កណ្តាលៈ ស្ពានកោះធំ ដែលស្ថិតក្នុងស្រុកកោះធំ ខេត្ដកណ្ដាលត្រូវបានបើកការដ្ឋានសាងសង់នៅថ្ងៃចន្ទទី២៥ ខែមីនានេះដែលមាន ប្រវែង ៤១៥ ម៉ែត្រ ទទឹង ១៣,៥០ ម៉ែត្រ និងគ្រោងចំណាយទឹកប្រាក់ចំនួន ១៩,៣៩ លានដុល្លារអាមេរិក។
Monday, 25 March 2013
ភ្នំពេញប៉ុស្តិ៍
សកម្មភាពនៃការសាងសង់ស្ពានជ្រោយចង្វារទី២ កាលពីចុងសប្តាហ៍មុន។ សា្ពនជ្រោយចង្វារទី២ មានប្រវែងបណ្តោយសរុប១២៦០ម៉ែត្រ ទទឹង១៤ម៉ែត្រដោយគ្រោងនឹងចំណាយរយៈពេលសាងសង់ ៣៨ខែ។ ស្ពាននេះសាងសង់ដោយក្រុមហ៊ុនមកពីប្រទេសចិន China Road and Bridge Corporation ក្រោមកម្ចីឥណទានពីធនាគារអាហរ័ណ នីហរ័ណ នៃរដ្ឋាភិបាលសាធារណរដ្ឋប្រជាមានិតចិនក្នុងគម្រោងតម្លៃកិច្ចសន្យា ២៧,៥លានដុល្លារអាមេរិក។
ថវិកាសាងសង់ស្ពានកោះធំនេះ ជាកម្ចីសម្បទានរបស់ប្រទេសចិន និងត្រូវប្រើរយៈពេលសាងសង់ក្នុងរយៈពេល ៣៦ខែ ដោយគ្រោងបញ្ចប់ក្នុងខែមីនា ឆ្នាំ២០១៦។
ស្ពានកោះធំ តភ្ជាប់ស្ពាននៅត្រើយខាងកើតទន្លេបាសាក់ ប្រវែង ៣០០ ម៉ែត្រ ភ្ជាប់ ផ្លូវជាតិលេខ ១១០ ភូមិព្រែកថ្មី ឃុំជ្រោយតាកែវ និង ត្រើយ ខាងលិចប្រវែង ១០៩ ម៉ែត្រ ភ្ជាប់មកផ្លូវជាតិលេខ ២១ ត្រង់ចំណុចភូមិព្រែកធន់ ឃុំព្រែកស្ដី ស្រុកកោះធំ មានប្រវែង សរុបទាំងសងខាង ៤០៩ ម៉ែត្រ ទទឹង ផ្លូវ ១៤ ម៉ែត្រ ក្រាលបេតុងកៅស៊ូ(AC) ទទឹង ១០,៨ ម៉ែត្រ។