Tuesday, 22 October 2013
សេត គឹមសឿន
ភ្នំពេញ ប៉ុស្តិ៍
ភ្នំពេញៈ ដំណឹងស្នេហាផ្អែមត្រជាក់រវាងពិធីការិនីជើងយូរមេម៉ាយកូនពីរអ្នកនាង គង់ សុជាតិ និងពិធីករកំលោះរូបសង្ហាជា វិបុល តែងលេចឮខ្ទរខ្ទារជាបន្តបន្ទាប់ទាំងនៅក្នុងសង្គមសិល្បៈ និងក្រៅសិល្បៈ តែយ៉ាងណាអ្នកទាំងពីរហាក់ដូចជាព្យាយាមគេចវេះពីការបកស្រាយចំពោះចំណងស្នេហ៍ដែលគេចង់ដឹងមួយនេះ។
ទោះបីជាគេចពីការសួរនាំរបស់បណ្តាញសារព័ត៌មានជាញឹកញាប់ក្តី តែថ្មីៗនេះប្រភពច្បាស់ការណ៍មួយបានដឹងថា អ្នកនាង គង់ សុជាតិ និងលោក ជា វិបុល នឹងរៀបការនៅក្នុងអំឡុងខែវិច្ឆិកា ឬធ្នូខាងមុខនេះ ខណៈពេលនេះពួកគេបានរៀបចំឲ្យគេបោះធៀបការស្ទើររួចរាល់ហើយនៅក្នុងហាងរបស់អ្នកសិល្បៈម្នាក់។
អ្នករៀបចំកម្មវិធីម្នាក់ដែលបានបោះសំបុត្រនៅក្នុងហាងរបស់អ្នកសិល្បៈម្នាក់នោះ បានឲ្យដឹងដោយមិនបញ្ចេញឈ្មោះថា លោកបានទៅបោះសំបុត្ររៀបចំពិធីខួបកំណើតនៅក្នុងហាងមួយឈ្មោះ «ឃីងចំណូល» ស្រាប់តែនៅពេលនោះក៏បានឃើញសំបុត្រអញ្ជើញចូលរួមអាពាហ៍ពិពាហ៍របស់អ្នកនាង គង់ សុជាតិ ដោយចៃដន្យ។ លោកបន្តថា នៅពេលនោះ លោកភ្ញាក់ផ្អើលមែនទែន ហើយចង់ដឹងភ្លាមថា កូនកំលោះរបស់អ្នកនាង មេម៉ាយក្តៅស្រួយ គង់ សុជាតិ ជាអ្នកណា? លោកបានបើកភ្លាម រំពេចនោះលោកកាន់តែភ្ញាក់ផ្អើលខ្លាំងឡើងមួយកម្រិតទៀត នៅពេលបានឃើញជាក់ភ្នែកថា កូនកំលោះរបស់អ្នកនាង គង់ សុជាតិ ពិតជាពិធីកររបស់ស្ថានីយទូរទស្សន៍ប៉ុស្តិ៍លេខ៣លោក ជា វិបុល ពិតមែន។
អ្នកបានឃើញដោយជាក់ភ្នែកម្នាក់នោះបានបន្តថា មង្គលការរបស់ពិធីការិនីជើងខ្លាំងគង់ សុជាតិ និងជា វិបុល នឹងប្រព្រឹត្តទៅនៅក្នុងខែវិច្ឆិកា ឆ្នាំ២០១៣ខាងមុខ ដោយពិធីមង្គលការដ៏អធិកអធមនោះនឹងរៀបចំទទួលភ្ញៀវនៅសណ្ឋាគារលំដាប់ផ្កាយប្រាំ គឺនៅសណ្ឋាគារ អាំងទែកង់ទីណង់តាល់។ លោកបានបញ្ជាក់ថា ពិធីអាពាហ៍ពិពាហ៍របស់អ្នកនាង គង់ សុជាតិ និងជា វិបុល នឹងប្រព្រឹត្តទៅយ៉ាងអធិកអធមបំផុតដោយសារនៅក្នុងបញ្ជីឈ្មោះភ្ញៀវដែលនាងអញ្ជើញមានសុទ្ធតែមន្ត្រីមានមុខមាត់ ហើយក៏មានអញ្ជើញមន្ត្រីរដ្ឋាភិបាលថ្នាក់កំពូលផងដែរ។
តែយ៉ាងណា អ្នកគ្រប់គ្រងកម្មវិធីរូបនោះបានឲ្យដឹងថា លោកមិនបានចាប់អារម្មណ៍មើលថ្ងៃខែច្បាស់លាស់នៃការប្រព្រឹត្តទៅនៃពិធីមង្គលការនោះទេ ដោយសារតែលោកចាប់អារម្មណ៍មើលតែឈ្មោះ សាមីខ្លួន ឪពុកម្តាយ និងចំនួនភ្ញៀវដែលនាងហៅប៉ុណ្ណោះ ហើយម្ចាស់ហាងក៏បានយកសំបុត្រនោះត្រឡប់ទៅវិញ។
ពាក់ព័ន្ធនឹងការលើកឡើងយ៉ាងច្បាស់ការណ៍ថា ខ្លួននឹងចូលរោងការជាមួយនឹង ជា វិបុល ជាផ្លូវការដូចការលើកឡើងនោះ អ្នកនាងគង់ សុជាតិ មិនបានបដិសេធថា ខ្លួននឹងចូលរោងការ ឬក៏អត់នោះទេ តែនាងសុំមិននិយាយរឿងមានថ្នាក់ដឹកនាំកំពូលចូលរួមនោះទេ។
ជាមួយនឹងសំណួរចាក់ដោតចំៗ និងសុំការបញ្ជាក់ពីមន្ត្រីថ្នាក់ខ្ពស់ចូលរួម អ្នកនាង គង់ សុជាតិ ហាក់រដិបរដុបក្នុងការឆ្លើយដោយពិធីការិនីជើងខ្លាំងរូបនេះបាននិយាយថា៖«អ្នកណាគេនិយាយ។ អូចេះតែនិយាយហើយកុំយកឈ្មោះថ្នាក់ដឹកនាំអីទៅលេង ខ្ញុំខ្លាចមានបញ្ហាណាស់»។ ដោយឡែករឿងរៀបការនោះ អ្នកនាងបានឆ្លើយយ៉ាងខ្លីថា៖«ខ្ញុំសុំទោសខ្ញុំអត់អាចឆ្លើយពេលហ្នឹងបានទេ ឥឡូវខ្ញុំរវល់។ ចាំបន្តិចចាំខ្ញុំឆ្លើយ»។
រីឯអនាគតកូនកំលោះ លោក ជា វិបុល ក៏មិនបានបដិសេធពីមង្គលការនៅខែវិច្ឆិកាខាងមុខនេះដែរ អ្វីដែលលោកបារម្ភគឺការលើកយកឈ្មោះថ្នាក់ដឹកនាំដែលគេអះអាងថា លោកនឹងអញ្ជើញមកចូលរួមមង្គលការរបស់លោក។
ជាមួយសម្តីរអាក់រអួល លោក ជា វិបុល បាននិយាយថា៖«ខ្ញុំអត់ហ៊ាននិយាយលើសពីហ្នឹងទេ កុំដាក់អ៊ីចឹង ខ្ញុំអត់បានបញ្ជាក់ថា ខ្ញុំបានអញ្ជើញ ឬក៏អត់បានអញ្ជើញទេ ខ្លាចអ្នកខ្លះគេចេះតែនិយាយ អានេះចូលលក្ខណៈយកឈ្មោះគេទៅលាបហើយ រឿងដល់ថ្នាក់ដឹកនាំអីនោះខ្ញុំអត់បានដឹងរឿងទេ។ ខ្ញុំខ្លាចណាស់ កុំនិយាយអ៊ីចឹង»។
ជាមួយនឹងសម្តីអត់លះពីពិធីមង្គលការ ជា វិបុល បញ្ជាក់បន្ថែមថា៖«រឿងខ្ញុំការអីហ្នឹង វាអត់ទាន់មានដំណឹងអីច្បាស់លាស់ទេ ព្រោះអានោះប្រហែលជាពាក្យចចាមអារ៉ាមទេដឹង។ កុំនិយាយរឿងខ្ញុំរៀបការឈានដល់អញ្ជើញថ្នាក់ដឹកនាំកំពូលអី ព្រោះខ្ញុំអត់មានសមត្ថភាពអីដល់ថ្នាក់ហ្នឹងទេ»។
ទោះបីជាមានការលើកឡើងស្របគ្នារវាងអនាគតកូនកំលោះក្រមុំមួយគូនេះ យ៉ាងណាតែទស្សនិកជននៅតែមិនទាន់អស់ចិត្តនៅឡើយពីដំណឹងនៃការដឹកដៃគ្នាចូលរោងការនៅខែវិច្ឆិកាខាងមុខរបស់គូស្នេហ៍ខុសវ័យមួយគូនេះទេ។
ដូច្នេះដើម្បីជ្រាបច្បាស់នៅពេលនេះមានតែរង់ចាំពេលវេលាចូលមកដល់ប៉ុណ្ណោះទេ ទើបអាចបញ្ជាក់ការពិតបានថាតើ អ្នកនាង គង់ សុជាតិ និងលោកជាវិបុល នឹងរៀបការមែន ឬយ៉ាងណាក្នុងខែវិច្ឆិកាខាងមុខនេះ៕
Dating more than two years and still keep secret.
Socheat and Vibol had coitis and forgot counts……… Ha.ha. Dick and Vagina are simple.