ភ្នំពេញ: សម្តេចនាយករដ្ឋមន្ត្រី ហ៊ុន សែន បានប្រកាសថា កម្ពុជា ក្នុងនាមជាម្ចាស់ផ្ទះ នៃកិច្ចប្រជុំកំពូលអាស៊ាន លើកទី២១ និងកិច្ចប្រជុំពាក់ព័ន្ធជាច្រើនទៀតនោះ គឺកម្ពុជា រៀបចំដោយមោទនភាព និងធ្វើជាប្រធានអាស៊ាន ដោយការទទួលខុសត្រូវ។
ថ្ងៃទី 12 វិច្ឆិកា 2012
ដោយ: លី សិលា
CEN
ក្នុងពិធីចែកប័ណ្ឌកម្មសិទ្ធិដីធ្លីដល់ប្រជាពលរដ្ឋ នៅស្រុកបន្ទាយស្រី ខេត្តសៀមរាប នាព្រឹកថ្ងៃទី១២ ខែវិច្ឆិកា ឆ្នាំ២០១២ សម្តេចនាយករដ្ឋមន្ត្រី ហ៊ុន សែន បានមានប្រសាសន៍ថា “ការងារអាស៊ាន ( សម្តេច ) សង្ងំប៉ុន្មានថ្ងៃនៅក្នុងផ្ទះ វាហាក់ដូចជា ជិតចប់ហើយដែរ។ ប៉ុន្តែនេះគ្រាន់តែជាការចាប់ផ្តើមជំហ៊ានដំបូង នៃការព្រាងរៀបចំដោយក្រុមរៀបចំ និងដោយពិនិត្យ ហើយយកទៅកែសម្រួល សំអាតបន្ត និងបន្ថែមនូវកិច្ចការទាំងឡាយ ដែលចូលមកដល់…”។
សម្តេចនាយករដ្ឋមន្ត្រី ហ៊ុន សែន ក៏បានមានប្រសាសន៍បញ្ជាក់ថា “…ខ្ញុំចាប់ពី ១៧ ទៅ ( ថ្ងៃទី១៧វិច្ឆិកា ) ហើយអមដោយមានទស្សនកិច្ចផ្លូវការរបស់នាយករដ្ឋមន្ត្រីចិន នៅថ្ងៃទី១៨ និងទស្សនកិច្ចរបស់នាយករដ្ឋមន្ត្រីជប៉ុន នៅថ្ងៃទី២០ ថ្ងៃបញ្ចប់…។ អានឹងគឺការដឹកនាំប្រជុំអាស៊ាន ហើយយើងធ្វើជាម្ចាស់ផ្ទះ ប្រកបដោយមោទនភាពជាមួយនឹងកិច្ចការទាំងឡាយ ដែលយើងត្រូវធ្វើ ក្នុងឋានៈ ជាសមាជិក ដែលមានការទទួលខុសត្រូវ និងជាប្រធាន ដែលមានការទទួលខុសត្រូវ ក្នុងកិច្ចការអាស៊ាន អាស៊ានបូក៣ អាស៊ានបូក១ និងអាស៊ីបូព៌ា ហើយឆ្នាំនេះ យើងមានការប្រជុំច្រើន”។
សូមរម្លឹកថា ចាប់ពីថ្ងៃទី១៥ រហូតដល់ថ្ងៃទី២០ ខែវិច្ឆិកា ឆ្នាំ២០១២ កម្ពុជាក្នុងនាមជាប្រធានអាស៊ាន នឹងរៀបចំកិច្ចប្រជុំកំពូលអាស៊ាន លើកទី២១ ដែលនឹងធ្វើឡើងនៅព្រឹកថ្ងៃទី១៨ ខែវិច្ឆិកា ឆ្នាំ២០១២ រួមទាំងកិច្ចប្រជុំអាស៊ាន-អាមេរិក និងកិច្ចប្រជុំកំពូលអាស៊ីបូព៌ា ដែលនឹងធ្វើឡើង នៅថ្ងៃទី១៩ និងថ្ងៃទី២០ ខែវិច្ឆិកា ឆ្នាំ២០១២ ព្រមទាំងកិច្ចប្រជុំពាក់ព័ន្ធជាច្រើនទៀត។
ប្រមុខដឹកនាំប្រទេសសមាជិកអាស៊ាន ទាំង ១០ ប្រទេស គឺព្រុយណេ កម្ពុជា ឥណ្ឌូនេស៊ី ឡាវ ម៉ាឡេស៊ី មីយ៉ាន់ម៉ារ ហ្វីលីពីន សឹង្ហបុរី ថៃ និងវៀតណាម។ ចំណែកមេដឹកនាំប្រទេសមហាអំណាចសំខាន់ៗ ចំនួន ៨ ប្រទេសទៀត ដែលជាដៃគូអាស៊ាន រួមមាន៖ ប្រទេសអាមេរិក ប្រទេសចិន ប្រទេសជប៉ុន ប្រទេសរុស្សី ប្រទេសឥណ្ឌា ប្រទេសអូស្ត្រាលី ប្រទេសនូវែលហ្សឺឡង់ និងប្រទេសកូរ៉េខាងត្បូង នឹងចូលរួមក្នុងកិច្ចប្រជុំកំពូល នៅរាជធានីភ្នំពេញ ចាប់ពីថ្ងៃទី១៨ ដល់ថ្ងៃទី២០ ខែវិច្ឆិកា ឆ្នាំ២០១២។
ក្រៅពីនោះ កិច្ចប្រជុំក្រៅផ្លូវការ រវាងថ្នាក់រដ្ឋមន្ត្រីការពារជាតិអាស៊ាន ក៏នឹងធ្វើឡើង ចាប់ពីថ្ងៃទី១៥ ដល់ថ្ងៃទី១៧ ខែវិចិ្ឆកា ឆ្នាំ២០១២ នៅទីរួមខេត្តសៀមរាប។ រដ្ឋមន្ត្រីការពារជាតិសហរដ្ឋអាមេរិក ក៏នឹងមកចូលរួមក្នុងកិច្ចប្រជុំក្រៅផ្លូវការជាមួយនឹងរដ្ឋមន្ត្រីការពារអាស៊ានផងដែរ៕
ខ្ពើម…!
Hun Sen should let the other country who is richer than Cambodia
to responsibility to held in this comming together.
In spite the fact, Cambodia is poor, many people can’t afford
for their lives, and government has so much promotion to waste money
for the meeting in poor Cambodia.
គំនិត Update តែទៅលើអ្វីដែលជាមហិច្ឆិតារបស់ខ្លួន មួយថ្ងៃៗ និកគិតតែរៀងដែល ធ្វើយអោយគេយល់ថាខ្លួនជា មហាមនុស្ស មិនខ្វល់ពីផលប៉ះពាល់ដល់អ្នកដ៏ទៃ ប្រទេសខ្លួន បើគ្រាន់បើ សង់លុយកម្ចៃ ពីបរទេស ខ្លះទៅ មួយខែៗ កាត់ពន្ធប្រាកខែអញ អស់រាប់រយ ដុល្លា យកទៅបំរើមហិច្ឆតារបស់វា!
Poorest country like Cambodia still boast the host Asian lead. That’s an enhance duty which enrich Samdech Hun Sen the best man on his egoism.
មានមោទនភាពនិងការទទួលខុសត្រូវចំពោះភាពអាម៉ាស់ចំពោះការដែលធ្វើជាប្រធានអាស៊ាន
តែបែរជាមិនអាចសំរបសំរួលអោយាមានសេចក្តីថ្លែងការណ៍រួមមួយជុំវីញជំលោះក្នុងសមុទ្រ
ចិខាងត្បូងកាលពីរៀបចំកិច្ចប្រជុំរដ្ឋមន្រ្តីការបរទេសអាស៊ាន។នេះឬជាមោទនភាពដែល
ហ៊ុន សែនយកមកអួតនោះ?
In spite of Hun Sen lead Asean meeting, he own too much mony to the
foreigners, and many poor people doesn’t have food to eat not enough.