ភ្នំពេញ: មណ្ឌល​ព័ត៌មាន​កម្មករ WIC បានរួម​សហការ​ជាមួយ​អង្គការ អាក់​សិន​អេ​ត កម្ពុជា បានរៀបចំ​វេទិកា​កម្មករ ស្តីពី​សុវត្ថិភាព សុខភាព និង​ការអប់រំ ក្នុង​គោលបំណង​លើកទឹកចិត្ត​ឲ្យ​កម្មករ បង្ហាញ​ពី​បញ្ហា​របស់ខ្លួន និង​បញ្ចូល​បញ្ហា​ស្ត្រីទៅក្នុង​របៀបវារៈ​ការ​ងាររបស់​សហជីព និង​សហព័ន្ធ​។​

ថ្ងៃទី 4 ឧសភា 2013
ដោយ: កូឡាប
CEN

​វេទិកា​កម្មករ​នេះ នឹង​រៀបចំឡើង​ដោយ​មណ្ឌល​ព័ត៌មាន​កម្មករ WIC និង​អង្គការ អាក់​សិន​អេ​ត កម្ពុជា នៅ​ថ្ងៃទី​៥ ​ខែឧសភា ​ឆ្នាំ​២០១៣ នៅ​អង្គការ អាក់​សិន​អេ​ត កម្ពុជា​។​

​យោងតាម​សេចក្តីប្រកាស​ព័ត៌មាន​របស់​អង្គការ អាក់​សិន​អេ​ត កម្ពុជា នៅ​ថ្ងៃទី​៣​ខែឧសភា ​ឆ្នាំ​២០១៣ បានបង្ហាញ​ពី​គោលជំហរ​នៅក្នុង​វេទិកា​កម្មករ​នេះ​ថា ៖
-​មិន​គាំទ្រ ឬ បម្រើ​ផលប្រយោជន៍​គណបក្សនយោបាយ​ណាមួយ​ឡើយ​
-​មិន​ធ្វើការ​រិះគន់ និង​ជេរប្រមាថ​បុគ្គល​ណា​ម្នាក់​ឡើយ​
-​ធ្វើការ​ចែករំលែក និង​បង្ហាញ​ពី​បញ្ហា​ពិត​របស់​កម្មករ
-​ធ្វើការ​ស្វែងរក​ដំណោះស្រាយ​រួមជាមួយ​សហជីព ទៅលើ​បញ្ហា​កម្មករ​

​សេចក្តីប្រកាស​ព័ត៌មាន​ដដែល បានលើកឡើង​ពី​កម្មវិធី​របស់ខ្លួន បន្តទៀតថា ចែករំលែក​អំពី​ទិដ្ឋភាព​ទូទៅ ជុំវិញ​វិស័យ​កាត់ដេរ និង​ចលនា​កម្មករនៅក្នុង​កម្ពុជា និង​លើ​ពិភពលោក​។​ ​កម្មករ​បង្ហាញ​ពី​បញ្ហា​លក្ខ​ខណ្ឌ​ការងារ និង​ប្រាក់​ឈ្នួល​។ ការបង្ហាញ​ពី​លទ្ធផល​នៃ​ការសិក្សា​ស្រាវជ្រាវ​ពី​សុវត្ថិភាព​នៅក្នុង​ទីក្រុង របស់​ស្ត្រី​នៅ​កម្ពុជា របស់​អង្គការ អាក់​សិន​អេ​ត កម្ពុជា​។ ការលើកឡើង​ពី​បញ្ហា​សុវត្ថិភាព និង​ការរស់នៅ​របស់​កម្មក​រ នៅ​ខាងក្រៅរោងចក្រ​កាត់ដេរ​។ ការចែករំលែក​របស់​កម្មករ ពី​ការទទួលបាន​សេវាសាធារណៈ​លើ​ការអប់រំ និង​សុខភាព​៕ S