ភ្នំពេញ: យុវវ័យភាគច្រើននៅពេលខ្លួនចម្រើនវ័យកាលណាតែងតែមានអារម្មណ៍ភេទកើតឡើង ព្រោះនេះជាកក្តាជីវសាស្ត្របូករួមនឹងការអូសទាញដទៃទៀត ដូចជាមើលខ្សែវិដេអូសិច ឬរឿងអាសអាភាស ទើបនាំឲ្យកើតមាអារម្មណ៍នេះឡើងយ៉ាងឆាប់រហ័សតែម្តង។ តើយុវវ័យគួរគប្បីប្រឡូកភេទសម្ព័ន្ធ ក្នុងអំឡុងពេលសិក្សាឬ?
ថ្ងៃទី 6 មករា 2013
ដោយ: វឿន សារុធ
CEN
បន្ទាប់បានជួបសម្ភាសន៍ជាមួយយុវវ័យ ដែលធ្លាប់បានរួមភេទ ក្នុងអំឡុងពេលសិក្សានោះ ពួកគេបានឲ្យដឹងថា ការប្រែប្រួលនៃសភាវៈរាង្គកាយរបស់មនុស្ស និងការអូទាញពីរូបភាពអាសអាភាសផ្សេងៗ ទើបធ្វើឲ្យគេមានចំណង់ភេទកើតឡើង។
លោក សុខ មករា ជាបុគ្គលិកបម្រើការងារនៅសាលាឯកជនមួយកន្លែង បានប្រាប់ថា ខ្លួនធា្លប់ប្រឡូករឿងសិចតាំងពីអាយុ១៧ឆ្នាំ តាមអ្វីដែលគាត់ចាំមកកាលនោះនៅរៀនវិទ្យាល័យឡើយ។ ការរួមភេទលើកដំបូងរបស់គាត់នេះ នៅញញើតដែរ ព្រោះលោកមិនសូវហ៊ាននៅឡើយកាលណោះ។
បុគ្គលិកបម្រើការងារនៅសាលាឯកជនរូបនេះ បាននិយាយមិនលាក់លៀមថា “ខ្ញុំគិតថាការរួមភេទជារឿងធម្មតា ព្រោះវាជាកក្តាជីវសាស្ត្រធម្មតាជាតិ ព្រោះកាលណារាង្គកាយមនុស្សយើងពេញរូបរាងឡើង អាចំណង់ផ្លូវភេទហ្នឹងតែងតែកើតមានឡើងជាធម្មតាទេ។ ណាមួយវាជាប្រព័ន្ធផ្សព្វផ្សាយ ឬជាខ្សែវិដេអូ និងការនិយាយពីរឿងសិចពីមួយទៅមួយធ្វើឲ្យខ្ញុំមានទំនោរចិត្តចង់ដឹងដំណើរការរួមភេទវាយ៉ាងណាដែរ ហើយបូកផ្សំនិងអារម្មណ៍ខ្ញុំចង់ដឹងផង បានជម្រុញឲ្យខ្ញុំឈានទៅរកការរួមភេទនៅអំឡុងពេលសិក្សាតែម្តង ”។
លោក សុខ មករា បានបន្តថា “ខ្ញុំធ្លាប់គិតថារួមភេទពេលខ្លះខ្លាចឆ្លងជំងឺសង្គមដែរ និងបណ្តាលឲ្យដៃគូមានផ្ទៃពោះ។ ឯការប្រើប្រាស់ស្រោមអនាម័យហ្នឹងក៏នៅមិនទុកចិត្ត ព្រោះខ្លាចភ្លាត់ម្តងៗដែរ”។
រីឯ យុវជន រស្មី ផានិត ជានិស្សិតឆ្នាំទី៤ បានប្រាប់ថា ខ្លួនធា្លប់រួមភេទលើកដំបូងនៅអាយុ១៩ឆ្នាំ ដោយកាលនោះលោកចង់ដឹងថារួមភេទនោះយ៉ាងណាដែរ ខ្លួនធ្លាប់តែឃើញតាមខ្សែវិដេអូ និងកក្តាជីវសាស្ត្របានជម្រុញឲ្យមានអារម្មណ៍ម្តងៗ។ ម្យ៉ាងការរួមភេទនោះ ជាការយល់រួមពីដៃគូខាងស្រីដែរ។
យុវជន រស្មី ផានិត បាននិយាយទ្រង់អៀនបន្តិចថា “កាលរួមភេទដំបូងហ្នឹង ស្រីយល់ព្រមដែរ ហើយជាលើកដំបូងផងខ្ញុំក៏ខ្លាចៗដែរកាលហ្នឹង។ ធ្លាប់តែឃើញតាមវិដេអី ទាល់បានអនុវត្តន៍ខ្លួនឯងបានដឹងថាវាយ៉ាងម៉េច”។
យុវជនខាងលើ បានបន្តថា “ខ្ញុំឆ្ងល់ដែរ ហេតុអីបានពេលគ្រប់អាយុចេះតែមានអារម្មណ៍ចង់រួមភេទ ហើយទាល់តែបានម្តងពីរដងទើបអស់ចិត្ត។ គិតៗទៅខ្ញុំក៏ខ្លាចមានជំងឺផ្សេងៗ តែធ្វើម៉េចបើធម្មជាតិវាអ៊ីចឹងទៅហើយ”។
យុវជន រស្មី ផានិត បានលួចខ្សឹបប្រាប់ថា “កាលរួមភេទដំបូងហ្នឹងខ្ញុំរៀនអត់ចូលទេ ព្រោះខ្លាចមានបញ្ហាពេលក្រោយផង”។
ការឆាប់ប្រឡូកក្នុងរឿងភេទសម្ព័ន្ធពេករបស់យុវវ័យ ជាពិសេស យុវសិស្សនិស្សិត ដែលកំពុងសិក្សាដូច្នេះ អាចជាបញ្ហា ឬក្តីបារម្ភមួយយ៉ាងស្មុគស្មាញ ទាំងពេលបច្ចុប្បន្នភាព ក៏ដូចថ្ងៃអនាគតផងដែរ។ ដោយហេតុថា ផលប៉ះពាល់ ដែលយុវវ័យប្រឈមក្នុងការរួមភេទសម្ព័ន្ធ មុននឹងឈានដល់ជិវិតអាពាហ៍ពិពាហ៍គឺ មានផ្ទៃពោះ រំលូតកូន ឬមានកូនមុនបញ្ចប់ការសិក្សា មានអារម្មណ៍សោកសង្រេង ដោយសារផ្លាស់ប្តូរដៃគូរួមភេទញឹកញាប់ នាំឲ្យកើតរោគនៅអវយវៈភេទ ការសិក្សាចុះខ្សោយអន់ថយ និងអាប់ឱនកិត្តិយស ឬកេរ្តិ៍ឈ្មោះទៀតផង។ ម្យ៉ាងទៀត ការដែលយុវវ័យប្រព្រឹត្តការរួមភេទដោយសេរី កាន់តែខ្លាំងឡើងៗ ធ្វើឱ្យយល់ឃើញថា កិត្តិយស ឬតម្លៃរបស់ខ្លួន បើប្រៀបនឹងអ្នកដទៃ មានភាពខុសគ្នាឆ្ងាយណាស់ និងត្រូវបានគេបោកប្រាស់ម្តងហើយម្តងទៀត។
យុវវ័យជាច្រើនដែលធ្លាប់ឆ្លងកាត់បទពិសោធន៍ក្នុងការរួមភេទសម្ព័ន្ធ តែងតែប្រើប្រាស់ តណ្ហាជាចំណងស្នេហា ច្រើនជាងការកើតមានអារម្មណ៍ស្រឡាញ់គ្នាដោយចិត្តនិងចិត្ត បន្ថែមពីលើនេះទៅទៀត ចំពោះយុវវ័យជាស្ត្រីភេទ ពេលដែលជួបបុរសត្រូវចិត្ត ដែលមានអារម្មណ៍គិតថា ខ្លួនឯងមានអតីតកាលមិនគប្បីកន្លងមក ។
ទាំងនេះ ដោយសារសតិអារម្មណ៍ចងចាំនូវរឿងមិនល្អជាច្រើននាកាលយុវវ័យនោះ ក៏នាំកើតមានគំនិតមួយមិនមានទំទុកចិត្តគ្នា មិនសូវចេះគោរព ឬអធ្យាស្រ័យគ្នា និងអាចឈានដល់ការបំផ្លាញជីវិតដៃគូ ដោយសារជំងឺ ដូចជា កាមរោគ ឬការរំលូតកូន ក៏មានដែរ។ ដូចនេះ យុវវ័យ ពុំគួរគប្បីប្រឡូក ឬភ្លក់ក្នុងល្បែងកាមគុណនោះទេ គួរផ្តោតការយកចិត្តទុកដាក់ លើការសិក្សាប្រសើរជាង។ រីឯរឿងកាមគុណនោះចាំពេលក្រោយក៏បានដែរ មិនទាន់ហួសពេលនោះទេ។
លោកវេជ្ជបណ្ឌិត ងួន សេរ័ត្ន នាយកវេបសាយសុខភាព www.health.com.kh បាននិយាយថា ការរួមភេទជារឿងធម្មជាតិរបស់មនុស្សនៅពេលដែលគេពេញវ័យ។ ប៉ុន្តែយុវវ័យមិនគួរឆាប់ប្រឡូកពេកនៅក្នុងរឿងនេះទេ ដើម្បីចៀសវាងការប៉ះពាល់ដល់ការសិក្សានិងអនាគតរបស់ខ្លួន។
លោក និយាយទៀតថា ពួកគេត្រូវចោទសួរខ្លួនថា តើពួកគេបានត្រៀមខ្លួនរួច ឬនៅសម្រាប់ការរួមភេទនោះ ហើយយ៉ាងហោចណាស់ក៏ពួកគេត្រូវដឹងអំពីការបង្ការជំងឺទាក់ទងនឹងរឿងរួមភេទដែរ មុននឹងប្រឡូកក្នុងរឿងនេះ។ តាមការសង្កេត ទំនាក់ទំនងមួយដែលឆាប់ឈានដល់ការរួមភេទ វាច្រើនតែមិនអាចនៅបានយូរឡើយ។ ទំនាក់ទំនងមិនចំណុះតែទៅលើការរួមភេទនោះទេ៕
How we protection ?
យុវវ័យសម៏យទំនើបគេពង្វក់អោយគឹតតែរឿងចុយគ្នា ភ្លេចគឹតរឿងជាតិដួចយុវជនសម័យមុន។
អស្ចារ្យមែនសម័យតេជោ។ប្រហែលជាមកពីគំរូពួកបងៗសមមិត្តគឹតតែរឿងទិញស្រីក្មេងៗកូនអ្នក
ដែលពួកគាត់ធ្វើអោយក្រយកមកចុយកំសាន្តហើយមើលទៅ
ស្ពាន់ជោរ គួរមើលប្រទេលជិតខាងសិនមុននឹងពោលពាក្យអសុរសបែបនេះ។ នៅប្រទេសដៃលអភិវឌ្ឍជឿនលឿន ការរួមភេទគឺជារឿងធម្មតាសម្រាប់យុវវយ័ ជាក់ស្តែងដូចជាប្រទេសថៃ បញ្ហាទាក់ទងនឹងផ្លូវភេទមានមិនតិចជាងប្រទេលកម្ពុជាទេ ចុះហេត្តអ្វីបានជាប្រទេសថៃរីកចំរើនម្លេះ? ខ្ញុំជូនជាយោបលប៉ុណ្ណឹង ហើយសូមពិចារណាឡើងវិញផង!