ការសម្រេចឲ្យលោក ឈូក បណ្ឌិត អតីតអភិបាលក្រុងបាវិត រួចផុតពីការចោទប្រកាន់របស់សាលាដំបូងខេត្តស្វាយរៀង ត្រូវបានក្រុមអង្គការសង្គមស៊ីវិលដែលឃ្លាំមើលដំណើរការស្វែងរកយុត្តិធម៌សម្រាប់ជនរងគ្រោះ ចាត់ទុកថា ប្រព័ន្ធយុត្តិធម៌នៅកម្ពុជា បន្តធ្លាក់ចុះ។
ដោយ ម៉ម មុនីរតន៍
2012-12-19
វិទ្យុអាស៊ីសេរី
២០-កុម្ភៈ-២០១២៖ កម្មការិនីដែលត្រូវជនមិនស្គាល់មុខបាញ់ក្នុងពេលកំពុងតវ៉ា សម្រាកព្យាបាលរបួសនៅមន្ទីរពេទ្យខេត្តស្វាយរៀង។ Adhoc Photo
ករណីនេះត្រូវបានក្រុមអ្នកឃ្លាំមើលបញ្ហាសង្គមគិតថា អំពើនិទ្ទណ្ឌភាព ឬភាពគ្មានទោសសម្រាប់អ្នកប្រព្រឹត្តបទល្មើស ញាំញីសង្គមកម្ពុជា កាន់តែមានស្ថានភាពធ្ងន់ធ្ងរទៅៗ ដែលមិនអាចស្វែងរកយុត្តិធម៌សម្រាប់ជនរងគ្រោះបានក្នុងដំណាក់កាលចុងក្រោយនេះ។
មន្ត្រីអង្គការសង្គមស៊ីវិលដែលបន្តឃ្លាំមើលដំណើរការរឿងក្ដីលោក ឈូក បណ្ឌិត បញ្ចេញប្រតិកម្មប្រឆាំងនឹងសេចក្ដីសម្រេចរបស់សាលាដំបូងខេត្តស្វាយរៀង ដែលរកឃើញថា អតីតអភិបាលក្រុងបាវិត រូបនេះ ពុំមានជាប់ពាក់ព័ន្ធនឹងបទចោទបាញ់កម្មការិនី ៣នាក់ ឲ្យមានរបួសកាលពីខែកុម្ភៈ នោះ ថាគឺជាផ្នែកមួយដែលជំរុញឲ្យប្រព័ន្ធយុត្តិធម៌នៅកម្ពុជា ត្រូវធ្លាក់ចុះ។
លោក អំ សំអាត មន្ត្រីស៊ើបអង្កេតជាន់ខ្ពស់របស់អង្គការការពារសិទ្ធិមនុស្សលីកាដូ ហៅការសម្រេចឲ្យលោក ឈូក បណ្ឌិត រួចផុតពីការចោទប្រកាន់របស់សំណាញ់ច្បាប់ដោយសាលាដំបូងខេត្តស្វាយរៀង ថាគឺជាប្រការដែលមិនអាចទទួលបាននោះទេ។
លោក អំ សំអាត គិតថា ព្រោះអតីតអភិបាលក្រុងបាវិត រូបនេះ ត្រូវគេមើលឃើញថា ជាអ្នកដែលប្រើប្រាស់កាំភ្លើងបាញ់កម្មការិនី ៣នាក់ កាលពីថ្ងៃទី២០ កុម្ភៈ ឲ្យមានរបួសធ្ងន់ធ្ងរក្នុងការតវ៉ាមួយនៅក្រុងបាវិត។
ក្រោយមានសេចក្ដីសម្រេចរបស់សាលាដំបូងខេត្តស្វាយរៀង ភ្លាមៗដែលរកឃើញថា លោក ឈូក បណ្ឌិត ពុំមានទោសពៃ និងដាក់ឲ្យស្ថិតនៅក្រៅការចោទប្រកាន់ពីបទថា មានជាប់ពាក់ព័ន្ធបាញ់កម្មការិនី ៣នាក់ ដែលបណ្ដាលឲ្យរបួសធ្ងន់ធ្ងរនោះ ក្រុមមន្ត្រីអង្គការសង្គមស៊ីវិលដែលធ្វើការពាក់ព័ន្ធនឹងការលើកស្ទួយផ្នែកសិទ្ធិមនុស្ស ដូចជាមជ្ឈមណ្ឌលសិទ្ធិមនុស្សកម្ពុជា សមាគមការពារសិទ្ធិមនុស្សអាដហុក និងអង្គការការពារសិទ្ធិមនុស្សលីកាដូ ជាដើម ចាត់ទុកសេចក្ដីសម្រេចនេះថា ជាការព្យាយាមបិទបាំងអំពើនិទ្ទណ្ឌភាព ឬភាពគ្មានទោសពៃរបស់សមាជិកនៃអ្នកនយោបាយដ៏មានអំណាចនៅកម្ពុជា ដែលរស់នៅក្នុងមជ្ឈដ្ឋានមួយដាច់ឆ្ងាយពីការអនុវត្តន៍ច្បាប់ និងប្រព័ន្ធតុលាការនៅក្នុងប្រទេសកម្ពុជា។
យ៉ាងនេះក្ដីសម្រាប់លោក ជា មុនី ប្រធានសហជីពសេរីកម្មករនៃព្រះរាជាណាចក្រកម្ពុជា គិតថា ដើម្បីទាមទារភាពយុត្តិធម៌ដល់ជនរងគ្រោះនេះ ក្រុមសហជីពនឹងមិននៅស្ងៀមនោះទេ។ ក្នុងន័យនេះលោកថា នឹងតវ៉ាប្រឆាំងនឹងសេចក្ដីសម្រេចរបស់សាលាដំបូងខេត្តស្វាយរៀងនេះទៅរដ្ឋាភិបាល ដើម្បីជំរុញឲ្យមានការដោះស្រាយសម្រាប់ស្វែងរកយុត្តិធម៌មួយដ៏ពិតប្រាកដជូនរងគ្រោះ។
បើតាមលោក ជា មុនី កម្មករគឺជាអ្នកដែលរកចំណូលបានយ៉ាងខ្ពស់សម្រាប់កំណើនសេដ្ឋកិច្ចសង្គមកម្ពុជា ក្នុងពេលបច្ចុប្បន្ននេះ។ ហេតុនេះពួកគេគួរត្រូវបានទទួលយុត្តិធម៌មួយដ៏ជាក់លាក់លើផ្នែកនេះ។
ទោះជាយ៉ាងណា លោក ហ៊ីង ប៊ុនជា ព្រះរាជអាជ្ញាអមសាលាដំបូងខេត្តស្វាយរៀង ដែលទទួលបន្ទុកក្នុងសំណុំរឿងក្ដីនេះ ហៅការសម្រេចឲ្យអតីតអភិបាលក្រុងបាវិត ដែលរងការចោទថា បានបាញ់កម្មការិនីឲ្យមានរងរបួសធ្ងន់ធ្ងរស្ថិតនៅក្រៅបទថា គឺជាដីកាដំណោះស្រាយ។ នោះមានន័យថា ជនរងគ្រោះអាចមានសិទ្ធិប្ដឹងប្រឆាំងនឹងដីកាសម្រេចនេះបន្តទៅឧទ្ធរណ៍បាន។
លោកបន្តថា អ្វីដែលតុលាការសម្រេចក្នុងការចេញដីកាឲ្យរួចផុតពីការចោទប្រកាន់នេះ នោះក៏ដោយសារតែការស៊ើបអង្កេតរបស់តុលាការរកមិនឃើញពីទោសកំហុសរបស់លោក ឈូក បណ្ឌិត ដូចការចោទប្រកាន់នោះទេ។
បញ្ហានេះត្រូវបានក្រុមអ្នកឃ្លាំមើលការវិវត្តន៍ស្ថានការណ៍សង្គមចាត់ទុកថា អំពើនិទ្ទណ្ឌភាពបានក្លាយជាឧបសគ្គក្នុងការស្វែងរកយុត្តិធម៌ពិតកាន់តែមានស្ថានភាពធ្ងន់ធ្ងរសម្រាប់សង្គមកម្ពុជា សព្វថ្ងៃនេះ។ ពួកគេបន្តថា ទិដ្ឋភាពច្បាប់បានជួយអនុគ្រោះយ៉ាងច្រើនដល់មន្ត្រីមានអំណាចក្នុងជួររដ្ឋាភិបាលមួយចំនួន តាមរយៈប្រព័ន្ធយុត្តិធម៌នេះ បើទោះជាមានកំហុសយ៉ាងណាក៏ដោយ។ ដូចជាអ្នកដែលស្ថិតនៅពីក្រោយនៃការសម្លាប់លោក ឈុត វុទ្ធី ប្រធានអង្គការការពារបរិស្ថាន និងធនធានធម្មជាតិ លោក ជា វិជ្ជា ប្រធានសហជីពសេរីកម្មករ ដ៏ល្បីឈ្មោះ កញ្ញា ពៅ បញ្ញាពេជ្រ កញ្ញា ទូច ស៊ុននិច ដែលជាតារាចម្រៀង និងអ្នកស្រី ពិសិដ្ឋ ពិលីកា ជាដើម នៅតែស្ថិតក្រោមការស៊ើបអង្កេតរបស់តុលាការនៅឡើយ បើទោះជាពេលនេះបានអូសបន្លាយអស់រយៈពេលជាច្រើនឆ្នាំហើយក្ដី។
លើសពីនេះ សម្រាប់សកម្មជនការពារសិទ្ធិមនុស្ស ដូចជាប្រធានវិទ្យុសំបុកឃ្មុំ និងជាប្រធានសមាគមអ្នកប្រជាធិបតេយ្យ លោក ម៉ម សូណង់ដូ ត្រូវរងការចោទថា បានបង្កើតតំបន់អបគមន៍បំបែករដ្ឋក្នុងរដ្ឋនៅស្រុកស្នូល ខេត្តក្រចេះ។ ចំណែកក្រុមស្ត្រីបឹងកក់ និងអ្នកភូមិបុរីកីឡា ដែលតវ៉ាក្នុងរឿងដីធ្លីសុំសិទ្ធិជ្រកកោន ត្រូវបានតុលាការរកឃើញថា មានទោស ព្រោះប្រឆាំងនឹងការវិនិយោគដោយក្រុមហ៊ុនឯកជន តាមរយៈការផ្ដល់ដីសម្បទានរបស់រដ្ឋាភិបាលដោយពុំបានផ្ដល់សំណងសមរម្យណាមួយដល់ពួកគេ និងមិនស្ថិតក្រោមការស៊ើបអង្កេតដ៏ស៊ីជម្រៅនោះទេ។
យ៉ាងណាក៏ដោយ ស្របទៅនឹងសាក្សីនៅកន្លែងកើតហេតុដែលបញ្ជាក់ថា លោក ឈូក បណ្ឌិត គឺជាជនដៃដល់ក្នុងការបាញ់កម្មការិនីឲ្យរងរបួសក្នុងហេតុការណ៍តវ៉ាមួយនៅខាងមុខរោងចក្រកៅវ៉េ (Kaoway) ស្ថិតក្នុងតំបន់សេដ្ឋកិច្ចពិសេស ក្រុងបាវិត ខេត្តស្វាយរៀង កាលពីថ្ងៃទី២០ ខែកុម្ភៈ ឆ្នាំ២០១២។ ភ្លាមៗនោះមន្ត្រីជាន់ខ្ពស់របស់ក្រសួងមហាផ្ទៃ លោក ស ខេង ប្រកាសថា លោក ឈូក បណ្ឌិត គឺជាមនុស្សតែម្នាក់ដែលមានជាប់ព័ន្ធក្នុងសំណុំរឿងមួយនេះ។
លោក សុក សំអឿន នាយកអង្គការក្រុមអ្នកច្បាប់ការពារសិទ្ធិកម្ពុជា គិតថា អ្វីដែលតុលាការខេត្តស្វាយរៀង រកមិនឃើញពីទោសកំហុសរបស់អតីតអភិបាលក្រុងបាវិត នេះ គឺផ្អែកទៅលើឆន្ទៈរបស់តុលាការ និងការស៊ើបអង្កេតនៅមិនទាន់ដល់កម្រិតនៅឡើយ។
ក៏ប៉ុន្តែលោក ហ៊ីង ប៊ុនជា ព្រះរាជអាជ្ញាអមសាលាដំបូងខេត្តស្វាយរៀង បញ្ជាក់ថា បើទោះជាលោក ឈូក បណ្ឌិត ត្រូវគេរកឃើញថា ពុំមានទោសក៏ពិតមែន តែជនរងគ្រោះនៅមានសិទ្ធិប្ដឹងទៅឧទ្ធរណ៍ប្រឆាំងនឹងសេចក្ដីសម្រេចនេះបាន។ ចំណែកតុលាការនៅតែបន្តស៊ើបអង្កេតរកអ្នកដែលមានជាប់ពាក់ព័ន្ធក្នុងសំណុំរឿងនៅឡើយ។ ស្ថិតក្រោមហេតុផលនេះ លោក សរ ចន្ថា ជានាយនគរបាលព្រហ្មទណ្ឌក្រុងបាវិត គឺជាមនុស្សតែម្នាក់គត់ដែលស្ថិតក្នុងការសង្ស័យ និងដាក់ឲ្យស្ថិតក្រោមការស៊ើបអង្កេតរបស់តុលាការ។
នៅថ្ងៃទី១៩ ខែធ្នូ ឆ្នាំ២០១២ កម្មការិនី ៣នាក់ ដែលរងគ្រោះដោយការបាញ់ក្នុងព្រឹត្តិការណ៍កាលពីថ្ងៃទី២០ ខែកុម្ភៈ កញ្ញា ប៊ុន ចិន្តា នុត សុខន និងកញ្ញា កែវ នា បានឲ្យដឹងថា បន្តប្តឹងទៅសាលាឧទ្ធរណ៍បន្តទៀត ដោយមានអង្គការលីកាដូ ប្រចាំស្វាយរៀង ជួយ។ ការបន្តដាក់បណ្ដឹងជាថ្មីទៀតនេះ ធ្វើឡើងនៅបន្ទាប់ពីសាលាដំបូងខេត្តស្វាយរៀង សម្រេចចេញដីកាឲ្យលោក ឈូក បណ្ឌិត រួចផុតពីការចោទប្រកាន់កាលពីសប្ដាហ៍មុន ក្រោយពីតុលាការនេះចំណាយពេលបើកការស៊ើបអង្កេតអស់រយៈពេលជិត ១០ខែមកនោះ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
ករណីដោះលេង ឈូក បណ្ឌិត ដែលមានខ្សែគ្រាក់ គ្រាក់ របស់ cpp ដោយមិនមានជាប់ទោសសោះ អ្វីដែលខ្លួនបានប្រព្រិត្ត ដែលបានធ្វើអោយមនុស្ស មួយចំនួនក្តេៅក្រហាយ នេៅមិនសុខ ចំរឿងអយុត្តិមួយនេះ នេៅនិងភ្នែក យើងនេៅរង់ចំាមើលប្រត្តិកម្មេបស់ រដ្ឋាភិបាល លោផៃសីុផាន រឿងនេះធ្វើអោយ រដ្ឋាភិបាល វិលមុខហើយ ដោយ ពួកគេ យក ច្បាប់ មកលេងសើច
វិលមុខស្អី វាជាក្មួយរបស់លោកជំទាវ ម៉ែនសំអន CPPស្មោះ នរណាហ៊ានចាប់និងចោទប្រកាន់នោះ ប្រយ័ត្នអស់ស័ក្តយស លែងបានបំផ្លាញជាតិនិងលុយកាក់ វីឡាទៅ ប្រាប់ឲ្យហើយ ដូចរាល់ដងអីចឹង។ តុលាការដុល្លារតែប៉ុណ្ណឹង គ្មានសម្បជញ្ញៈទេ
ដំបូងឡើយ លោក ស ខេង ជាអ្នកបាននិយាយថា ឈូកបណ្ឌិត ជាអ្នកដែលបានបាញ់ប្រហា កម្មករ បូបរួមទាំងសាក្សី ដែលបានឃើញ ចុះពេលនេះហេត្ុអ្វីបានជា លោក តុលាការ រកមិនឃើញកំហុស ហើយដោះលេង ទៀល នេៅស្រុក ខ្មែរ ដូចជាឡប់ឡែ ពេកហើយ ដូចល្បែងខ្មេងលេង រឿង នេះ បើមិនមានការ តវ៉ាដុតដៃដុតជើង ពី សង្គមសីវិល ទេ បន្តិច ទៀត ពួកគេធ្វើហីហី បំភ្លេច ខ្ញុំមិនគាំ ទ្រមនុស្សអាក្រ់ ថោកទាបនោះទេ
អ្នកដែលគោរពច្បាប់បានល្អនោះគឺជាប្រជាពលរដ្ឋស្លូតត្រង់ឯអ្នកដែលមិនគោរពច្បាប់គឺពួក
មន្រី្តធំៗដែលមានអំណាចនៅក្នុងជួរបក្សcppនេះឯង,ពង្រឹងនិតិរដ្ឋស្អី ពាក្យពង្រឹងនិតិរដ្ឋនេះហើយ
ដែលនាយករដ្ឋមន្រី្តតែងតែនិយាយនិងពួកអាប្រតិកម្មរហ័សរបស់រដ្ឋាភិបាលតែងនិយាយដដែលៗ
ឥឡូវឃើញនិងភ្នែកហើយមានលុយមានខ្សែមានអំណាចរួចខ្លួនទទេ ឯអ្នករងគ្រោះដេកឈឺចាប់និង
ភ័យព្រួយ។
ចង់ប្ដឹងបន្ត សាក្សីសំខាន់មានតែម្នាក់គត់ តែធើម៉េចឲ្យគាត់និយាយរឿងនេះ
តាកាត់ថាបាញ់គឺបាញ់ហើយ តាអត់បាញ់គឺអត់ហើយ នោះគឺលោកប្រធានរដ្ឋមន្រ្តីនៃ
ព្រះរាជាណាចក្រកម្ពុជានិតិរដ្ឋអច្ឆរិយ ។
ការសម្រេចលើកលែងចោទប្រកាន់ ឈូក បណ្ឌិត គឺបង្ហាញឲ្យដឹងថា
អ្នករដ្ឌការទូទៅទាំងអស់ តាំងពីថ្នាក់ទាបរហូតដល់នាយករដ្ឌមន្ត្រី ក្នុងប្រទេស
ហ្នឹង មិនគូឲ្យគោរពកោតខ្លាចទេ សុទ្ធតែអន់ ថោកទាបណាស់ សមជាប្រទេស
ដែលនៅក្រោមអណានិគមយួនមែនទែន ដូច្នេះអ្នកធំទាំងនោះ គួតែឈប់ឡូយ
ទៅ សុទ្ធតែថោក ខ្ញុំខ្ពើមណាស់លោកអើយ
ខ្ញុំឈឺចាប់ណាស់ ដែលកើតមកជាខ្មែរ
ប្រទេសអត់ច្បាប់ហ្នឹង នឹងឋិតនៅក្នុងសហពន្ឌ័ឥណ្ឌូចិន នៅពេលខាងមុខមិនយូរ
មុនការកំណត់ទៅទៀត នៃបណ្តាំរបស់លោកអ៊ុំ ហូជីមិញ
ពេលនោះ កូនចៅយើង បានប្រើ ភាសាវៀតណាមជាផ្លូវការហើយ
សមមុខណាស់ អាកញ្ជះគេ ទាំងអស់គ្នា
សោកស្តាយដែរដោយពួកប្អូនៗពុំមែនជាពួជអាខ្វាក់ បើសិនជាពូជរបស់អាខ្វាក់កុំថាឡើយ របួសធ្ងន់គ្រាន់តែរលាត់ស្បែកបន្តិចក៏អា ឈួក បណ្ឌិត ចូលគុកដែរ។មែនទេអាតុលាការឡប់!
សេចក្តីអំពាវនាវ
*************
សុំអំពាវនាវអោយកម្មករ នៅរោងចក្រ PUMA ក្រុងបាវ៉ិតទាំងអស់ ក្រោយពេលរោងចក្រ PUMAបិទទ្វារ សូមមកបើកប្រាក់ខែជាអចិន្ត្រៃយ៏ រាល់ដំណាច់ខែ នៃឆ្នាំនិមួយៗ
នៅផ្ទះអា អ៊ូ វីរះ ប្រធានមជ្ឃមណ្ឌលសិទ្ធិមនុស្សកម្ពុជា CCHR រៀងរាល់ខែ កុំបីខាន
ចំពោះ អ្នកមិនមកបើក និងមិនទទួលខុសត្រូវក្នុងការបាត់បង់ប្រាក់ខែឡើយ ៕
អាCheath, យុទ្ធសាស្រ្តហ្អែងមួយនេះ មានប្រសិទ្ធភាព តែនៅលើគ្រែដេកក្នុងផ្ទះហ្អែងប៉ុណ្ណោះ បន្ទាប់រួមរ័ក្សគ្នាហើយ។