ក្រុមគ្រូពេទ្យដែលមានបទពិសោធន៍ខាងជំងឺទូទៅឯកទេសខាងការវះកាត់ និងព្យាបាលភ្នែក ព្រមទាំងអ្នកជំនាញខាងចាក់ថ្នាំស្ពឺក និងគិលានុប្បដ្ឋាក-គិលានុប្បដ្ឋាយិកា របស់អង្គការ Cambodia Vision ពីប្រទេសអូស្រ្តាលី នឹងមកធ្វើការព្យាបាលជូនប្រជាពលរដ្ឋខ្មែរនៅក្នុងមន្ទីរពេទ្យបង្អែកខេត្តកំពង់ស្ពឺ ចាប់ពីថ្ងៃទី១៤ រហូតដល់ថ្ងៃទី២០ ខែតុលា ឆ្នាំ២០១២។
Thursday 04 October 2012
The Free Press Magazine
តាមសេចក្តីប្រកាសព័ត៌មាន អ្នកជំងឺដែលមានសិទ្ធិទទួលការព្យាបាលនោះ នឹងត្រូវទទួលបាននូវសេវាដោយឥតគិតថ្លៃដូចជា ៖ ១.ការព្យាបាលជំងឺដោយក្រុមគ្រូពេទ្យអូស្រ្តាលីមានជំនាញ, ២.វ៉ែនតាសម្រាប់មីញ៉ូប សរុបចំនួន១៥០០គូ, ៣.វ៉ែនតាការពារពន្លឺថ្ងៃសរុបចំនួន៣០០០គូ, ៤.ឧបករណ៍សម្រាប់ពាក់ក្នុងត្រចៀកសម្រាប់ភាពថ្លង់ចំនួនសរុប ១០០០សម្រាប់ចែកចាយ។
ដោយឡែកចំពោះអ្នកជំងឺដែលនឹងទទួលការវះកាត់ភ្នែកឡើងបាយ នឹងទទួលបានដោយឥតគិតថ្លៃនូវ ៖ ១.ថ្នាំផ្សះបន្តក់ភ្នែក, ២.ថ្នាំបន្តក់សម្រាប់ការរលាកភ្នែក, ៣.ថ្នាំបំបាត់ការឈឺចាប់១០០គ្រាប់, ៤.ក្រដាសអនាម័យជូតភ្នែក, ៥.ក្បាំងពាក់ការពារភ្នែក, ៦.វ៉ែនតាការពារពន្លឺថ្ងៃ១គូ និង ៧.ប្រាក់ចំនួន២ម៉ឺនរៀលសម្រាប់ថ្លៃធ្វើដំណើរទៅផ្ទះក្រោយការព្យាបាល។
ជាមួយគ្នានេះ ទាំងអ្នកជំងឺ និងអ្នកមកជួយមើលថែទាំងអ្នកជំងឺ នឹងបានទទួលផងដែរនូវការជូនអាហារចំនួន២ពេលក្នុងមួយថ្ងៃ និងកន្លែងស្នាក់នៅក្នុងមន្ទីរពេទ្យ ខណៈរង់ចាំការព្យាបាល៕
very generous doctors, we are appreciated u very much