លោក ហ៊ុន សែន បានមានប្រសាសន៍ទៅកាន់ប្រជាកសិករនៅខេត្តកណ្ដាល កាលពីព្រឹកថ្ងៃទី២ សីហា ពាក់ព័ន្ធនឹងបញ្ហានៃការបោះឆ្នោត។ ហើយលោកនាយករដ្ឋមន្ត្រី ហ៊ុន សែន ក៏បានលើកឡើងដែរពាក់ព័ន្ធនឹងបញ្ហានៃការគំរាមរបស់សមាជិកសភាសហរដ្ឋអាមេរិក ក្នុងការកាត់ផ្តាច់ជំនួយកម្ពុជា នាពេលកន្លងទៅនោះ។
ដោយ ម៉ាត់ ក្រីយ៉ា
2013-08-03
RFA
ស្ដាប់ ឬ ទាញយកសំឡេង
២-វិច្ឆិកា-២០១១៖ តំណាងស្ថានទូតសហរដ្ឋអាមេរិកនៅកម្ពុជា ចុះហត្ថលេខាជាមួយលោក សុខ អាន នៅទីស្ដីការគណៈរដ្ឋមន្ត្រី ដើម្បីផ្ទល់ជំនួយជាង ២០លានដុល្លារអាមេរិកមកឲ្យកម្ពុជា។ Photo: RFA
នៅថ្ងៃទី២ សីហា បន្ទាប់ការបោះឆ្នោតទើបបានបញ្ចប់រយៈពេលប៉ុន្មានថ្ងៃនោះ លោក ហ៊ុន សែន បានថ្លែងទៅកាន់ប្រជាកសិករនៅខេត្តកណ្ដាល រយៈពេលជិតពីរម៉ោង ពាក់ព័ន្ធនឹងបញ្ហានៃការបោះឆ្នោត។ នៅក្នុងពេលនោះ លោក ហ៊ុន សែន ក៏បានលើកឡើងផងដែរ ទាក់ទងនឹងការគំរាមកាត់ផ្តាច់ជំនួយរបស់សមាជិកសភាសហរដ្ឋអាមេរិក កាលពីពេលកន្លងទៅ។
នៅមុនពេលការបោះឆ្នោតសភាជាតិនៅកម្ពុជា សមាជិកសភាតំណាងរាស្ត្រសហរដ្ឋអាមេរិក ពីខាងគណបក្សសាធារណរដ្ឋប្រចាំរដ្ឋកាលីហ្វ័រញ៉ា (California) លោក ដាណា រ៉ូរ៉ាបាឃើ (Dana Rohrabacher) ធ្លាប់បានគំរាម លោក ហ៊ុន សែន ថា បើសិនជា លោក ហ៊ុន សែន នៅតែមិនព្រមអនុញ្ញាតឲ្យ លោក សម រង្ស៊ី ដែលជាមេបក្សប្រឆាំងចូលរួមការបោះឆ្នោតអាណត្តិទី៥ ទេនោះ សហរដ្ឋអាមេរិក នឹងកត់ត្រាឈ្មោះរបស់ លោក ហ៊ុន សែន ចូលក្នុងបញ្ជីឈ្មោះក្រុមមេដឹកនាំដែលអាក្រក់បំផុតនៅលើពិភពលោក ហើយជាងនេះទៅទៀត អាមេរិក នឹងអាចកាត់ផ្តាច់ជំនួយដល់កម្ពុជា ទៀតផង។
លោក ដាណា រ៉ូរ៉ាបាឃើ៖ «កម្ពុជា បានខិតខំកសាងទំនាក់ទំនងល្អជាមួយសហរដ្ឋអាមេរិក រយៈពេលជាង ១០ឆ្នាំមកហើយ ហើយប្រសិនបើ លោក ហ៊ុន សែន ធ្វើដូច្នេះមែននោះ រូបខ្ញុំផ្ទាល់ក៏ដូចជាតំណាងរាស្ត្រសហរដ្ឋអាមេរិក ទាំងអស់ នឹងចុះឈ្មោះ លោក ហ៊ុន សែន ក្នុងបញ្ជីនៃក្រុមមេដឹកនាំអាក្រក់ក្នុងពិភពលោក។ ហើយសហរដ្ឋអាមេរិក មិនត្រឹមតែកាត់ជំនួយបរទេសរបស់ខ្លួនដល់កម្ពុជា នោះទេ តែវិនិយោគទុនទាំងអស់នឹងត្រូវកាត់»។
ឆ្លើយតបនឹងបញ្ហានេះ លោក ហ៊ុន សែន ដែលជាបុរសខ្លាំងនៅកម្ពុជា បានធ្វើការឆ្លើយតបទៅកាន់សមាជិកសភាសហរដ្ឋអាមេរិក នៅថ្ងៃសុក្រ ទី២ សីហា ថា កម្ពុជា មិនមានការព្រួយបារម្ភបន្តិចណាឡើយអំពីការគំរាមផ្តាច់ជំនួយពីសមាជិកសភាអាមេរិក នោះ។ មិនត្រឹមតែប៉ុណ្ណោះ លោកថែមទាំងជំរុញឲ្យសហរដ្ឋអាមេរិក ផ្តាច់ជំនួយដែលផ្តល់មកកម្ពុជា ទៀតផង។ លោកបន្តថា ការកាត់ផ្តាច់ជំនួយរបស់អាមេរិក មិនអាចជះឥទ្ធិពលណាមួយដល់រូបលោក និងរដ្ឋាភិបាលកម្ពុជា នោះទេ។ ប៉ុន្តែ លោកអះអាងថា ការកាត់ផ្តាច់ជំនួយនេះ អាចធ្វើឲ្យមានការប៉ះពាល់ដល់អង្គការសង្គមស៊ីវិលមួយចំនួន ដែលបម្រើការឲ្យរដ្ឋាភិបាលអាមេរិក ខ្លួនឯងប៉ុណ្ណោះ។
លោក ហ៊ុន សែន៖ «ហើយកុំអ្នកណាមកកាត់ជំនួយប៉ុណ្ណេះ កាត់ជំនួយទៅពិបាកពេកកាត់ទៅហ្មងទៅវាស្រួល កុំនិយាយច្រើនពេក អាលុយហ្នឹងមិនដែលបានមកយើងទេ អ្នកខ្លះបំប៉ោងតាំងពីទីក្រុងវ៉ាស៊ីនតោន មក ថានឹងកាត់ជំនួយប៉ុណ្ណេះៗ តែខ្ញុំសូមប្រាប់ថា អ្នកណាទទួលខាតបង់ក្នុងពេលដែលកាត់ជំនួយហ្នឹង កាត់មិនមែនងាប់ខ្ញុំឯណា»។
ពាក់ព័ន្ធនឹងបញ្ហានេះ អ្នកវិភាគសង្គមឯករាជ្យ លោក កែម ឡី បានអះអាងថា បើសិនជាអាមេរិក សម្រេចចិត្តផ្តាច់ជំនួយមកកម្ពុជា មែននោះ មិនមែន លោក ហ៊ុន សែន និងក្រុមមន្ត្រីរដ្ឋាភិបាលនោះទេដែលទទួលរងផលប៉ះពាល់នោះ៖ «ការប៉ះពាល់គ្រាន់តែប៉ះពាល់រូបភាពប្រទេសយើង នៅក្នុងឆាកអន្តរជាតិ ថាហេតុអីបានជាអាមេរិក ផ្តាច់ជំនួយ ហើយលាន់ឮពេញពិភពលោកតែម្តង។ ប៉ុន្តែ បើសិនជាគេពិនិត្យបន្ថែមទៅទៀត ហើយមានការចាប់ដៃគ្នាជាមួយសហគមន៍អឺរ៉ុប ជាមួយនឹងសហគមន៍ផ្តល់ជំនួយផ្សេងៗទៀត ប៉ះពាល់ដំបូងគេបង្អស់ គឺប្រជាជនក្រីក្រ»។
កាលពីពេលកន្លងទៅ គេក៏ធ្លាប់ឃើញ លោក ហោ ណាំហុង ដែលជារដ្ឋមន្ត្រីក្រសួងការបរទេសរបស់កម្ពុជា ក៏ធ្លាប់បានអះអាងស្រដៀងគ្នាទៅនឹងការអះអាងរបស់លោកនាយករដ្ឋមន្ត្រី ហ៊ុន សែន ស្ដីពីការគំរាមផ្តាច់ជំនួយរបស់សហរដ្ឋអាមេរិក នោះដែរ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទដែលទាក់ទង
- លោក សម រង្ស៊ី ប្រកាសប្រាប់អ្នកគាំទ្រនៅខេត្តកណ្ដាលថាឈ្នះឆ្នោត
- អង្គការក្រៅរដ្ឋាភិបាលប្រមាណ៤០គ្រោងស្រាវជ្រាវបញ្ហាពាក់ព័ន្ធការបោះឆ្នោត
- ពលរដ្ឋនៅភាគពាយ័ព្យរក្សាភាពស្ងប់ស្ងាត់ក្រោយការបោះឆ្នោត
- បក្សសង្គ្រោះជាតិបដិសេធពាក្យចចាមអារ៉ាមលើបណ្ដាញហ្វេសប៊ុក
- នាយករដ្ឋមន្ត្រីអះអាងថាអាចបង្កើតរដ្ឋាភិបាលដោយមិនត្រូវការបក្សប្រឆាំង
- ការបង្កើតគណៈកម្មការចម្រុះស៊ើបអង្កេតភាពមិនប្រក្រតីនៃការបោះឆ្នោត
- លោក ហ៊ុន សែន ព្រមានចំពោះគម្រោងធ្វើបាតុកម្មប្រឆាំងលទ្ធផលឆ្នោត
- ក្រសួងមហាផ្ទៃប្រតិកម្មចំពោះរបាយការណ៍លោក ប្រែដ អាដាម
- បទវិភាគ៖ តើហេតុអ្វីយុវជនចូលរួមសង្កេតការណ៍បោះឆ្នោតដោយខ្លួនឯង?
Hun Xen is talking without responsibility as a leader of the nation. They should realize that the United States has the power to put pressure on its allies nations like Japan, South Korea and the European Union not to pledge support to the Cambodian authoritarian government due to bad reputation on human rights violation, corruption and oppression against its own people. If the situation remain unchanged, Cambodian international relation will be severed or crumbled.
នេះហើយជាចរិកឈ្លើយមេដឹកនាំដ៍ថោកទាបបំផុតសម្រាប់ប្រជាជនខ្មែរ
វាយករស់តែខ្លួនវានិងក្រុមគ្រួសារវាប៉ុណ្ណោះ បើបរទេសកាត់ជំនួយពិតមែន
ប្រជាជនខ្មែរក្រីក្រដែលទន្ទឹងរង់ចាំពន្លឺរស្មីនៃជីវិតទេតើ ដែលទទួលរងគ្រោះ
វាស្រែកឡកលើយបែបឈ្លើយឌឺដងដាក់បរទេសអ្នកដែលជួយប្រជាជនខ្លួនឯង
ព្រោះវាអាងវានិងក្រុមគ្រួសារវាមានលុយពុករលួយលួចជាតិសន្ធឹកសន្ធាប់
ដូចនេះវានិងក្រុមគ្រួសារវាមិនងាប់ទេ ។
ថោកទាបអាថោកទាបចុះចេញពីតំណែងទៅ ប្រជាជនខ្មែរក្រីក្រមិនត្រូវការមេដឹកនាំឈ្លើយបែបណឹងទេ !
អញជាប្រជាជនខ្មែរក្រីក្រត្រូវការបរទេសគេជួយជំនួយ
បើអ្ហែងមានច្រះច្រំ កូនប្រពន្ធ័អ្ហែងមានបុសកណ្ដាលដើមទ្រូងហើយ
នៅចង់កាន់អំណាចស្អីទៀត ?
ទុកឱ្យអ្នកដែលគេអាណិតប្រជាជនក្រីក្រឡើងកាន់អំណាចជួយជាតិមាតុភូមិ
វិញម្ដង តាមមើលអ្នកដទៃកាន់អំណាចគេគ្រាន់បើជាងអាមេដឹកនាំអត់កំណើតឯងឆ្ងាយណាស់ ។
វាមិនសំខាន់១០០លានជំនួយនោះទេអាវ៉ាអើយ វាសំខាន់មុខមាត់លើឆាកអន្តរជាតិ។ សព្វថ្ងៃអាវ៉ាអែងក្រៅតែទៅចិន
មានដែលទៅអើតអឺរ៉ុបឬអាមេរិកទេ?មុខដូចឆ្កែកើតស្រែងហ៊ានទៅអើត បានតែឡូឡាធ្វើខ្ញង់ក្នុងស្រុកប៉ុណ្ណោះអែង។
សម្តេចមិនក្រទេ តែរាស្រ្តនៅក្រខ្លាំងណាស់ទាន!!!
I support your points, Old Man & Somlanh!
ជាអ្នកដឹកនាំត្រូវគិតពីភាពលំបាករបស់ប្រជាជនជាចំបង សំដីរបឿបនេះមិនសំជាអ្នកដឹកនាំប្រទេសទេ។ជាសំដីក្មេងបៀមដៃ និយាយអោយរួចពីមាត់។