ប្រជាពលរដ្ឋនិងអាជីវករ បន្តភ័យខ្លាចចំពោះសកម្មភាពចល័តកងកម្លាំងប្រដាប់អាវុធចម្រុះរបស់រាជរដ្ឋាភិបាលក្រោយការបោះឆ្នោតសភាអាណត្តិទី៥ ថ្ងៃទី២៨ ខែកក្កដា បានបញ្ចប់។ បញ្ហានេះ ទាំងសង្គមស៊ីវិលនិងប្រជាពលរដ្ឋបានស្នើដល់រដ្ឋាភិបាលឲ្យបញ្ឈប់សកម្មភាពចល័តទ័ពជាបន្ទាន់ ព្រោះសកម្មភាពនេះអាចជាដើមហេតុនាំឲ្យតម្លៃទំនិញសព្វសារពើបន្តឡើងថ្លៃជាបន្តបន្ទាប់។
ដោយ ដែន អយុធ្យា
2013-08-15
RFA
ស្ដាប់ ឬ ទាញយកសំឡេង
ឡាន និងរថពាសដែក ឬអាស្គុតរបស់កងកម្លាំងរដ្ឋាភិបាល ក្នុងវត្តច័ន្ទបុរីវង្ស ហៅវត្តសំរោងខាងជើង តាមបណ្ដោយផ្លូវជាតិលេខ៥ ចម្ងាយប្រហែល ១៨គីឡូម៉ែត្រពីរាជធានីភ្នំពេញ នៅថ្ងៃទី៨ ខែសីហា ឆ្នាំ២០១៣។ Photo: RFA
កម្លាំងប្រដាប់អាវុធចម្រុះ មានប៉ូលិស ទាហាន និងកងរាជអាវុធហត្ថជាដើម ត្រូវបានគេដាក់ពង្រាយនៅតាមផ្លូវបំបែក ឬផ្លូវសាធារណៈនានា ទាំងក្នុងនិងជាយរាជធានីភ្នំពេញ នៅថ្ងៃពុធ ទី១៤ ខែសីហា ឆ្នាំ២០១៣។
បញ្ហានេះ ទាំងសង្គមស៊ីវិលនិងប្រជាពលរដ្ឋបានស្នើដល់រដ្ឋាភិបាលឲ្យបញ្ឈប់សកម្មភាពចល័តទ័ពជាបន្ទាន់ ព្រោះសកម្មភាពនេះអាចជាដើមហេតុនាំឲ្យតម្លៃទំនិញសព្វសារពើបន្តឡើងថ្លៃជាបន្តបន្ទាប់។សកម្មភាពនេះនាំឲ្យប្រជាពលរដ្ឋ ឬអាជីវករ មិនថាតែអ្នករស់នៅរាជធានីភ្នំពេញទេ មានការភ័យខ្លាច សូម្បីកសិកររស់នៅតាមបណ្ដាខេត្តនានា ក៏ព្រួយបារម្ភនិងភ័យខ្លាចរហូតដល់មានអាណាព្យាបាលខ្លះបានទូរស័ព្ទហៅកូនៗ ដែលធ្វើការនៅភ្នំពេញ ឲ្យវិលទៅស្រុកកំណើតវិញទៀតផង។
អាជីវករលក់គ្រឿងអលង្ការនៅផ្សារចាស់ក្នុងរាជធានីភ្នំពេញ លោក សៀន ស៊ុនហ៊ួ បានឲ្យដឹងនៅថ្ងៃពុធ ទី១៤ ខែសីហា ថា រូបគាត់បានឃើញសកម្មភាពចល័តកម្លាំងប្រដាប់អាវុធតាមរថយន្ត មានទាហាន និងកងរាជអាវុធហត្ថជាដើម។ លោកថា សកម្មភាពនេះសម្រាប់ពួកគាត់ជាអាជីវករលក់ដូរ រឿងអលង្ការមានការព្រួយបារម្ភពីសុវត្ថិភាពជាទីបំផុត។
លោកមិនយល់ចំពោះរាល់សកម្មភាពរបស់រដ្ឋាភិបាលក្នុងការចល័តកម្លាំងទ័ព និងសព្វាវុធនៅក្រោយការបោះឆ្នោតជាតិ អាណត្តិទី៥ កើតមានបញ្ហាអ្វីកើតឡើងទេ ហើយស្នើឲ្យរដ្ឋាភិបាលបញ្ឈប់សកម្មភាពចល័តទ័ពនាំឲ្យពលរដ្ឋភ័យខ្លាចនេះ។
ដូចគ្នាដែរ ស្ត្រីជាអាជីវករលក់គ្រឿងអលង្ការមានមាស ឬផ្លាកទីននៅផ្សារកណ្ដាល និងផ្សារធំថ្មី បានរៀបរាប់ក្នុងលក្ខខណ្ឌមិនបញ្ចេញឈ្មោះ និងសំឡេងនៅស្តង់លក់ដូររបស់ខ្លួនថា ពួកគេព្រួយបារម្ភចំពោះសកម្មភាពចល័តកម្លាំងទ័ព និងសព្វាវុធរបស់រដ្ឋាភិបាលប៉ុន្មានថ្ងៃមកនេះ។
ក្រុមអាជីវករបានត្អូញត្អែរថា ក្រោយការបោះឆ្នោតជាតិ កាលពីថ្ងៃទី២៨ ខែកក្កដា របរលក់ដូរគ្រឿងតុបតែងខ្លួនរបស់ពួកគាត់មិនសូវមានអតិថិជនមករកទិញច្រើនដូចមុនបោះឆ្នោតទេ។ ក្រុមអាជីវករបានចាត់ទុកការចល័តកម្លាំងប្រដាប់អាវុធចម្រុះចូលមកទីក្រុងភ្នំពេញ របស់រដ្ឋាភិបាល ថាជាសកម្មភាពគំរាមកំហែង និងបំភិតបំភ័យដល់ប្រជាពលរដ្ឋ និងការរករបរទទួលទានរបស់ពួកគេ។
ចំណែកអ្នកជួសជុលយានយន្តនិងលក់គ្រឿងបន្លាស់ម្ដុំផ្លូវភ្លោះ មន្ទីរពេទ្យព្រះអង្គឌួង លោក ជួន វិសុទ្ធ ក៏មិនពេញចិត្តសកម្មភាពពង្រាយកម្លាំងប្រដាប់អាវុធ ក្នុងរាជធានីភ្នំពេញ របស់រដ្ឋាភិបាលនេះដែរ។ លោកស្នើឲ្យរដ្ឋាភិបាលត្រូវបញ្ឈប់រូបភាពបំភិតបំភ័យតាមរយៈការបង្ហាញកម្លាំងទ័ព និងសព្វាវុធនេះតទៅទៀត។ លោកថា ភាពមិនប្រក្រតី ឬបញ្ហាដែលកើតមានក្នុងពេលបោះឆ្នោត គួរតែរដ្ឋាភិបាល ឬគណបក្សនយោបាយដែលទទួលបានការគាំទ្រពីម្ចាស់ឆ្នោតជួបពិភាក្សារកដំណោះស្រាយដោយសន្តិវិធីជាជាងបង្ហាញសាច់ដុំដាក់គ្នា។
អត្ថបទដែលទាក់ទង
- កម្មកររោងចក្រមួយចំនួនសុំច្បាប់សម្រាកដោយខ្លាចមានមហាបាតុកម្ម
- សហភាពអឺរ៉ុបជំរុញឲ្យគណបក្សសង្គ្រោះជាតិពន្លឿនការចរចា
- គ.ជ.បរង់ចាំបណ្ដឹងពីបក្សនយោបាយក្រោយប្រកាសលទ្ធផលបណ្ដោះអាសន្ន
- សង្គមស៊ីវិលធ្វើពិធីបួងសួងសុំសន្តិភាពនិងយុត្តិធម៌
- សកម្មជនបក្សប្រឆាំងខេត្តកំពតម្នាក់ត្រូវដោះលែងឲ្យនៅក្រៅឃុំបណ្ដោះអាសន្ន
- ជនសង្ស័យ២នាក់ពាក់ព័ន្ធឃាតកម្មអ្នកគាំទ្របក្សសង្គ្រោះជាតិត្រូវបានចាប់ខ្លួន
- មេភូមិ៣នាក់នៅកំពង់ឆ្នាំងរងការចោទថារើសអើងបក្សនយោបាយ
- ការព្រួយបារម្ភពីស្ថានការណ៍នយោបាយតានតឹងក្រោយប្រកាសលទ្ធផលឆ្នោត
- ទស្សនៈជុំវិញព្រះរាជអវត្តមាននៃព្រះមហាក្សត្រពីកម្ពុជា
សូមជូនយោបល់បន្តិច,
ពួកកូនចៅ ហ៊ុន សែន និង មេរបស់វាកំពុងឆ្គួតនិងអំណាច, សប្បាយលើគំនរទុកប្រជារាស្រ្តរាប់លាន នាក់ ហើយពួកវា ប្រៀបដូចឆ្កែឆ្គួត ដើរខាំគេខាំឯងមុននឹងវាងាប់។ នេះបញ្ជាក់ថាបរាជយ័របស់ពួកវា កាន់តែខិតចូលមកដល់ហើយ…
សូមផ្តាំទៅ លោក ហ៊ុន សែន និងបរិវារបស់វាផង ថាកំលាំងប្រជាពលរដ្ឋដែលងើបឡើងម្តងនេះដូចជា កំលាំងទឹកជំនន់ដ៏ខ្លាំងក្លា ទោះបីខំទប់យ៉ាងណាក៏មិនអាចទៅរួចដែរ។ ប្រជាពលរដ្ឋម្នាក់ៗកំពុងត្រៀមខ្លួនដើម្បីពលីជីវិត ដើម្បីប្តូរមកវិញ នូវប្រជាធិបតេយ្យពិតប្រាកដ ការគោរពសិទ្ធិមនុស្ស និងបូរណភាពទឹកដី និងភាពរុងរឿង សំរាប់កូនខ្មែរជំនាន់ក្រោយ។
សូមបងប្អូនជនរួមជាតិទាំងអស់កុំភិតភយ័ចំពោះសកម្មភាពចលត័ទព័របស់ជនល្មោភអំណាច និងផ្តាច់ការ នេះវាគ្រាន់គំរាម និងបំបាក់ស្មារតីដល់ពួកយើងដើម្បីកុំឲ្យងើបឡើងប្រឆាំងនឹងពួកវា ហើយពួកវាប្រាកដជាមិនហ៊ានបាញ់សំលាប់ពួគយើងទេក្នុងខណៈពេលដែល អន្តរជាតិជាពិសេស UN, EU និង USAបានកំពុងតែតាមដានរាល់គ្រប់សកម្មភាពរបស់រដ្ឋាភិបាលចាំផ្ទះរបស់ អាមនុស្ស ហ៊ុន សែន។ សូមពួកយើងងាកមកមើលអតីតកាល របស ហ្កាដាហ្វី សាដាមហ៊ូសេន ដែលសំលាប់ប្រជាពលរដ្ឋខ្លួនឯង ទីបំផុត ស្លាប់ខ្លួនទាំងអស់ ហើយវាសនា របស់លោក ហ៊ុន សែន នឹង ដូចពួកទាំងអស់នោះ បើពួកវាហ៊ានសំលាប់ជនជាតិខ្មែរ…
សូមលោកប្រធានមេត្តាអញ្ជើញមកស្រុកយើងមកខ្ញុំរង់ចាំលោកប្រធានដើម្បីចូលរួមមហាបាតុកម្មយ៉ាងអន្ទៈសារ ហើយព្រោះពេលនេះគឺជាឪកាសដ៍ល្អសម្រាប់បក្សប្រឆាំងដើម្បីតម្រង់ទិសស្រុកខ្មែរទៅទិសប្រជាធិបតេយ្យពិត ប្រាកដឲ្យខានតែបាននៅអាណតិនេះ។ បើទោះបីជាហ៊ុនសែនមានរថគ្រោះច្រើនគ្រឿងមែនតែបេះដូងរបស់យុវជន ប្រៀបបានមានរថគ្រោះពីរគ្រឿងអញ្ចឹង។ ដូចច្នេះទឹកចិត្តនិងការប្តេជ្ញាចិត្តពិតជាខ្លាំងជាកាំភ្លើងនិងរថគ្គ្រោះរបស់ ហ៊ុនសែនទៅទៀត ពួកយើងរង់ចាំរថគ្រោះដែលបញ្ជារដោយទាហានដែលមានចិត្តមិនស្មោះចំពោះហ៊ុនសែន។
រដ្ឋាភិបាលបានចល័តកងទ័ពស្រួច និងរថពាសដែកពីជាយដែននៃខេត្តព្រះវិហារមកទប់ទល់ជាមួយរាស្ត្រស្លូតត្រង់ដែលគ្មានសព្វាវុធក្នុងដៃ ។សួរថា តើរដ្ឋាភិបាល ពិតជាមានបំណងចង់សម្លាប់ប្រជាជនខ្លួនឯងដូចប៉ុល ពតឬ ?បើសិនមានមហាបាតុកម្មផ្ទុះឡើង ។
ការប្រើហឹង្សាបង្ក្រាបមិនអាចដោះស្រាយបញ្ហាបានទេ ប្រៀបដូចយកសាំងទៅជះលើភ្លើងដែលកំពូងឆេះ វានឹងរុញច្រានប្រទេសជាតិធ្លាក់ក្នុងសភាពការណ៍រិតតែធ្ងន់ធ្ងររហូតដល់ស្រោចស្រង់លែងបាន ។
ដំណោះស្រាយល្អបំផុត គួរតែចរចាដោយសន្តិវិធីប្រកបដោយភាពអត់ធ្មត់ ដោយឈរលើផលប្រយោជន៍ជាតខ្មែរ និងរាស្ត្រខ្មែរជាធំ ។
—————————
khmer & world leaders, needs to pressures VNRP to stop intimidating governements, in which for mass rallies
same, needs to hold mr. SR + KS for responsible for country destruction, peace & stability
of course, bring them to UN war crimes to face justice
Khmer love Khmer , Khmer don’t kill Khmer anymore .