ដោយ៖ លោក ស៊ុន ណារិន
ថ្ងៃអង្គារ៍ ទី20 ខែសីហា ឆ្នាំ2013
http://vodhotnews.com
គណបក្សប្រឆាំង ថ្លែងទៅកាន់អ្នកសារព័ត៌មាន នៅថ្ងៃអង្គារ ទី២០ខែសីហា / រូបថតដោយ ណាត សុភាព
គណបក្សសង្គ្រោះជាតិ នៅតែប្រកាន់ជំហរបង្កើតគណៈកម្មការចម្រុះមួយ ដើម្បីត្រួតពិនិត្យភាពមិនប្រក្រតីនៃការបោះឆ្នោត ជាជំហានស្វែងរកយុត្តិធម៌ជូនម្ចាស់ឆ្នោត បើទោះជាជំនួបរយៈពេលពីរម៉ោង មិនទាន់មានលទ្ធផលយ៉ាងណា។
មន្ត្រីគណបក្សសង្គ្រោះជាតិ បានអះអាងប្រាប់មន្ត្រីគណបក្សប្រជាជនកម្ពុជាដូចនេះ នៅក្នុងជំនួបពិភាក្សារកដំណោះស្រាយ នៅរសៀលថ្ងៃអង្គារនេះ ក្នុងមន្ទីររដ្ឋសភា ដែលមានតំណាងមកពីគណបក្សប្រឆាំង៥រូប និងតំណាងមកពីគណបក្សកាន់អំណាច៥រូប ចូលរួម។
តំណាងអ្នកចូលរួមពិភាក្សាឲ្យគណបក្សសង្គ្រោះជាតិ លោក សុន ឆ័យ មានប្រសាសន៍ថា គណបក្សប្រឆាំង សង្ឃឹមថា គណបក្សប្រជាជនកម្ពុជា នឹងយកសំណើរនេះទៅពិចារណាម្តងទៀត។ មន្ត្រីគណបក្សប្រជាជនកម្ពុជា លើកឡើងថា ខ្លួននឹងយកសំណើរនេះទៅពិភាក្សាជាមួយថ្នាក់លើ។
ក្រោយពីជំនួបរយៈពេលពីរម៉ោង គណបក្សទាំងពីរ បានប្រកាសរួមគ្នាថា ក្រុមការងាររបស់គណបក្សទាំងពីរ បានស្វែងយល់ពីគោលបំណង និងគោលគំនិតរបស់គណបក្សទាំងសងខាង ដើម្បីស្វែងរកការឯកភាព។ គណបក្សទាំងពីរ នឹងធ្វើសេចក្តីរាយការណ៍ជូនអ្នកដឹកនាំគណបក្សរៀងៗខ្លួន ដើម្បីពិនិត្យលទ្ធភាពបន្តជួបពិភាក្សាគ្នា លើកក្រោយទៀត។
គួរបញ្ជាក់ថា សំណើរបង្កើតគណៈកម្មការចម្រុះត្រួតពិនិត្យការបោះឆ្នោត ត្រូវបានជាប់គាំងរហូតមកដល់ពេលនេះ ក្រោយពីមិនមានការឯកភាពពីគជប។ គណបក្សប្រជាជនកម្ពុជា និងគណបក្សសង្គ្រោះជាតិ បានពិភាក្សាគ្នាពីរដងរួចមកហើយ តែនៅមិនមានដំណោះស្រាយ៕
សរសេរមកកាន់ លោក ស៊ុន ណារិន តាមរយៈsun_narin@vodhotnews.com
ខ្ញុំគិតថា ប្រធានគណកម្មាការចំរុះមួយនេះ គួរតែថ្វាយជូនដល់ព្រះមហាក្សត្រខ្មែរ ប៉ុន្តែមិនស្ថិតក្រោមឆ័ត្រ របស់ គជបទេ ដើ្បម្បីគង់ជាបិតាបង្រួបបង្រួមជាតិ!!!! តើគណបក្យទំាងពីរយល់យ៉ាងណាដែរ?
CPP relie only on NEC, CPP want to give good thing but he can not find even one good thing.
What they done or doing are bad. People are not trust what CPP said.
One thing we have to think togather, now people all over the country warning CNRP do not play with CPP, becuase people knew clearly that how much CPP bad.