ដោយ៖ ថុល ស្រីលក្ខណ៍ និង ដួង សុខា
ថ្ងៃចន្ទ ទី21 ខែតុលា ឆ្នាំ2013
http://vodhotnews.com
ស្តាប់សំឡេង៖ |
ចម្លងទុក |
ពលរដ្ឋនៅស្រុកគិរីសាគរ និងបទុមសាគរ ខេត្តកោះកុង នៅថ្ងៃចន្ទនេះ ទាមទារឲ្យអាជ្ញាធរខេត្តផ្តល់សំណងតាមផ្លូវច្បាប់ដល់ពួកគាត់ មុននឹងឲ្យក្រុមហ៊ុនដែលទទួលបានដីសម្បទានសេដ្ឋកិច្ច ឈូសឆាយដីស្រែចម្ការរបស់ពួកគាត់ ព្រោះពួកគាត់បានរស់នៅលើដីនោះតាំងពីឆ្នាំ១៩៧៩។
លោក ង៉ែត សារ៉េត ដែលអះអាងជា តំណាងពលរដ្ឋស្រុកបទុមសាគរ ឲ្យដឹងថា ប្រជាពលរដ្ឋ ៧០នាក់ តំណាងឲ្យ ២០០គ្រួសារ ប្រមូលផ្តុំតវ៉ានៅមុខទីស្នាក់ការក្រុមហ៊ុនស៊ីណូម៉ីចស៊ីន (SONOMEXIM INVESTMENT CO,LTD) ក្នុងឃុំអណ្តូងទឹក ស្រុកបទុមសាគរ ទាមទារឲ្យផ្តល់សំណងដល់ពួកគាត់មុននឹងឈូសឆាយដី។ លោកបន្តថា កាលពីឆ្នាំ ២០១២ ប្រមុខរដ្ឋាភិបាលប្រកាសឲ្យក្រុមនិស្សិតចុះវាស់វែងដីឲ្យប្រជាពលរដ្ឋ ដែលពាក់ព័ន្ធសល់ប៉ុន្មានទើបផ្តល់ជាដីសម្បទានដល់ក្រុមហ៊ុន តែអាជ្ញាធរខេត្តមិនអនុវត្តតាមនោះទេ ៖ "ដល់ឥឡូវប្រជាជនអត់ទាន់មានដីហ្នឹងទេ គេអត់ទាន់មានបានវាស់វែងឲ្យប្រជាពលរដ្ឋថា មួយគ្រួសារ ៥ហិចតាអីហ្នឹង វាអត់ទាន់មាន ហើយដល់ឥឡូវក្រុមហ៊ុនឈូសឆាយ ឥឡូវប្រជាជនបាតុកម្មមិនឲ្យឈូសឆាយ មិនឲ្យធ្វើអញ្ចឹង ប្រជាជនទាមទារចង់ឲ្យរាជរដ្ឋាភិបាលហ្នឹងជួយរកដំណោះស្រាយកន្លែងហ្នឹង"។
អភិបាលស្រុកបទុមសាគរ លោក អន ភារៈ មានប្រសាសន៍ថា គាត់បានបញ្ជូនអភិបាលរងឲ្យចុះអន្តរាគមន៍រួចហើយ តែប្រជាពលរដ្ឋមិនគួរធ្វើការតវ៉ាបែបនេះទេ ៖ "យើងមិនអាចឃាត់គ្រឿងចក្រគេបានទេ ពីព្រោះគេមានច្បាប់ទម្លាប់ត្រឹមត្រូវ កាលណាតែឃាត់ក្រុមហ៊ុនគេប្តឹងហ្នឹង អាជ្ញាធរមានលុយឯណាសងគេ ព្រោះគ្រឿងចក្រគេគេគិតម៉ោង គិតម៉ោង គិតថ្ងៃ គិតខែ បុគ្គលិកកម្មករគេក៏គិតខែដែរ តែគេផ្អាកហ្នឹងគេប្តឹងយើង គេគិតសរុបហើយ បងប្អូនយើងមានដីចម្ការពិតប្រាកដ យើងធ្វើរាយការណ៍មក តាមរយៈភូមិឃុំស្រុកមក ដើម្បីខ្ញុំរាយការណ៍ទៅលើ"។
ពលរដ្ឋ នៅឃុំកោះស្តេច ស្រុកគិរីសាគរ អ្នកស្រី សេស សេងហៀង ប្រាប់VOD នៅរសៀលថ្ងៃនេះថា គាត់នឹងប្រជាពលរដ្ឋនាំគ្នាកាក់គ្រឿងចក្ររបស់ក្រុមហ៊ុនមួយគ្រឿង ដែលបានចុះឈូសឆាយធ្វើឲ្យប៉ះពាល់ដល់ដំណាំរបស់ពួកគាត់។ អ្នកស្រីថា គាត់ទាមទារឲ្យក្រុមហ៊ុននេះផ្តល់សំណងដល់ពួកគាត់ជាមុនសិន ៖ "អាត្រាក់ អាអ៊ីចគេហ្នឹង វាមានអូរ ដល់ហើយវាធ្លាក់ចូលអូរទៅ ខ្ញុំក៏អត់ឲ្យវាយកចេញដែរចាំឲ្យវាសងថ្លៃដំណាំ ថ្លៃដីភូមិខ្ញុំសិន មានស្វាយ មានដូង មានចន្ទី មានដើមចន្ទគ្រិស្នា គេឈូសផ្លូវចូលទៅមាត់សមុទ្រ តែដីកន្លែងហ្នឹងមិនទាន់ទូទាត់គ្នា មិនទាន់ដោះស្រាយ" ។
អភិបាលស្រុកគិរីសាគរ លោក ឃឹម ច័ន្ទឌី ឲ្យដឹងថា នៅរសៀលថ្ងៃនេះ លោកបានចុះអន្តរាគមន៍រួចហើយ។ លោកថា លោកកំពុងចរចាជាមួយក្រុមហ៊ុនចិន ញូញៀន ឌីវឺឡុបមែន (Union Development Group Company) ឲ្យដោះស្រាយសំណងដល់ប្រជាពលរដ្ឋ ដែលនៅសល់ជាង២០គ្រួសារនេះទៅតាមផ្លូវច្បាប់។
VODមិនអាចទាក់ទងតំណាងក្រុមហ៊ុនទាំងពីរនោះបាននៅឡើយទេ។
អ្នកសម្របសម្រួលអង្គការសិទ្ធិមនុស្សលីកាដូ ប្រចាំខេត្តកោះកុង លោក អ៊ិន គង់ជិត អំពាវនាវឲ្យអាជ្ញាធរខេត្តកោះកុង ពន្លឿនការដោះស្រាយបញ្ហាពលរដ្ឋឲ្យបានឆាប់។
លោកនាយករដ្ឋមន្ត្រី ហ៊ុន សែន កាលពីឆ្នាំ២០១១ បានផ្តល់ដីសម្បទានសេដ្ឋកិច្ច ដល់ក្រុមហ៊ុន ក្រុមហ៊ុន ស៊ីណូម៉ីចស៊ីន ទំហំ៤ ២៨០ហិកតា ដើម្បីអភិវឌ្ឍធ្វើជាតំបន់កសិទេសចរណ៍ នៅក្នុងតំបន់ឧទ្យានជាតិបទុមសាគរ ខេត្តកោះកុង។ ដោយឡែក ក្រុមហ៊ុនចិន ញូញៀន ឌីវឺឡុបមែន ទទួលបានដីសម្បទានសេដ្ឋកិច្ចពីរដ្ឋាភិបាល ៣៦ ០០០ហិកតា នៅឆ្នាំ២០០៨ និងបន្ថែម៩ ១០០ហិកតាទៀតនៅឆ្នាំ២០១១។ សម្បទានដីនេះ ប៉ះពាល់ដល់ពលរដ្ឋ១ ១៤៣គ្រួសារ ត្រូវបណ្តេញចេញពីស្រុកចំនួនពីរ គឺស្រុកបទុមសាគរ និងស្រុកគិរីសាគរ ខេត្តកោះកុង៕
សរសេរមកកាន់អ្នកនាង ថុល ស្រីលក្ខណ៍ តាមរយៈ sreyleak@vodhotnews.com
ប្រទេសកម្ពុជា នឹងពុំមានសេចក្តីសុខទេ ដរាបណានៅតែមានជនក្បត់ជាតិ !ជនក្បត់ជាតិ មានឈាមជរ័ ជាជនក្បត់ជាតិ មានពូជអំបូរ ជាជនក្បត់ជាតិ ធ្លាប់មាន ម៉ែ ឪ ជាជនក្បត់ជាតិ ហេតុនេះ កូនចៅ ជំនាន់ក្រោយៗ ក៏ត្រូវតែក្បត់ជាតិដែរ ពីព្រោះនេះជាគំនុំគ្រួសារត្រូវតែសងសឹក ទោះរាប់រយឆ្នាំ ក៏នៅតែសងសឹក ឨ្យតែមានឱកាស ជំរើសមានតែមួយគត់ ដើម្បីកុំអោយមានអ្នកក្បត់ជាតិគីត្រូវតែបំបាត់ចោលជនក្បត់ ជាតិបានន័យថា ត្រូវតែកំចាត់ចោលអោយអស់ជនក្បត់ជាតិ ចេញពីទឹកដីកម្ពុជាដ៏បវររបស់យើង ជីកស្មៅ ត្រូវជីកទាំងឫស !!!!!!!!!!!!