ពលរដ្ឋខ្មែរចំនួន ៤នាក់ស្លាប់ និង ២នាក់ផ្សេងទៀតរងរបួស ដោយសារទាហានថៃ បាញ់រះ ក្នុងពេលឆ្លងដែនរកកាប់ឈើគ្រញូងក្នុងទឹកដីថៃ។
ដោយ ហង្ស សាវយុត
2013-07-21
RFA
ស្ដាប់ ឬ ទាញយកសំឡេង
ប្រភពពីប្រជាពលរដ្ឋនៅស្រុកអន្លង់វែង និងស្រុកត្រពាំងប្រាសាទ ខេត្តឧត្តរមានជ័យ បានអះអាងថា យ៉ាងហោចណាស់មានអ្នកភូមិខ្មែរចំនួន ៤នាក់ស្លាប់ និង ២នាក់ផ្សេងទៀតរងរបួស ដោយសារទាហានថៃ បាញ់រះ នៅកន្លែង២ផ្សេងគ្នា ក្នុងពេលឆ្លងដែនរកកាប់ឈើគ្រញូងក្នុងទឹកដីថៃ។
បុរសម្នាក់ជាអ្នកភូមិថ្នល់កែង នៃឃុំផ្អាវ ស្រុកត្រពាំងប្រាសាទ ដែលសុំមិនបញ្ចេញឈ្មោះ បានមានប្រសាសន៍កាលពីរសៀលថ្ងៃអាទិត្យ ទី២១ ខែកក្កដា ថា អ្នកភូមិរបស់គាត់ចំនួន ២នាក់ បានស្លាប់ និងម្នាក់រងរបួសកាលពី ៥ថ្ងៃមុន នៅពេលឆ្លងដែនទៅរកកាប់ឈើគ្រញូងខុសច្បាប់ក្នុងទឹកដីថៃ នៃខេត្តស៊ីសាកេត។
បុរសដដែលបានបញ្ជាក់ថា ជនរងគ្រោះទាំងនោះ ម្នាក់ឈ្មោះ ថា អាយុជាង ២០ឆ្នាំ និងឈ្មោះ សែន អាយុប្រមាណ ១៥ឆ្នាំ ជាបងប្អូននឹងគ្នាបានស្លាប់។ ចំណែកឯម្នាក់ទៀតឈ្មោះ ពៅ ភាព បានរងរបួសនៅពេលឆ្លងព្រំដែនទៅកាប់ឈើគ្រញូងនៅម្ដុំចំណុចអតីតចម្ការខ្នុរ តាម៉ុក ភាគខាងកើតពីច្រកព្រំដែនក្បាលទន្សោង៖ «គាត់ទៅរកឈើគ្រញូងនៅក្នុងដីថៃ។ គ្នាគាត់ ៥នាក់ ដល់អ៊ីចឹងថៃ បាញ់ស្លាប់ ២នាក់ របួសម្នាក់ ហើយក្មេងៗ ២នាក់នោះ រត់រួចទាំងអស់ ម្នាក់ទៀតអ្នករបួស។ ប៉ូលិសខាងខេត្តគាត់យកទៅសួរនៅខេត្តហើយ»។
ចំណែកនៅឯច្រកព្រំដែន ឃុំត្រពាំងតាវ ស្រុកអន្លង់វែង មានសេចក្ដីរាយការណ៍ថា ទាហានការពារព្រំដែនថៃ បានបាញ់សម្លាប់ប្រជាពលរដ្ឋខ្មែរ ២នាក់ និងម្នាក់ទៀតរងរបួស ដោយសារឆ្លងដែន ខុសច្បាប់ទៅកាប់ឈើគ្រញូងដូចគ្នានេះ។
បុរសអ្នកភូមិតានី ឃុំរុនតាឯក នៃស្រុកបន្ទាយស្រី ខេត្តសៀមរាប គឺលោក អាន រ៉ា ដែលជាអ្នករងរបួសដោយសារទាហានថៃ បាញ់នោះ បានមានប្រសាសន៍ថា កាលពីថ្ងៃទី១៥ ខែកក្កដា កន្លងទៅ លោកនិងគ្នីគ្នាមួយចំនួនបាននាំគ្នាឆ្លងដែនខុសច្បាប់ទៅកាប់ឈើគ្រញូងក្នុងទឹកដីថៃ តាមច្រកព្រំដែនចន្លោះបង្គោលឡាក់លេខ២។ នៅពេលដែលឆ្លងផុតពីព្រំដែនខ្មែរបានបន្តិច ទាហានថៃ ក៏បានបាញ់រះ។
លោក អាន រ៉ា៖ «ដល់ពាក់កណ្ដាលផ្លូវហើយ ដីថៃ នៅម្ដុំចូលច្រកផ្លូវខ្ទំ។ ស្លាប់ ២នាក់ របួសខ្ញុំមួយ ត្រូវភ្លៅ។ បាញ់ច្រើនដែរ តែត្រូវ ១គ្រាប់។ ខ្ញុំប្ដូររត់បានរួច»។
ទោះយ៉ាងណា អនុប្រធានក្រុមការងារទំនាក់ទំនងព្រំដែនកម្ពុជា-ថៃ ប្រចាំច្រកជាំសាង៉ាំ នៃស្រុកអន្លង់វែង លោក តូច រ៉ា បានមានប្រសាសន៍ថា លោកមិនទាន់បានទទួលព័ត៌មានស្ដីពីការបាញ់រះនោះនៅឡើយទេ។
សមាគមការពារសិទ្ធិមនុស្សអាដហុក (Adhoc) ខេត្តឧត្តរមានជ័យ បានផ្ដល់តួលេខត្រួសៗថា ចាប់តាំងពីអំឡុងខែមករា រហូតមកដល់ត្រឹមថ្ងៃទី២១ ខែកក្កដា គឺមានប្រជាពលរដ្ឋខ្មែរចំនួន ១៩នាក់បានស្លាប់ និង ៦នាក់រងរបួស ដោយសារទាហានថៃ បាញ់រះ នៅពេលឆ្លងដែនខុសច្បាប់ទៅកាប់ឈើគ្រញូង។
បន្ថែមលើនេះ សកម្មភាពជួញដូរ និងដឹកជញ្ជូនឈើគ្រញូងចេញពីខេត្តជាប់ព្រំដែនថៃ ឆ្ពោះទៅព្រំដែនវៀតណាម បានកម្រើកឡើងវិញហើយមួយរយៈពេលមកនេះ។ មន្ត្រីតុលាការខេត្តសៀមរាប មួយរូប បានឱ្យដឹងកាលពីដើមខែកក្កដា ថា បច្ចុប្បន្នបទល្មើសជួញដូរឈើគ្រញូង បានកើនឡើងវិញ ហើយមានរូបភាពសាហាវ ពិបាកបង្ក្រាបផង៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទដែលទាក់ទង
- លោក ឈូក បណ្ឌិត ប្ដឹងទាស់នឹងសាលក្រមតុលាការខេត្តស្វាយរៀង
- សាលាឧទ្ធរណ៍បដិសេធបណ្ដឹងរបស់បេក្ខជនតំណាងរាស្ត្របក្សសង្គ្រោះជាតិ
- មេព្រៃវៀតណាមបាញ់ពលរដ្ឋខ្មែរ៣នាក់នៅព្រំដែន
- តុលាការខេត្តរតនគិរីគ្រោងបើកសវនាការរឿងឃាតកម្មអ្នកកាសែតវរជនខ្មែរ
- ពលរដ្ឋនឹងផ្ដល់រង្វាន់ជូនសមត្ថកិច្ចដែលចាប់លោក ឈូក បណ្ឌិត ចំនួន៧លានរៀល
- បក្សសង្គ្រោះជាតិបង្សុកូលដល់អ្នកស្លាប់ក្នុងព្រឹត្តិការណ៍រដ្ឋប្រហារឆ្នាំ១៩៩៧
- សកម្មជនចលនាអំណាចពលរដ្ឋខ្មែរ៣នាក់ត្រូវតុលាការបន្ទាយមានជ័យឃុំខ្លួន
- ព្រឹត្តិការណ៍រដ្ឋប្រហារឆ្នាំ១៩៩៧នៅតែស្ថិតក្នុងអារម្មណ៍ពលរដ្ឋ
- បុរស២នាក់ត្រូវឃាត់ខ្លួនដោយសារបោះពុម្ពអាវយឺតចលនាអំណាចពលរដ្ឋខ្មែរ
នគរថ្កើងប្លែកចំលែកចិត្ត គយគន់ពិនិត្យមើលប្រទេស
អាគារស្កឹមស្កៃលៃកំពស់ លូតហួសវត្តភ្នំថ្កើងអស្ចារ្យ។
ឡានថ្មីទំនើបទើបផលិត មានច្រើនពេកពិតគ្រប់ទំនិញ
មន្រ្តីឩកញ៉ាចោរ-ប្រជាទិញ វីវក់ប្រដេញតាមម៉ូតច្នៃ។
**ពួកអាគាំទ្រអត់មានប្រាក់ ធ្វើចោរលួចឆក់ទាំងយប់ថ្ងៃ
ខ្ជិលអត់រកអ្វីធ្វើតែចោរ កើតទុក្ខរីងរៃលក់ស្រែស៊ី។
នគរថ្កើងថ្កានស្មានមិនដល់ ផុតទុក្ខក្វល់ប្រជារីករាយ
ចាកឃ្លាតក្រីក្រឆ្ងាយសែនឆ្ងាយ -**អន់ថោកចង្រៃមន្រីចោរក្អេងក្អាង។
ពួកអាមន្រ្តីស្មោគគ្រោកបក្សប្រជាជន ប្រូភូតភរខ្លាំងគួរឲ្យខ្លាច
ចរិតព្រៃផ្សែដូចបីសាច -ស្រេកឃ្លានអំណាចកាចឃោរឃៅ។
វីឡាស្កឹមស្កៃហៃប្រណិត ឈរស្ទែតនៅជិតតាមដងផ្លូវ
ឡានតូចគ្រប់ម៉ាកច្រើនពេកកូវ -**ពួកចោរឥឡូវរស់ធូរធារ។
ម៉ែកសឺដេសខ្មៅក្រិបបើកដំបូល Lexus សាមយ៉ុងរាប់ម៉ឺនប្លាយ
ចេញចូលលូនលេងគ្មានខ្វល់ខ្វាយ មន្រ្តីចោរសប្បាយគ្មានអ្វីផ្ទឹម។
មើលទៅផ្ទះឈើដំបូលក្បឿង -**ក្រុមចោររស់សឿងគ្រប់គ្រួសារ
មិនថាទីក្រុងរឺចំការ -បីអាណត្តិទៀតណាស្មើថានចោរប្រែត។
រាស្រ្តខ្មែរមានដីគ្រប៉គ្រួសារ- ប្លែកតែបរិវារបក្សប្រជាជន
កំជិលអាំងផេះមុខស្លេកស្លាំង-ប្លន់ដីប្រណាំងចង់បានលុយ។
លក់ដីលក់ស្រែផ្ទះសម្បែង- ក្តាប់លុយមិនលែងទៅសូកប៉ាន់
យកសក្តិស្រមោលភ្លេចចង្ហាន់- ប្រពន្ធកូនឃ្លាននៅឯផ្ទះ ។
អាខ្លះអត់លុយប្រថុយយក- ប្រពន្ធដាក់ស្ពកអោយគេចុយ
ប្រាថ្នាលោភលន់ទាំងមុខស្អុយ -ចុយចុះប្រពន្ធតែសុំសក្តិ ។
សក្តិខ្យល់សក្តិវល់សក្តិស្រមោល- ច្រើនឆ្នាំទ្រីលទ្រលជួបតែស្កន់
ធ្លាក់ខ្លួនតោកយ៉ាកតែបំភ័ន្ត- ស្រែកយករួចខ្លួនកម្លារចិត្ត ។
ពួកអាអស់នេះខួរក្បាលទា- ម៉្ងៃៗវេទនារត់ឆ្លេឆ្លារ
ដង្ហក់ដង្ហោយព្រុសឡូឡារ- ហត់ជក់កញ្ឆាប៉ូវកម្លាំង ។
** វាស្រែកហឺហារថាអគារខ្ពស់- ស្តាប់ហើយឈឺពោះចង់រាគអាចម៏
អគារខ្ពស់ឯណាអាប្រកាច់- សម័យសម្តេចសុទ្ធតែចោរលួចជាតិ ។
ដីស្រែម្នាក់ៗរាប់ហិតា – គោយន្តចាត់ការមិនមែនគោ
ដឹកជីទៅស្រែឡានហ៊ីណូ- រីឯម៉ូតូមានពីរ បី ។
** អញឆ្ងល់អ្ហែងដែរពួកគាំទ្រ- ដែលអ្ហែងស្រែករ៉ោទ៍តែរាល់ថ្ងៃ
អ្ហែងចង់ថាចម្រើនៗស្អី ? – ឫុអ្ហែងក្រាញ់នៅអំណាចដឹង ? ។
ពួកអ្ហែងអស់នេះគ្មានផ្លូវទេ- កុំមកតែវែឈរច្រេមច្រុំ
ស្រែកថ្ងូរង៉េសៗដូចឆ្កែយំ- ពោលពាក្យច្រំៗថារីកចម្រើន ។
តើចម្រើនស្អី ?- អត់មានខោថ្មី- តែស្រែកអួតហួស
សន្យាខ្យល់ខ្ចប់- អប់ដាក់ធ្មេញជួស- ធ្វើខ្ចៅយន្តហោះ
អាចធ្វើអ្នកមាន ? ។
អួតទាំងខ្វល់ខ្វាយ- អួតទាំងអត់បាយ-ព្រោះខ្ចីបុលចិន
ស្រូវស៊ីមិនគ្រប់- កង់ក៏គ្មានជិះ- ខ្លួនវិញសំគិះ
តែអួតហួសឃ្លាន ។
គួរអោយសើចដែរ- វាស្រែកឡែៗ -តាប៉ែរាល់ថ្ងៃ
ថាខ្មែររីកចម្រើន- តើចម្រើនស្អី?- ប្រពន្ធជេរចាស់ដៃ
ជេរ ព្រោះគាំទ្រចោរ ។
រីពាក្យទី២វាថាបំរើ – បំរើស្អីអាភ្លើអញមិនឃើញសោះ
បានតែខាងប្រូ បោកប្រាស់ស្រស់-ទ្រឺស្តីខ្ពស់ហួសតៀកងាប់ស្តូក ។
ហាស!ហាសៗ- គួរអោយសើចណាស់-ពួកអាគាំទ្រ
គំនិតរៀវស្តួច – អួតទាំងមុខស្លាំង – ងាកក្រោយមើលឆ្នាំង
ឆ្នាំងផ្កាប់គ្រហ៊ីត ។
លួចដីលួចធ្លី- ស្រុកវិញសែនភ្លឺ- ក្រយ៉ាកក្រោមមេឃ
តែឫុកសេដ្ឋី – ចាញ់ដាច់ដោយឡែក – អួតហារយកមេឃ
ទ្រាប់ក្តិតអង្គុយ ។
ក្រាញ់ណាស់ឃ្លានណាស់ខាងអំណាច- តែគំនិតវៀចវៀរចាកត្រង់
មើលងាយប្រជាហើយអូសប្លន់- បោកគាត់ត្រង់ៗតាមវាថា ។
អួតឡើងហារឡើងអោយគោ១០០ – បើគឹតថយក្រោយគួរអនិច្ចារ
១០០ក្បាលគោមួយគ្រួសារ- រាស្ត្ររត់ទៅណាជាន់ងាប់សូន្យ ។
អួតជួយមេម៉ាយរកប្តីអោយ- ការពិតលែបខាយសុំស្រឡាញ់
បើនាងហ៊ានភ្លាត់ច្បាស់បានឆ្ងាញ់- ចម្រាញ់ហុតទឹកសម្លឹងកាក ។
អួតអោយធ្មេញមាសគ្រប់ស្មើគ្នា- នាំអោយវេទនាជាងដាក់ធ្មេញ
ព្រោះគេដកអស់ទុកអញ្ចាញ – សម្រាប់ដាក់ធ្មេញមាសវាអោយ ។
ចំពោះអ្នកស្រែត្រូវថែទុក- ពពួកកំប្លោកកុំកាប់ចេញ
ទុកវាបេះផ្កាកុំទោរម្នេញ- **សម្រាប់លក់ចេញអោយហាណូយ ។
** ចំណែកយាយតាច្បាស់នៅវត្ត- ចាំចង្ហាន់លោកសល់រាល់ថ្ងៃ
អត់មានស្លាម្លូកុំតាប៉ែ – សុំកូនឡែៗរាល់ថ្ងៃហើយ ។
មន្ត្រីរាជការនិងទាហាន – ទាំងគ្រូបង្រៀនដេកតែភ័យ
អោយប្រាក់ខែមិនគ្រាន់ឆី- ពេលចាយធូរដៃច្បាស់ចិនដេក ។
ឯក្មេងកូនសិស្សច្បាស់ជាងថ្ងៃ- រដ្ឋខំសំចៃលុយខ្ចីរៀន
រៀនចប់ពេលជាប់បានធ្វើស្មៀន- ធ្វើចោររបក្សវិញចម្រើនសែន ។ល។និង។ល។