សមាជិកគណៈកម្មាធិការអចិន្ត្រៃយ៍រដ្ឋសភាមកពីគណបក្សប្រជាជនកម្ពុជា បានប្រកាសក្នុងកិច្ចប្រជុំរដ្ឋសភា កាលពីថ្ងៃសុក្រ ទី៧ មិថុនា ថា រដ្ឋសភាបានដកតួនាទីតំណាងរាស្ត្រគណបក្ស សម រង្ស៊ី និងគណបក្ស សិទ្ធិមនុស្ស ចំនួន ២៩រូប ដោយសារតំណាងរាស្ត្រទាំងនោះបានផ្តាច់ខ្លួនបង្កើតគណបក្សសង្គ្រោះជាតិ។
ដោយ យន់ សាមៀន
2013-06-08
RFA
ស្ដាប់ ឬ ទាញយកសំឡេង
ការដកតួនាទីតំណាងរាស្ត្រគណបក្សប្រឆាំងស្ងាត់ៗនេះ ធ្វើឡើងចំពេលរដ្ឋសភាបានអនុម័តច្បាប់កាត់ទោសអ្នកមិនទទួលស្គាល់ឧក្រិដ្ឋកម្មក្នុងរបបខ្មែរក្រហម។ អ្នកវិភាគនយោបាយចាត់ទុកថា យុទ្ធនាការប្រឆាំងគណបក្សប្រឆាំង ធ្វើឡើងដើម្បីគាបសង្កត់ផ្នែកនយោបាយលើគណបក្សប្រឆាំង មុនការរៀបចំការបោះឆ្នោតខែកក្កដា ខាងមុខ។
តំណាងរាស្ត្រគណបក្សប្រឆាំងបានថ្កោលទោសរដ្ឋសភាដែលបានបណ្ដេញតំណាងរាស្ត្រគណបក្សប្រឆាំងចំនួន ២៩រូប មកពីគណបក្ស សម រង្ស៊ី និង សិទ្ធិមនុស្ស ដោយគ្មានតម្លាភាព។
តំណាងរាស្ត្រគណបក្ស សម រង្ស៊ី លោក ជា ប៊ូច មានប្រសាសន៍ថា រដ្ឋសភាបានរំលោភច្បាប់ដែលបានបណ្ដេញតំណាងរាស្ត្រដោយស្ងាត់ៗ ហើយរហូតមកទល់ពេលនេះនៅមិនទាន់បានជូនដំណឹងឲ្យតំណាងរាស្ត្រ ដែលបានបាត់បង់តំណែងដឹងពីសេចក្តីសម្រេចចិត្តរបស់រដ្ឋសភា។
ប្រតិកម្មរបស់តំណាងរាស្ត្រគណបក្សប្រឆាំង ធ្វើឡើងបន្ទាប់ពីប្រធានគណៈកម្មាធិការទំនាក់ទំនងកិច្ចការបរទេសនៃរដ្ឋសភា លោក ឈាង វុន បានប្រាប់អង្គសភា កាលពីថ្ងៃសុក្រ ថា រដ្ឋសភាមិនអាចទទួលការស្នើសុំអ្វីទាំងអស់ពីគណបក្សប្រឆាំង ដោយសារតែតំណាងរាស្ត្រគណបក្សត្រូវបានបញ្ចប់តួនាទីក្នុងរដ្ឋសភា។
លោក ជា ប៊ូច នៅតែអះអាងថា ទាំងតំណាងរាស្ត្រគណបក្ស សម រង្ស៊ី និងគណបក្ស សិទ្ធិមនុស្ស មិនបានដឹងព័ត៌មានទាំងស្រុងពីរដ្ឋសភា ដែលបានសម្រេចដកហូតតួនាទីរបស់ពួកគេ៖ «ខ្ញុំយល់ឃើញថា សភាសព្វថ្ងៃនេះ គាត់ធ្វើអ្វីមួយឲ្យតែចិត្តចង់ ធ្វើមិនស្រប ឬស្របច្បាប់ក៏ដោយ»។
តំណាងរាស្ត្រសភាគណបក្សប្រជាជនកម្ពុជា កាលពីថ្ងៃសុក្រ បានអនុម័តសេចក្តីព្រាងច្បាប់ប្រឆាំងបុគ្គលទាំងឡាយមិនទទួលស្គាល់ឧក្រិដ្ឋកម្មក្នុងរបបកម្ពុជាប្រជាធិបតេយ្យ។ សេចក្ដីស្នើច្បាប់ដែលមាន ៥មាត្រានេះ ត្រូវគេសង្កេតឃើញថា ធ្វើឡើងយ៉ាងតក់ក្រហល់ក្នុងរយៈពេល ២សប្តាហ៍ប៉ុណ្ណោះ ក្រោយពីលោកនាយករដ្ឋមន្ត្រី ហ៊ុន សែន ប្រកាសស្នើច្បាប់នេះឡើង។
តំណាងរាស្ត្រភាគច្រើនមកពីគណបក្សប្រជាជនកម្ពុជា បានបោះឆ្នោតគាំទ្រដោយឯកច្ឆន្ទ ៨៦ លើ ៨៦ ដោយគ្មានការចូលរួមពីតំណាងរាស្ត្រគណបក្សប្រឆាំង។
ច្បាប់ស្ដីពីការប្រឆាំងអ្នកមិនទទួលស្គាល់ឧក្រិដ្ឋកម្ម ដែលប្រព្រឹត្តឡើងក្នុងរយៈពេលនៃកម្ពុជាប្រជាធិបតេយ្យ នៅមាត្រា២ ចែងថា រាល់ការមិនទទួលស្គាល់ ឬការសម្រាល ឬ ការបដិសេធឧក្រិដ្ឋកម្មក្នុងរយៈពេលនៃកម្ពុជាប្រជាធិបតេយ្យ ត្រូវផ្ដន្ទាទោសជននោះដាក់ពន្ធនាគារពី ៦ខែ ទៅ ២ឆ្នាំ។
មន្ត្រីជាន់ខ្ពស់គណបក្សប្រជាជនកម្ពុជា លោក ជាម យៀប ជាអ្នកស្នើច្បាប់ព្រមានថា ប្រសិនបើលោក កឹម សុខា អនុប្រធានគណបក្សសង្គ្រោះជាតិ ឬបុគ្គលណាមួយមិនទទួលស្គាល់របបខ្មែរក្រហម ពួកគេនឹងត្រូវប្រឈមចំពោះមុខច្បាប់។
សេចក្តីថ្លែងការណ៍គណបក្សសង្គ្រោះជាតិ ចាត់ទុកថា ច្បាប់ប្រឆាំងនឹងបុគ្គលទាំងឡាយមិនទទួលស្គាល់ឧក្រិដ្ឋកម្មក្នុងរបបកម្ពុជាប្រជាធិបតេយ្យ គ្មានសុពលភាពឡើយ ដោយសារតែរដ្ឋសភាអស់សុពលភាព ដោយសារសភាបច្ចុប្បន្នគ្មានតំណាងរាស្ត្រគ្រប់ចំនួន ១២៣នាក់។ គណបក្សនេះបានសម្ដែងការខកចិត្ត ដែលអ្នកតំណាងរាស្ត្រគណបក្សប្រជាជនកម្ពុជា និងរដ្ឋសភា បដិសេធមិនព្រមពន្យារពេលអនុម័តច្បាប់ ដើម្បីសិក្សាឲ្យគ្រប់គ្រាន់។
មន្ត្រីនាំពាក្យគណបក្សសង្គ្រោះជាតិ លោក យឹម សុវណ្ណ មានប្រសាសន៍ថា ទង្វើរបស់រដ្ឋសភាបានរំលោភសិទ្ធិពលរដ្ឋ ដែលបានជ្រើសរើសតំណាងរាស្ត្រទាំង ២៩រូប។ លោកបន្តថា គ្មានច្បាប់ណាអាចរំលាយសមាជិកភាពរបស់តំណាងរាស្ត្រឡើយ លុះត្រាតែសភាថ្មីត្រូវបានបង្កើតឡើង។
ការអនុម័តច្បាប់ថ្មីចំពេលដែលអនុប្រធានគណបក្សសង្គ្រោះជាតិ លោក កឹម សុខា បានបញ្ចប់កិច្ចប្រជុំកំពូលរវាងប្រធានគណបក្ស លោក សម រង្ស៊ី និងមន្ត្រីជាន់ខ្ពស់មួយចំនួនទៀត នៅប្រទេសសិង្ហបុរី នៅដើមសប្ដាហ៍នេះ។ លោក កឹម សុខា បានមកដល់ប្រទេសកម្ពុជា វិញ កាលពីរសៀលថ្ងៃសុក្រ ដោយមានក្រុមកងការពារសន្តិសុខខ្ពស់។ លោកមិនបានថ្លែងទៅកាន់ក្រុមអ្នកសារព័ត៌មានឡើយ។
ការប្រុងប្រយ័ត្នសន្តិសុខ លោក កឹម សុខា ដោយសារនៅចុងសប្ដាហ៍ក្រោយនេះ ជនរងគ្រោះរបបខ្មែរក្រហមប្រមាណ ២ម៉ឺននាក់ គ្រោងនឹងធ្វើបាតុកម្មប្រឆាំងលោក កឹម សុខា ចំពោះអត្ថាធិប្បាយលោកទាក់ទងនឹងរបបខ្មែរក្រហម។
សេចក្តីថ្លែងការណ៍គណបក្សសង្គ្រោះជាតិ ក្រោយកិច្ចប្រជុំនៅប្រទេសសិង្ហបុរី បញ្ជាក់ថា នយោបាយញុះញង់ពីសំណាក់គណបក្សនយោបាយមួយចំនួន បានបង្កឲ្យមានការរើសអើង ដែលមិនអាចឲ្យប្រទេសកម្ពុជា មានស្ថិរភាព និងសន្តិភាព។ គណបក្សនេះប្រកាសជំហរគណបក្សថានឹងប្រកាន់គោលនយោបាយឯកភាពជាតិ បង្រួបបង្រួមជាតិ ផ្សះផ្សាជាតិ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
This is the legal state of Cambodia’s kind…….; only 1 in the world, that is the kingdom of wonderings!
ឡា ឡា ឡា ឡា ឡា មកដល់ហើយតើ! ហា ហា ហា ថ្ងៃស្អែកនេះ កូនបាតុកម្មគ្រប់ទីកន្លែងទូទាំងប្រទេស មិនក្រោម ៥០០.០០០ នាក់ទេ នឹងស្វាគមន៏ កឹម សុខា យកល្អថែមអង្គរក្សអោយបានច្រើនជាងនេះបន្ថែមទៀត ក្រែងលោសមត្ថកិច្ចគាត់ទប់ទល់មិនជាប់
.
សមាជិកសភារបស់គណបក្សប្រជាជនមានតម្លាភាពតែខាងសម្រេចច្បាប់ណាដែលជាច្បាប់រក
ប្រយោជន៍ឱ្យបក្សខ្លួន តែវាជាប្រយោជន៍ដែលបំផ្លាញផលប្រយោជន៍ជាតិ ។ ខ្ញុំតែងសម្គាល់
ឃើញថានៅរៀងរាល់ពេលដែលគណបក្សប្រឆាំងលើកការបកស្រាយបង្ហាញហេតុផលជាក់
ស្តែងខ្លះ…ដូចជាប្រាក់វិស័យទេសចរអង្គរវត្ត ឬក៏ប្រាក់្ចខ្ចីបរទេសដែលថាយកមកកសាងជាតិ
តែហ៊ុន សែនបែរជាយកទៅចំណាយខុសរឿង ដូចជាទិញរថក្រោះការពារនិងពង្រឹងអំណាចខ្លួន
ពួកគេក៏ហាក់រសាប់រសល់ សម្លឹងមុខគ្នាឡឹងឡង់ លោកជំទាវវិញក៏ចាប់ផ្តើមរមាស់… យូរៗទៅ
ខ្ញុំចេះតែឆ្ងល់តើសមាជិកសភារបស់គណបក្សប្រជាជនជាសត្វស្អីដែរហ្ន! ដែលមិនមានសតិ
សម្បជញ្ញៈគ្រប់គ្រាន់ ល្មមយល់ឱ្យបានថាអ្វីវាជាប្រយោជន៍ជាតិ អ្វីវាជាមិនមែន ។ ពួកគេគិត
តែប្រយោជន៍បក្សនិងប្រយាជន៍ផ្ទាល់ខ្លួន ។ ថាហ៊ុន សែនចុះជាក្មេងពាល មិនបានរៀនសូត្រ
ជ្រៅជ្រះ បន្ទាប់មកក៏ចូលធ្វើជាឃាតករជាមួយខ្មែរក្រហម–ខ្ញុំសូមបញ្ជាក់ថា ‹‹កងឈ្លប››
គឺជាកងដែលលបចាប់ជនគ្មានកំហុស យកទៅប្រឌិតទោស ហើយក៏សម្លាប់ចោល …
ហ្នឹងគ៊ជាកាតព្វកិច្ចរបស់កងឈ្លបដូចហ៊ុន សែន–ចុះអស់លោកបញ្ញវ័ន្ត បណ្ឌិតមហាបរិញ្ញា
ហេតុអីក៏លុតក្រាបសំពះហ៊ុន សែនដែរ…វាគ៊មកតែពីអានុភាពម្យ៉ាងដែលជម្រុញពួកគេ
ឱ្យលក់ខួរបាន៖ មហិច្ឆតាស្វែងរកលាភទាំងថោកទាប! ហើយក៏នាំ្នគ្នារស់យ៉ាងសប្បាយនៅ
លើសេចក្តីទុក្ខរបស់ពលរដ្ឋខ្មែរក្រីក្រ ។ ជារឿយៗ ពួកគេតែងនិយាយថាពលរដ្ឋខ្មែរភាគ
ច្រើនកំពុងរស់នៅយ៉ាងសប្បាយតាមគន្លងការអភិវឌ្ឍន៍ដ៏រុងរឿងរបស់សម្តាចម៍ហើយ…សុំសួរថា
បើភាគច្រើនកំពុងរុងរឿងហើយ ម្តេចឡើយមិនជួយស្តួយមនុស្សភាគតិចហ្នឹងឱ្យវាបាន
ឡើងប្រដំប្រសងគ្នាផងទៅ?…និយាយឱ្យតែបានឮទេដឹង…? បញ្ហាដីធ្លីបានកើតរាលដាលស្ទើរតែ
គ្រប់ខេត្ត រដ្ឋាភិបាលដែលជាអ្នកបង្កើតបញ្ហាអត់ចេដោះស្រាយ…ក៏ហ្វូងស្វានៅក្នុងសភា
មិនតែងច្បាប់សំខាន់ហ្នឹងឱ្យចេញជាធរមាន យកមកផ្តន្ទាទោសបនឈ្មួញទុច្ចរិតផងទៅ???
ខ្ញុំសូមចូលរួមមតិលើកឡើងរបស់លោក មេទ័ព.បាញ់ទា ១០០% មតិលោកគឺពិតជាល្អត្រឹមត្រូវ
និងជាការពិតទាំងអស់។
ខ្ញុំសូមចូលរួមមតិលើកឡើងរបស់លោក មេទ័ព.បាញ់ទា ១០០% មតិលោកគឺពិតជាល្អត្រឹមត្រូវ
និងជាការពិតទាំងអស់។
១៩៧០ជយោសាដេចអូវអាណាមិនទៅដុតផ្ទះ!!!
១៩៧៥ជយោមហាលោតផ្លោះមហាឡប់អាណាមិនឡប់តាមបាត់ខ្លួន!!!
២០១៣ជយោសាដេចដេជោអាណាមិនជោជាប់គុកបាញ់ចេតរ៉ូយ!!!
musica gratis