ភ្នំពេញៈ តារាចម្រៀងដ៏ល្បីល្បាញរបស់ប្រទេសកម្ពុជា ឱក សុគន្ធកញ្ញានឹងប្រើប្រាស់ប្រជាប្រិយភាពរបស់ខ្លួនដើម្បីបុព្វហេតុល្អក្នុងសង្គម ដោយបានប្រាប់ដល់អ្នកគាំទ្ររបស់ខ្លួនឲ្យគាំទ្រដល់យុទ្ធនាការនៃគម្រោងការសាងសង់យុវជន Habitat Youth BUILD ២០១៣ ដើម្បីចូលរួមដោះស្រាយបញ្ហាខ្វះខាតលំនៅឋាននៅប្រទេសកម្ពុជា។
Friday, 19 April 2013
សេត គឹមសឿន
ភ្នំពេញ ប៉ុស្តិ៍
តារាចម្រៀង ឱក សុគន្ធកញ្ញា នឹងក្លាយជាតំណាងការផ្សព្វផ្សាយនេះ។ រូបថត សេត គឹមសឿន
ខ្សែ អាត់វីដេអូផ្ទាល់ខ្លួនមួយត្រូវបានចាក់ផ្សាយនៅបន្ទាប់ពីកម្មវិធីចូលឆ្នាំខ្មែរ គឺជាវីដេអូដែលជំរុញឲ្យមានការចូលរួមជាសកម្មនៅក្នុងកម្មវិធីការសាងសង់យុវជន Habitat Youth BUILD ២០១៣ ពីសំណាក់អ្នកស្ម័គ្រចិត្តក្នុងស្រុកទាំងអស់។ ខ្សែវីដេអូនេះត្រូវធ្វើការចាក់ផ្សាយនៅលើទំព័រ ហ្វេសប៊ុករបស់តារាចម្រៀង ឱក សុគន្ធកញ្ញា ដែលមានការគាំទ្រប្រមាណជាង ១៥៧.០០០ នាក់។
តំណាងអង្គការ បានឲ្យដឹងថា ការគាំទ្រទាំងនៅលើអ៊ីនធឺណិត និងមិននៅលើអ៊ីនធឺណិត ចំពោះគម្រោង Habitat Youth BUILD កំពុងតែមានការកើនឡើងជាបន្តបន្ទាប់ ខណៈដែលយុទ្ធនាការនេះនឹងឈានមកដល់នៅថ្ងៃទី២៧ ខែមេសា នៅពេលដែលមានយុវជនក្មេងៗចំនួន១០.០០០នាក់នឹងរួមគ្នាសាងសង់ និងជួសជុលលំនៅឋាន ឬរៃអង្គាសថវិកា និងលើកកម្ពស់ការយល់ដឹងនៅទីតាំងចំនួន៤១កន្លែង នៅក្នុងប្រទេសចំនួន៧ នៅទ្វីបអាស៊ី។
នៅក្នុងនោះមានប្រទេសចិន កម្ពុជា ឥណ្ឌា ឥណ្ឌូនេស៊ី ជប៉ុន នេប៉ាល់ និងហ្វីលីពីន ។ គម្រោង Habitat Youth BUILD លើកកម្ពស់ការយល់ដឹង និងកៀងគរមូលនិធិ និងអ្នកស្ម័គ្រចិត្ត ដើម្បីចូលរួមដោះស្រាយបញ្ហាខ្វះខាតលំនៅឋាននៅក្នុងតំបន់អាស៊ី ប៉ាស៊ីហ្វិក។ ដោយឡែកនៅប្រទេសកម្ពុជា ឱក សុគន្ធកញ្ញា នឹងចូលរួមក្នុងកម្មវិធីនេះ ដែលរៀបចំឡើងនៅដីមួយកន្លែងជិតគុកព្រៃស។
គម្រោង Habitat Youth BUILD ២០១៣ គឺមានភាពល្អប្រសើរលើសពីភាពជោគជ័យកាលពីឆ្នាំមុន ដែលមានអ្នកគាំទ្រលើប្រព័ន្ធអ៊ីនធឺណិតជាងមួយលាននាក់ និងមានមនុស្សជាង៥.០០០នាក់សាងសង់លំនៅឋានក្នុងប្រទេសចំនួនប្រាំក្នុងរយៈពេលមួយថ្ងៃ។ ព្រឹត្តិការណ៍នោះ បានរៃអង្គាសថវិកាបានជាង១លានដុល្លារ និងបានជួយដល់គ្រួសារដែលមានប្រាក់ចំណូលទាបជាង៧០០គ្រួសារ។
ចំណែក ឯតារាសម្តែងរបស់ហូលីវូដ លោក ចន អាប្រាហាម ក៏បានប្រាប់ដល់អ្នកគាំទ្ររបស់ខ្លួនឲ្យគាំទ្រដល់យុទ្ធនាការនៃ គម្រោង Habitat Youth BUILD ២០១៣ និងចូលរួមដោះស្រាយបញ្ហាខ្វះខាតលំនៅឋាន។ ខ្សែអាត់វីដេអូផ្ទាល់ខ្លួនមួយត្រូវបានចាក់ផ្សាយនៅថ្ងៃនេះ គឺជាវីដេអូចុងក្រោយនៃវីដេអូចេញផ្សាយបន្តគ្នានៃការគាំទ្ររបស់អ្នកសារព័ត៌មានដែលបានទទួលពានរង្វាន់នាង ខារ៉ែន ដាវីឡា (Karen Davila) និងពិធីករទូរទស្សន៍ ធីម យ៉ាប (Tim Yab) មកពីប្រទេសហ្វីលីពីន គឺជាអ្នកដែលនៅក្នុងចំណោមអ្នកដែលគាំទ្រយុទ្ធនាការរបស់អង្គការ Habitat ។
ពួកគេបានសរសេរនៅលើបណ្តាញសង្គម Twitter ថា៖ «ខ្ញុំស្រឡាញ់ HABITAT! ចូលរួមជាមួយពួកយើង! RT@HabitatPhils: Youth Build 2013! ចែករំលែកវីដេអូនេះ! បង្កើតទំព័រអ្នកគាំទ្រ! អ្នកស្ម័គ្រចិត្ត! Fb.me/CJLpdAH1” បានបញ្ជូនដល់មនុស្សចំនួនពីរលាននាក់»។
តារាចម្រៀងចិន ចេដ ខ្វាន់ (Jade Kwan) បានសរសេរសារទៅកាន់អ្នកគាំទ្ររបស់នាងដែលមានចំនួនកន្លះលាននាក់ នៅលើគេហទំព័រ weibo.com ដែលជាទំព័របណ្តាញសង្គមដ៏ធំបំផុតក្នុងប្រទេសចិនថា៖«ទាំងអស់គ្នា យើងជួយដល់មិត្តរបស់យើងដែលត្រូវការសាងសង់លំនៅឋាន… យើងរួមគ្នាជួយដល់គ្រួសារទាំងនោះ ដើម្បីបំពេញនូវសុបិនរបស់ពួកគេ»។
ការជួយឲ្យមានការចាប់ផ្តើមយុទ្ធនាការនៅក្នុងខែមីនា គឺការប្រកួតវីដេអូមានចលនា និងការរចនាអាវយឺតនៅលើបណ្តាញអ៊ីនធឺណិត ដែលទទួលបានការចូលរួមប្រកួតជាង៥៧ស្នាដៃ ទទួលបានការបោះឆ្នោតគាំទ្រជាង ២.០០០សំឡេង និងទទួលបានជ័យជម្នះដោយនិសិ្សតម្នាក់នៅក្នុងប្រទេសកម្ពុជា។
ស៊ុន លីម៉ី អាយុ១៨ឆ្នាំ រៀបរាប់ពីការជំរុញចិត្តការរចនាអាវយឺតដ៏មានប្រជាប្រិយភាពរបស់នាងថា៖«ពាក្យសម្តីប្រៀបបាននឹងដុំឥដ្ឋ និងស៊ីម៉ងត៍ ដែលត្រូវការដើម្បីសង់លំនៅឋានពិតប្រាកដមួយ លំនៅឋានដែលនឹងផ្តល់នូវសេចក្តីសង្ឃឹម សេចក្តីស្រឡាញ់ ការលើកទឹកចិត្ត សុភមង្គល ការការពារ និងអ្វីៗជាច្រើនទៀត»។
ឯកអគ្គ រដ្ឋទូតចុងក្រោយសម្រាប់គម្រោង Habitat Youth BUILD គឺ Slater Young អ្នកឈ្នះពានរង្វាន់ Big Brother មកពីហ្វីលីពីន ដែលនឹងចូលរួមជាមួយអ្នកល្បីៗផ្សេងទៀតរួមមាន ស្ថាបត្យករវ័យក្មេង Fai Au និងតារាបង្ហាញម៉ូដ Kelly Fu មកពីហុងកុង, Mary Kom ជើងឯកប្រដាល់ពិភពលោក និងអូឡាំពិក និងលោក PurabKohli ជាតារាសម្តែង និងពិធីករទូរទស្សន៍មកពីឥណ្ឌា៕
គួរសរសើរណាស់ដែលគាត់មានគំនិតបែបនេះ សូមអោយបងស្រីមានសម្រស់កាន់តែល្អ