគតប្រទេសជាតិផង កុំទៅទំាងប៉ីទំាងស្គពេក កុំចាំតែហៃអើពេក ធ្លាក់ទឹកធ្លាក់ទាំងអស់គ្នាណាលោក! ខ្ញុំគាំទ្រយោបល់ LY Seanteurទាំងស្រុង អំពើពុករលួយស្រុកខ្មែរសព្វថ្ងៃគឺតាំងពីបាតក្រោមរហូតដល់កំពូល ខ្ញុំស្អបហ៊ុនសែន នឹងបក្សពួកវាដល់ឆ្អឹង!!!!!!!!!!!!!!!!
គេអោយល្ងង់ច្រើនកាលណា ស្រួលគ្រប់គ្រងអំណាចបានយូរ។
ទឹកជោជន់ឡើងដល់ករហើយ បើមិនចំណាយលុយជិះទូក ជិះកប៉ាល់ចំលង
អោយរួចដល់ទ្រើយសិន នៅប្រឹងប្រើកំលាំងហែលដល់ណាទៀត ?
អ្នកដែលខិតខំប្រលងដោយគោរពច្បាប់មិនប្រាកដថា ជាមនុស្សឆ្លាតជាងគេដែរ!
សម័យកាលប្រើបច្ចេកវិទ្យា មនុស្សចេះធ្វើការរួមគ្នាច្រើន ពូកែទំនាក់ទំនង
ទើបជាប្រភេទក្រុមអ្នកឆ្លាត ។ ចំពោះការគោរពសាសនា នានា សាសនាព្រះពុទ្ធ
មនុស្សមិនគួរមើលរំលង ព្រោះជាស្នូលនៃគំនិត ប្រកបដោយមេត្តាធម៌ មានសុជីវធម៌
ដឹងចាស់ ដឹងទុំ ស្គាល់ខុសស្គាល់ត្រូវ កាត់បន្ថយបាននៅការច្រណែនឈ្នានីស
ឯរឿងក្រុមអ្នកដឹកនាំធ្វើខុសនឹងច្បាប់របស់ជាតិឌេលសភាបាន តាក់តែងអនុម័ត
គឺ ត្រូវទទួលទោសដោយប្រយោលបាត់ទៅហើយ ឯអ្នកប្រើពាក្យសំដីវាយប្រហារ
ដោយខ្វះការថ្លឹងថ្លែងក៏មានទោសនៃច្បាប់សិទ្ធិមនុស្ស នៃច្បាប់អន្តរជាតិបាន
ប្រកាសអោយអនុវត្ត ។