Tuesday, 06 August 2013
ស៊ូ វុទ្ធី
ភ្នំពេញ ប៉ុស្តិ៍
ភ្នំពេញៈ ខណៈរដូវវស្សាជន់ជោរដោយទឹកភ្លៀងដែលធ្វើឲ្យសិល្បករសិល្បការិនីមួយចំនួនតែងត្អូញត្អែរពីទីផ្សារធ្លាក់ចុះនោះ ប៉ុន្តែបើក្រឡេកមើលកំពូលតារាចម្រៀងសំឡេងស្រទន់ប្រចាំនៅផលិតកម្មថោននាង មាស សុខសោភា វិញ បែរជានាងបញ្ជាក់ថា នាងនៅតែមមាញឹកនឹងការចេញច្រៀងតាមបណ្តាខេត្តរហូតដល់ថ្នាក់រកពេលមួយថ្ងៃ ឬមួយយប់វិលមកដេកផ្ទះមិនបានផង។
ជុំវិញការអះអាងពីទីផ្សារសិល្បៈរបស់កំពូលតារាចម្រៀងសំនៀងស្រទន់បត់បែនបានគ្រប់ចង្វាក់និងគ្រប់វ័យទាំងបែបមនោសញ្ចេតនា និងបែបយុវវ័យនាង មាស សុខសោភានោះ លោក មាស សុខរតនៈដែលជាអ្នកចាត់ការទូទៅប្រចាំផលិតកម្មថោន និងជាបងប្រុសបង្កើតរបស់មាស សុខសោភា បានឲ្យដឹងថា នៅខែសីហានេះ រយៈពេលមួយខែពេញដែលប្អូនស្រីរបស់លោកជាប់កុងត្រាច្រៀងតាមខេត្តគ្មានថ្ងៃណាមួយទំនេរនោះទេ។
បងប្រុសនិងជាអ្នកនាំពាក្យរូបនេះបានបន្តថា៖«ចាប់ពីខែសីហានេះទៅ ប្អូនស្រី សុខសោភា នឹងចេញច្រៀងនៅតាមខេត្តមួយចំនួន ដើម្បីផ្សាយផលិតផលល្បីឈ្មោះមួយ ដោយយុទ្ធនាការនេះ នឹងមានរយៈពេលមួយខែពេញហើយមួយខែនេះ ប្អូនស្រី សុខសោភាមិនមានមួយថ្ងៃណា បានវិលមកសម្រាកនៅផ្ទះទេ»។
ក្នុងទំនាក់ទំនងជាមួយភ្នំពេញប៉ុស្តិ៍កាលពីរសៀលម្សិលមិញតាមទូរស័ព្ទនោះ អ្នកនិពន្ធលោក មាស សុខរតនៈក៏បានបញ្ជាក់ដែរថា ខេត្តដែលតារាចម្រៀងមាស សុខសោភាត្រូវចេញទៅច្រៀងនោះ មានដូចជា ខេត្ត កំពង់ចាម សៀមរាបបាត់ដំបង ក្រុងព្រះសីហនុ និងរាជធានីភ្នំពេញជាដើម។
លោក មាស សុខរតនៈបានបន្ថែមថា៖«ការចេញច្រៀង នេះមិនមែនជាការចេញច្រៀងលក់សំបុត្រនោះទេ តែវាគឺជាការចេញច្រៀងតាម Concert ដើម្បីផ្សព្វផ្សាយពីផលិតផលថែរក្សាសម្ផស្សឲ្យ ក្រុមហ៊ុនល្បីឈ្មោះមួយ និងមួយទៀតច្រៀងឲ្យអង្គការផងដែរ»។
ទោះបីជាកំពូលតារាចម្រៀងនាង មាស សុខសោភាជាប់កុងត្រាច្រៀងនៅតាមខេត្តរហូតដល់ទៅមួយខែពេញយ៉ាងណាក្ដី តែបើតាមការអះអាងរបស់បងប្រុសនាង លោក មាស សុខរតនៈ ថាការងារនោះមិនមានការប៉ះពាល់ដល់ការងារក្នុងផលិតកម្មTown នោះទេ។
អ្នកនាំពាក្យឲ្យប្អូនស្រីរូបនេះនិយាយថា៖«មិនបានបារម្ភពីការមិនមានបទថ្មីនោះឡើយ ផលិតកម្មនៅតែរៀបចំបទចម្រៀងថ្មីៗឲ្យប្អូនសោភាជាបន្តបន្ទាប់ រីឯរូបនាងវិញ ទោះបីជារវល់ច្រើនយ៉ាងណាក្ដី ក៏នាងនៅតែឆ្លៀតថតខារ៉ាអូខេ ទាំងយប់ទាំងថ្ងៃ ទៅតាមតម្រូវការទីផ្សារ»។
លោកមាស សុខរតនៈ បានបញ្ជាក់ថា៖«ប្អូនស្រីខ្ញុំសោភា នាងស្រឡាញ់ការងារសិល្បៈណាស់ ពិសេសការងារដែលនាងទទួលកុងត្រាហើយនាងមិនដែលបោះបង់ឬគេចវេះយ៉ាងណាទេ។ នាងនឹងបំពេញឲ្យខាងតែបាន»។ ក្នុងពាក្យសម្ដីដ៏ប្រាកដប្រជានោះ លោក មាស សុខរតនៈ បានបន្ថែមថា៖«ប្អូនសោភា ដឹងថា ការកុងត្រាច្រៀងឲ្យក្រុមហ៊ុននិងអង្គការចេញច្រៀងតាមខេត្តនៅរដូវវស្សានេះ មានផលពិបាកច្រើន ពិសេសពេលវេលាកៀកៗគ្នាតែនាងនៅតែទទួលដោយការទទួលខុសត្រូវដូច្នេះហើយនាងសុខចិត្តមិនបាច់មកដេកផ្ទះមួយខែពេញតែម្តង»។
ដោយកើតចេញពីការតាំងចិត្តនិងភាពទទួលខុសត្រូវខ្ពស់នោះ បានជំរុញឲ្យតារាចម្រៀងដែលកំពុងក្តោបបានទីផ្សារមិនចេះរីងស្ងួតទាំងប្រាំង ទាំងវស្សានិងទាំងក្នុងនិងក្រៅស្រុកនាង មាស សុខសោភា មិនបានគិតពីស្ថិរភាពស្រុកទេស ដែលកំពុងក្ដៅគគុក នឹងរឿងលទ្ធផល បោះឆ្នោតឡើយ។ មុននេះ មាស សុខសោភា ក៏ធ្លាប់បានអះអាងដែរថា នាងជឿជាក់លើថ្នាក់ដឹកនាំ និងប្រជាជនខ្មែរ ដែលមានការយល់ដឹងច្រើនលើវិស័យនយោបាយ និងមិនអាចកើតមានអំពើហិង្សាណាមួយនោះទេ ហើយក៏មិនបានរំខានដល់ការងារសិល្បៈរបស់ពួកនាងដែរ។ ដូចនេះនាងក៏មិនមានអ្វីទៅបារម្ភក្នុងដំណើរចេញច្រៀងមួយខែតាមបណ្តាខេត្តនោះដែរ។
ជាមួយគ្នានោះលោក មាស សុខរតនៈក៏បានអះអាងឲ្យដឹងពីទីផ្សារសិល្បៈក្រៅស្រុករបស់ប្អូនស្រីដែរ ដោយលោកនិយាយថា ស្ថិតក្នុងកុងត្រាចេញច្រៀងតាមខេត្តនេះ មាស សុខសោភា ក៏មានស្ព័នស័រទាក់ទងមកច្រើនដែរប៉ុន្តែនាងតែងទាមទារយកម្តាយទៅជាមួយ។
អ្នកគ្រប់គ្រងនៅផលិតកម្មថោនរូបនេះបាននិយាយថា៖«រឿងគេទាក់ទងចង់បានប្អូនសោភា ចេញទៅច្រៀងក្រៅប្រទេសនោះ មិនមែនជារឿងពិបាកទេ។ ប៉ុន្តែទាំងខ្ញុំនិងប្អូនសោភា គឺរាល់ការចេញច្រៀងនៅក្រៅប្រទេសនោះ គឺចង់ឲ្យម្តាយរបស់ខ្ញុំទៅអមជាមួយ។ កាលចង់ឲ្យម្តាយទៅជាមួយប្អូនសោភា នោះមិនមែន ខ្ញុំខ្លាច បានជាចង់ឲ្យម្តាយទៅតាមមើលកូននោះទេ គឺគ្រាន់តែចង់ឲ្យគាត់ស្គាល់ស្រុកគេ ព្រោះគាត់ហត់នឿយណាស់ក្នុងការចិញ្ចឹមកូនឲ្យមានអនាគតមកដល់ពេលបច្ចុប្បន្ននោះ អ៊ីចឹងហើយក៏មានបញ្ហាខ្លះនោះ»៕
She loves the artist and CPP also, she had joined the parade to the campaign for CPP too.
Many people in over sea, they’re not supported the artists who get involve in politic.
So the U.S. should not sponsor her to be here, you may loose your money for working
with the politic singers.
You’re right, Strey Khmer.
They’re lucky for selling voices, and collected a lot money from oversea.
Beside sold the voice s , they can sell b………………………………., sa well ( for money $ ).
mind ur own business strey khmer. she has different walk of life from u . she can do whatever she feel like doing. dun bullshiet her. look to urself before criticise someone else. thx.