ភ្នំពេញ: នៅខែមិថុនា ឆ្នាំ២០១៣ ខាងមុខនេះ គ.ជ.ប នឹងបើកប្រព័ន្ធទូរស័ព្ទចំនួន ៥ ខ្សែ ដែលជាខ្សែទូរស័ព្ទ ប្រើប្រាស់ដោយមិនគិតថ្លែ សំរាប់ឲ្យប្រជាពលរដ្ឋ អ្នកបោះឆ្នោត ដែលចង់រកឈ្មោះរបស់គាត់។
ថ្ងៃទី 4 ឧសភា 2013
ដោយ: រតនា
CEN
អគ្គលេខាធិការ គជប លោក ទេព នីថា បានបញ្ជាក់ថា ខ្សែទូរស័ព្ទទាំងនោះ មានក្បាល ០១៦/ ០១១/ ០៩៩/ ០៨១/ ០៨៦ ៩៨ ៧៧ ៦៦។ លេខនេះប្រជាពលរដ្ឋ អាចហៅចូលគ្រប់ម៉ោងទាំងអស់ ហើយអ្នកប្រចាំការ នឹងប្រាប់វិញអំពីឈ្មោះ និងទីតាំងការិយាល័យជាដើម។
លោក ទេព នីថា បានថ្លែងបែបនេះ នៅក្នុងកិច្ចប្រជុំជាមួយគណបក្សនយោបាយ និងតំណាងអង្គការក្រៅរដ្ឋាភិបាល កាលពីព្រឹកថ្ងៃទី០៣ ខែឧសភា ឆ្នាំ២០១៣។ គឺជាការឆ្លើយតបទៅនឹងការទាមទាររបស់សង្គមស៊ីវិលមួយចំនួន ដែលចង់ឲ្យ គ.ជ.ប បិទបញ្ជីឈ្មោះអ្នកបោះឆ្នោត នៅតាមភូមិ ចាប់ពីពេលនេះតទៅ ដើម្បីងាយស្រួលដល់ប្រជាពលរដ្ឋ បានមើល និងផ្ទៀងផ្ទាត់ឈ្មោះរបស់ខ្លួន។
លោក ទេព នីថា លើកឡើងយ៉ាងនេះថា “មានអង្គការខ្លះ ទាមទារឲ្យបិទបញ្ជីនៅតាមភូមិ ដែលមានជាង ១ ម៉ឺន ៤ ពាន់ភូមិ ហើយបញ្ហានេះ គ.ជ.ប មានការលំបាកណាស់ ពីព្រោះប្រជាពលរដ្ឋមួយភូមិ មិនមែនមានឈ្មោះនៅការិយាល័យតែមួយទេ គឺអាចមានឈ្មោះនៅតាមការិយាល័យច្រើន នៅក្នុងឃុំសង្កាត់ ដូច្នេះបើចង់បិទបញ្ជីមួយភូមិ មិនមែនបិទមួយភូមិទេ គឺបិតបញ្ជីមួយឃុំ ឬមួយសង្កាត់តែម្តង”។
លោក ទេព នីថា បញ្ជាក់ថា “យើងអត់មាននីតិហ្នឹង ដើម្បីបិទនៅតាមភូមិទេ ប៉ុន្តែយើងធ្វើកិច្ចការច្រើនទៀត ដើម្បីឲ្យប្រជាពលរដ្ឋបានដឹងថា គាត់មានឈ្មោះ នៅក្នុងបញ្ជីបោះឆ្នោត។ ទី១ នៅពេល គ.ជ.ប ផ្តល់សុពលភាពរួចហើយ នៅលើបញ្ជីបោះឆ្នោត កាលពីថ្ងៃទី៣០ ខែធ្នូ ឆ្នាំ២០១២ កន្លងទៅនេះ គ.ជ.ប បានផ្សព្វផ្សាយបញ្ជីនេះ ទៅតាមវេបសាយ។ ដូច្នេះអ្នកដែលមានលទ្ធភាពបើកមើលតាមវេបសាយហ្នឹង គឺអាចមើលបាន ទី២ យើងបានថតចម្លងបញ្ជីបោះឆ្នោតនេះ បញ្ជូនទៅក្រុមប្រឹក្សាឃុំ សង្កាត់ ហើយនៅទីនោះ ក្រុមប្រឹក្សាឃុំ សង្កាត់ អាចផ្តល់ឲ្យប្រជាពលរដ្ឋ បានពិនិត្យមើលឈ្មោះរបស់គាត់បាន និងអាចធ្វើជាមូលដ្ឋានដើម្បីមេឃុំ ចៅសង្កាត់ ធ្វើការបញ្ជាក់ឈ្មោះលើបញ្ជីបោះឆ្នោតជូនបេក្ខជន ដើម្បីឲ្យគណបក្សនយោបាយរៀបចំជាឯកសារចុះបញ្ជីគណបក្សនយោបាយឈរឈ្មោះបោះឆ្នោត។ នេះជាការងារពីរ ដែលយើងបានធ្វើតាំងពីខែមករា ខែកុម្ភៈ ឆ្នាំ២០១៣ មកម្លេះ”៕
បើមានតែទូរសព្ទ័ហើយប្រពន្ធ័បណ្តាញជង្អៀតពិបាកទាក់ទងក៍មិនអាចជួយអ្នកបាត់ឈ្មោះទាំងនោះ មិនបានដែរ។ ឮថាបាត់ឈ្មោះជាង១លាននាក់ហើយទូរសព្ទ័មានតែ៥ខ្សែរតើប្រជាជនចំណាចពេល ប៉ុន្មានថ្ងៃក្នុងកាហៅចូលនិងអាចទំនាក់ទំនងគ្នាបាន??? ខ្ញុំអាចមើលឃើញថាប្រសិនបើពេលនោះប្រ ជាជនជាង១លាននាក់ដែលបានបាត់ឈ្មោះនោះទូរសព្ទ័ទៅទាក់ទងគជបប្រាក់ជាមិនងាយទាក់ទង បាននោះទេព្រោះប្រពន្ធ័ទទួលទួរសព្ទ័មានតែ៥ខ្សែនោះ។ ម្យ៉ាងទៀតប្រសិនបើប្រជាជនដែលបាត់ ឈ្មោះនោះធ្វើការទំនាក់ទំនងទៅគជបពួកគេអាចខ្លាចរអែងគេគត់ឈ្មោះចំណាំនិងអាចធ្វើទុកទោស ទៅថ្ងៃក្រោយព្រោះឮថាអ្នកដែលបាត់ឈ្មោះបោះឆ្នោតភាគច្រើនសុទ្ធតែជាអ្នកគាំទ្របក្សជំទាស់។ តើគជបបង្ហាញពីភាពឯករាជ្យនិងការពារសុវត្តភាពជូនប្រជាជនដែលបាត់ឈ្មោះទាំងនោះដល់កំរិត ណាប្រសិនបើមានការទូរសព្ទ័ទាក់ទងទៅគជបតាមទូរសព្ទ័?
តើគជបមើលឃើញប្រជាជនទូទៅទាំងនោះសុទ្ធតែជាអ្នកមានលុយសម្រាប់ទិញកាតទូរសព្ទ័សម្រាប់ ទាក់ទងទៅគជបឬ? ប្រពន្ធ័ទូរសព្ទ័ទាំង៥ខ្សែនោះប្រសិនបើប្រជាជនមិនមានទិកប្រាក់ក្នុងទូរសព្ទ័តើ ប្រជាជនទាំងនោះអាចហៅចេញបានទេ? ខ្ញុំគិតថាវិធីសាស្ត្រដោះស្រាយគួរតែជាវិធីសាស្ត្រដែល ប្រជាជនមិនចំណាចប្រាក់ដើម្បីបន្ធូការចំណាចរបស់ពួកគាត់។
មានច្បាប់អន្តោប្រវេសន៍ មានច្បាប់ ប្រឆាំងនិងអំពើពុករលួយ មានច្បាប់ឯកព័ន្ធភាព …….
ឥឡូវមាន ប្រព័ន្ធទូរស័ព្ទចាំជួយប្រជាពលរដ្ឋដែលបាត់ឈ្មោះទៀត នេះបានចំជាព្រះរាជាណាចក្រ អច្ឆរិយមែន។