ភ្នំពេញ: នៅពេលបាយថ្ងៃត្រង់ កាលពីថ្ងៃសៅរ៍ ទី២០ ខែតុលា ឆ្នាំ២០១២ នៅមុខព្រះបរមរាជវាំង មហាជន ទាំងក្មេង និងទាំងចាស់ ក្រៅពីចូលរួមគោរពព្រះវិញ្ញាណក្ខន្ធសម្តេចព្រះមហាវីរក្សត្រ សម្តេចព្រះ នរោត្តម សីហនុ អ្នកទាំងនោះ ក៏បានរួមគ្នា ធ្វើបាយម្ហូបអាហារ ខ្ចប់ ជាកញ្ចប់ នំប៉័ង នំសាំងវិច និងទឹកបរិសុទ្ធ ជាដើម ដើម្បីចែកជូនអ្នកចូលរួមគោរពព្រះវិញ្ញាណក្ខន្ធព្រះមហាវីរក្សត្រ។
ថ្ងៃទី 20 តុលា 2012
ដោយ: លី សិលា
CEN
យុវជនស្ម័គ្រចិត្ត ដែលជាក្រុមបណ្តាញហ្វេសប៊ុក កំពុងចែកជូនទឹកសុទ្ធ ដោយឥតគិតថ្លៃ កាលពីព្រឹកថ្ងៃទី២០ ខែតុលា ឆ្នាំ២០១២ នៅមុខព្រះបរមរាជវាំង
នៅថ្ងៃទី៤ នៃថ្ងៃកាន់ព្រះមរណទុក្ខរបស់សម្តេចព្រះមហាវីរក្សត្រ នៅថ្ងៃទី២០ ខែតុលា ឆ្នាំ២០១២ នៅមុខព្រះបរមរាជវាំង មានមហាជនកាន់តែច្រើនឡើង ដែលមានទឹកចិត្តស្រលាញ់ គោរពអតីតព្រះមហាក្សត្រ មិនត្រឹមតែមកគោរពព្រះវិញ្ញាណក្ខន្ធព្រះអង្គទេ ប៉ុន្តែថែមទាំងបាននាំមកនូវបាយកញ្ចប់ នំប៉័ង នំសាំងវិច ទឹកក្រូច និងទឹកបរិសុទ្ធ ជាដើម ចែកជូនដល់មហាជនចាស់ក្មេង ដែលបានកកុញ នៅមុខព្រះបរមរាជវាំង សំដែងទុក្ខសោកចំពោះការយាងចូលទិវង្គតរបស់សម្តេចព្រះ នរោត្តម សីហនុ។
កំពុងតែចែកជូន ដោយឥតគិតថ្លៃនូវបាយ និងទឹកសុទ្ធ នៅមុខព្រះបរមរាជវាំង យុវជន ហង្ស ហុង អាយុ ២៥ ឆ្នាំ បានឲ្យដឹងថា “យើងចូលគ្នា ជាសាមគ្គី។ នៅខាងទំនប់ទួលគោក ខាងបឹងសាយ៉ាប នៅភ្នំពេញនេះ។ អ្នកកាត់ដេរ បានចូលរួមគ្នា។ យើងចូលលុយគ្នា ម្នាក់បន្តិចបន្តួចហើយ យើងធ្វើជាម្ហូបអាហារ ខ្ចប់ យកមកជូនយាយៗ និងតាៗ នៅមុខវាំងនេះ។ យើងក៏មកទីនេះ ដើម្បីចូលរួម កាន់រំលែកមរណទុក្ខសម្តេចតាដែរ។ ខ្ញុំមានការស្រលាញ់ និងគោរពសម្តេចតា ខ្លាំងណាស់។ គាត់ជាព្រះបិតាឯករាជ្យ បូរណភាពទឹកដី។ ថ្ងៃនេះ ពួកខ្ញុំយកបាយសាច់ជ្រូក ២០០ កញ្ចប់ និងទឹកសុទ្ធ។ ខ្ញុំមកពីម្សិលមិញម្តងហើយ ហើយថ្ងៃនេះ ជាលើកទី២ និងបន្តទៅថ្ងៃស្អែក និងថ្ងៃខានស្អែកបន្តទៀត”។
ចំនួនអ្នកដែលមានសទ្ធា ធ្វើបាយកញ្ចប់ ក៏ដូចជា សកម្មភាពនៃការចែកជូនទឹកសុទ្ធ នៅមុខព្រះបរមរាជវាំង បានកើនឡើងពីមួយថ្ងៃទៅមួយថ្ងៃ ដែលធ្វើឡើងតាមលក្ខណៈគ្រួសារ មិត្តភ័ក្ត្រ និងបណ្តាស្ថាប័ននានា។
ការធ្វើបាយម្ហូប នំចំណី និងទឹកសុទ្ធ សម្រាប់ចែកជូនអ្នកចូលរួមគោរពព្រះបរមសពព្រះមហាវីរក្សត្រ នៅមុខវាំង ក៏បានក្រុមយុវជន ដែលជាអ្នកលែង facebook រួមទាំងសិស្សសាលាផងដែរ។
មានអាយុ ៣៧ ឆ្នាំ អ្នកស្រី ណារ័ត្ន អ្នករស់នៅភ្នំពេញ ដែលកំពុងចែកជូនបាយកញ្ចប់ និងទឹកសុទ្ធ ដល់យាយជី នៅមុខវាំង កាលពីថ្ងៃសៅរ៍ ទី២០តុលា ឆ្នាំ២០១២ បានឲ្យដឹងថា “ខ្ញុំយកម្ហូបអាហារ និងទឹក មកជូនយាយៗ នៅមុខវាំង។ ខ្ញុំធ្វើបាយ ២០០ កញ្ចប់ និងទឹក ១០០ យួរ។ ខ្ញុំធ្វើ ដោយខ្លួនឯង ដើម្បីយកមកចែកជូនអ្នកដែលមកគោរពព្រះវិញ្ញាក្ខន្ធសម្តេចតា នៅទីនេះ។ ខ្ញុំសូមឧទ្ទិសកុសល ជូនដល់សម្តេចតា ដែលបានសោយទិវង្គត ឲ្យបានទៅកាន់ព្រះបរមសុខ ដើម្បីជួយថែរក្សាកូនចៅ ឲ្យបានជួបប្រទះតែនឹងសេចក្តីសុខគ្រប់ៗគ្នា”។
អ្នកស្រី ណារ័ត្ន បានបន្ថែមថា “ខ្ញុំចែកអីចឹងរហូត តាំងពីថ្ងៃដង្ហែព្រះបរមសពសម្តេចតា មកកាន់ព្រះបរមរាជវាំង កាលពីថ្ងៃទី១៧តុលា។ ខ្ញុំក៏ខំធ្វើបុណ្យដូច្នេះ ដើម្បីឧទ្ទិសកុសលផលបុណ្យ ថ្វាយដល់សម្តេចតា ដែលបានចូលព្រះទិវង្គត”។
យុវតី សុខា អាយុ ១៨ ឆ្នាំ ជានិស្សិត នៅវិទ្យាស្ថានអប់រំកម្ពុជា ក្នុងទីក្រុងភ្នំពេញ រួមជាមួយមិត្តរួមថ្នាក់ បានកាន់ថង់នំប៉័ង និងទឹកបរិសុទ្ធ ចែកជូនដល់អ្នកចូលរួមគោរពព្រះវិញ្ញាក្ខន្ធសម្តេចព្រះមហាវីរក្សត្រ នៅមុខព្រះបរមរាជវាំង កាលពីព្រឹកថ្ងៃសៅរ៍ ទី២០ ខែតុលា ឆ្នាំ២០១២។
ក្រោមកំដៅថ្ងៃ ពេលបាយថ្ងៃត្រង់ សុខា បានឲ្យដឹងថា “ពួកខ្ញុំ មានបំណងធ្វើបុណ្យដល់មនុស្សចាស់ ព្រោះអី គាត់មកពីឆ្ងាយ គាត់អត់មានអីហូបទេ។ ពេលខ្លះ គាត់នៅមុខវាំងនេះ មួយថ្ងៃវល់ល្ងាច។ គាត់មកពីឆ្ងាយ ដោយត្រូវចំណាយសាហ៊ុយច្រើន។ អីចឹងហើយ បានជាយើងខ្ញុំ ជាមិត្តរួមថ្នាក់ទាំងអស់គ្នា រៃអង្គាសគ្នា ទិញនំប៉័ង និងទឹកសុទ្ធ យកមកចែកឲ្យគាត់”។
សកម្មភាពចែកបាយទឹក និងនំចំណី ដោយឥតគិតថ្លៃ នៅមុខព្រះបរមរាជវាំង ក្នុងថ្ងៃកាន់ទុក្ខព្រះបរមសពសម្តេចតា សម្តេចព្រះមហាវីរក្សត្រ សបញ្ជាក់ឲ្យឃើញថា មិនគ្រាន់តែបង្ហាញអំពីសន្តានចិត្ត សាមគ្គី ប្រកបដោយសប្បុរសរបស់ប្រជាជនកម្ពុជានោះទេ តែក៏ដើម្បីឧទ្ទិសកុសលផលបុណ្យ ថ្វាយដល់ព្រះករុណា អតីតព្រះមហាក្សត្រកម្ពុជាផងដែរ។
ចាប់តាំងពីរសៀលថ្ងៃ១៥តុលា មហាជនបានប្រមូលផ្តុំ គោរពព្រះវិញ្ញាណក្ខន្ធសម្តេចព្រះមហាវីរក្សត្រ នៅមុខព្រះបរមរាជវាំង ក្រោយពីទទួលដំណឹងព្រះអង្គ យាងចូលទិវង្គត។
នៅបរិវេណមុខវាំង ក្រៅពីបាយទឹក និងនំចំណី ដែលត្រូវបានចែកជូនដោយឥតគិតថ្លៃ ក៏មានបូកាន់មរណទុក្ខព្រះបរមសពសម្តេចព្រះករុណា ត្រូវបានគេចែកជូនមហាជន ដោយឥតគិតថ្លៃ នៅមុខព្រះបរមរាជវាំងផងដែរ។
អាវយឺតស មានព្រះឆាយាលក្ខណ៍សម្តេចព្រះមហាវីរក្សត្រ ក៏ត្រូវបានមូលនិធិបាយ័ន យកទៅចែកជូនដល់មហាជន ដោយឥតគិតថ្លៃផងដែរ កាលពីរសៀលថ្ងៃទី២០ ខែតុលា ឆ្នាំ២០១២។
ដោយឡែកទៀនធូប ផ្កាឈូក ព្រមទាំងរូបថតរបស់ព្រះមហាវីរក្សត្រ ត្រូវបានគេកាន់លក់យ៉ាងច្រើនផងដែរ។ រីឯកម្រងផ្កា តាមតូបលក់ផ្កានានា នៅភ្នំពេញ បូករួមទាំងបូខ្មៅផង ក៏ត្រូវបានគេលក់ដាច់ជាងមុនផងដែរ។
យ៉ាងណាក៏ដោយ រហូតដល់ថ្ងៃសៅរ៍ ទី២០ ខែតុលា ឆ្នាំ២០១២ មហាជន ក៏នៅតែបន្តពាក់បូកាន់ទុក្ខ និងសំដែងទុក្ខសោកសង្រែង ដោយធ្វើដំណើរទៅមុខវាំង ដើម្បីអុជទៀនធូប ថ្វាយផ្កាភ្ញី សំពះ បែបន់ទៅកាន់ព្រះបរមរាជវាំង ដែលមានតាំងព្រះឆាយាលក្ខណ៍របស់ព្រះមហាវីរក្សត្រយ៉ាងធំ។
មហាជនបានឧទ្ទិសថ្វាយដល់ព្រះបរមសព សម្តេចតា ព្រករុណា ព្រះមហាវីរក្សត្រ សម្តេចព្រះ នរោត្តម សីហនុ ដែលបានយាងចូលទិវង្គត កាលពីថ្ងៃទី១៥ ខែតុលា ឆ្នាំ២០១២ នៅមន្ទីរពេទ្យ ទីក្រុងប៉េកាំង ប្រទេសចិន ដោយព្រះជរាពាធ។ ព្រះបរមសពព្រះករុណា ត្រូវបានដង្ហែមកកាន់ព្រះបរមរាជវាំង ក្នុងរាជធានីភ្នំពេញ កាលពីថ្ងៃទី១៧ ខែតុលា ឆ្នាំ២០១២។
តាមស្ថាប័នក្រសួងមន្ទីរនានា ក៏ដូចជាលំនៅដ្ឋានរបស់ប្រជាពលរដ្ឋ ពិសេសនៅភ្នំពេញ ក៏មានការតុបតែង តាំងព្រះឆាយាលក្ខណ៍អតីតព្រះមហាក្សត្រ សម្តេចព្រះ នរោត្តម សីហនុ អមដោយថូផ្កា និងផើងជើងធូប ដើម្បីឧទ្ទិសថ្វាយព្រះអង្គផងដែរ៕
សូមបងប្អូនដែលអញ្ចើញចូលរួមគោរពព្រះវិញ្ញាណខន្តព្រះករុណាជាអង្គម្ចាស់ព្រះបាទ នរោត្តម សីហនុ នៅឯមុខ
ព្រះបរមរាជវាំង សូមប្រយ័ត្នចោរលូកហោប៉ាវ និងប្រយ័ត្នចាញ់បោកជនខ្លែងបន្លំផ្នែកនយោបាយ ដែលបានខ្លែង
ជាស្នងវិញ្ញាណបារមីព្រះគោចូលសណ្ឋិត, ជនដែលខ្លែងជាព្រះគោ7មករានេះ ជាជនឆបោកកេងចំណេញផ្នែកនយោបាយសុទ្ឋសាទ្ឋ,…!
ពីព្រោះមានជនអគតិមួយចំនួន ក្នុងជួរគណបក្សកាន់អំណាច បានជួលឱ្យព្រះគោ7មករានេះមកនិយាយបញ្ចុះបញ្ចូលឱ្យប្រជាពលរដ្ឋ
ជឿលើគណបក្សគេ, ព្រោះគេខ្លាចគណបក្សគេចាញ់ ប្រជាប្រិយភាពព្រះករុណាសម្តេចឪ សម្តេចតា សម្តេចតាទួតយើង,…!
ខ្មែរជាពូជពង្សស្លូតត្រង់ នឹងចេះជួយយកអាសារគ្នាទៅវិញទៅមក,…!
សូមឱ្យខ្មែរទាំងអស់គ្នាចេះស្រលាញ់សាមគ្គី រួបរួមគ្នា មិនប្រកាន់គណបក្ស
នយបាយទាំងអស់, ព្រោះសុទ្ឋតែខ្មែរដូចគ្នា កុំឱ្យសត្រូវឈ្លានពានទឹកដីបោកបញ្ឆោតបានឱ្យសោះ,…!
ខ្មែរត្រូវតែស្រលាញ់ខ្មែរ ខ្ញុំសូមគាំទ្រយ៉ាងពេញទំហឹង
During this very big cerebration of the death of the king, I haven’t heard any thing about the reaction of Nuon Chea, Kive Somphan, Duck, … yet.
បើកូនខ្ញុំ អាធាងត្នោតវានិយាយខុស សូមអស់លោកកុំប្រកាន់វា ព្រោះវាឆ្កួត ចាប់តាំងវាផឹកទឺកកន្ដួយយួនមក វាសែនឡប់ ដើរស្រាតចេញក្ដ ក្មេងៗដេញគប់វារាល់ថ្ងៃ!!!
Yes, all your people are living in Tonlesap.
Yes, all your people are living in Tonlesap.
The bad, good ,and nasty language.
It has show to the readers by the way he is writing.
So we can judge he or she value by their writing behavior.
Just cannot understand what all your people are talking about? The king died. Sam Rainsy wants to come to Cambodia to pay a final respect towards the king. Husen blocks his entry.
This is politic. No one can understand the Cambodian politic more than those policitians.
Stop fighting and backbitting each other. Let the king soul rest at peace. Please have respect. This is the time of sadness and sorrow for the entire country. If we respect ourselves, the outsiders will respect you vice versa…