ភ្នំពេញ: លោកឧត្តមសេនីយ៍ឯក ជួន សុវណ្ណ អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ បានធ្វើការត្រួតពិនិត្យកម្លាំងនគរបាលរាជធានីភ្នំពេញ និងកម្លាំងនគរបាលគ្រប់បណ្តាខណ្ឌទាំងអស់ ក្នុងរាជធានីភ្នំពេញ ដើម្បីត្រៀមធ្វើការការពារកិច្ចប្រជុំកំពូលអាស៊ាន នាពេលខាងមុខនេះ។
ថ្ងៃទី 12 វិច្ឆិកា 2012
ដោយ: សុផល
CEN
ប៉ូលិស ត្រួតពិនិត្យកងកម្លាំងអន្តរាគមន៍ ដើម្បីត្រៀមការការពារកិច្ចប្រជុំកំពូលអាស៊ាន
ប្រតិបត្តិការនេះ បានធ្វើឡើងនៅព្រឹកថ្ងៃទី១២ ខែវិច្ឆិកា ឆ្នាំ២០១២ ស្ថិតនៅក្នុងបរិវេណស្នងការដ្ឋាននគរបាលរាជធានីភ្នំពេញ។
លោកឧត្តមសេនីយ៍ឯក ជួន សុវណ្ណ អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ បានឲ្យដឹងថា “នៅក្នុងកិច្ចការពារកិច្ចប្រជុំកំពូលអាស៊ាន សមត្ថកិច្ចត្រូវបានដាក់ពង្រាយកងកម្លាំងយ៉ាងច្រើនសន្ធឹកសន្ធាប់ និងគ្រប់ច្រកល្ហកទាំងអស់ ដើម្បីការពារសុវត្ថិភាពជូនភ្ញៀវអន្តរជាតិ ដែលចូលមកប្រជុំក្នុងរាជធានីភ្នំពេញ”។
ប្រតិបត្តិការនេះ បានធ្វើឡើងដោយមានការសហការគ្នាជាមួយនឹងនគរបាលក្រសួងមហាផ្ទៃ ស្នងការស្រាវជ្រាវ កងរាជអាវុធហត្ថរាជធានីភ្នំពេញ កងរាជអាវុធហត្ថលើផ្ទៃប្រទេស និងកងកម្លាំងបញ្ជារការដ្ឋានកងអង្គរក្ស ព្រមទាំងកម្លាំងយោធាផងដែរ ដើម្បីចូលរួមទប់ស្កាត់នូវបញ្ហាទាំងឡាយដែលកើតមានឡើងជាយថាហេតុ។
លោកឧត្តមសេនីយ៍ឯក ជួន សុវណ្ណ បានថ្លែងបន្តថា ក្រៅពីនេះ លោកស្នងការរងទទួលបន្ទុកតាមផែន ត្រូវសហការគ្នាឲ្យបានជិតស្និទ្ធជាមួយនឹងផ្នែកជំនាញតាមបណ្តាខណ្ឌ ដើម្បីបញ្ចៀសការកកស្ទះចរាចរណ៍ក្នុងកិច្ចប្រជុំកំពូលអាស៊ាននេះ ហើយផ្លូវដែលសំខាន់បំផុតត្រូវការពារយ៉ាងតឹងរ៉ឹងនោះ រួមមាន ផ្លូវព្រះនរោត្តម និងផ្លូវសហព័ន្ធរុស្ស៊ី គឺចាប់ពីព្រលានយន្តហោះអន្តរជាតិភ្នំពេញ ឆ្ពោះមកវិមានសន្តិភាព។
លោកស្នងការ បានបន្ថែមថា សណ្ឋាគារដែលត្រូវឲ្យភ្ញៀវអន្តរជាតិ ចូលមកសម្រាក មានចំនួន ១២ សណ្ឋាគារ គឺសណ្ឋាគារអ៊ីនធឺកុងទីណង់តាល់ សណ្ឋាគារឡឺរ៉ូយាល់ សណ្ឋាគារភ្នំពេញ ជាដើម។ល។ កងកម្លាំងទាំងអស់ មានភារកិច្ចដ៏ចម្បងការពារសណ្ឋាគារទាំងអស់នេះ ដើម្បីធានាសុវត្ថិភាពជូនភ្ញៀវអន្តរជាតិដែលចូលមកស្នាក់នៅ ហើយកងកម្លាំងមួយចំនួនទៀតឈរនៅតាមបណ្តាផ្លូវធំៗ មានភារកិច្ចធ្វើសណ្តាប់ធ្នាប់ចរាចរណ៍តាមផ្លូវសាធារណៈ និងត្រូវស្លៀកពាក់ជាឯកសណ្ឋានកងកម្លាំងឲ្យបានត្រឹមត្រូវ សមជាកងកម្លាំងនគរបាលជាតិ។
លោកឧត្តមសេនីយ៍ឯក បានបញ្ជាក់ថា កម្លាំងដែលត្រូវត្រួតពិនិត្យនៅព្រឹកនេះ រួមមាន នគរបាលខណ្ឌទាំង៩ ក្នុងមួយខណ្ឌមានចំនួន ៣០ នាក់ រថយន្ត ៣គ្រឿង សម្ភារៈបំពាក់គ្រប់គ្រាន់រួមទាំង មធ្យោបាយធ្វើដំណើរផងដែរ សំខាន់បំផុតកងកម្លាំងត្រូវតែមានវិន័យ ដោយឡែកកងម៉ូតូប្រដេញមានចំនួន ៦៤គ្រឿង រថយន្តល្បាតមានចំនួនជាង ៥០គ្រឿង រថយន្តពន្លត់អគ្គិភ័យចំនួន ១៤គ្រឿង រថយន្តនគរបាលចរាចរណ៍មានចំនួន ៧គ្រឿង និងម៉ូតូល្បាតជាង ១០គ្រឿង៕ S
ពាក់ខ្មងជើងការពារបែបមាំទាំណាស់ហ្ន ទៅទាត់បាល់អែណា?។
១៨ មិនារត់បាតជើងសព្រាត!!!
ត្រៀមសំពងជនណាហ៊ានចេញមុខតវ៉ារឿងដីធ្លី សិទ្ធិបញ្ចេញមតិ ……. ដែលមានគ្រាន់តែចែងក្នុងក្រដាសរដ្ឋធម្មនុញ្ញ
ពាក់បង្អួតស្រីខ្លះផងក៍មិនបាន…
ជំនាន់សាធារណរដ្ឌ តឺនុយហឹហារបែបនេះគេហៅថាទាហ៊ានលំអរទីក្រុងបើទៅច្បាំងវិញ គ្រាន់តែប្រាវមកក៍ប្រុយបាត់ព្រោះខ្លាចបាក់ភ្លីខោអាវ។
ទាហ៊ាននៅឯព្រះវិហា ខោមិនខោអាវមិនអាវ ខ្លះស្បែកជើងភ្ទាត់ផង តែបើទាហ៊ានក្រុងវិញ មិនបាច់
និយាយ យើងឃើញស្រាប់ហើយខាងលើ ប្រាក់ខែក៍ខុសគ្នាច្រើនទៀត សមតែពួកអង្គរក្សសម្ដេច
ស៊ីជោពួកនេះ ដែលមានអក្សកាត់ហៅថា (ហស) ។
ពាក់ខ្មងជើងការពារបែបមាំទាំណាស់ហ្ន ទៅទាត់បាល់អែណា?។ ១៨ មិនារត់បាតជើងសព្រាត!!!
ជំនាន់សាធារណរដ្ឌ តឺនុយហឹហារបែបនេះគេហៅថាទាហ៊ានលំអរទីក្រុងបើទៅច្បាំងវិញ គ្រាន់តែប្រាវមកក៍ប្រុយបាត់ព្រោះខ្លាចបាក់ភ្លីខោអាវ។
This uniform with the rifles it look like they are ready to be at war.
I have never seen the policeman in the U.S. who has carried
tha rifle like Cambodia, the most of the U.S. policemen they
have carried on the handguns and hang on its waist to carry
around during their operate activities.