ពលរដ្ឋរងគ្រោះដោយសារការរំលោភដីធ្លីតំបន់បឹងកក់ ប្រមាណជាង ១០០នាក់ នាំគ្នាចេញធ្វើបាតុកម្មនារាជធានីភ្នំពេញ ប៉ុន្តែត្រូវអាជ្ញាធរដាក់កម្លាំងរារាំង ដោយបិទគ្រប់ច្រកចេញចូលរបស់ភូមិបឹងកក់។ ពួកគាត់បានតវ៉ាចំពោះការរំលោភដីធ្លីពីសំណាក់ក្រុមហ៊ុនចិន ស៊ូកាគូ (Shukaku) អស់ជាច្រើនឆ្នាំមកហើយ តែមិនមានដំណោះស្រាយ។
ដោយ វិជ័យ អានន្ទ
2013-06-18
RFA
ស្ដាប់ ឬ ទាញយកសំឡេង
តំណាងពលរដ្ឋភូមិបឹងកក់ អ្នកស្រី ទេព វន្នី មានប្រសាសន៍ថា ការប្រមូលផ្ដុំនៃពលរដ្ឋថ្ងៃនេះមិនមែនមានន័យថាអ្នកភូមិបឹងកក់ ចេញធ្វើបាតុកម្មនោះទេ ប៉ុន្តែការចេញជួបជុំគ្នាថ្ងៃទី១៧ ខែមិថុនា គឺដើម្បីបង្ហាញពីទុក្ខលំបាករបស់អ្នកភូមិឲ្យរដ្ឋាភិបាលដឹង។ អ្នកស្រីមានប្រសាសន៍បន្តថា ក្រៅពីពលរដ្ឋសម្ដែងពីទុក្ខព្រួយ ពលរដ្ឋទាមទារឲ្យតុលាការដោះលែងសកម្មជនដីធ្លី អ្នកស្រី យ៉ោម បុប្ផា។
អ្នកស្រី ទេព វន្នី មានប្រសាសន៍ទៀតថា ការដែលសាលាឧទ្ធរណ៍កាត់ទោសអ្នកស្រី យ៉ោម បុប្ផា ឲ្យជាប់គុកដោយចោទគាត់ថាជាអ្នកសមគំនិតក្នុងការវាយអ្នករត់ម៉ូតូឌុបម្នាក់ឲ្យរងរបួសនោះ មិនមែនជារឿងពិតទេ។ ជាងនេះទៀត អ្នកស្រី ទេព វន្នី បញ្ជាក់បន្ថែមថា ការជួបជុំគ្នានេះ គឺគ្រោងដង្ហែក្បួនឆ្ពោះទៅកាន់ទីស្ដីការគណៈរដ្ឋមន្ត្រី ក្នុងបំណងជូនដំណឹងពីទង្វើអាក្រក់របស់មន្ត្រីថ្នាក់ក្រោមរបស់រដ្ឋាភិបាលឲ្យរដ្ឋាភិបាលដឹង។
ទាក់ទងនឹងបញ្ហានេះ អ្នកឃ្លាំមើលការរំលោភសិទ្ធិមនុស្សជាន់ខ្ពស់នៃសមាគមការពារសិទ្ធិមនុស្សលីកាដូ (Licadho) លោក ឆេង សុភ័ស្ត មានប្រសាសន៍ថា ការតវ៉ាប្រឆាំងការបណ្ដេញចេញនៃអ្នកភូមិបឹងកក់ ហាក់ក្លាយជាជំងឺរ៉ាំរ៉ៃ ដូច្នេះពួកគាត់ត្រូវការគ្រូពេទ្យដ៏ចំណានជួយព្យាបាលពួកគាត់។ លោក ឆេង សុភ័ស្ត បញ្ជាក់ទៀតថា រដ្ឋាភិបាលគួររកដំណោះស្រាយដ៏សមរម្យណាមួយ ដើម្បីបញ្ចប់បញ្ហានេះ ពុំនោះទេ ជំងឺនេះអាចនឹងរីករាលដាលធំឡើងៗ ដែលធ្វើឲ្យប៉ះពាល់មុខរដ្ឋាភិបាលលើឆាកអន្តរជាតិ។
អ្នកភូមិបឹងកក់ ធ្វើរូបទីងមោងតំណាងឲ្យមន្ត្រីពុករលួយ បន្ទាប់មកពួកគាត់បានយករូបទីងមោងទាំងនោះយកទៅដុតលើពំនូកខ្សាច់ក្នុងភូមិបឹងកក់ ដែលស្ថិតនៅមុខទីស្ដីការគណៈរដ្ឋមន្ត្រី។ ក្នុងពិធីដុតរូបទីងមោងនោះ ពលរដ្ឋបាចអំបិលម្ទេស និងបាចលាជដាក់បណ្ដាសាពួកមន្ត្រីពុករលួយមិនស្វែងរកយុត្តិធម៌ជូនពលរដ្ឋ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
we have neutral body in our kingdom ” Cambodian Monarchy” . All those 10 million Cambodian should turn out to cast theirs vote in July 28th. Cambodian must vote freely for any political party their like, and the party that protects Khmer’s interests. Cambodian Election law punish those NEC official that cost any trouble for Khmer voters from access to their poll. the election law should be made more easy for Khmer voters to get access to their vote with out wast to much of their times for voting before any election day. Khmer voters from 18 yr old up should be access to vote more freely in their home town with out losing much of their times. their should be voting anywhere they wanted in their home province without spending times of travel to theirs polling station so they can cast their vote any station in their province.
Land issues, specially Boeung KORKERS. you know this current govt has no will to solves you land issues. it is your turn are coming up in 28 july. you should make more campaigns for election to call for more voters to help you vote for gvt that will solves you boeung kork land issues after this 28 july election. DONT WAST YOUR TIMES ANYMORE WITH THIS GOV’T COS THEY DONT SOLVES YOUR PROBLEMS. YOUR SHOULD WISH FOR NEW GOVT AFTER ELECTION TO SOLVES THIS ISSUES FOR YOU.