ថ្ងៃទី 2 សីហា 2013
ដោយ: ពិទូរ្យ
CEN
ភ្នំពេញ: តារាសម្តែងពីរដួងរបស់ផលិតកម្មហង្សមាស ដែលទទួលបានភ្លើងខៀវ ពីស្ថានទូតអាមេរិក ពេលនេះ មិនទាន់ចេញដំណើរទៅច្រៀងរាំទេ ព្រោះតារាចម្រៀង ពេជ្រ សោភា កំពុងរង់ចាំការចេញដំណើរស្របគ្នា ជាមួយតារាចម្រៀង ឱក សុគន្ធកញ្ញា។
ដោយសារការងារមមាញឹក រកពេលគ្មាន ទោះបីស្ថិតក្នុងរដូវភ្លៀងក៏ដោយ តែតារាចម្រៀងដែលកើបបានការគាំទ្រភ្លូកទឹកភ្លូកដី សុគន្ធកញ្ញា នៅតែមានហាងឆេងជាប់គ្នារឌឹក ដូច្នេះទោះបីជាកញ្ញា ទទួលបានវីសាកាលពីចុងខែកក្កដា ក្តី តែតារាចម្រៀងមានហុងស៊ុយរូបនេះ នៅតែអូសបន្លាយពេលឆ្លងដែន ក្រោមហេតុផលថា នាងបានទទួលពាក្យពីបណ្តាក្រុមហ៊ុនមួយចំនួន ដូច្នេះចង់ឬមិនចង់ កញ្ញា សុគន្ធកញ្ញា ដាច់ខាតត្រូវតែសម្អាតការងារក្នុងស្រុកឲ្យរួចរាល់សិន មុននឹងឈានជើងជាន់ទឹកដីអាមេរិកជាលើកទី២។
ប្រភពពីមិត្តជិតស្និទ្ធនឹងកំពូលតារាចម្រៀង ឱក សុគន្ធកញ្ញា បានឲ្យដឹងថា តារាចម្រៀងដែលទទួលបានការគាំទ្រយ៉ាងមហាសាល ក្នុងអំឡុងទសវត្សទី៩០ ពេជ្រ សោភា សុខចិត្តរង់ចាំការបោសសម្អាតកការងារក្នុងស្រុករបស់តារាចម្រៀង ឱក សុគន្ធកញ្ញា ទោះបីជាវាមានពេលវេលារាងយូរបន្តិចមែន តែក្រោមហេតុផលយ៉ាងណានោះ ខាងសារព័ត៌មានស៊ីអ៊ីអិន មិនអាចទាក់ទងការបំភ្លឺរបស់តារាចម្រៀង ពេជ្រ សោភា បានទេ ព្រោះទូរស័ព្ទ ដែលនាងធ្លាប់ប្រើ មិនដំណើរការ។
គួររំលឹកថា គ្រាន់តែចូលដល់ខែវស្សាភ្លាម តារាចម្រៀង តារាសម្តែង ហាក់នាំគ្នា ញាប់ដៃញាប់ជើងស្វះស្វែងរកអ្នកធានា ដើម្បីបានចេញដំណើរច្រៀងរាំក្រៅស្រុក ព្រោះវាជាឱកាសមួយដែលចំណេញទាំងពេលវេលា និងលុយកាក់ ព្រោះការងារក្នុងស្រុក ត្រូវផ្អាកបណ្តើរ ក្រោមហេតុផលតែមួយ គឺក្នុងរដូវភ្លៀងបែបនេះ គ្មានទាំងការអញ្ជើញជាភ្ញៀវកិត្តិយស ក្នុងកម្មវិធីមង្គលការ និងកម្មវិធីច្រៀងតាមខេត្ត អ្វីដែលអ្នកសិល្បៈមមាញឹកនោះ គឺមានតិចតួចប៉ុណ្ណោះ៕
Pich sophea ខំរៀនច្រៀងបន្ថែមទៀត កុំធ្វើអោយគខកចឹត្ដដូចទៅកាណាដាឆ្នាំមុន…
Ouk Sokunkanha is supporting CPP Campaign.