ភ្នំពេញ: រហូតមកដល់ព្រឹកថ្ងៃទី១៩ ខែតុលា ឆ្នាំ២០១២ មានមហាជនកាន់តែច្រើនឡើងៗ បានធ្វើដំណើរជាបន្តបន្ទាប់មកកាន់មុខព្រះបរមរាជវាំង ដើម្បីគោរពព្រះវិញ្ញាណក្ខន្ធព្រះមហាវីរក្សត្រ សម្តេចតា សម្តេចព្រះ នរោត្តម សីហនុ។
ថ្ងៃទី 19 តុលា 2012
ដោយ: លី សិលា
CEN
ប្រជាពលរដ្ឋមកពីគ្រប់ទិសទី ចូលរួមអុជទៀនធូប ថ្វាយផ្កា ឧទ្ទិសដល់ព្រះវិញ្ញាណក្ខន្ធសម្តេចព្រះមហាវីរក្សត្រ សម្តេចព្រះ នរោត្តម សីហនុ នៅមុខព្រះបរមរាជវាំង ចាប់ពីរសៀលថ្ងៃទី១៥ ខែតុលា ឆ្នាំ២០១២ នៅពេលទទួល ដំណឹងពីការយាងចូលព្រះទិវង្គតរបស់ព្រះអង្គ
ផ្លូវនានាជុំវិញព្រះបរមរាជវាំង ត្រូវបានបិទ។ រីឯចរាចរលើដងផ្លូវជិតៗព្រះបរមរាជវាំង បានកកុញច្រើនជាងសព្វដង។ ប៉ូលិសក៏បានមមាញឹកនឹងសំរួលចរាចរណ៍ នៅជុំវិញព្រះបរមរាជវាំង។ អ្នកថ្មើរជើង បូករួមទាំងអ្នកទេសចរបរទេសផង ត្រូវបានអនុញ្ញាតឲ្យដើរទៅកាន់មុខព្រះបរមរាជវាំងជាធម្មតា។
មហាជនខ្មែរទាំងស្រី ទាំងប្រុស ក្មេងចាស់ រហូតដល់ព្រឹកថ្ងៃសុក្រនេះ បន្តអុជទៀនធូប សំពះប្រណម ថ្វាយផ្កា ឧទ្ទិសថ្វាយព្រះបរមសពសម្តេចតា សម្តេចតាទួត ព្រះមហាវីរក្សត្រ នៅមុខព្រះបរមរាជវាំង។ វិនិយោគកថា ក៏ត្រូវបានមហាជនសរសេរក្នុងសៀវភៅក្រាំងមាស ជាច្រើនក្បាលនៅមុខព្រះបរមរាជវាំង លាយឡំនឹងការសូត្រធម៌ និងសម្រែកយំទួញសោក នឹកស្រណោះដល់វីរភាពរបស់ព្រះករុណា។
ដោយឡែកមន្ត្រីរាជការ ស្ថាប័នក្រសួង ព្រមទាំងអ្នកអង្គទូតនានា ក៏បានដង្ហែជាក្បួនឡានបើកសន្សឹមៗ ចូលទៅកាន់ព្រះបរមរាជវាំង ដើម្បីចូលរួមគោរពព្រះវិញ្ញាណក្ខន្ធសម្តេចព្រះមហាវីរក្សត្រ នៅព្រឹកថ្ងៃសុក្រ ទី១៩តុលាផងដែរ។
មហាជន នឹងត្រូវគេអនុញ្ញាតឲ្យចូលគោរពព្រះបរមសពសម្តេចព្រះមហាវីរក្សត្រ ដោយផ្ទាល់ នៅប្រាសាទព្រះទេវាវិនិច្ឆ័យ ចាប់ពីថ្ងៃទី២៣តុលា ឆ្នាំ២០១២។ គឺបន្ទាប់ពីពិធីកាន់ទុក្ខជាផ្លូវការរយៈពេល ៧ ថ្ងៃ ត្រូវបានបញ្ចប់នៅថ្ងៃទី២៣តុលា។
នៅរសៀលថ្ងៃទី១៩តុលា ឆ្នាំ២០១២ ចាប់ពីម៉ោង ១ រសៀលទៅ នាយករដ្ឋមន្ត្រីថៃ វៀតណាម និងឡាវ នឹងធ្វើដំណើរជាបន្តបន្ទាប់ ដើម្បីមកគោរពព្រះវិញ្ញាណក្ខន្ធសម្តេចព្រះមហាវីរក្សត្រ ដោយផ្ទាល់នៅក្នុងព្រះបរមរាជវាំង។
សូមរម្លឹកថា កម្មវិធីគោរពព្រះវិញ្ញាណក្ខន្ធព្រះបរមសពសម្តេចព្រះមហាវីរក្សត្រ សម្តេចព្រះ នរោត្តម សីហនុ បានចាប់ផ្តើមជាផ្លូវការ កាលពីរសៀលថ្ងៃព្រហស្បតិ៍ ទី១៨ ខែតុលា ឆ្នាំ២០១២។
ផ្តើមដំបូង គឺស្ថាប័ន រដ្ឋាភិបាល រដ្ឋសភា និងស្ថាប័នកាកបាទក្រហមកម្ពុជា ជាដើម បានដង្ហែកម្រងផ្កា ចូលគោរពព្រះវិញ្ញាណក្ខន្ធសម្តេចព្រះមហាវីរក្សត្រ សម្តេចព្រះ នរោត្តម សីហនុ នៅក្នុងព្រះបរមរាជវាំង។
ព្រះបរមសពសម្តេចព្រះមហាវីរក្សត្រ ត្រូវបានដង្ហែពីទីក្រុងប៉េកាំង ប្រទេសចិន មកដល់ព្រះបរមរាជវាំង កាលពីរសៀលថ្ងៃទី១៧ ខែតុលា ឆ្នាំ២០១២។ រដ្ឋាភិបាល បានប្រកាសដាក់ប្រទេសកម្ពុជា ក្នុងការកាន់ទុក្ខថ្វាយព្រះបរមសពព្រះមហាវីរក្សត្រ រយៈពេលមួយសប្តាហ៍ ចាប់ពីថ្ងៃទី១៧តុលា។
ចាប់តាំងពីរសៀលថ្ងៃទី១៥ ខែតុលា ឆ្នាំ២០១២ មហាជន បានប្រមូលផ្តុំ អុជទៀនធូប និងថ្វាយផ្កាឈូក គោរពព្រះវិញ្ញាណក្ខន្ធសម្តេចព្រះមហាវីរក្សត្រ នៅមុខព្រះបរមរាជវាំង ដោយមានសម្រែកយំទួញសោក ដោយក្តីអាឡោះអាល័យក្រៃលែង៕ S
ពិតជា ព្រះអង្គជាមហាក្សត្រដែលមានឋានានុក្រមខ្ពស់ ជាង រាស្រ្ត ធម្មតា មែន សូម្បីតែ
សោយទីវង្គត ក៏សោយនៅក្នុងកោដិមាសដ៏ភ្លឺចិញ្ចាចចិញ្ចែងដែរ ហើយ និង មាន រាស្រ្តរាប់ម៉ឺននាក់
ដែលពួកគាត់នៅតែជឿជាក់ថា ព្រះ អង្គ ពិត ជា ស្តេចល្អឥត ខ្ចោះនោះ ?
បងប្អូនបានមកចូលរួមរំលែកទុក្ខនេះដែរ ។ គិតទៅវាសនា ស្តេច ពិត ខ្ពស់ត្រដែត ខុស ពី
ប្រជារាស្រ្ត រាប់លាន ដែលបានបាត់ជីវិត ព្រោះ តែ ជឿ និងមានស្វាមីភក្តិ ចំពោះព្រះអង្គមែន។
រាស្រ្តខ្មែរដែលគ្នាបាត់បង់ជីវិតទៅទាំងនោះ កុំថាឡើយមានសំណាង ត្រិមតែធ្វើបុណ្យ
អោយបានត្រិមត្រូវពីសាច់ញាតិរបស់គេ សូម្បីតែសាកសព ខ្លះក៏មិនដឹងថានៅទីណា
ខ្លះក៏ត្រូវគេកប់ ឬ ទុកចោលដូច សត្វ
ដែរ។ សួរ ថា តើប្រជារាស្រ្តខ្មែរ មិនមែនជាមនុស្ស ទេ ឬ យ៉ាង ណា ? បាន ជា
មេដឹកនាំខ្មែរគ្រប់រូប
មិនថា
ជា រាស្រ្ត ឬ ស្តេចទេ ចូលចិត្ត យក ជីវិត រាស្រ្តស្លូតត្រង់ មកដាក់ ក្នុង ល្បែង នយោបាយដ៏
មហាសែន ឆ្គូត លីលា នេះ ?
លោក-អ្នកលេង-ពិតជាត្រឹមត្រ្វវនេះជាក្តីពិតៗ-សុំស្របទាំងស្រុក.
កុំប្រកាន់កូនខ្ញុំ វាឆ្កួតទេ! វាឆ្កួតតាំងពីកំណើតម៉្លេះ!
Neak Leng, I think you better leave here before we kick your ass!
កុំប្រកាន់វាអីអានឹងលប់ម៉ាដងម៉ាដងចឹងទាល់តែដាក់ក្បាលវាមួយស្បែកជើងបានវាដឹងខ្លូន
អានឹងឆ្កួតម៉ាដងម៉ាដងចឹង