ថ្ងៃ សៅរ៍ 03 សីហា 2013
ដោយ ញឹម សុផល
RFI
ជំនួបពិភាក្សារវាងគណៈកម្មាធិការជាតិរៀបចំការបោះឆ្នោត គ.ជ.ប. តំណាងមកពីគណបក្សប្រជាជនកម្ពុជា និងតំណាងមកពីគណបក្សសង្គ្រោះជាតិ នៅព្រឹកថ្ងៃសៅរ៍នេះ បានព្រមព្រៀងគ្នាជាគោលការណ៏ថា នឹងបង្កើតគណកម្មការចម្រុះមួយ ដើម្បីដោះស្រាយភាពមិនប្រក្រតីនៃការបោះឆ្នោតអាណត្តិទី៥ ។ ប៉ុន្តែ ការបង្កើតគណកម្មការនេះ ថាមានតួនាទីធ្វើអ្វីខ្លះនោះ ហើយមានកម្រិតសមត្ថកិច្ចដោះស្រាយបែបណានោះ នៅមិនទាន់ដឹងច្បាស់នៅឡើយទេ។
លោក អ៊ឹម សួស្តី (រូបកណ្តាល) ប្រធាន គ.ជ.ប. (©Reuters)
បន្ទាប់ពីបានជួបប្រជុំគ្នាពេញមួយព្រឹកថ្ងៃទី ០៣ ខែសីហានេះ រវាងតំណាងគណបក្សប្រជាជនកម្ពុជា និងតំណាងគណបក្សសង្គ្រោះជាតិ ក្រោមអធិបតីភាព លោក អ៊ឹម សួស្តី, ប្រធានគណកម្មាធិការជាតិរៀបចំការបោះឆ្នោត គ.ជ.ប. អង្គប្រជុំបានឯកភាពគ្នាបង្កើតគណកម្មការចំរុះមួយ និងជជែកគ្នាផងដែរ ពីការងារដែលនឹងត្រូវអនុវត្ត នៅពេលខាងមុខ។
លោក ទេព នីថា, អគ្គលេខាធិការ គ.ជ.ប បានប្រាប់អ្នកសារព័ត៌មានបន្ទាប់ពីកិច្ចប្រជុំនៅ ទីស្តីការ គ.ជ.ប ថា កិច្ចប្រជុំបានប្រព្រឹត្តទៅក្នុងបរិយាកាសល្អ និងមានការព្រមព្រៀងគ្នាជា
គោលការណ៍ក្នុងការបង្កើតគណកម្មការសម្រាប់ដោះស្រាយបញ្ហាទាក់ទងទៅនឹងការបោះឆ្នោតជាបន្ត។
«អង្គប្រជុំបានប្រព្រឹត្តិទៅល្អ។ គណបក្សទាំងពីរបានសម្តែងសុឆន្ទៈត្រង់ទៅត្រង់មក ហើយចុងក្រោយបានឯកភាពគ្នាលើបញ្ហាពីរ ទីមួយឯកភាពបង្កើតគណកម្មការចំរុះមួយ ដែលមានគ.ជ.ប និងតំណាងគណបក្សទាំងពីរ ហើយទីពីរគណកម្មការចំរុះនេះ នឹងធ្វើការពិភាគ្សាគ្នានៅពេលខាងមុខនេះ អំពីអាណត្តិនិងភារកិច្ចរបស់ខ្លួនដែលត្រូវអនុវត្ត។ ខ្ញុំគិតថាជាការសម្រេចដ៏ល្អមួយ ដែលអាចឲ្យបងប្អូនអ្នកបោះឆ្នោតទាំងអស់ មានការនឹងធឹងក្នុងចិត្តថាគណបក្សដែលបានជាប់ឆ្នោតទាំងពីររួមទាំងគ.ជ.ប រួមគ្នាដោះស្រាយបញ្ហាដែលយល់ថាមានភាពមិនប្រក្រតី»។
គណកម្មការ ដែលគេមិនទាន់ដឹងថាដំណើរការយ៉ាងដូចម្តេច នឹងដោះស្រាយបញ្ហាមិនប្រក្រតីយ៉ាងណាខ្លះនោះ នឹងផ្តល់សិទ្ធិចូលរួមសង្កេតការណ៍ពីអ្នកសង្កេតការណ៍ជាតិ និងអន្តរជាតិ ព្រមទាំងអង្គការសហប្រជាជាតិផងដែរ ក៏ដូចជាអាចសង្កេតការណ៍លើដំណើរការនៃការដោះស្រាយបញ្ហាទូទៅ។ ដោយឡែក កិច្ចប្រជុំបន្តនឹងត្រូវធ្វើឡើងឲ្យបានប្រញាប់បំផុត។ នេះបើតាមការអះអាងពីលោក ទេព នីថា។ លោកបន្តថា កិច្ចប្រជុំដែលនឹងកំណត់ធ្វើនៅពេលឆាប់ៗខាងមុខនេះ នឹងជជែកគ្នាផងដែរពីសមាសភាពចូលរួមពីគណបក្សនយោបាយទាំងពី នៅក្នុងគណៈកម្មការ។
សូមបញ្ជាក់ថា បន្ទាប់ពីកិច្ចប្រជុំបិទទ្វារ កាលពីព្រឹកម៉ិញមក គ.ជ.ប កំពុងធ្វើសេចក្តីព្រៀងមួយ និងប្រាប់ឲ្យគណបក្សទាំងពីរបញ្ជូនសមាសភាពមក គ.ជ.ប។ ជាមួយគ្នានេះ លោក គួយ ប៊ុនរឿន បេក្ខជនតំណាងរាស្ត្រ និងជាតំណាងគណបក្សសង្គ្រោះជាតិ បានសម្តែងនូវការពេញចិត្តចំពោះកិច្ចប្រជុំនេះ ហើយលោកថា នឹងធ្វើរបាយការណ៍នេះទៅកាន់មេដឹកនាំគណបក្សដើម្បីសម្រេច។
ដោយឡែកលោក ព្រុំ សុខា, រដ្ឋលេខាធិការក្រសួងមហាផ្ទៃ និងជាតំណាងគណបក្សប្រជាជនកម្ពុជា មិនបាននិយាយអ្វីប្រាក់អ្នកកាសែតនោះទេ គ្រាន់តែបង្ហើបមួយម៉ាត់ថា «ដំណើរការទៅមុខ» ដោយលោកទុកភារកិច្ចនេះទៅអោយ គ.ជ.ប ជាអ្នកប្រកាស។
គួររំលឹកថា ប្រទេសកម្ពុជាបានបោះឆ្នោតរួចរាល់ហើយ កាលពីថ្ងៃទី ២៨ខែកក្កដា កន្លងទៅនេះ ដោយលទ្ធផលក្រៅផ្លូវការបណ្តោះអាសន្ន គណបក្សប្រជាជនកម្ពុជាបានអាសនៈចំនួន៦៨ និងគណបក្សសង្គ្រោះជាតិ បាន៥៥អាសនៈ។ ជាមួយគ្នានេះ គណបក្សសង្គ្រោះជាតិដែលជាគណបក្សប្រឆាំងដឹកនាំដោយលោក សម រង្ស៊ី និងលោក កឹម សុខានោះ បានប្រកាសថា ការបោះឆ្នោតនេះ មានភាពមិនប្រក្រតីជាច្រើន និងទាមទារឲ្យបង្កើតគណកម្មការស៊ើបអង្កេតឯករាជ្យមួយពីភាពមិនប្រក្រតីទាំងនេះ ដោយមានការចូលរួមពីគណបក្សទាំងពីរ អង្គការសង្គមស៊ីវិល និងអង្គការសហប្រជាជាតិ៕
plz , play smartes politic, don’t play dumb & destroy our beloved country
think !! our country first ,,, top priority ,,,
That is right, smart politic by abusing the power, smart politic for becoming a satellite state of a neighboring territorial intruder, smart politic for being a communist ally, smart politic for becoming a debtor with billions of dollars from foreign loans, and smart politic for allowing millions of illegal Yuon immigrant flocking into Cambodia freely.
ជំរាបជួនមិត្តអ្នកអាន NEC ថា
គ.ជ.ប ឃុំ លេខ ០០៧ ខេត្តលេខ ២១បានបើកលុយអោយមន្រ្តីរៀបចំបោះឆ្នោតនិងរាប់សន្លឹកឆ្នោតតាមការិយាល័យដែល គ.ជ.ប ឃុំ លេខ ០០៧ ទទួលខុសត្រួវ ដោយសុំ១០០០រៀល(មួយពាន់រៀល)ក្នុងមួយនាក់ជាថ្លែបើកប្រាក់ពីធានាគារជាតិជាតិ បើសរុបមិនដល់១០០,០០០រៀល(ដប់មឺនរៀល)ផង
តើគ.ជ.ប ឃុំផ្សេងទៀត ធ្វើដួចនេះទេ?
តើនេះជាទង្វើត្រឹមត្រួវរបស់ គ.ជ.ប ទេ?
តើ គ.ជ.ប ពឹតជាអព្យាក្រឹតទេ ត្រឹមត្រួវទេសំរាប់គណបក្សនយោបាយទំាងអស់នៅក្នុងឃុំ លេខ ០០៧ ខេត្តលេខ ២១ និងទូទំាងប្រទេសកម្ពុជា?
តើ គ.ជ.បខេត្ត រឺ NEC អាចចាត់ជាអព្យាក្រឹតទេ ត្រឹមត្រួវទេ បើគ្រាន់តែកួនចៅធ្វើទង្វើនេះមិនដឹងផង?
សូមអោយអង្គការជាតិ អង្គការអន្តជាតិ NEC សើបអង្កេត និងពិនិត្យឡើងវិញអំពីបញ្ហានេះ
សួមអោយមិត្តអ្នកអានជួយឆ្លើយ