សៀមរាបៈ យោងតាមរដ្ឋមន្ត្រីពាណិជ្ជកម្មកម្ពុជាលោក ចម ប្រសិទ្ធបានឲ្យដឹងថា ប្រទេសកម្ពុជានឹងចុះអនុស្សារនៈយោគយល់គ្នាស្តីពីពាណិជ្ជកម្មអង្ករ ដែលកម្ពុជាត្រូវនាំអង្ករ យ៉ាងតិចមួយសែនតោន ក្នុងមួយឆ្នាំទៅប្រទេសឥណ្ឌូនេស៊ី។
Monday, 27 August 2012
លាង ផាន់ណារ៉ា
ភ្នំពេញ ប៉ុស្តិ៍
ថ្លែងប្រាប់អ្នកសារព័ត៌មាន បន្ទាប់ពីពិធីបើកកិច្ចប្រជុំ រដ្ឋមន្ត្រីសេដ្ឋកិច្ចអាស៊ាន លើកទី៤៤នៅព្រឹកថ្ងៃទី២៧ខែសីហារដ្ឋមន្ត្រីក្រសួងពាណិជ្ជកម្មកម្ពុជាលោកចម ប្រសិទ្ធបាននិយាយថាក្រុមហ៊ុន Green Trade របស់កម្ពុជា នឹងចុះហត្ថលេខាជាមួយក្រុមហ៊ុនរដ្ឋរបស់ឥណ្ឌូនេស៊ី ក្នុងការនាំអង្ករចេញទៅប្រទេសឥណ្ឌូនេស៊ី។
លោកបានបញ្ជាក់ថា “ដំបូងបំផុត យើងគ្រោងនឹងនាំចេញយ៉ាងតិចមួយសែនតោន ក្នុងមួយឆ្នាំ។ យើងសាកមើលសិន។ បើមានលទ្ធភាពលើសពីនោះ យើងនឹងធ្វើទៅតាមនោះ”។
រដ្ឋមន្ត្រីក្រសួងពាណិជ្ជកម្មកម្ពុជា បានបន្តទៀតថា កម្ពុជាចង់ឲ្យប្រទេសទាំងអស់ បង្កើតក្រុមហ៊ុនប្រមូលទិញអង្ករ ដោយខ្លួនឯងផ្ទាល់ ។ការធ្វើដូច្នេះនឹងមានលក្ខណ:ងាយស្រួលជាងការដែលឲ្យក្រុមហ៊ុន ក្នុងស្រុករបស់កម្ពុជា ជាអ្នកប្រមូលទិញឲ្យ។
គួររម្លឹកថាលោកនាយករដ្ឋមន្ត្រីលោកហ៊ុន សែនធ្លាប់មានប្រសាសន៍ថាកម្ពុជានឹងសម្រេចគោលដៅក្នុងការនាំអង្ករចេញឲ្យបាន១លានតោនក្នុងឆ្នាំ២០១៥។
CHHAM PRASITH IS THE ONE of the greatest corrupters in cambodia
he placed his family in important positions we must eliminate at all costs