ដោយ៖ ថុល ស្រីលក្ខណ៍ និង ដួង សុខា
ថ្ងៃព្រហស្បតិ៍ ទី19 ខែធ្នូ ឆ្នាំ2013
http://vodhotnews.com
ស្តាប់សំឡេង៖ |
ចម្លងទុក |
ព្រះសក្យមុនីចេតិយ (រូបថត ណាត សុភាព)
សាលាដំបូងខេត្តកណ្ដាល នៅព្រឹកថ្ងៃព្រហស្បតិ៍នេះ បានចេញដីកាបង្គាប់ឲ្យសមត្ថកិច្ចគ្រប់ថ្នាក់ស៊ើបអង្កេតរកព្រះសុវណ្ណកោដ្ឋតម្កល់បរមសារីរិកធាតុព្រះពុទ្ធ ដែលបានបាត់ពីព្រះសក្យមុនីចេតិយនៅលើភ្នំព្រះរាជទ្រព្យ ឬភ្នំឧត្តុង្គ កាលពីរំលងអាធ្រាត្រឈានចូលថ្ងៃទី១០ ខែធ្នូ។
ចៅក្រមស៊ើបសួរតុលាការខេត្តកណ្តាល លោក លឹម សុគន្ថា ឲ្យដឹងថា តុលាការបានបង្គាប់ឲ្យសមត្ថកិច្ចគ្រប់ថ្នាក់ ត្រួតពិនិត្យតាមច្រកព្រំដែនទាំងអស់។ លោកថា លោកបានហាមសាធារណជនចូលទៅទីតាំងព្រះសក្យមុនីចេតិយ ៖ “គាត់ស៊ើបអង្កេត ទូទាំងប្រទេស រកសាក្សីណា ដែលគាត់ យល់ថា មានប្រយោជន៍ គាត់សួរអី សួទៅ ឆែកឆេកន្លែងណា ចាំបាច់ ហើយយើង ទាប់ស្កាតតាម ច្រកទ្វាព្រំដែន ករណីដែល សង្ស័យចល័ត រឿងគ្រឿងមាស សុវណ្ណកោដ្ឋ អីចឹងណាស់” ។
លោក បន្ថែមថា រហូតមកដល់ថ្ងៃនេះ តុលាការមិនទាន់រកឃើញតម្រុយនៃការលួចព្រះបរមសារីរិកធាតុទេ។ លោកថា នៅថ្ងៃស្អែកនេះ លោកនឹងសាកសួរជនសង្ស័យទាំង៥នាក់ ជាឆ្នាំយាមនៅទីនោះ ដែលត្រូវបានឃុំខ្លួនដោយតុលាការ។
មន្ត្រីស៊ើបអង្កេតរបស់សមាគមការពារសិទ្ធិមនុស្សអាដហុក ប្រចាំខេត្តកណ្តាល លោក ម៉ែន មករា ជំរុញឲ្យតុលាការ ស៊ើបអង្កេតពីករណីនេះឲ្យបានឆាប់ ព្រោះព្រះបរមសារីរិកធាតុរបស់ព្រះពុទ្ធជាបាវចនារបស់ជាតិខ្មែរ ៖ "នេះជាផ្នែកមួយ នៃបាវចនាជាតិខ្មែរ ជាតិ សាសនា ព្រះមហាក្សត្រ ព្រោះសារីរិកធាតុតំណាងឲ្យព្រះពុទ្ធ ដែលប្រទេសកម្ពុជាយើងកាន់ព្រះពុទ្ធសាសនា អញ្ជឹងពេលបាត់គឺគួរឲ្យអាម៉ាស់បំផុត ហើយជនដែលប្រព្រឹត្តបទល្មើស លួចយកទ្រព្យសម្បត្តិ ដែលជាបេតិកភណ្ឌជាតិ បែបនេះ គឺគួរឲ្យស្អប់ខ្ពើមបំផុត ដែលមនុស្សលើលោក កាន់ពុទ្ធសាសនា គេមិនពេញចិត្ត គេមិនចូលចិត្ត គេមិនស្រលាញ់"។
កាលពីថ្ងៃទី១៧ ខែធ្នូ ព្រះសង្ឃប្រមាណ៥០០អង្គ និងពលរដ្ឋមួយចំនួន ដង្ហែជាក្បួនសំដៅទៅខាងមុខសាលសន្និសីទចតុមុខ ដើម្បីទាមទារឲ្យមានការចាប់ខ្លួនជន ដែលលួចព្រះសារីរិកធាតុ។ លិខិតកាលពីថ្ងៃទី១៦ ខែធ្នូ របស់គណសង្ឃនាយកនៃព្រះរាជាណាចក្រកម្ពុជា ដែលចុះហត្ថលេខា ដោយរដ្ឋមន្ត្រីក្រសួងវប្បធម៌ និងអគ្គសង្ឃនាយក នន្ទ ង៉ែត បានអំពាវនាវដល់រាជរដ្ឋាភិបាលកម្ពុជា និងក្រសួងពាក់ព័ន្ធ ព្រមទាំងអាជ្ញាធរ សមត្ថកិច្ចគ្រប់លំដាប់ថ្នាក់ បន្តខិតខំជួយស្វែងរកព្រះបរម្យសារីរិកធាតុនៃព្រះសម្មាសម្ពុទ្ធ តម្កល់ក្នុងព្រះសុវណ្ណកោដ្ឋទម្ងន់ជាង១០គីឡូក្រាមមកវិញឲ្យបាន។
ទស្សនាវដ្តីកម្ពុជៈសុរិយា ដែលបោះពុម្ពផ្សាយពីសាសនា និងវប្បធម៌ខ្មែរ ឲ្យដឹងថា ព្រះបាទ សម្តេចព្រះនរោត្តម សីហនុ បានទទួលព្រះបរមសារីរិកធាតុ និងកូនមហាពោធិព្រឹក្សពីរដើម ដែលនាំមកពីប្រទេសឥណ្ឌា កាលពីឆ្នាំ១៩៥២។ ព្រះបរមសារីរិកធាតុរបស់ព្រះពុទ្ធនេះ ត្រូវបានព្រះសង្ឃ និងប្រជាពលរដ្ឋខ្មែរ ចាត់ទុកជាវត្ថុមានតម្លៃ តំណាងឲ្យភាពសុខសាន្ត និងជាទីសក្ការបូជាសម្រាប់ពុទ្ធសាសនិក៕
សូមសរសេរមកកាន់ អ្នកនាង ថុល ស្រីលក្ខណ៍ តាមរយៈ sreyleak@vodhotnews.com
សូមបងប្អូនជួយតាមដានរឿងនេះឲ្យមែនទែន សង្ស័យតែជាយុត្តិសាស្ដ្ររបស់ហ៊ុនសែនទេ ដែលចង់ទាញអារម្មណ៍ពលរដ្ឋខ្មែរដែលកំពុងតែផុសផុលក្នុងការចូលរួមធ្វើមហាបាតុកម្មទាមទារទម្លាក់ហ៊ុនសែនជាមួយបក្សសង្គ្រោះជាតិឲ្យមកចាប់អារម្មណ៍ជាមួយការបាត់បង់នូវរបស់ដែលមានតម្លៃនិងជាទីគោរពចំពោះខ្មែរគ្រប់រូប ល្បិចកលពួកគុម្មុយនិស្តផ្ដាច់ការមានច្រើនមិនចេះរីងស្ងួត សូមប្រុងប្រយ័ត្ន។
រាជរដ្ឋាភិបាលនិងមន្ត្រីសង្ឃគ្រប់ឋានានុក្រមគួរចេញមុខទទួលខុសត្រូវចំពោះការបាត់បង់ព្រះបរមសារីរិកធាតុ និងវត្ថុមានតម្លៃសម្រាប់វិស័យព្រះពុទ្ធសាសនា។
ទៅរកនៅផ្ទៈហ៊ុនសែនទៅឃើញហើយព្រោះតែវាជឿរលើគ្រូទាយថាបើមិនទៅលួចព្រះសិរីរិក្សធាតុចេញពីទីនោះ ទេនោះអំណាចហ៊ុនសែនត្រូវអស់នៅដើមឆ្នាំ២០១៤នេះហើយ។ ដូច្នេះហើយវាជឿលើគ្រូទាយនោះហើយក៍បញ្ជារ ឲ្យគ្នាវាទៅលួចយកមកទុកនៅផ្ទៈរបស់ហ៊ុនសែនតែម្តងទៅ។ បើមិនទៅរកនៅផ្ទៈហ៊ុនសែនទេ រកទាល់តែងាប់ទៀត ក៍រកមិនឃើញដែរ។