ភ្នំពេញៈ តារាចម្រៀងដែលមិនសូវពឹងការរកប្រាក់ក្នុងស្រុកនាង អ៊ុន អាលីហ្សា បានសម្តែងភាពស្និទ្ធស្នាលយ៉ាងចម្លែកខុសពីធម្មតាជាមួយនឹងតារា ចម្រៀង និងជាអ្នកនិពន្ធបទភ្លេងលោក សុខ រក្សា ខណៈពួកគេកំពុងស្ថិតនៅលើទឹកដីអូស្ត្រាលីជាមួយគ្នាក្នុងដំណើរ ចេញរកប្រាក់ឯនាយសមុទ្រ។
Thursday, 11 October 2012
សេត គឹមសឿន
ភ្នំពេញ ប៉ុស្តិ៍
តារាចម្រៀងនាង អ៊ុន អាលីហ្សា និង សុខ រក្សា កំពុងសម្តែងភាពផ្អែមល្ហែមក្នុងចម្ការស្តប័រី។ រូបថត សហការី
គេបានដឹងថា តារាចម្រៀងដែលមានប្រភពចេញមកពីតារាចម្រៀងរាត្រីភោជនីយដ្ឋាន រាត្រីក្រោយក្រសួងទេសចរណ៍ចាស់ នាង អ៊ុន អាលីហ្សា មានអ្នកគ្រងបេះដូងរួចទៅហើយ ជាមួយនឹងលោក ដានី ម្ចាស់ហាងកាហ្វេអីមប្រេស៍ជាប់របងសភាចាស់ ហើយពួកគេក៏គ្រោងនឹងបញ្ចប់ពាក្យចចាមអារ៉ាមស្នេហាផ្សេងៗតាមរយៈ ការដឹកដៃគ្នាចូលរោងការនៅពេលខាងមុខដ៏ខ្លីនេះផងដែរ។
ដោយ ឡែកតារាចម្រៀងដែលដើរផ្សងព្រេងពីខេត្តបាត់ដំបងមកស្វែងរកអនាគត នៅទីក្រុងលោក សុខ រក្សា ក៏គេដឹងផងដែរថា លោកមានគូជីវិតរួចហើយដែរ ប៉ុន្តែកាយវិការស្និទ្ធស្នាលដ៏ចម្លែករបស់លោក និង អាលីហ្សា បានធ្វើឲ្យមហាជនភ្ញាក់ផ្អើលយ៉ាងខ្លាំង សូម្បីតែអ្នករស់នៅប្រទេសអូស្ត្រាលីក៏មានការងឿងឆ្ងល់មិនតិចដែរ ។
អ្នករស់នៅទីក្រុងស៊ីដនីម្នាក់បាននិយាយក្នុងនាមជាអ្នក គាំទ្រថា បងប្អូនខ្មែរដែលរស់នៅអូស្ត្រាលីបានសម្តែងការគាំទ្រគ្រប់ៗ គ្នាដល់ក្រុមតារាចម្រៀង អាលីហ្សា និងសុខ រក្សា ហើយពួកគេបានសម្តែងភាពល្អូកល្អិននឹងគ្នាយ៉ាងខ្លាំង តែនោះប្រហែលគ្រាន់តែជាការងារសិល្បៈរបស់ពួកគេតែប៉ុណ្ណោះ។
អ្នក ស្រីដែលសុំមិនបញ្ចេញឈ្មោះរូបនោះបាននិយាយថា៖«ពួកគេទទួលបាន ការគាំទ្រច្រើនស្ទើរគ្រប់ក្រុង ហើយក្រៅពីច្រៀងនៅចុងសប្តាហ៍ពួកគេក៏ឆ្លៀតពេលទៅដើរលេង និងសួរសុខទុក្ខបងប្អូនខ្មែរនៅតំបន់នានារួមគ្នាផងដែរ។ ពួកគេស្និទ្ធស្នាលនឹងគ្នាមែន ប៉ុន្តែខ្ញុំគិតថា ពួកគេគ្រាន់តែជាមិត្តភក្តិរួមអាជីពតែប៉ុណ្ណោះទេមើលទៅ!»។
គួរ រំឭកថា មុនពេលចាប់អាជីពសិល្បៈ សុខ រក្សាបានឈប់សិក្សានៅឆ្នាំ១៩៩៨ ត្រឹមថ្នាក់ទី៩ដោយសារតែគ្រួសាររបស់ខ្លួនជួបការលំបាកពេក។ ក្រោយមក សុខ រក្សា ក៏បែរមករកអាជីពសិល្បៈជាមួយនឹងការចាប់ផ្តើមរៀនលេងហ្គីតាបណ្តើរ ឆ្លៀតពេលទៅលក់ស្ករគ្រាប់ អំពៅសាង និងលក់ដូរជាច្រើនមុខផ្សេងទៀត ដើម្បីរកប្រាក់ជួយគ្រួសារ។ ជាមួយឧបនិស្ស័យសិល្បៈ សុខ រក្សា ត្រូវម្ចាស់ផលិតកម្មខេមប្រូទាក់ទងឱ្យចូលច្រៀង បន្ទាប់មកនិពន្ធបទភ្លេង និងច្រៀងនៅរស្មីហង្សមាស ហើយពេលនេះលោកកំពុងកាក់កបនៅផលិតកម្មសាន់ដេ។
ដោយឡែក អ៊ុន អាលីហ្សា វិញ ក៏ឆ្លងកាត់ការលំបាកមិនតិចដែរទម្រាំនាងមានថ្ងៃនេះ។ នាងធ្លាប់ជាអ្នកច្រៀងតាមភោជនីយដ្ឋានតូចធំមួយចំនួនមុននឹងមាន ឈ្មោះល្បីនៅពេលនេះ។ មុននឹងនាងផ្តើមទំនាក់ទំនងស្នេហាជាមួយនឹងលោក ដេនី នាងបានជួបស្នេហាមិនសមបំណងរួចម្តងមកហើយជាមួយនឹងតារាចម្រៀង សេន រ៉ានុត៕
Who That need me can call my number 016756595!
1 time just 10$ te ….
Foolish man. haz ha.