គិតមកទល់ពេលនេះ គឺមានរយៈពេលជិតមួយឆ្នាំហើយ បន្ទាប់ពីសាលក្រមរបស់សាលាដំបូងខេត្តស្វាយរៀង សម្រេចឲ្យអតីតអភិបាលក្រុងបាវិត លោក ឈូក បណ្ឌិត មានទោសជាប់ពន្ធនាគារក្នុងសំណុំរឿងបាញ់កម្មការិនីរោងចក្រកៅវ៉េ (Kaoway) ៣នាក់ អោយរបួស។ ប៉ុន្តែ អាជ្ញាធរនៅពុំទាន់ចាប់អតីតអភិបាលក្រុងរូបនេះដាក់ពន្ធនាគារបាននៅឡើយទេ។ ចំពោះបញ្ហានេះ តើអាជ្ញាធរមួយចំនួននៅខេត្តស្វាយរៀង មានមតិយល់ឃើញយ៉ាងដូចម្ដេចដែរ?
ដោយ ហ៊ុំ ចំរើន
2014-01-01
RFA
អតីតអភិបាលក្រុងបាវិត ខេត្តស្វាយរៀង លោក ឈូក បណ្ឌិត ដើរចូលសវនាការសាលាឧទ្ធរណ៍ កាលពីថ្ងៃទី២៨ កុម្ភៈ ឆ្នាំ២០១៣។ RFA/Ouk Savborey
ពេលតុលាការពុំទាន់ចាប់អ្នកទោស ឈូក បណ្ឌិត ដាក់ពន្ធនាគារ អាជ្ញាធរមួយចំនួននៅខេត្តស្វាយរៀង បានយល់ឃើញខុសៗគ្នាចំពោះករណីនេះ។ ដោយអាជ្ញាធរខ្លះមានទស្សនៈថា បញ្ហាយឺតយ៉ាវក្នុងការតាមចាប់ លោក ឈូក បណ្ឌិត ដាក់ពន្ធនាគារនោះ អាចបណ្ដាលមកពីនីតិវិធីរបស់អាជ្ញាធរពាក់ព័ន្ធមានការទន់ខ្សោយ ឬពុំមានចំណាត់ការពិតប្រាកដក្នុងការតាមប្រមាញ់ចាប់ខ្លួនឡើយ។
មន្ត្រីក្រុមប្រឹក្សាក្រុងបាវិត មួយរូប គឺលោក នង សារិទ្ធ ថ្លែងនៅថ្ងៃទី១ មករា ឆ្នាំ២០១៤ ថា មន្ត្រីសមត្ថកិច្ចយកចិត្តទុកដាក់តាមប្រមាញ់ភាគច្រើន គឺទៅលើប្រជាពលរដ្ឋក្រីក្រ គ្មានអំណាច។ ប៉ុន្តែចំពោះអ្នកដែលមានអំណាច និងមានឥទ្ធិពលក្នុងសង្គម គឺតុលាការពុំអាចតាមចាប់ពួកគេទាំងនោះដាក់ពន្ធនាគារឲ្យបានឆាប់រហ័សដូចប្រជាពលរដ្ឋនោះទេ៖ «ក្រោយពីតុលាការចេញសាលក្រម ហើយមនុស្សហ្នឹងចាប់អត់បានទៀត។ អ៊ីចឹងទៅ ប្រជាពលរដ្ឋមួយចំនួនក៏មានការខកខានដែរថា តុលាការស្រុកខ្មែរហ្នឹងអយុត្តិធម៌ចំពោះប្រជាពលរដ្ឋអីអ៊ីចឹង។ ហ្នឹងចំណុចសំខាន់ទៀតហ្នឹង ប្រជាពលរដ្ឋគាត់ចង់បានណាស់ដែលអនុច្បាប់នៅស្រុកខ្មែរហ្នឹង គឺយកជនដែលប្រព្រឹត្ត ហើយយកដាក់គុកឲ្យបានទៅ ដើម្បីជាគំរូមួយបានដល់អ្នកដែលក្រោមៗទៀត»។
ប៉ុន្តែ អាជ្ញាធរមួយចំនួននៅខេត្តស្វាយរៀង ហាក់មិនចាប់អារម្មណ៍ចំពោះបញ្ហាក្ដីក្ដាំមួយនេះនោះឡើយ។
មេឃុំកំពង់ត្រាច ស្រុករមាសហែក លោក គង់ ធួន មានប្រសាសន៍បញ្ជាក់ថា បញ្ហារឿងក្ដីរបស់ លោក ឈូក បណ្ឌិត គឺជារឿងរបស់តុលាការ និងសមត្ថកិច្ចពាក់ព័ន្ធលើការស្រាវជ្រាវហេតុផលក្ដីនេះ៖ «បាទ! បញ្ហាក្ដីក្ដាំហ្នឹងក៏មិនបានទៅចាប់អារម្មណ៍ទៅលើកិច្ចការងារហ្នឹងដែរ ព្រោះយើងធ្វើការងារមូលដ្ឋានផ្ដោតទៅលើការងារគ្រប់គ្រងឃុំរបស់ខ្លួន មិនអាចហ៊ាននិយាយបានដែរ ព្រោះយើងនៅឆ្ងាយមិនបានស៊ើបអង្កេត»។
វិទ្យុអាស៊ីសេរី ពុំអាចទាក់ទងមន្ត្រីទទួលបន្ទុករឿងក្ដីតាមចាប់ លោក ឈូក បណ្ឌិត ដើម្បីអត្ថាធិប្បាយជុំវិញបញ្ហានេះបានទេ នៅរសៀលថ្ងៃទី១ មករា ដោយទទួលទូរស័ព្ទហើយ តែបិទទៅវិញ។
ទាក់ទងទៅនឹងបញ្ហារបស់ លោក ឈូក បណ្ឌិត នេះ កន្លងមកចៅក្រមសាលាឧទ្ធរណ៍ធ្លាប់បានប្រកាសសាលដីកាដោយតម្កល់សាលក្រមរបស់សាលាដំបូងខេត្តស្វាយរៀង លើករណីប្ដឹងទាស់របស់ លោក ឈូក បណ្ឌិត។ ហើយកន្លងមក សាលក្រមរបស់សាលាដំបូងខេត្តស្វាយរៀង ធ្លាប់បានសម្រេចឲ្យ លោក ឈូក បណ្ឌិត មានទោសជាប់ពន្ធនាគារ ១ឆ្នាំកន្លះ បង្គាប់ឲ្យបង់ប្រាក់សំណងឲ្យជនរងគ្រោះជាកម្មការិនីចំនួន ៣រូប គឺ ប៊ុន ចិន្តា នុត សាខន និង កែវ នា សរុបចំនួន ៣៨លានរៀល និងបន្តអនុវត្តដីកាចាប់ខ្លួនអតីតអភិបាលក្រុងបាវិត រូបនេះដាក់ក្នុងពន្ធនាគារពីបទបង្ករបួសស្នាមដោយអចេតនា។
បើទោះជាសាលាឧទ្ធរណ៍បានប្រកាសសាលដីកាតម្កល់សាលក្រមសាលាដំបូងខេត្តស្វាយរៀង ទុកដដែលក៏ដោយ ប៉ុន្តែមេធាវីរបស់ជនរងគ្រោះទាំង ៣រូប រួមទាំងមន្ត្រីសិទ្ធិមនុស្សផង ធ្លាប់បានស្នើសុំឲ្យចៅក្រមសាលាឧទ្ធរណ៍ ពិចារណាប្ដូរបទចោទ លោក ឈូក បណ្ឌិត ពីបទបង្ករបួសស្នាមដោយអចេតនា ទៅជាបទប៉ុនប៉ងមនុស្សឃាតដោយចេតនាវិញ ហើយឆាប់ចាប់ខ្លួន ឈូក បណ្ឌិត មកដាក់ពន្ធនាគារ ពីព្រោះជនរងគ្រោះទាំងនោះកំពុងមានការភ័យខ្លាច៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទដែលទាក់ទង
- មេដឹកនាំសហជីពថានឹងបន្តដឹកនាំកម្មករធ្វើកូដកម្មទោះបីរដ្ឋាភិបាលគំរាម
- ពលរដ្ឋនៅកំពង់ឆ្នាំងចោទក្រុមហ៊ុនបញ្ជូនពលករទៅធ្វើការនៅថៃថាបោកប្រាស់
- ILO ជំរុញឲ្យដោះស្រាយជម្លោះកម្មកររោងចក្រកម្ពុជាជាបន្ទាន់
- កម្មករបន្តធ្វើបាតុកម្មមុខក្រសួងការងារនិងបិទផ្លូវជាតិមួយចំនួន
- ប្រាក់ខែគោលអប្បបរមារបស់កម្មករនៅប្រទេសអាស៊ាន
- ប្រាក់ខែគោលអប្បបរមារបស់កម្មករនៅប្រទេសអាស៊ាន
- រដ្ឋមន្ត្រីក្រសួងការងារព្រមានតំណាងសហជីពឲ្យឈប់ញុះញង់កម្មករ
- ជំនួបរវាងមន្ត្រីក្រសួងការងារនិងមេសហជីពរឿងប្រាក់ខែកម្មករបរាជ័យ
- កម្មករនៅកំពង់ឆ្នាំងធ្វើបាតុកម្មបិទផ្លូវជាតិលេខ៥
ថ្ងៃនេះ ថ្ងៃស្រែក កុំឱ្យមាន ហ៊ុន សែន
បើមាន ហ៊ុន សែន ជនទុច្ចរិតនិងខាតក
នៅក្នុងបក្សប្រជាជន ប្រព្រឹត្តិអំពើអាក្រក់និងគ្មានទោសឡើយ ។
ថ្ងៃនេះ ថ្ងៃស្រែក កុំឱ្យមាន ហ៊ុន សែន
បើមាន ហ៊ុន សែន ជនទុច្ចរិតនិងឃាតក
នៅក្នុងបក្សប្រជាជន ប្រព្រឹត្តិអំពើអាក្រក់គ្រប់យ៉ាងនិងគ្មានទោសនិង
បានចាប់ខ្លួនឡើយ ។
It proves that RG C is not RGC of the Cambodian people but for the criminals who have worked for RGC. Any wrong thing done by ordinary Cambodian, authority would have got job done long ago. On top of that , money can be made at same time.
This is RGC of corruption.
PLEASE MAKE YOUR JUDGEMENT WHAT RWONG WHIT THIS HUN SEN CPP GOV. HUN SEN NEVER SAID A WORT ON THIS CASE.
No one dares to touch HIM since he has a strong connections with one of the DPMs!!!
No one dares to touch HIM since he has had a strong connections with one of the DPMs!!!
ម៉ែនៗៗៗថ្ងៃនេះថ្ងៃស្ងែក!កុំឲ្យមានហ៊ុន សែន!!!បើមានគាត់ ជនទុច្ចរិតនិងឃាតករ នៅតែចេះកំបាំងខ្លួន និងធំជាងគុកទៅទៀត????ដូចករណី អាអន្ទិត ឈូក បណ្ឌិត វានៅដើរហើរដោយសេរី ផ្គើននឹងសមត្ថកិច្ច និងប្រព័ន្ធច្បាប់ តុលាការក្រោមការដឹកនាំរបស់បុរសខ្លាំងកណ្តាប់ដៃដែកធើហី!!!