សហព័ន្ធសហជីពដែលធ្វើការផ្នែកវាយនភណ្ឌកាត់ដេរសម្លៀកបំពាក់ និងផលិតស្បែកជើង បានគំរាមធ្វើបាតុកម្មនៅដើមខែធ្នូ ខាងមុខនេះ ដើម្បីទាមទារដំឡើងប្រាក់ខែអប្បបរមាឲ្យកម្មករដល់ ១៥៤ដុល្លារ ក្នុងមួយខែ។ ការទាមទារនេះ ក្នុងគ្រាដែលក្រសួងការងារ និងក្រុមការងារចម្រុះត្រីភាគី គ្រោងនឹងបើកកិច្ចប្រជុំពិភាក្សាអំពីការដំឡើងប្រាក់ឈ្នួលអប្បបរមានេះ។
ដោយ ខែ សុណង
2013-11-26
RFA
ស្ដាប់ ឬ ទាញយកសំឡេង
កម្មកររោងចក្រ អែស.អិល (SL) ឈរតវ៉ាមុខរោងចក្របិទផ្លូវលេខ ២១៧ ឬផ្លូវចំការដូង ជាយរាជធានីភ្នំពេញ នៅថ្ងៃទី២៦ ខែសីហា ឆ្នាំ២០១៣។ RFA
មន្ត្រីជាន់ខ្ពស់នៃសមាគមរោងចក្រកាត់ដេរកម្ពុជា បានអះអាងថា សមាគមរោងចក្រត្រៀមខ្លួនជាស្រេចក្នុងការជជែកពិភាក្សា អំពីការដំឡើងប្រាក់ឈ្នួលជូនកម្មករ ទៅតាមលទ្ធភាពដែលថៅកែរោងចក្រអាចធ្វើទៅបាន ក្រោមការសម្របសម្រួលពីក្រុមការងារចម្រុះត្រីភាគី។
ក្រុមការងារត្រីភាគីនោះមាន តំណាងមកពីរដ្ឋាភិបាល និយោជក និងសហជីព។
មន្ត្រីជាន់ខ្ពស់នៃសមាគមរោងចក្រកាត់ដេរកម្ពុជា លោក ជាតិ ខេមរា មានប្រសាសន៍នៅថ្ងៃទី២៦ វិច្ឆិកា ថា ភាគីរោងចក្រមានការអង្កេតអំពីលទ្ធភាពដែលថៅកែរោងចក្រអាចនឹងដំឡើងប្រាក់ខែជូនកម្មករ ដោយយោងទៅលើការចរចាជាមួយភាគីពាក់ព័ន្ធនៅពេលខាងមុខ ដោយមិនចង់ឃើញការទាមទារដោយយកកូដកម្មបាតុកម្មមកពាក់ព័ន្ធឡើយ។
«សំឡេង»
សហជីពកម្មករធំៗចំនួន៤ រួមមាន សម្ព័ន្ធសហជីពប្រជាធិបតេយ្យកម្មករកាត់ដេរកម្ពុជា សម្ព័ន្ធសហជីពកម្ពុជា សហព័ន្ធសហជីពជាតិនៃឧស្សាហកម្មវាយនភណ្ឌកាត់ដេរកម្ពុជា និងសម្ព័ន្ធសហជីពចលនាកម្មករ បានសរសេរលិខិតរួមគ្នា ដាក់ជូន លោក វ៉ាន់ សូអៀង ប្រធានសមាគមរោងចក្រកាត់ដេរកម្ពុជា (GMAC) ដើម្បីស្នើសុំដំឡើងប្រាក់ឈ្នួលអប្បបរមាដល់កម្មករកាត់ដេរចំនួន ១៥៤ដុល្លារ និងអត្ថប្រយោជន៍ ៦ចំណុចផ្សេងទៀត។
សហជីពទាំងនោះ បានព្រមានរួមគ្នាថា នឹងដឹកនាំកម្មករធ្វើកូដកម្មនៅទូទាំងប្រទេស នៅខែធ្នូ ចុងឆ្នាំ២០១៣ នេះ បើគ្មានដំណោះស្រាយ។
ប្រធានសហព័ន្ធសហជីពជាតិនៃឧស្សាហកម្មវាយនភណ្ឌកាត់ដេរកម្ពុជា អ្នកស្រី ម៉ម ញឹម បានព្រមានថា បើសិនគ្មានការចរចាពីថៅកែរោងចក្រ ឬគ្មានការសម្របសម្រួលពីរដ្ឋាភិបាល ក្នុងការដំឡើងប្រាក់ខែដល់កម្មករទេនោះ គឺមានតែកូដកម្ម និងបាតុកម្ម។
«សំឡេង»
ក្រៅអំពីការទាមទារដំឡើងប្រាក់ខែអប្បបរមា សហព័ន្ធ និងសម្ព័ន្ធសហជីព ក៏បានស្នើសុំនិយោជកដោះស្រាយនូវសំណើចំនួន ៥ចំណុចផ្សេងទៀត គឺផ្ដល់ប្រាក់បាយ ៣ដុល្លារក្នុង១ថ្ងៃ សុំឲ្យនិយោជកដាក់ប្រាក់អតីតភាពការងារកម្មករតម្កល់ទុកក្នុងរតនាគារជាតិ ដើម្បីបើកឲ្យកម្មករពេលក្រុមហ៊ុនបិទទ្វារ បញ្ឈប់ការប្រើប្រាស់កិច្ចសន្យាខ្លីៗខុសច្បាប់ ដែលធ្វើឲ្យប៉ះពាល់សិទ្ធិ និងអត្ថប្រយោជន៍កម្មករ បញ្ឈប់លែងឲ្យមានអ្នកធំ អ្នកមានអំណាចកាងពីក្រោយក្រុមហ៊ុន និងដោះស្រាយវិវាទរោងចក្រ អែស.អិល (SL) តាមសំណូមពរ និងចាប់ជនប្រព្រឹត្តិហិង្សាគំរាមសម្លាប់ថ្នាក់ដឹកនាំសហជីព និងដក លោក មាស សុត្ថា ចេញពីក្រុមហ៊ុននេះ។
វិទ្យុអាស៊ីសេរី មិនអាចទាក់ទងមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ ដើម្បីបកស្រាយចំពោះសំណើនេះបានទេ។
ប៉ុន្តែ ក្រសួងការងារបានចេញសេចក្ដីប្រកាសព័ត៌មានមួយ ដោយកំណត់យកថ្ងៃទី២៧ ខែវិច្ឆិកា បើកកិច្ចប្រជុំពិភាក្សាការងារបច្ចេកទេស អំពីការដំឡើងប្រាក់ឈ្នួលអប្បបរមាជូនកម្មករ ជាមួយអនុក្រុមការងារចម្រុះត្រីភាគី និងដៃគូពាក់ព័ន្ធ ដែលមានសមាសភាពពីតំណាងមកពីរដ្ឋាភិបាល និយោជក និងមកពីខាងសហជីព៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទដែលទាក់ទង
- រោងចក្រអែស.អិលមិនព្រមឲ្យតំណាងកម្មករ១៩នាក់ចូលធ្វើការវិញ
- ពលការិនីម្នាក់រកអន្តរាគមន៍ប្ដឹងក្រុមហ៊ុននាំពលករទៅធ្វើការនៅម៉ាឡេស៊ី
- កម្មកររោងចក្របន្តតវ៉ាមិនព្រមចូលធ្វើការដោយសារខ្លាចអគារបាក់សង្កត់
- កម្មករភ័យខ្លាចពិតានរោងចក្របាក់កិនស្លាប់
- ភាពយន្ត «នរណាសម្លាប់ ជា វិជ្ជា» បញ្ចាំងជាលើកទីពីរនៅមជ្ឈមណ្ឌលសិទ្ធិមនុស្ស
- ទាហានថៃបាញ់ពលរដ្ឋខ្មែរ៣នាក់ស្លាប់ពេលឆ្លងដែនទៅកាប់ឈើគ្រញូង
- អង្គការសិទ្ធិមនុស្សនឹងបញ្ចាំងភាពយន្ត «អ្នកណាសម្លាប់ ជា វិជ្ជា» នៅថ្ងៃសៅរ៍
- កម្មកររោងចក្រឃីងហ្វឺសប្រមាណ៣០នាក់ទៀតដួលសន្លប់
- កម្មកររោងចក្រឃីងហ្វឺស២ប្រមាណ៨០នាក់ដួលសន្លប់
。。បើកម្មករ មិនទាមទារ ទេ គេក៏មិនតម្លើងប្រាក់ខែ អោយដែរ !
(« ប្រាក់ខែ កម្មករ តែ ១៥០ ដុល្លារក្នុង ១ខែ !
មន្ទ្រី ពុករលួយ ចាយ ១ថ្ងៃ ១០០ដុល្លារ ទៅ ២០០ដុល្លារ ! »)
。。កម្មករ ត្រូវ តែទាមទារ ប្រាក់ខែ សមរម្យ អោយទាល់តែបាន
មិនខ្វះទេក្រុមហ៊ុនត្រឹមត្រូវ មកធ្វើរោងចក្រ នៅ កម្ពុជាយើង !
，，，， សូមជួយ ពិចារណារ !
តាមការសង្កេតលទ្ធផលនៃការបោះឆ្នោតដោយយុត្តិធម៌ គណៈបក្សប្រជាជនស្ទើរតែរកមួយកៅអី
មិនបានផងកុំថាឡើយដល់ទៅ៥០ ឬ ៦០កៅអី។ ទិន្នយ័ដែលថា ៥០ ឬ ៦០ ជាងកៅអីនេះវាជា
ការបន្លំនិងបោកប្រាស់ឆន្ទៈរបស់ប្រជាពលរដ្ឋខ្មែរទូទាំងប្រទេសដោយអត្តនោម័តិអាងខ្លួនកាន់
អំណាចនិងមានអំណាចធ្វើព្យុះភ្លៀងបានតាមចិត្តមិនថាអាណត្តនេះឬអាណត្តមុនៗឡើយ។
នេះហៅមហាសែនថោកទាបជាទីបំផុត។ ហ៊ុនសែនខ្លួនឯងក៏ដឹងដែរថាទឹកចិត្តរបស់ប្រជាជន
នៅទូទាំងប្រទេសពេញចិត្តឬមិនពេញចិត្តចំពោះការដឹកនាំប្រទេសរបស់ខ្លួនយ៉ាងណា។
នោះដោយសារអ្វី? ព្រោះតែលោកហ៊ុនសែនអសមត្ថភាពក្នុងការដឹកនាំប្រទេស បែរទៅជា
បំផ្លាញព្រៃឈើយកលុយមកបង្កើនអំណាចរបស់ខ្លួននិងបក្សរបស់ខ្លួនដោយមិនគិតពីការ
បាត់បង់ធនធានធម្មជាតិដ៏សំបូរបែបរបស់ប្រទេស និងទុក្ខវេទនារបស់ប្រជាជន ព្រោះខ្លាច
មានគេផ្ដួលរំលំដោយអាម៉ាស់ពិសេសគឺខ្លាចមានគេបង្កើតក្រុមថ្មីនៅក្នុងព្រៃហេតុនេះលោក
មិនខ្វល់ពីការរិះគុណលើការកាប់បំផ្លាញព្រៃឈើឡើយ។ លោកគ្មានសមត្ថភាពរិះរកវិធីសាស្ត្រ
ណាការពារថែរក្សាទ្រព្យសម្បត្តិរបស់ប្រទេសជាតិ និងជីវភាពរស់នៅរបស់ប្រជាជនឲ្យបានធូរ
ស្បោយនិងរីកចំរើនបានទេ មានតែការកាប់បំផ្លាញព្រៃឈើ វិនិយោគតំបន់រ៉ែទៅឲ្យក្រុមហ៊ុនចិន
(កុំយល់ថាយន្តហោះឧទ្ធម្ភាកច្រជាងដប់គ្រឿងដែលចិនប្រគល់ឲ្យនេះដោយគ្មានថ្នូរឲ្យសោះ
គួរតែសិក្សាអំពីចិត្តគំនិតជាតិសាសន៍ចិនឲ្យច្បាស់សិនចាំវាយតម្លៃ! តាមពិតមនុស្សប៉ុន្មាន
នាក់ដែលបានស្លាប់នៅតំបន់រ៉ែមាសក្នុងស្រុកសំបូរខេត្តក្រចេះ? តំបន់រ៉ែក្នុងខេត្តកំពត?
ភ្នុំកំចាយ? ភ្នំក្រវាញ? ។ល។ សូមបិទភ្នែកសម្លឹងឲ្យឆ្ងាយបន្តិច)។
វិនិយោគដីសម្បទានទៅឲ្យបរទេស លក់ដី លក់ស្ថាបន័ ដើរសុំជំនួយពីគេទាំងក្នុងនិង
ក្រៅប្រទេសបំពាក់មេដាយឲ្យឧកញ៉ាជាច្រើនផ្តល់សិទ្ធិឲ្យឧកញ៉ាចូលរួមបំផ្លាញជាតិ បំផ្លាញ
ធនធានធម្មជាតិ ដូចជារកស៊ីដឹកឈើដែលមានតម្លៃ គ្រញូង បេង នាងនួន ស្រឡៅ ដេញឡូត៍
នេសាទ ដឹកទំនិញខុសច្បាប់ចូលក្នុងប្រទេស បង្កើនពន្ធអាករតាមតម្លៃប្រេងសាំង ម៉ាស៊ូត
ប្រេងកាត រថយន្តគ្រប់ប្រភេទ កៀបសង្កត់ប្រជាជនតាមកុងត្រូលជជុះ
ជំរិតតាមការបន្លំថ្នាំញៀន បង្កើតបនល្បែងកាសស៊ីណូ នាំចូលគ្រឿងស្រវិងពង្វក់ស្មារតី
ប្រជាជននិសិត្សសិស្ស ដើរខ្ចីបុរគេ ជំពាក់បំណុលបរទេស ពឹងជំនួយកក្កបាតក្រហម។ល។
ខំធ្វើមុខក្រាស់ច្រើនអាណត្តមកហើយតើបានប្រយោជន៍អ្វីទៅ?
បានតែការបំផ្លិចបំផ្លាញប្រទេសជាតិនិងបំបែកបំបាក់ប្រជាជាតិតែប៉ុណ្ណោះ។
ជាក់ស្ដែងចូរយើងគ្រប់គ្នាសង្កេតមើលថាតើមានតំណាងគណៈបក្សប្រជាជនណា
ហ៊ានចេញមុខដើរដោយអត់មានអង្គរក្សឬអ្នកការពារទេ???
នោះហើយគឺការបំបែកខ្លួនចេញពីប្រជាជនដោយខ្លួនឯង។ ធម្មតាទេសត្វចោរមានខ្លួន
ទៅណាមកណាតែងតែភ័យខ្លាចជានិច្ច។ ព្រះពុទ្ធលោកថា ជនណាសាងបាបរមែងដេកមិន
សុខ រីឯជនណាសាងបុណ្យរមែងដេកបានស្កប់។
បើតាំងខ្លួនជាអ្នកប្រាជ្ញគតិបណ្ឌិតហើយគួរណាស់តែកុំបន្តសាងបាបតទៅទៀត
គួរណាស់តែគិតអំពីពូជពង្សវង្សត្រកូលរបស់ខ្លួន ពិសេសគឺកូនចៅរបស់ខ្លួនដែលនៅតូច
កុំឲ្យទៅណាមកណាគេថាអាត្រកូលក្បត់ជាតិ! អាត្រកូលបំផ្លាញជាតិ! អាត្រកូលបោកប្រាស់
សន្លឹកឆ្នោតប្រជាជាតិ! អាត្រកូលចោរ! អាត្រកូលថោក! នៅលើលោកនេះគ្មានអំណាចណា
មួយដែលមានជីវិតស្ថិតឋេរជាអមតៈឡើយ! មិនខុសណាពីកីឡាប្រដាល់ឡើយ ថ្ងៃនេះឯង
ឈ្នះគេ ថ្ងៃក្រោយឯងនឹងចាញ់គេ។ អ្នកធ្វើសង្គ្រាមក៏យ៉ាងដូចនេះដែរ ថ្ងៃនេះអ្នកសប្បាយ
ដោយសារឈ្នះគេ ថ្ងៃក្រោយអ្នកនឹងយំដោយសារចាញ់គេ។ ព្រះពុទ្ធលោកត្រាស់ថាមានតែ
ការឈ្នះផ្លូវចិត្តរបស់ខ្លួនឯងមួយប៉ុណ្ណោះទើបជាការឈ្នះជាអមតៈ។ នោះគឺការទម្លាក់ចោល
នូវមេកីលេះទាំងបី គឺលោភៈ ទោសៈ និងមោហៈ ហើយចាប់យកព្រះធម៌ជាទីពឹងសម្រាប់ជា
គ្រឿងរំដោះខ្លួន ចាកចេញពីភាពអវិជ្ជា ពីភាពល្ងង់ខ្លៅ ពីភពជាប់ជំពាក់កាមគុណ ភពពោរពេញ
ទៅដោយនរកលោកកី ភពកាប់សម្លាប់គ្នា សងសឹកគ្នា មិនដាច់ ភពងងិតដែលអាចនាំខ្លួនទៅ
រកនរកប្រែតអាសូរកាយនិងសត្វតិរច្ឆាន។
——————————
—————————
ទំនិញឡើងថ្លៃព្រោះរដ្ឋាភិបាលភ័យស្លន់ស្លោនូវកង្វះខាតថវិការដ្ឋចិញ្ចឹមក្រុមអង្គរក្សឆ្កែអង្គែស៊ី
ទុកគ្រាន់ឲ្យបាញ់សម្លាប់ប្រជាជនខ្មែរ ថវិការចិញ្ចឹមពួកក្បត់និងពួកពុករលួយព្រោះតែប្រទេស
កម្ពុជាបានត្រូវគេផ្តាច់ជំនួយបន្តិចម្តងៗ ថាតើរដ្ឋាភិបាលនេះត្រូវធ្វើយ៉ាងណាទៀតដែលកន្លងមក
អួតខ្លួនថាមិនពឹងជំនួយបរទេស? ដូចនេះបងប្អូននឹងឃើញច្បាស់នាពេលខាងមុខនេះមិនខាន។
ពិតជាជំរិតនិងពូតបងប្អូនឲ្យចេញទឹកតាមគ្រប់រូបភាពមិនខានឡើយ។ អីចឹងមិនបាច់ឆ្ងល់ទេ
បើមិនបង្កើនតម្លៃគ្រប់បែបយ៉ាងតើបានថវិការឯណាទៅឲ្យពួកអាអត់ប្រយោជន៍នោះស៊ី តែខំ
វានឹងងាកខាំម្ចាស់វិញមិនខាន។
យុទ្ធសាស្រ្តទាល់ច្រកបិតរបងវាយឆ្កែរបស់គតិបណ្ឌិតដ៏ឆ្លាតវៃ។ អសមត្ថភាពមែន!
…………………………….
រដ្ឋាភិបាលអសមត្ថភាពបានប្រើរូបភាពបាញ់សម្លាប់បាតុករតាំងពីដំបូងនៅកម្ពុជាក្រោម
កណ្តាលនិងលើក្នុងការបាតុករទាមទាសិទ្ធិដីធ្លីនិងលំនៅស្ថាន ដោយគិតថាទង្វើបែបនេះ
អាចបង្ក្រាបបានរាល់ការងើបកំរើកចង់ផ្ដួលរំលំ ឬថានឹងអាចធ្វើអ្វីក៏បានគ្មានអ្នកណាហ៊ានក្អក
ដើម្បីឈានទៅដល់ការបំផ្លាញធនធានធម្មជាតិបានដោយងាយមិនខ្វល់ពីការរិះគុណបន្តិចណា
ទេ។ បើអ្នកណាតតាំងច្រើនសម្លាប់អ្នកនោះបំបិតមាត់ចោល។ នេះបានហៅថាគតិបណ្ឌិតព្រៃ!