កណ្តាលៈ លោក ជា ព្រហ្មពេជ្រ ដែលវិវឌ្ឍខ្លួនពីអ្នកនិយាយកំប្លែងមកជាពិធីករក្នុងកម្មវិធី កំប្លែងរបស់ស្ថានីយទូរទស្សន៍ប៉ុស្តិ៍៩បានទទួលមរណភាពគួរឲ្យ សោកស្តាយក្នុងរយៈពេលមួយដ៏ខ្លីកាលពីថ្ងៃទី៩ខែតុលា ក្រោយពេលលោកធ្លាក់ខ្លួនមានជំងឺនោះ។
Thursday, 11 October 2012
សេត គឹមសឿន
ភ្នំពេញ ប៉ុស្តិ៍
ជារៀងរាល់រាត្រីមុនពេល នឹងការចាក់ផ្សាយខ្សែភាពយន្តនៅលើកញ្ចក់ទូរទស្សន៍ប៉ុស្តិ៍លេខ៩ ទស្សនិកជនតែងទទួលបានអារម្មណ៍សប្បាយរីករាយជាមួយនឹងការ សម្ភាសអ្នកមានភាពប៉ិនប្រសប់និយាយរឿងកំប្លែង ហើយក្នុងនោះអ្វីដែលកាន់តែផ្ទុះសំណើចខ្លាំងឡើងនោះ គឺការនិយាយរឿងកំប្លែងដ៏ប៉ិនប្រសប់របស់ពិធីករស្បែកខ្មៅមាឌធំ ក្រអាញលោក ជា ព្រហ្មពេជ្រ ។
ដំបូងឡើយ លោក ជា ព្រហ្មពេជ្រ ក៏ជាអ្នកនិយាយរឿងកំប្លែង១រូបផងដែរ តែដោយសារលោកមានទេពកោសល្យពិសេសជាងគេ ទើបលោកមានឱកាសបានក្លាយជាពិធីករនៅក្នុងកម្មវិធី «៩នាទីនៃសំណើច» របស់ស្ថានីយទូរទស្សន៍ប៉ុស្តិ៍លេខ៩នោះតែម្តង តែនៅពេលនេះ លោកលែងមានឱកាសនិយាយរឿងកំប្លែងឲ្យទូរទស្សនិកជនស្តាប់ទៀតហើយ។
លោក សម រដ្ឋា អគ្គនាយករងទូរទស្សន៍ប៉ុស្តិ៍លេខ៩ បានឲ្យដឹងថា លោក ជា ព្រហ្មពេជ្រ បានទទួលមរណភាពទៅហើយកាលពីថ្ងៃទី៩ ខែតុលា ឆ្នាំ២០១២ ដោយសារលោកមានជំងឺរលាកតម្រងនោម និងទល់លាមក ហើយទើបឈឺត្រឹមតែ១សបា្ដហ៍តែប៉ុណ្ណោះ។
លោកបាននិយាយថា៖ «បាទលោក ព្រហ្មពេជ្រ បានស្លាប់កាលពីម្សិលមិញ(ថ្ងៃទី៩ ខែតុលា) ដោយសារជំងឺ មិនមែនដោយសារបញ្ហាអ្វីផ្សេងនោះឡើយ»។ លោកបានបន្តថា៖«លោក ព្រហ្មពេជ្រ ទើបតែឈឺកាលពីជាង១សប្តាហ៍នេះប៉ុណ្ណោះ ហើយមុននេះលោកធ្វើការធម្មតា ក្រោយឈឺតែមួយសប្តាហ៍គាត់ក៏បានស្លាប់ពីម្សិលមិញនេះតែម្តងទៅ …»។
ពិធីករមានទេពកោសល្យកំប្លែង និងវោហារលោក ព្រហ្មពេជ្រ បានទទួលមរណភាពនៅពេលក្រុមគ្រួសាររបស់លោកបានដឹកចេញពីមន្ទីរ ពេទ្យឯកជនបាយ័នទៅមន្ទីរពេទ្យកាល់ម៉ែត តែជាអកុសលលោកក៏បានដាច់ខ្យល់ស្លាប់តាមផ្លូវទៅកាន់មន្ទីរពេទ្យ តែម្ដង។
អ្នកនិយាយរឿងកំប្លែង ជា ព្រហ្មពេជ្រ ហៅតាពេជ្រ បានទទួលមរណភាពនៅ វេលាម៉ោង៦និង៤០នាទីល្ងាច ថ្ងៃទី៩ ខែ តុលា ឆ្នាំ២០១២ ក្នុងអាយុ៤៨ឆ្នាំ ។ លោកមានប្រពន្ធឈ្មោះ រស់ បូសានី អាយុ៤៦ឆ្នាំ មានកូន៣នាក់ប្រុស១ស្រី២ ។ ក្រៅពីការងារជាពិធីករនៅប៉ុស្តិ៍លេខ៩ លោកព្រហ្មពេជ្រ មានមុខងារជានាយរងការិយាល័យលេខាធិការដ្ឋាន អង្គភាពទីចាត់ការបំភ័ន្ដអក្ខរនៃអគ្គបញ្ជាការដ្ឋានកងយោធពលខេមរ ភូមិន្ទ និងមានឋានន្ដរស័ក្ដិវរសេនីយ៍ទោ គាត់បានចូលបម្រើការងារនៅឆ្នាំ១៩៧៩ ហើយបានរៀបការនៅឆ្នាំ១៩៩៣ ។
លោក ជា ព្រហ្មពេជ្រ កើតក្នុងឆ្នាំ ១៩៦៤ នៅសង្កាត់ច្បារអំពៅ រាជធានី ភ្នំពេញ សព្វថ្ងៃរស់នៅភូមិព្រៃព្រីងខាងត្បូង សង្កាត់ចោមចៅ ខណ្ឌពោធិ៍សែនជ័យ ។ កាលពីឆ្នាំ១៩៨៨ លោកបាន ប្រឡងចម្រៀងនៅទូរទស្សន៍ជាតិកម្ពុជា ហើយបានជាប់ចំណាត់ថ្នាក់លេខ២ផងដែរ ។
ជាមួយ នឹងភាពកំប្លុកកំប្លែងមិនចេះរីងស្ងួតបែបនេះ លោក ព្រហ្មពេជ្រ ក៏ជាតារាកំប្លែងមួយរូបផងដែរ ហើយក្រៅពីនោះលោកក៏ជាតារាចម្រៀងប្រចាំភោជនីយដ្ឋានសប្បាយ សប្បាយរាត្រីទៀតផង។
ទស្សនិកជនបាននិយាយថា ការទទួលមរណភាពរបស់លោក ព្រហ្មពេជ្រ ចាត់ទុកជាការបាត់បង់សិល្បករវោហារបែបកំប្លែងមួយដ៏កម្រក្នុង រង្វង់សិល្បករខ្មែរ។
លោក សម រដ្ឋា បានឲ្យដឹងថា ពិធីបុណ្យសពលោក ជា ព្រហ្មពេជ្រ នឹងធ្វើពិធីបូជាបញ្ចប់នៅថ្ងៃនេះតែម្តងនៅគេហដ្ឋានរបស់លោកតាម បណ្តោយផ្លួវជាតិលេខ៣ សង្កាត់ចោមចៅ៕
សូមព្រលឹងលោកសោយសុខក្នុងសុគតិភពផង ហើយកំុភ្លេចឆាបយកជីវិតអាជនពាល អាJML & Cheath ទៅជាមួយផង
វាជាឧទាហរណ៍មួយសំរាប់ អ្នកបំរើការ អ្នកចំរៀងឬនារី តាមហាង,បៀរហ្គាដិន តើយើងដឹងទេ ក្នុងមួយយប់ៗគាត់ពិសារស្រាបៀ ឬស្រា,អស់ប៉ុន្មាន គាត់មិនចង់ក៏ត្រូវតែចង់ នៅពេលភ្ញៀវហុចឱយ នេះជាមូលហេតុនៃសុខភាពឆាប់ទ្រុឌទ្រោមពិសេស ក្រពះ និងថ្លើម សូមប្អូនៗប្រយត័្នបញ្ហានេះ។ ឥឡូវម្នាក់ទៀតហើយគឺលោក ឱក ឆុន ដែលជាអ្នកចំរៀងប្រចាំភោជនីយដ្ឋាន ម្លប់តាសេក នោះក៏ទទួលមរណភាពប្រហាក់ប្រហែលលោក ពេជ្រ ដែរ ដែលមួយយប់ៗគាត់ពិសារស្រាបៀរអស់ជាច្រើន។សូមឱយវិញ្ញាណអ្នកទាំងពីរទៅកាន់សុខតិភព ផងចុះ។
Who That need me can call my number 016756595!
1 time just 10$ te ….
ស្រីថោក ខ្ពើមណាស់!