បន្ទាយមានជ័យៈ ពលរដ្ឋខ្មែរចំនួន៩៥នាក់ដែលរួមទាំងក្មេងៗផងនោះ ត្រូវបានតម្រួតថៃចាប់ខ្លួននៅជិតផ្សាររុងក្លឿនិងបានប្រគល់ឲ្យអាជ្ញាធរខ្មែរកាលពីថ្ងៃពុធ បន្ទាប់ពីពួកគេបានឆ្លងដែនខុសច្បាប់ទៅរកការងារធ្វើនៅក្នុងក្រុងបាងកក។
Thursday, 28 March 2013
ផាក់ ស៊ាងលី
ភ្នំពេញ ប៉ុស្តិ៍
ពលរដ្ឋខ្មែរដែលត្រូវតម្រួតថៃចាប់បញ្ជូនមកវិញកាលពីឆ្នាំ ២០១១ ។ រូបថត ផា លីណា
កាសែតថៃ The Nation បានរាយការណ៏ថានគរបាលអន្តោប្រវេសន៏ថៃបានធ្វើការស្រាវជ្រាវរកអ្នកឆ្លងដែនខុសច្បាប់នៅក្នុងសហគមន៏មួយនៅជិតផ្សាររុងក្លឿក្នុងខេត្តស្រះកែវប្រទេសថៃ ហើយបានឃាត់ខ្លួនប្រជាពលរដ្ឋខ្មែរសរុបចំនួន៩៥នាក់ ក្នុងនោះមានប្រុស៥១នាក់ (ក្មេងពីរនាក់) និងស្រី៤៤នាក់ (ក្មេងស្រីពីរនាក់)។
កាសែតនេះបានបញ្ជាក់ថា៖«ប្រជាពលរដ្ឋទាំងនោះបានឆ្លងដែនខុសច្បាប់ ដើម្បីរកការងារធ្វើ។ នគរបាល[ថៃ]បានថតរូបពួកគេនិងសរសេររបាយការណ៏ទុក»។