អ្នកដែលមានជំងឺបេះដូង atrial fibrillation ដែលជាជំងឺនៃចង្វាក់បេះដូងនោះ បានប្រុងប្រៀបខ្ពស់នៃ ការផ្សារភ្ជាប់គ្នារវាងបញ្ហារបស់ពួកគេ និងការកើនឡើងហានិភ័យនៃជំងឺដាច់សរសៃឈាមខួរក្បាល។នេះបើយោងតាមការស្រាវជ្រាវថ្មីមួយ។
ប្រភព ៖ Health.com.kh
Monday 10 September 2012
សារព័ត៌មានសេរី
ជំងឺបេះដូង atrial fibrillation គឺជាការលោតមិនប្រក្រតីនៃបេះដូងដែលប៉ះពាល់លើមនុស្សប្រហែល២,៧លាននាក់នៅក្នុងសហរដ្ឋអាមេរិក។
។ការស្រាវជ្រាវលើមនុស្សជាង៥០០នាក់ដែលមានជំងឺបេះដូង atrial fibrillation បានរកឃើញថា ពាក់កណ្តាលនៃពួកគេមិនបានប្រុងប្រៀបដែលថាពួកគេនឹងមានការកើនឡើងហានិភ័យនៃជំងឺដាច់សរសៃឈាមខួរក្បាលនោះទេ។ ប៉ុន្តែសមាគមជំងឺបេះដូងអាមេរិកថ្មីៗនេះបានរកឃើញថា ៦៤%នៃអ្នកដែលមានបញ្ហាបេះដូងនេះបានដឹងអំពីកម្រិតនៃការកើនឡើងហានិភ័យនៃជំងឺដាច់សរសៃឈាមខួរក្បាលនេះ។
វេជ្ជបណ្ឌិត ផាទ្រីក អេលលីណឺរ (Patrick Ellinor) ជាសាស្ត្រាចារ្យរងនៅសាលាវេជ្ជសាស្ត្រ ហាវាដ និងគ្រូពេទ្យឯកទេសជំងឺបេះដូងនៅមន្ទីរពេទ្យ Massachusetts General ក្នុងទីក្រុងប៊ុស្តុនបាននិយាយថា ភាពប្រុងប្រយ័ត្ននេះគឺជាជំហានប្រសើរក្នុងទិសដៅមួយដ៏ត្រឹមត្រូវ។
អេលលីណឺរបានបន្ថែមថា សមាគមជំងឺបេះដូងអាមេរិកបានធ្វើការដើម្បីផ្តល់ការណែនាំទៅបុគ្គលិកសុខាភិបាល, អ្នកជំងឺ និងអ្នកថែទាំអោយដឹងពីសំភារៈដែលត្រូវប្រើប្រាស់ និងប្រភពដែលពួកគេត្រូវការយ៉ាងចាំបាច់នោះ។
ការស្រាវជ្រាវនៅក្នុងឆ្នាំ២០១២នេះបានរកឃើញថា ៨២%នៃអ្នកឆ្លើយសំណួរជឿថា ការមានបញ្ហាបេះដូងប្រភេទ atrial fibrillation បង្កើនហានិភ័យនៃជំងឺដាច់សរសៃឈាមខួរក្បាល បើធៀបទៅនឹងការស្រាវជ្រាវក្នុងឆ្នាំ២០១១មានតែ៧៥%ប៉ុណ្ណោះ។ ការស្រាវជ្រាវថ្មីៗនេះបានរកឃើញថា ២/៣នៃអ្នកជំងឺបានពិភាក្សាហានិភ័យនៃជំងឺដាច់សរសៃឈាមខួរក្បាលរបស់ពួកគេជាមួយនឹងបុគ្គលិកសុខាភិបាល ប៉ុន្តែ១/៣ផ្សេងទៀតត្រូវបានប្រាប់ថាពួកគេគឺមានហានិភ័យខ្ពស់នៃជំងឺដាច់សរសៃឈាមខួរក្បាល៕