ដោយ៖ ឡាយ សាមាន
ថ្ងៃពុធ ទី1 ខែមករា ឆ្នាំ2014
http://vodhotnews.com
ប្រធានសមាគមគ្រូបង្រៀនកម្ពុជាឯករាជ្យ (CITA) នៅថ្ងៃពុធនេះ ជូនដំណឹងទៅរដ្ឋមន្ត្រីក្រសួងមហាផ្ទៃ ស្តីពីការរៀបចំធ្វើមហាកូដកម្មគ្រូបង្រៀនទូទាំងប្រទេស ដើម្បីឲ្យរដ្ឋាភិបាលដំឡើងប្រាក់ខែអប្បបរមា១លានរៀលក្នុង១ខែ ជូនគ្រូបង្រៀន។
លិខិតរបស់ CITA ចេញផ្សាយនៅថ្ងៃទី ៣១ ខែ ធ្នូ ឆ្នាំ២០១៣ ឲ្យដឹងថា មហាកូដកម្មគ្រូបង្រៀន នឹងចាប់ផ្តើមចាប់ពីថ្ងៃទី៦ខែមករា ឆ្នាំ២០១៤ ដែលមានរយៈពេលមួយសប្តាហ៍ ដើម្បីឲ្យរដ្ឋាភិបាលដំឡើងប្រាក់ខែអប្បបរមាន១លានរៀលក្នុង១ខែជូនលោកគ្រូ អ្នកគ្រូ ដើម្បីឲ្យពួកគាត់មានជីវភាពរស់នៅដោយសេចក្តីថ្លៃថ្នូរ និងជាការលើកកម្ពស់ដល់គុណភាពនៃវិស័យអប់រំ ។
CITA ឲ្យដឹងថា សមាគមគ្រូបង្រៀន បានរៀបចំសមាជលើកទី៥របស់ខ្លួនដែលមានប្រតិភូតំណាងគ្រូបង្រៀនចំនួន ១៨ ខេត្ត-រាជធានី ចូលរួមសមាជសាមញ្ញនេះ។ នៅក្នុងអង្គសមាជនេះ សមាគម ក៏បានលើកសំណើរអំពីការរៀបចំធ្វើមហាកូដកម្មដាក់ជូនអង្គសមាជអនុម័ត ដែលមានសំឡេងគាំទ្រដ៏លើសលុបឲ្យសមាគមរៀបចំធ្វើមហាកូដកម្ម។
ថ្មីនេះ ក្រសួងមហាផ្ទៃ បានព្រមានលុបឈ្មោះសមាគមគ្រូបង្រៀនកម្ពុជាឯករាជ្យ (CITA) ដោយចោទថាប្រធាន សមាគមនេះ លោក រ៉ុង ឈុន បានចូលរួមសកម្មភាពនយោបាយ និងបានញុះញង់កម្មករឲ្យធ្វើបាតុកម្ម។
លិខិតរបស់ក្រសួងមហាផ្ទៃ ចុះថ្ងៃទី២៧ខែធ្នូ ឆ្នាំ២០១៣ ផ្ញើជូនលោក រ៉ុង ឈុន ប្រធានសមាគមគ្រូបង្រៀនកម្ពុជាឯករាជ្យ ឲ្យដឹងថា ថ្មីៗនេះ ប្រធានសមាគម បានយកតួនាទីរបស់ខ្លួនចូលរួមក្នុងសកម្មភាពនយោបាយ និងបានធ្វើសកម្មភាពញុះញង់ដោយខុសច្បាប់ទៅប្រជាពលរដ្ឋ ខុសពីលក្ខន្តិកៈសមាគម។
ក្រសួង ព្រមានដល់ប្រធានសមាគមឲ្យអនុវត្តសកម្មភាពឲ្យបានត្រឹមត្រូវស្របតាមលក្ខន្តិកៈរបស់ខ្លួន ដែលបានតម្កល់ទុកនៅក្រសួងមហាផ្ទៃ។ ក្រសួងបន្តថា ក្នុងករណីប្រធានសមាគម នៅតែបន្តប្រព្រឹត្តផ្ទុយនឹងលក្ខន្តិកៈ ក៏ដូចជាលិខិតបទដ្ឋានគតិយុត្តិនានាធរមាន ក្រសួងនឹងចាត់វិធានការលុបឈ្មោះសមាគម ចេញពីបញ្ជីរបស់ក្រសួងមហាផ្ទៃ។
តែលោក រ៉ុង ឈុន ប្រាប់VODថា លោក ធ្វើសកម្មភាពកន្លងមកមិនខុសច្បាប់ទេ ព្រោះលោកគ្រាន់តែដឹកនាំកម្មករទាមទារដំឡើងប្រាក់ឈ្នួលធម្មតា៕
សរសេរមកកាន់ លោក ឡាយ សាមាន តាមរយៈlaysamean168@vodhotnews.com
ចុចអានគំនិតថ្មី!ៗរបស់លោក ប្រធានគណបក្សសង្គ្រោះយួន
អារ៉ុងឈុនអាគ្រូថោកទាប!!អ្ហែងមិនបង្រៀនកូនសិស្សអួតថាគ្រាន់បើទៀត!!អាបំផ្លាញគុណភាព អប់រំ។អ្ហែងមិនបង្រៀនក៍កូនអញមិនខ្វះគ្រូដែរ!!អញដូរកូនអញឲ្យរៀនជាមួយគ្រូល្អៗរួចហើយជូន ការឧបត្ថម្ភគាត់បន្ថែមទៀតផង!!អ្ហែងកុំយកឈ្មោះគ្រូល្អៗទៅប្រឡាក់ប្រឡូសជាមួយអាសម្អុយឯង ឲ្យសោះណា!!អាបំផ្លាញជាតិ!!!
ប្រជារាស្ត្រអបអរសាទរបើអ្នកនយោបាយចេះឈ្លោះគ្នា តែរក្សានៅការរូបរួមជាតិ និងប្រជាធិបតេយ្យ។
២. គោរពព្រះមហាក្សត្រអោយមានព្រះរាជតំរះ ដើម្បីសន្តិភាព និងឯកភាពជាតិ។
៣.គោរពព្រះសង្ឈដូចដែលបានចែងក្នុងរដ្ឋធម្មនុញ្ញ។ ជាតិថ្កុមថ្កើនត្រូវលើកកម្ពស់វិស័យអប់រំ គ្រូបង្រៀន បុគ្គលិកសិក្សាមានជីវភាពធូរធាយបន្តិច ជៀសវាងការប្រព្រិត្តិអំពើពុករលួយ បាត់បង់សេចក្តីថ្លៃថ្នូ។ ប្រទេសកំពុងអភិវឌ្ឈន៍មិនសមយកពន្ធលើប្រាក់ខែ គ្រូបង្រៀន ប្រយ័តគ្រូបបះបោធ្វើបាតុកម្មបបួលដោយទំាងសិស្ស និស្សិត អណាព្យាបាលក្រែងពិបាកទប់ទល់។
លោក ហ៊ុន សែន តែងតែសន្យាខ្យល់លើកកម្ពស់ជីវភាព គ្រូបង្រៀនលុបបំបាត់អំពើពុករលួយ កាន់អំណាចជិត៣០ឆ្នាំ ឃើញតែក្រុមគ្រួសារគាត់ បក្សពួកនិយម ឬ អ្វីៗដើម្បីតែពង្រីងគណបក្ស។ កំណែស៊ីជំរៅ ចតុកោណអស់ប្រសិទ្ធិឥទ្ធិពល។