ដោយ៖ នួន បូរិន
ថ្ងៃសុក្រ ទី20 ខែធ្នូ ឆ្នាំ2013
http://vodhotnews.com
លោកនាយករដ្ឋមន្ត្រី ហ៊ុន សែន និងថ្នាក់ដឹកនាំគណបក្សសង្គ្រោះជាតិ នៅថ្ងៃចរចានាពេលកន្លងមក (រូបថត ញឹម សុខន)
មេដឹកនាំគណបក្សសង្គ្រោះជាតិ បានថ្លែងប្រាប់បាតុករថា ការធ្វើបាតុកម្មរបស់មហាជនគាំទ្រគណបក្សសង្គ្រោះជាតិ ពុំមានអ្វីខុសច្បាប់ឡើយ គឺស្របនឹងស្មារតីរដ្ឋធម្មនុញ្ញ មាត្រា៣៥ ខណៈអ្នកគាំទ្រគណបក្សប្រឆាំងនេះ ប្ដេជា្ញថា តវ៉ារហូតមានការផ្លាស់ប្តូរមេដឹកនាំរដ្ឋាភិបាល និងការបោះឆ្នោត ឡើងវិញ។
ការវាយបកភ្លាមៗរបស់ លោកកឹម សុខា អនុប្រធានគណបក្សសង្គ្រោះជាតិ បានធ្វើឡើងនៅទីលានប្រជាធិបតេយ្យ នៅរសៀលថ្ងៃសុក្រ ទី២០ ខែធ្នូដែលជាបាតុកម្មចូលដល់ថ្ងៃទី៦ នៃការទាមទារឲ្យលោក ហ៊ុន សែន ចុះចេញពីតំណែង និងមានការបោះឆ្នោតឡើងវិញ។
ថ្លែងនៅចំពោះមុខហ្វូងបាតុកររាប់ពាន់នាក់ លោកកឹម សុខា បានបញ្ជាក់ថា ពុំមានមាត្រារដ្ឋធម្មនុញ្ញ ណាមួយ ដែលហាមប្រជាពលរដ្ឋធ្វើបាតុកម្មនោះទេ ហើយជាពិសេស មាត្រា៣៥ នៃរដ្ឋធម្មនុញ្ញ បានផ្ដល់សិទ្ធិពេញលេញ ក្នុងការប្រមូលដោយសន្តិវិធី និងអហិង្សា។ លោកបានប្រាប់ទៅ រដ្ឋាភិបាល ឲ្យ បើកសៀវភៅរដ្ឋធម្មនុញ្ញ ត្រង់មាត្រា៣៥ ហើយអានឡើងវិញ។
បើទោះជា លោកកឹម សុខា មិនបានបញ្ចេញឈ្មោះ លោក ហ៊ុន សែន ក្ដីតែប្រតិកម្មរបស់អនុប្រធានគណបក្សប្រឆាំងនេះ ទំនងជាឆ្លើយដោយប្រតិកម្មរហ័ស ទៅលោកនាយករដ្ឋមន្ត្រី ហ៊ុន សែន ដែលកាលពីព្រឹកមិញនេះ បានព្រមានបង្ក្រាបបាតុករ ប្រសិនបើបាតុករហ៊ុមព័ទ្ធផ្លូវ នៅរាជធានីភ្នំពេញ។
នៅពេលដំណើរគ្នានេះ លោកនាយករដ្ឋមន្ត្រី ហ៊ុន សែន បានថ្លែងចំអកថា លោកជាប់ដោយការបោះឆ្នោត ហើយឡើងធ្វើនាយករដ្ឋមន្ត្រី ក៏តាមរដ្ឋធម្មនុញ្ញ ហើយថាករណីទាមទារលោកចុះចេញពីតំណែង គឺលោកមិនព្រមជាដាច់ខាត។
លោកសម រង្ស៊ី ប្រធានគណបក្សសង្គ្រោះជាតិ បានប្រតិកម្មតបវិញថា រដ្ឋធម្មនុញ្ញក៏មិនបានចែងពីការលួចបន្លំសន្លឹកឆ្នោត ដើម្បីកាន់អំណាចដែរ ។ លោកបន្តថា ដូច្នេះគឺជារឿងខុសច្បាប់ នឹងរដ្ឋធម្មនុញ្ញ។
ប៉ុន្តែប្រជាពលរដ្ឋដែគាំទ្រគណបក្សសង្គ្រោះជាតិ ហើយកំពុងហែក្បួន បានប្រាប់ VODថា បើទោះជាពួកគាត់រងការបង្ក្រាបផ្ដាច់ផ្ដិលជីវិតក៏ដោយ គឺពួកគាត់សុខចិត្តស្លាប់ ជាជាងទុកឲ្យជាតិស្លាប់ នៅក្រោមការដឹកនាំរបស់លោកនាយករដ្ឋមន្ត្រី ហ៊ុន សែន ។
នេះជាលើកដំបូងហើយ ដែលមានការប៉ះទង្គិចគ្នា ដោយពាក្យសម្ដី ឬគេហៅថាសង្គ្រាមពាក្យសម្ដី រវាងលោកនាយករដ្ឋមន្ត្រី ហ៊ុន សែន និងថ្នាក់ដឹកនាំគណបក្សសង្គ្រោះជាតិ ចាប់ផ្ដើមផ្ទុះឡើង នៅខណៈបាតុកម្មរបស់គណបក្សសង្គ្រោះជាតិ បានចូលដល់ថ្ងៃទី៦ នៅថ្ងៃសុក្រនេះ ទី២០ ខែធ្នូនេះ ដើម្បីឲ្យមានការបោះឆ្នោតឡើងវិញ និងជំរុញលោកនាយករដ្ឋមន្ត្រី ហ៊ុន សែន ចុះចេញពីតំណែង៕
សរសេរមកកាន់លោក នួន បូរិន តាមរយៈ narinnun@vodhotnews.com
បាតុកម្មនឹងដល់ថ្ងៃអវសាន្តនាពេលឆាប់ៗខាងមុខនេះហើយ ពីព្រោះរដ្ឋាភិបាលមានសិទ្ធិបង្រ្កាបដោយស្របច្បាប់ចំពោះបាតុកម្មអណាធិប្បតេយ្យ ជាបាតុកម្មខុសច្បាប់ រំលោភរដ្ឋធម្មនុញ្ញ មានបំណងផ្តួលរំលំរាជរដ្ឋាភិបាលស្រច្បាប់ ដែលកើតចេញពីការបោះឆ្នោត មានន័យស្មើនឹងការធ្វើរដ្ឋប្រហារធម្មនុញ្ញ រដ្ឋាភិបាលមិនទុកអោយបាតុកម្មបង្កអស្ថេរភាព បង្កអសន្តិសុខ និងបំផ្លាញដល់សន្តិសុខជាតិ ប៉ះពាល់ដល់សណ្តាប់ធ្នាប់សាធារណៈ រំខានការធ្វើដំណើរ ការប្រកបរបរ រកសីុ និងប៉ះពាល់កិត្តិយសប្រទេសជាតិតទៅទៀតទេ។ តាមរយៈបាតុកម្មកន្លងមក បង្ហាញអោយឃើញពីចរឹក មាយាទថោកទាប និងល្ងង់ខ្លៅ ដ៏អន់ថយ ប្រាស់ចាកពីខ្លឹមសារប្រជាធិប្បតេយ្យ ពីសំណាក់មេដឹកនាំបក្សប្រឆាំង ធ្វើអោយអាប់អោនដល់ប្រទេសដែលមានប្រជាធិប្បតេយ្យដ៏ទៃទៀត ប្រៀបដូចជាស្រាតខោកណ្តាលផ្សារ ដែលធ្វើអោយប្រទេសបីតាប្រជាធិប្បតេយ្យលើពិភពលោកមានការអាម៉ាស់យ៉ាងខ្លាំង និងអស់សង្ឃឹមទៅលើពួកគេទាំងពីរទាំងស្រុង ហាស ហា ខ្លួនឯង ធ្វើអោយខ្លួនឯងអស់តំលៃទេណា
HUN SEN GOV HAVE THE RIGHT TO KILL PPLE THAT WHAT YOU MEAN. WHO ARE YOU . ARE YOU VEITKONG ? YOU KILL OUR PPLE YOU TAKE CAMBODIA LAND AND NOW WHAT ELES DO YOU WANT.YOU CAN NOT USE THE WORD DEMOCRATIC BE CAUSE YOU ARE COMMUNIST HOCHIMIN.IF HUN SEN A CLEAN LEADER HE DID NOT MAKING PLLE CRYING EVERY DAY ALL OVER CAMBODIA.IF HUN SEN GIVING YOU ALOT OF MONIES.THINK OF POOR CAMBODIAN THAT CRYING FOR PEACE.DO YOU THING HUN SEN IS A GOOD GOV IN THE WORLD.I’M LIVING OUT HER I NEVER HART WESTERN GOV SAID SOME THING GOOD ABOUT HUN SEN.ALL I KNEW THEY SAID EVERY BAD THING ABOUT CAMBODIAN GOV. PEACE CAMBODIA
ដល់ពេលហើយ! ដល់ពេលហើយ! ដល់ពេលវេលាដែលរដ្ឋាភិបាលត្រូវស្តារមកវិញ នូវសុវត្ថិភាព ស្ថេរភាព សន្តិសុខ សណ្តាប់ធ្នាប់សាធារណៈ អោយមានរបៀបរៀបរយឡើងវិញហើយ ដើម្បីផ្តល់ភាពកក់ក្តៅដល់អ្នកវិនិយោគទុន ប្រជាពលរដ្ឋប្រកបមុខរបររកសីុ អស្ថេរភាពរយៈពេលបីខែមកនេះល្មមគ្រប់គ្រាន់ហើយ បើមិនបង្រ្កាបដោយការបង្ហូរឈាមទេ នោះនឹងមិនបញ្ចប់នូវភាពអណាធិប្បតេយ្យ ខុសច្បាប់នេះដែរ៕ ចប់៕
កុំស្មានណា! ដែលដើរស្រែកជេរអាឡេអាឡូតាមដងផ្លូវសាធារណៈ ឃើញប្រជាពលរដ្ឋចេញមកឈរមើលមុខផ្ទះព្រោងព្រាត ហើយស្រែកហ៊ោរ ថាជាអ្នកគាំទ្រខ្លួនអោយសោះ បើគិតដូច្នោះគឺច្រឡំធំហើយ តាមពិតប្រជាពលរដ្ឋចេញមកមើលមុខពួកមុខក្រាស់ មិនចេះខ្មាស់ចាញ់ឆ្នោតនៅលើគោក រួចស្រែកថាឈ្នះទៅកើត? និងការពារទ្រព្យសម្បត្តិរបស់គេ ព្រមទាំងស្រែកហ៊ោរចំអកឡកឡឺយប៉ុណ្នោះ ហើយដែលមានពលរដ្ឋទៅចូលរួមដង្ហែរបាតុកម្មនោះ ក៏ដើម្បីក្រពះដែរ និងបានបាយសីុដែរ
ខ្ញុំគិតថាការជ្រើសរើសធ្វើការបង្ក្រាបលើបាតុករបក្សសង្គ្រោះជាតិលើកនេះគឺមិនងាយស្រួលដូចការ បង្ក្រាបលើបាតុករនៅឆ្នាំ១៩៩៧នោះទេ ព្រោះស្ថានការណ៍ពិភពលោកមានការផ្លាស់ប្តូរ។ ឧទាហរណ៍ ជាច្រើនបានបង្ហាញឲ្យឃើញច្បាស់ហើយថាអំណាចផ្តាច់ការព្រៃផ្សៃនិងការបង្ក្រាបលើបាតុករយ៉ាង ឃោឃៅនោះទីបំផុតរដ្ឋាភិបាលនោះតែងតែជួបប្រទះនិងសំណាងអាក្រក់ ដូចជារដ្ឋាភិបាលថៃ លោក អាប់ភិសុីតវិចាជីវ៉ា (កំពុងចោទប្រកានពីតុលាការថាឧក្រិដ្ឋកម្មលើប្រជាពលរដ្ឋ) រដ្ឋាភិបាលប្រទេសលីប៊ី ខ្មោចលោកកាដាហ្វី រដ្ឋាភិបាលប្រទេសទុយនេហ្សី លោក ប៊ែនអាលី រដ្ឋាភិបាលប្រទេសអេហ្សុីបលោក ហ៊ូសនីម៉ូបារ៉ាក់ (កំពុងជាបគុក) រដ្ឋាភិបាលប្រទេសអីរ៉ាក់ លោក ខ្មោចសាដាំហ៊ូរសេន ប្រទេសកូដីវ័រ លោក ឡូរ៉ងបាបូរ (កំពុងជាប់គុក) និងប្រទេសសេរី លោកបាសាអាសាធ (កំពុងប្រយុទ្ធជាមួយពួកប្រឆាំងនិងអនាគត់មិនប្រាកដប្រជា)។ តើវាសនា អ្នកដឹកនាំដែលបានលើកខាងលើនេះមានវាសនាយ៉ាងណាហើយឥឡូវនេះ ដូច្នេះសូមជាយោបល់ ទៅលោកហ៊ុនសែន សូមគិតឡើងវិញនៅការជ្រើសរើសយកវិធីបង្ក្រាបបាតុករបក្សសង្ក្រោះជាតិ។ ហើយឧបមាថារដ្ឋាភិបាលជ្រើសរើសយកវិធីបង្ក្រាបបានជោគជ័យទៅចុះហើយក្រោយពីបង្ក្រាបនោះ តើរដ្ឋាភិបាលនៅតែដឹកនាំប្រទេសដោយសុកស្រួលនិងពេញមុខពេញមាត់ដែរឬទេនៅពេល ដែលប្រជាបាតុករជាច្រើននាក់ត្រូវបានសំលាប់នោះ។ ខ្ញុំមានយោបល់ដ៍ល្អតែមួយគត់ដែលរដ្ឋា ភិបាលអាចជ្រើសរើសយកបានគឺត្រូវតែរំលាយសភាហើយរៀបចំការបោះឆ្នោតឡើងវិញទើបអាច ស្តារស្ថានការណ៍ឡើងវិញបាន បើជ្រើសរើសយកវិធីបង្ក្រាបនោះរឿងវាមិនចប់ទេ។