សកម្មភាពបង្ក្រាបដោយហិង្សាពីសំណាក់អាជ្ញាធរប្រដាប់អាវុធ ទៅលើក្រុមកម្មករធ្វើបាតុកម្មនៅលើកំណាត់ផ្លូវវ៉េងស្រេង ត្រង់ចំណុចតំបន់សួនឧស្សាហកម្មកាណាឌីយ៉ា នៅព្រឹកថ្ងៃសុក្រ ទី៣ ខែមករា បានធ្វើឲ្យមានមនុស្សស្លាប់ប្រមាណ ៤នាក់ និងមានរបួសធ្ងន់ ព្រមទាំងចាប់ខ្លួនជាច្រើននាក់ផ្សេងទៀត។
ដោយ សេក បណ្ឌិត
2014-01-03
RFA
ស្ដាប់ ឬ ទាញយកសំឡេង
ក្រុមកម្មកររត់គេចខ្លួនពេលសមត្ថកិច្ចប្រើហិង្សាបង្ក្រាបតាមបណ្ដោយផ្លូវវ៉េងស្រេង នៅថ្ងៃទី៣ ខែមករា ឆ្នាំ២០១៤។ RFA/Mom Sophon
ពេលនេះនៅលើកំណាត់ផ្លូវវ៉េងស្រង ក្នុងសង្កាត់ចោមចៅ ខណ្ឌពោធិ៍សែនជ័យ ប្រៀបបានជាតំបន់សង្គ្រាម ឬតំបន់ដែលគួរឲ្យភ័យរន្ធត់ ដោយសារកម្លាំងប្រដាប់អាវុធកំពុងតែធ្វើសកម្មភាពបង្រ្កាបក្រុមកម្មករដែលមានដុំថ្មតបតជាមួយសមត្ថកិច្ច។
«សំឡេង»
អ្នកភូមិត្រពាំងថ្លឹង ក្នុងសង្កាត់ចោមចៅ ខណ្ឌពោធិ៍សែនជ័យ បានបញ្ចេញសម្រែកយំសោកដោយក្តីឈឺចាប់ ចំពោះកម្លាំងប្រដាប់អាវុធរបស់រដ្ឋាភិបាលបាញ់សម្លាប់ប្រជាពលរដ្ឋ ចាប់ខ្លួនយកទៅធ្វើទារុណកម្មដូចសត្វធាតុ ឬទុកឲ្យរស់ពិបាកជាងស្លាប់។
អ្នកភូមិភាគច្រើនបានថ្លែងទាំងទឹកភ្នែកថា សកម្មភាពបង្ក្រាបរបស់សមត្ថកិច្ចមិនរើសមុខឡើយ ហើយអ្នកដែលស្លាប់ និងរបួសធ្ងន់ដោយការបាញ់ប្រហារ និងវាយធ្វើទារុណកម្មមួយចំនួន ពួកគេមិនបានចូលរួមធ្វើបាតុកម្មទេ៖ «…ខ្ញុំរត់មកវាបាញ់ៗ សន្លប់ហើយវាចាក់ទឹកទៀត ចាក់ទឹកហើយវាវ៉ៃទៀត ធ្វើបាបប្រជារាស្ត្រខ្មែរឯង ជំនាន់អាពតគេធ្វើបាបខ្ញុំ ហើយជំនាន់ ហ៊ុន សែន គេធ្វើបាបខ្ញុំទៀត វ៉ៃកូនខ្ញុំទៀត»។
ក្រុមអ្នកភូមិបន្តថា ក្រៅពីបង្ក្រាបទៅលើដងផ្លូវមិនអស់ចិត្ត កម្លាំងប្រដាប់អាវុធទាំងនោះក៏មកចូលក្នុងភូមិដេញបាញ់ប្រផាប់ចាប់ប្រភីងប្រជាពលរដ្ឋដល់ក្នុងផ្ទះ។ ផ្ទះខ្លះដែលបិទទ្វារ ត្រូវបានធាក់បំប៉ើងស្វែងរកបុរសៗដែលសង្ស័យថាបានតដៃជាមួយសមត្ថកិច្ចដើម្បីចាប់ខ្លួន៖ «…វាសាហាវតែម្តងពួកអាអស់ហ្នឹង ឲ្យតែវាឃើញប្រុសៗវាចាប់យកទាំងអស់! ប៉ុន្តែពួកអាអស់ហ្នឹងវាមិនមែនមនុស្សទេ វាចាប់វ៉ៃបោចសក់ខ្ញុំ…! ពួកខ្ញុំភ័យណាស់ ពួកវាសាហាវណាស់ ពួកវាអត់មានប្រណីប្រជាជនទេ ខ្ញុំមិនដែលឃើញទេប្រវត្តិសាស្ត្រហើយស្រុកខ្មែរ»។
របាយការណ៍បឋមពីក្រុមអង្គការសិទ្ធិមនុស្សថា យ៉ាងហោចណាស់មានមនុស្សស្លាប់ប្រមាណ ៤នាក់ និងមានរបួស ៣៧នាក់ ព្រមទាំងមានការចាប់ខ្លួនច្រើនជាង ១០នាក់ផ្សេងទៀត ហើយចំនួននេះកើនឡើងជាបន្តបន្ទាប់។
មន្ត្រីអ្នកនាំពាក្យកងរាជអាវុធហត្ថ លោក ខេង ទីតូ បានបដិសេធថា សមត្ថកិច្ចពុំបានធ្វើទារុណកម្មអ្នកដែលបានចាប់ខ្លួននោះទេ ហើយថាអ្នកដែលនៅតតាំងជាមួយសមត្ថកិច្ចនោះ សុទ្ធតែក្រុមឱកាសនិយមចង់បង្កឲ្យមានភាពអានាធិបតេយ្យ៖ «តាមពិត ពួកហ្នឹងមិនមែនជាកម្មករល្អទេ គឺជាជនឆ្លៀតឱកាស ចង់បង្កការអុកឡុកធ្វើឲ្យមានបញ្ហាក្នុងសង្គម មិនមែនជាកម្មករដែលគេទៅទាមទារត្រឹមត្រូវឯណា មិនមែនជាពលរដ្ឋស្លូតត្រង់ទេ ពលរដ្ឋស្លូតត្រង់គេរត់គេចរកសេចក្តីសុខរៀងៗខ្លួនហើយ គេមិនទៅប្រឈមមុខជាមួយសមត្ថកិច្ចទេ ព្រោះសមត្ថកិច្ចអត់បានទៅវាយដំច្រំធាក់អីពួកគាត់ គឺពួកគាត់គ្រាន់តែទៅដើម្បីការពារកុំឲ្យមានអំពើហិង្សា និងរក្សាសន្តិសុខតែប៉ុណ្ណឹង»។
ទោះយ៉ាងណាក្តី មន្ត្រីសិទ្ធិមនុស្ស និងអ្នកសារព័ត៌មានបានឃើញផ្ទាល់ភ្នែក គឺយ៉ាងហោចណាស់មានយុវជនប្រមាណ ៧នាក់ចាប់ខ្លួន ហើយដៃចងស្លាបសេកទៅក្រោយ ដោយប្រើខ្សែជ័ររឹតយ៉ាងតឹង ហើយដាក់ឲ្យដេកផ្កាប់មុខចោលជាច្រើនម៉ោង តាមសំយាបផ្ទះតាមបណ្តោយផ្លូវវ៉េងស្រេង ផ្នែកខាងសមត្ថកិច្ចគ្រប់គ្រងស្ថានការណ៍មុខខ្លោងទ្វារចូលតំបន់សួនកាណាឌីយ៉ា ឬនៅមុខធនាគារកាណាឌីយ៉ា។ ពួកគេទាំង ៧នាក់នោះ រងរបួសធ្ងន់លើមុខ ហើយបែកឈាមហើមស្ទើរមើលមិនស្គាល់ជាមនុស្សឡើយ។
មន្ត្រីជាន់ខ្ពស់នៃអង្គការអាដហុក (Adhoc) លោក ចាន់ សុវ៉េត បានថ្លែងនៅទីកើតហេតុនោះថា នៅចំពោះមុខ លោកឃើញថាអ្នកដែលបានចាប់ខ្លួនសុទ្ធតែទទួលរងការវាយដំពីសមត្ថកិច្ច និងមានរបួសទាំងអស់៖ «ក្នុងនាមសង្គមស៊ីវិលសូមអំពាវនាវកុំឲ្យមានអំពើហិង្សាអី អាជ្ញាធរមានសមត្ថកិច្ចប្រើប្រាស់កម្លាំង គប្បីឲ្យមានតាមផ្លូវច្បាប់ កុំឲ្យប្រើអំពើហិង្សាហួសប្រមាណ ដែលយើងចាត់ទុកថាជាអំពើរំលោភបំពានលើរាងកាយរបស់មនុស្ស ដែលវាធ្វើឲ្យប៉ះពាល់សេរីភាពរបស់មនុស្សទៀតផង ហើយមួយទៀតយើងឃើញថា ការតវ៉ារបស់កម្មករដែលបិទផ្លូវនេះ យើងឃើញថា សកម្មភាពនេះ គឺមិនមែនជារឿងធ្ងន់ធ្ងរក្នុងការប្រើប្រាស់កម្លាំងទ្រង់ទ្រាយធំអ៊ីចឹងទេ យើងគួរមកធ្វើការចរចាទៅ យើងមកជជែកគ្នាដោយសន្តិវិធីទៅ ប្រហែលជាល្អជាងការប្រើប្រាស់កម្លាំងខ្លាំងយ៉ាងច្រើនបែបនេះ»។
អ្នកដែលត្រូវបានចាប់ខ្លួននៅរសៀលថ្ងៃសុក្រ ទី៣ មករា ត្រូវបានបញ្ជូនទៅឃុំទុកនៅទីបញ្ជាការដ្ឋានកងរាជអាវុធហត្ថ ដើម្បីសាកសួរកសាងសំណុំរឿងមុនបញ្ជូនទៅតុលាការ៕
authority has to re-enforce, the law – as this worker’s never listened to warning
i fully supprted law enforcements, by doing doing a excellence jobs to keep everything under control.,
—-
these factory workers, also intimidated to innocense poeples life
these factory workers, are lawless – destroyed everythings,
law enforcements, do the right things , to keep these peoples under control
—-
i’m proud of them, i admired them,
១. ក្រសួងការពារជាតិប្តេជ្ញា ការពារលទ្ធផលបោះឆ្នោតកែច្នៃ!! និងការពាររដ្ឋាភិបាលបន្លាលួស!!
២. កងទ័ពគឺជាកុលបុត្រដ៍ឆ្នើមរបស់ពលរដ្ឋ!!! គួរអោយចង់ក្អួត!! កាងការពាររោងចក្រដែលជាផលប្រយោជន៍របស់ខ្លួនថា!!!
៣. កងទ៍ពមកបង្រ្កាបបាតុកម្មរបស់កម្មករទាមទារប្រាក់ខែដោយសន្តិវិធី ដោយបាញ់នឹងគ្រាប់កាំភ្លើង!! ម្តាយអើយ កងទ៍ពគឺជាកុលបុត្រដ៍ឆ្នើមរបស់ប្រជាពលរដ្ឋ? ពួកនេះវាសម្លាប់រាស្រ្តហើយ វាលាបពណ៌អោយខ្លួនឯងជាំទេវតាទៀត!! ពួកអាពាល!!
what the fuck, only people without arm was killed by militery, what this country?
where is justic for all Khmer people? esp for Khmer worker?
where is the third hand?
all situations in Cambodia was controled by Vietnam ( Youn) so third hand is belong to vietnam
អាមេរិកថ្កោលទោសទៅលើសមត្ថកិច្ច ហើយទាំងអស់គ្នាក្នុងក្រុមអ្នកមាននិន្នាការរំលំរដ្ឋាភិបាលក៏នាំគ្នានិយាយយ៉ាងកំសត់ កាលពីម្សិលមិញ ថាក្រុមបាតុកររបស់ខ្លួនកំពុងរាំច្រៀងយ៉ាងសប្បាយ តែត្រូវសមត្ថកិច្ចទៅបង្ក្រាប បណ្តាលឲ្យមានហេតុការណ៍របួស និងស្លាប់។
យើងសួរថា តើទាំងគ្នានេះបានប្រើប្រាស់សិទ្ធិរបស់ខ្លួនបានត្រឹមត្រូវឬទេ? ឬក៏ដូចពួកមេបក្សពន្លិចជាតិ CNRP និងពួកមេសហជីពប្រតិកិរិយា ដូចជា អាត់ធន់ ជាដើម វាថាពួកដែលដើរអុកឡុក ពួកដែលដើរបំផ្លាញទ្រព្យសម្បត្តិគេ មិនមែនជាពួកវាទេ គឺរដ្ឋាភិបាលត្រូវទទួលខុសត្រូវ? ពួកនេះ ជាពួកបង្កប់!! តែនៅពេលអាជ្ញាធរបង្ក្រាប ស្រាប់តែពួកអស់ប្រតិកិរិយានេះចេញមុខការពារ ទៅវិញ។
យើងឃើញថា ប្រជាជនកម្ពុជារាប់លាននាក់ ត្រូវបានពួកមនុស្សពាលប៉ុន្មានក្បាលនេះ ចាប់ជាចំណាប់ខ្មាំង តាមរយៈការបិទផ្លូវ ការរំខានការរកស៊ីប្រចាំថ្ងៃ តើជាអ្វី? នេះជាសិទ្ធិរបស់ពួកពាលនេះឬទេ សូមឲ្យរដ្ឋាភិបាលអាមេរិកបកស្រាយ។
ហេតុដូចម្តេច បានជាយើងទៅបិទផ្លូវឲ្យប៉ះពាល់ជីវភាពប្រជាជន? សួរថា រដ្ឋាភិបាលអាមេរិក ត្រូវធ្វើដូចម្តេច នៅពេលដែលមានមនុស្សពាលដើរបំផ្លិចបំផ្លាញផលប្រយោជន៍ និងទ្រព្យសម្បត្តិអ្នកដទៃ ដូចគេបានឃើញក្នុងវីដេអូ។ អាមេរិកកុំភូតភរគេឲ្យសោះ។ ក្នុងវីដែអូ បានបង្ហាញពីសកម្មភាពបង្ក្រាបយ៉ាងកម្រោលរបស់ FBI ទៅលើមនុស្សជាពលរដ្ឋរបស់អាមេរិក ផ្អើលទីក្រុង។
តើពួកសហជីពប្រតិកិរិយា ពួកមេបក្សពន្លិចជាតិ រួមអាមេរិក ត្រូវទទួលខុសត្រូវយ៉ាងណា ចំពោះម្ចាស់ផ្ទះពេទ្យឯកជន « ឯករាជ្យ » និងម្ចាស់ផ្ទះដទៃទៀត ដែលរងការបំផ្លិចបំផ្លិាញយ៉ាងកម្រោល ឃោរឃៅពីសំណាក់ក្រុមអ្នកមានសិទ្ធិទាំងនោះ? តើអ្នកនោះបានរងភាពរន្ធត់ តក់ស្លុត លួសព្រលឹងយ៉ាងណា នៅពេលដែលអ្នកទាំងត្រូវក្រុមមនុស្សពាលវាយកំទេចទ្រព្យសម្បត្តិ របស់ខ្លួន ទាំងមិនដឹងថាខ្លួន មានរឿងអ្វីសោះ។
នេះជាសិទ្ធិរបស់ក្រុមបាតុកររបស់សហជីពប្រតិកិរិយា ទាំងនោះ និងបក្សពន្លិចជាតិ ដែលដឹកនាំ ដោយ សម រង្ស៊ី និង កឹម សុខា ឬអ្វី? និងនេះជាទ្រឹស្តីសិទ្ធិមនុស្សរបស់អាមេរិក ឬ?
សូមមើលវិដេអូ និងគិតខ្លួនឯងផង ថា តើបំពង់ទីប ដុំថ្ម និងចំពាមកៅស៊ូ សាំងដែលបានត្រៀមទុកហើយស្រេច នោះ បើក្នុងច្បាប់តុលាកា គេអាចបន្ទុកក្នុងទោសកំរិតណា ? ហើយនៅពេលដែលក្រុមមនុស្សពាលមានចំនួនច្រើនដូចនេះ សមត្ថកិច្ច ត្រូវធ្វើដូចម្តេច?
。。 ប្រទេស ខ្មែរ អ្នកដែល ឡើង ធ្វើ ធំ ក្លាយ ជា មនុស្ស ឆ្កួត ស្រេកឃ្លាន លុយ ឈាម !!!!!!!!!!!!
បេសកកម្មបោសសំអាតពួកអាណាធិប្បតេយ្យ គ្មានច្បាប់ គ្មានទំលាប់ ដែលតែងតែយកផ្លូវសាធារណៈមកធ្វើជាចំណាប់ខ្មាំង បំផ្លិចបំផ្លាញទ្រព្យសម្បត្តិ ឯកជន សាធារណៈ គំរាមកំហែងកម្មករអោយចូលរួមបាតុកម្ម ធ្វើអោយរំខានការធ្វើដំណើររបស់ពលរដ្ឋ រំខានការរកសីុរបស់ពលរដ្ឋ និងអ្នកវិនិយោគជាតិ អន្តរជាតិ ចាប់ចេញដំណើរហើយ! រដ្ឋាភិបាលត្រូវតែស្តារមកវិញ នូវសុខសន្តិភាព សុវត្ថិភាព ស្ថេរភាព សណ្តាប់ធ្នាប់សាធារណៈ រដ្ឋាភិបាលត្រូវតែធានាអោយប្រាកដថា ការធ្វើដំណើរតាមដងផ្លូវដោយគ្មានការរំខាន គ្មានការបិទផ្លូវ ការរកសីុរបស់ពលរដ្ឋគ្មានការរំខាន និងភ័យខ្លាច ផ្តល់ទំនុកចិត្តដល់អ្នកវិនិយោគទុនជាតិ អន្តរជាតិ 4សូន្យ ត
ជនណាដែលជាអ្នកពន្យុះអ្នកដ៏ទៃឲ្យទៅស្លាប់និងរងគ្រោះថា្នក់ជំនួសខ្លួនគឺជាមនុស្សដែលអាក្រក់
ជួរជាតិនិងមានទោសកំហុសធ្ងន់ជាងអ្នកដែលសម្លាប់គេដើម្បីការពារខ្លួននិងផលប្រយោជន៏រួម។
ក្រុមមេដឹកនាំសហជីពនិងបក្សប្រឆាំងមួយចំនួនកំពុងប្រើមធ្យោបាយញុះញុងកម្មករដើម្បីឲ្យគេ
រងគ្រោះថ្នាក់ជំនួសខ្លួនក្នុងគោលបំណងបំរើមហិច្ឆិតាស្វែងរកការគាំទ្រពីក្នុងនិងក្រៅប្រទេស
ទទួលបាននូវជំនួយជាថវិការនិងសមានចិត្តដល់បក្សរបស់ខ្លួនដើម្បីវាយផ្ដួលរដ្ឋាភិបាលហ៊ុនសែន។
សូមឈប់ជាបន្ទាន់នូវល្បិចខ្ចីដៃសម្លាប់មនុស្សនេះ។