ភ្នំពេញៈ ទន្ទឹមនឹងដំណើរចេញទៅសម្តែងនៅក្រៅប្រទេសលើកដំបូងក្នុងអាជីពនោះ តារាចម្រៀងពេលរាត្រីដែលល្បីខាងភាពសិចស៊ីជាងការងារសិល្បៈនាង ប៊ុន ផៃលីន បានអះអាងថា នាងបានពើបប្រទះស្នេហាទី២ ជាមួយមន្រ្តីទាហានផ្កាយពីរ ហើយនាយទាហានមានប្រាក់មានអំណាចនោះ បានទាំងទិញរថយន្តឲ្យនាងជិះទៀតផង តែនាងក៏សារភាពដែរថា ស្នេហានាងកំពុងដើរលើគន្លងស្នេហ៍ទី១ទៀតហើយ។
Friday, 30 November 2012
ស៊ូ វុទ្ធី
ភ្នំពេញ ប៉ុស្តិ៍
តារាចម្រៀងនាង ប៊ុន ផៃលីន បញ្ចេញសម្រស់ក្បាលពោះ និងដើមទ្រូងយ៉ាងសិចស៊ីជាធ្នាក់ទាក់បុរសៗ។ រូបថត សហការី
មុននេះអ្នក ចម្រៀងពេលរាត្រីសិចស៊ី បញ្ចេញគល់សុដន់ ប៊ុន ផៃលីន បានកាត់់ផ្តាច់ចំណងស្នេហ៍ពីមន្រ្តីធំម្នាក់យ៉ាងតក់ក្រហល់បំផុត ក្រោយទទួលការគំរាមអាយុជីវិតពីប្រពន្ធមន្រ្តីធំនោះ ហើយនាងក៏បានប្រកាសរាងចាលហើយស្នេហាជ្រកក្រោមដើមទ្រូងបុរសមាន ប្រពន្ធកូនហើយ ពិសេសមន្រ្តីធំៗមានលុយ និងមានអំណាច ហើយក៏មិនសង្វាតបង្កើតស្នេហាលើកទី២ដែរ ព្រោះខ្លាចស្នេហ៍ប្តីគេទៀត។ ប៉ុន្តែពេលនេះ អ្នកចម្រៀងពេលរាត្រីរូបនេះ នាងកំពុងតែសាងស្នេហ៍ជាមួយមន្រ្តីយោធាម្នាក់ ដែលផ្កាយពាក់លើស្មាដល់ទៅពីរ ហើយម្នាក់នោះមិនត្រឹមតែមានប្រពន្ធ និងមានកូននោះទេ គេនោះថែមទាំងមានស្រីកំណាន់ជាច្រើនទៀតផង។
បើទោះជាធ្លាប់ត្រូវ ប្រពន្ធគេជេរស្តី និង គំរាមកំហែងដល់អាយុជីវិតក៏ដោយ តែស្រីស្រស់ធ្លាប់ស៊ីក្តាមខ្យង មកពីខេត្តតាកែវ នាង ប៊ុន ផៃលីន ហាក់មិនខ្វល់ពីសុវត្ថិភាពខ្លួនឯង ដោយនៅតែបន្តធ្វើខ្លួនក្នុងនាមជាស្រីកំណាន់គេដដែល។
តែយ៉ាង ណានាង ប៊ុន ផៃលីន បានសម្តែងនូវក្តីរីករាយ ដោយសារតែមន្ត្រីពាក់ផ្កាយលើស្មាម្នាក់នោះ ទិញរថយន្តម៉ាក Camry XLE ផលិតនៅឆ្នាំ ២០០៤ ឲ្យនាងជិះជាកាដូស្នេហ៍នោះ។ ក្រៅពីសុំលាក់ឈ្មោះម្ចាស់ស្នេហ៍ ក្តាមស្រែមកផ្ញើផ្សងព្រេងក្នុងភ្លើងពណ៌ក្នុងក្លិបរាត្រី នាង ប៊ុន ផៃលីន បានសារភាពថា៖«ពេលនេះខ្ញុំពិតជាបានភ្ជាប់ ទំនាក់ទំនងស្នេហ៍ ជាមួយនាយទាហានពាក់ផ្កាយម្នាក់់មែន។ រថយន្តដែលគាត់ទិញឲ្យខ្ញុំនោះ ម៉ាក Camry XLE ផលិតនៅឆ្នាំ ២០០៤ ដែលមុននេះ ខ្ញុំជិះរថយន្តម៉ាកកូរ៉ូឡាផលិតឆ្នាំ៩៥»។
ប៊ុន ផៃលីន និយាយបែបធ្វើព្រងើយហើយត្រង់ៗថា៖«លោកផ្កាយពីរយោធាដែល ទិញរថយន្តឲ្យខ្ញុំជិះនោះ គាត់មានប្រពន្ធរួចហើយ ហើយថែមទាំងមានប្រពន្ធចុង និងស្រីជាច្រើនទៀតផង តែសម្រាប់ខ្ញុំមិនខ្វល់ទេ…!» ។
អ្នក ចម្រៀងដែលស្វាក់តែបុរសៗប្តីគេរូបនេះលើកឡើងទៀតថា៖«គាត់ (លោកផ្កាយពីរ) មិនចូលចិត្តអ្នកណាស្រឡាញ់គាត់ ហើយសួរនាំរឿងប្រពន្ធកូនទេ...! គាត់មានប្រាក់ចាយមិនអស់ ដូច្នេះត្រឹមទិញរថយន្តតម្លៃជាង២ម៉ឺនដុល្លារ គ្មានអ្វីអស្ចារ្យសម្រាប់គាត់ទេ»។
អ្នកចម្រៀងយកភាពសិចស៊ីជា ថ្នូរនៃភាពល្បីដែលមុននេះនាងជាផ្ទាំងស៊ីបប្រពន្ធដើមគេម្តងរួច ហើយនោះបានអួតទៀតថា លោកផ្កាយពីររបស់នាងពេលជួបមុខឲ្យប្រាក់ ហើយមួយខែជួបគ្នា២ ទៅ៣ដងតែប៉ុណ្ណោះ ដោយពេលខ្លះជួបគ្នានៅខេត្ត និងពេលខ្លះមកជួបគ្នានៅភ្នំពេញ។ នាងបញ្ជាក់ថា ពេលគាត់មកជួបនាងម្តងៗ គាត់តែងអះអាងថា គ្មានស្រីណាមករករឿងឆាឆៅនាងទេ។
នាងប៊ុន ផៃលីន ហាក់់សម្តែងឲ្យឃើញនូវមហិច្ឆតាប្រាថ្នាខ្ពស់ ដែលមិននឹកស្មានដល់ដោយនាងនិយាយថា ថ្ងៃក្រោយ បើលោកផ្កាយពីររូបនោះយកនាងធ្វើជាប្រពន្ធពិតប្រាកដ វាគឺជាសំណាងមួយដូចបានធ្វើបុណ្យប្រាំពីរវត្តអ៊ីចឹង ខណៈដែលក្តីស្រមៃនេះនាងកំពុងតែកើតមានក្នុងចិត្តនោះ។
បើទោះជា តារាសិចស៊ី កំពុងផ្តើមមហិច្ឆតា សោយសុខក្រោមបេះដូងបុរសមានប្រពន្ធរួចហើយរូបនេះ នាងហាក់មិនចង់និយាយអ្វីពាក់ព័ន្ធរឿងស្នេហាដ៏ចម្រូងចម្រាសនេះ ទៀតទេ ដោយលើកឡើងថារឿងរ៉ាវស្នេហាមួយនេះទុកឲ្យវាធ្វើដំណើរទៅមុនដោយ សន្សឹមៗសិន និងទុកឲ្យពេលវេលាជាអ្នកកំណត់ចុះ៕
srey thoak teab
Where is those money of that General coming from as they might not receiving that much of salary from the Government???