ដោយ៖ ថុល ស្រីលក្ខណ៍ និង ដួង សុខា
ថ្ងៃពុធ ទី6 ខែវិច្ឆិកា ឆ្នាំ2013
http://vodhotnews.com
ស្តាប់សំឡេង៖ |
ចម្លងទុក |
អ្នកនាំពាក្យក្រសួងមហាផ្ទៃ លោក ខៀវ សុភ័គ ប្រាប់VODនៅរសៀលថ្ងៃពុធនេះថា អតីតអភិបាលក្រុងបាវិត លោក ឈូក បណ្ឌិត ទំនងកំពុងលាក់ខ្លួននៅប្រទេសវៀតណាម។
ការបង្ហើបឲ្យដឹងរបស់មន្ត្រីជាន់ខ្ពស់ ក្រសួងមហាផ្ទៃរូបនេះ កើតទ្បើងពីរថ្ងៃ បន្ទាប់ពីសាលាឧទ្ធរណ៍សម្រេចតម្កល់សាលក្រម តុលាការខេត្តស្វាយរៀង ដោយផ្តន្ទាទោសកំបាំងមុខលោក ឈូក បណ្ឌិត ដាក់ពន្ធនាគារ១៨ខែ ពីបទបង្ករបួសស្នាមដោយអចេតនា ទៅលើកម្មការិនីរោងចក្របីនាក់ នៅខេត្តស្វាយរៀង កាលពីខែកុម្ភៈ ឆ្នាំ២០១២។ សាលាឧទ្ធរណ៍ក៏បានបង្គាប់ឲ្យសមត្ថកិច្ចតាមចាប់ខ្លួនជនដៃដល់ មកដាក់ពន្ធនាគារផងដែរ។
លោក ខៀវ សុភ័គ បន្តថា អាជ្ញាធរកម្ពុជាបានទាក់ទងអាជ្ញាធរវៀតណាមរួចហើយ ដើម្បីស្វែងរកពិរុទ្ធជនរូបនេះ ៖ "លឺថា នៅវៀតណាម ហើយក៏កំពុងសហការជាមួយគេដែរ បើនិយាយមែនទែន ពាក្យសំដីហ្នឹងយើងក៏បញ្ជូនទៅ ដើម្បីសួរ តែបើនៅវៀតណាមមែន មិននេះទេ ឲ្យតែច្បាស់នៅវៀតណាម ក្នុងបណ្ដាប្រទេសទាំងអស់ យើងឃើញថាការចាប់ជនល្មើសពីវៀតណាមមានលក្ខណៈងាយស្រួលជាងគេ " ។
ចំណែក អ្នកនាំពាក្យអគ្គស្នងការដ្ឋាននគរបាលជាតិ លោក គៀត ច័ន្ទថារិទ្ធិ គ្រាន់តែបង្ហើបថា សមត្ថកិច្ចបានដឹងពីកន្លែងលាក់ខ្លួនលោក ឈូក បណ្ឌិត ប៉ុន្តែលោកសុំមិនបង្ហាញទីតាំងជាក់លាក់ទេ ដោយសារសមត្ថកិច្ចកំពុងស៊ើបអង្កេតនៅឡើយ។
អ្នកគ្រប់គ្រងបច្ចេកទេសឃ្លាំមើលការរំលោភសិទ្ធិមនុស្ស នៃអង្គការលីកាដូ លោក អំ សំអាត យល់ថា បើលោក ឈូក បណ្ឌិត កំពុងលាក់ខ្លួននៅប្រទេសវៀតណាមមែន ហើយរដ្ឋាភិបាលកម្ពុជាមានឆន្ទៈចាប់ខ្លួនជនល្មើស មកផ្តន្ទាទោសនោះ វាជាការងាយស្រួលបំផុតសម្រាប់រដ្ឋាភិបាលកម្ពុជា ៖ "តាមពិតទៅ វៀតណាម និងកម្ពុជា ជាមិត្តភក្តិដល់ល្អនិងគ្នា ប្រសិនជាដោយសារតែគេចទៅនៅវៀតណាម ហើយប្រទេសកម្ពុជាថាអ្នកនោះជាជនដែលត្រូវប្រព្រឹត្តបទល្មើស ហើយត្រូវតុលាការកម្ពុជាផ្តន្ទាទោស នោះធ្វើកិច្ចសហការ អាចបញ្ជូនមកកម្ពុជា ដើម្បីទទួលទោសតាមផ្លូវច្បាប់បាន"។
អង្គការសិទ្ធិមនុស្សក្នុងស្រុកមួយចំនួន បានរិះគន់និទណ្ឌភាពដែលនៅតែកើតមាននៅកម្ពុជា ដោយសារជនល្មើសនៅតែមានសេរីភាពដើរហើរនៅទ្បើយ និងថាជនដៃដល់ ទំនងជាមានអ្នកនយោបាយមានអំណាច នៅពីក្រោយជនដៃដល់ ដែលជាហេតុធ្វើឲ្យសមត្ថកិច្ចមិនហ៊ានចាប់ខ្លួនគាត់៕
សូមសរសេរមកកាន់អ្នកនាង ថុល ស្រីលក្ខណ៍ តាមរយៈ sreyleak@vodhotnews.com
វាពួនលាក់មុខនៅក្នុងសំឡុយម៉ែនសំអនឯណោះទេ……………………………………
អាអ្នកដឹកនាំដែលអសមត្ថភាពដូចអាខ្វាក់គួរតែចុះចេញពីអំណាច គ្រាន់តែអាឈូកបណ្ឌិតម្នាក់
ប៉ុណ្ណឹងចាត់ការមិនកើត នេះហើយដែលហៅថាបក្សពួកនិយមនិងគ្រួសារនិយម បើអ្នកដទៃមើល!
២៤ម៉ោងមិនទាន់ផងបើមិនខ្នោះហើយចូលគុកព្រៃសមុនចេញដីការទៅទៀត។
Come on man(ខៀវ សុភ័គ ). Viet Nam was your friend!!!
This crime case is involved deeply with the politics of current cambodian gov. if the gov. has a real political will, Chuk Bandit will be brought into justice within minutes. So if the current gov. still ignores the victim’s justice a long journyed politics of the CPP will be no longer for sure.