នៅខណៈស្ថានភាពនយោបាយកំពុងស្ថិតនៅក្នុងភាពចម្រូងចម្រាសនៅឡើយនេះ បន្ទប់ស្ថានការណ៍ថ្ងៃបោះឆ្នោតឆ្នាំ២០១៣ បានអំពាវនាវឲ្យគណបក្សជាប់ឆ្នោតទាំងពីរធ្វើការបោះឆ្នោតឡើងវិញនៅមុនអាណត្តិ ដើម្បីដោះស្រាយវិបត្តិនយោបាយកំពុងជាប់គាំងនេះ។
ដោយ ទីន ហ្សាការីយ៉ា
2014-01-04
RFA
ពលរដ្ឋនៅសង្កាត់ព្រែកប្រា ខណ្ឌមានជ័យ ឈរតម្រង់ជួរដើម្បីចូលបោះឆ្នោត កាលពីថ្ងៃទី២៨ ខែកក្កដា ឆ្នាំ២០១៣។ Photo: RFA
បន្ទប់ស្ថានការណ៍ថ្ងៃបោះឆ្នោតឆ្នាំ២០១៣ រួមមានតំណាងអង្គការសង្គមស៊ីវិលចំនួន១៩ បានផ្ដល់អនុសាសន៍ថា ដើម្បីបញ្ចប់ភាពជាប់គាំងនយោបាយនៅពេលបច្ចុប្បន្ននេះ មានតែជម្រើសបោះឆ្នោតឡើងវិញនៅមុនបញ្ចប់អាណត្តិយ៉ាងយូរឆ្នាំ២០១៥ តែប៉ុណ្ណោះ។
ការលើកឡើងដូច្នេះនៅក្នុងសន្និសីទសារព័ត៌មាននៅបន្ទប់ស្ថានការណ៍ថ្ងៃបោះឆ្នោតឆ្នាំ២០១៣ ដែលរៀបចំឡើងដោយគណៈកម្មាធិការដើម្បីការបោះឆ្នោតដោយសេរី និងយុត្តិធម៌នៅកម្ពុជា ហៅថា ខុមហ្រ្វែល (Comfrel) នៅថ្ងៃទី៣ មករា។
មន្ត្រីសម្របសម្រួលនៃគណៈកម្មាធិការអព្យាក្រឹត្យ និងយុត្តិធម៌ ដើម្បីការបោះឆ្នោតដោយសេរី និងត្រឹមត្រូវនៅកម្ពុជា ហៅថា និកហ្វិច (Nicfec) លោក សំ គន្ធាមី មានប្រសាសន៍ថា មូលហេតុសំខាន់ដែលអង្គការសង្គមស៊ីវិលទាមទារឲ្យបោះឆ្នោតឡើងវិញនោះ ដោយសារសភា និងរដ្ឋាភិបាលបច្ចុប្បន្ន ជារដ្ឋាភិបាលមិនស្របច្បាប់ ពីព្រោះថា ការបោះឆ្នោតមានបញ្ហាជាច្រើនកើតឡើង។
«សំឡេង»
សេចក្ដីថ្លែងការណ៍របស់បន្ទប់ស្ថានការណ៍ស្ដីពីការអំពាវនាវឲ្យមានការបោះឆ្នោតឡើងវិញមុនចប់អាណត្តិ បានបញ្ជាក់ថា ដោយឃើញគោលជំហររបស់គណបក្សជាប់ឆ្នោតទាំងពីរ គឺគណបក្សប្រជាជនកម្ពុជា មានឆន្ទៈចង់កំណែទម្រង់ប្រព័ន្ធបោះឆ្នោតនៅអាណត្តិក្រោយ ហើយគណបក្សសង្គ្រោះជាតិ ចង់កំណែទម្រង់ប្រព័ន្ធបោះឆ្នោតឡើងវិញភ្លាមៗ បន្ទប់ស្ថានការណ៍យល់ឃើញថា គណបក្សទាំងពីរមានជំហរដូចគ្នាដោយជ្រើសរើសការបោះឆ្នោតជាមធ្យោបាយ ដើម្បីដោះស្រាយវិបត្តិនយោបាយ។
គណបក្សសង្គ្រោះជាតិ បានធ្វើបាតុកម្មចាប់ពីថ្ងៃទី១៥ ធ្នូ មកនោះ គឺក្រុមបាតុករទាមទារឲ្យបោះឆ្នោតឡើងវិញ បើមិនដូច្នោះទេ ទាមទារឲ្យ លោក ហ៊ុន សែន ចុះចេញពីតួនាទីជានាយករដ្ឋមន្ត្រី។
វិទ្យុអាស៊ីសេរី មិនអាចទាក់ទងមន្ត្រីជាន់ខ្ពស់គណបក្សប្រជាជនកម្ពុជា ដើម្បីសួរអំពីបញ្ហាបោះឆ្នោតនៅមុនអាណត្តិនេះបានទេ នៅថ្ងៃទី៣ មករា។
ក្រសួងការពារជាតិ នៅថ្ងៃទី៣ មករា ប្រកាសប្ដេជ្ញាការពារដាច់ខាតលទ្ធផលបោះឆ្នោត និងរដ្ឋាភិបាលដឹកនាំដោយលោកនាយករដ្ឋមន្ត្រី ហ៊ុន សែន ក្នុងនីតិកាលទី៥នេះ ដើម្បីរក្សាសណ្ដាប់ធ្នាប់ និងសន្តិសុខជាតិ។
សេចក្តីប្រកាសព័ត៌មានក្រសួងការពារជាតិ ចុះថ្ងៃទី៣ ខែមករា នេះ ឲ្យដឹងថា ក្រោយការបោះឆ្នោតអាណត្តិទី៥ មតិជាតិភាគច្រើន និងអន្តរជាតិ ដែលជាដៃគូប្រតិបត្តិការ ដៃគូអភិវឌ្ឍន៍ និងប្រជាពលរដ្ឋភាគច្រើន សុទ្ធតែបានសម្រេច និងទទួលស្គាល់រាជរដ្ឋាភិបាលកម្ពុជា ដែលដឹកនាំដោយលោកនាយករដ្ឋមន្ត្រី ហ៊ុន សែន។
នាយកប្រតិបត្តិគណៈកម្មាធិការដើម្បីការបោះឆ្នោតដោយសេរី និងយុត្តិធម៌នៅកម្ពុជា ខុមហ្វ្រែល លោក គល់ បញ្ញា មានប្រសាសន៍ថា ប្រសិនបើគណបក្សប្រជាជនកម្ពុជា មិនព្រមបោះឆ្នោតឡើងវិញនៅមុនអាណត្តិទេនោះ គឺរដ្ឋាភិបាលឯកបក្សនេះប្រឈមនឹងបញ្ហាធ្ងន់ធ្ងរនៅពេលខាងមុខ។
«សំឡេង»
ដោយឡែក អគ្គលេខាធិការនៃគណៈកម្មាធិការជាតិរៀបចំការបោះឆ្នោត (គ.ជ.ប) លោក ទេព នីថា បានឲ្យដឹងថា គ.ជ.ប ធ្វើទៅតាមផ្លូវច្បាប់ដែលមានស្រាប់។ ដូច្នេះ ការស្នើសុំណាមួយរបស់អង្គការសង្គមស៊ីវិលនោះ គ្រាន់តែជាការយល់ឃើញរបស់ពួកគាត់តែប៉ុណ្ណោះ។
បន្ទប់ស្ថានការណ៍ថ្ងៃបោះឆ្នោតបានបញ្ជាក់ថា ដើម្បីបោះឆ្នោតនៅមុនបញ្ចប់អាណត្តិ និងមានលទ្ធផលទទួលយកបានទាំងអស់គ្នានោះ គឺត្រូវធ្វើកំណែទម្រង់ គ.ជ.ប គ្រប់លំដាប់ថ្នាក់ និងក្រុមប្រឹក្សាធម្មនុញ្ញ រួមទាំងសមាសភាព រចនាសម្ព័ន្ធ និងតួនាទី ភារកិច្ច កែលំអប្រព័ន្ធផ្សព្វផ្សាយ ពិសេសទូរទស្សន៍ វិទ្យុ ដោយមានគោលនយោបាយ និងគោលការណ៍សមធម៌ តុល្យភាព និងសេរី សម្រាប់ទទួលបានការប្រើប្រាស់ និងការផ្សព្វផ្សាយ ផ្លាស់ប្ដូរប្រព័ន្ធចុះឈ្មោះ និងការបង្កើតបញ្ជីឈ្មោះបោះឆ្នោតថ្មី ដែលអាចកំណត់បានអត្តសញ្ញាណអ្នកបោះឆ្នោតច្បាស់លាស់ និងមានប័ណ្ណបោះឆ្នោត កំណែទម្រង់យន្តការដោះស្រាយវិវាទ និងបណ្ដឹងបោះឆ្នោតឲ្យឯករាជ្យ រួមមានការបង្កើតយន្តការប្រសិទ្ធភាពមួយ សម្រាប់ការអង្កេតភាពមិនប្រក្រតី មានច្បាប់តម្លាភាពហិរញ្ញវត្ថុ និងកំណត់ការចំណាយរបស់គណបក្សនយោបាយក្នុងដំណើរការឃោសនាបោះឆ្នោត និងករណីមួយចំនួនទៀត៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទដែលទាក់ទង
- កម្លាំងចម្រុះប្រមាណ១ពាន់នាក់ឡោមព័ទ្ធទីលានប្រជាធិបតេយ្យបណ្ដេញបាតុករ
- អ្នកនាំពាក្យក្រសួងមហាផ្ទៃចោទបក្សសង្គ្រោះជាតិញុះញង់ឲ្យកម្មករធ្វើបាតុកម្ម
- ក្រសួងការពារជាតិប្រកាសគាំទ្រលោក ហ៊ុន សែន ដឹកនាំរដ្ឋាភិបាល
- អ្នកវិភាគមួយចំនួនសុំព្រះរាជអន្តរាគមន៍ពីព្រះមហាក្សត្រកោះហៅបក្សធំ២ជួបចរចា
- បក្សប្រឆាំងនិមន្តព្រះសង្ឃសូត្រមន្តជូនអ្នកស្លាប់ពេលសមត្ថកិច្ចបង្ក្រាប
- បក្សសង្គ្រោះជាតិប្រកាសលុបចោលជំនួបចរចាជាមួយបក្សប្រជាជនកម្ពុជា
- បក្សសង្គ្រោះជាតិនៅតែបន្តធ្វើបាតុកម្មនាទីលានប្រជាធិបតេយ្យ
- រដ្ឋសភាគ្រោងធ្វើរបាយការណ៍ពីអវត្តមានបេក្ខជនបក្សប្រឆាំងថ្វាយព្រះមហាក្សត្រ
- ក្រុមការងារបក្សសង្គ្រោះជាតិនិងបក្សប្រជាជនជួបគ្នានៅថ្ងៃ៣ មករា
Why confreil announced the result at the beginning, but now have changed to different statement/position. Confrel cheated voted for opposition party, but they cheated not enough. So they want to have opportunity to cheat more for SR and uncle Sokha. I am joking neutrally.
អ្នកដែលខ្លាចចាញ់ មិនដែលហ៊ានប្រឈមនឹងការពិតឡើយ។បើហ៊ានបោះឆ្នោតឡើងវិញ គឺដូចឆ្នាំ៩៣ អញ្ជឹង ឡាំប៉ាបង្កើតតំបន់អប្បគមន៏ទៀត។
This is the solution, we all in Phnom Penh and the Country Side support this recommendation !
I think comfreil is right because all the people are moderated to listen other radio. Some officers observated people in community. When head communce made the decision anything he never discuss with a lot people at all and did by their group.
ជោគជ័យរបស់អាទេវទត្តហើយ…ហ្អែងសប្បាយទៅ តែកុំភ្លេច ប្រទេសឡាវជាមេរៀនមួយ សំរាប់ខ្មែរត្រឹះរិះពិចារណា…!សប្បាយទៅ ពួកអាទេវទត្ត ហ្អែងនិងតៃហោងក្នុងពេលឆាប់ៗខាងមុខនេះ…!
CPP saidto the re election.
CPP said no way to the re election.
សង្គមស៊ីវីល ១៩ មានន័យថា មនុស្ស ១៩ នាក់។ សួរថាសម្លេង ១៩ នាក់ ជាស្អី ? វាជាសម្លេងដែលត្រូវមានឥទ្ធិពលរហូតដល់កែសង្គមកម្ពុជាមួយបានឬ?
ជាការពិតណាស់ ១៩ នាក់នេះ វាពិតជាអាចកែសង្គមកម្ពុជាពីនិតិរដ្ឋឲ្យទៅជាសង្គមអនាធិបតេយ្យបាន ដូចប៉ុន្មានថ្ងៃនេះអញ្ចឹង តែបើកែពីអនាធិបតេយ្យមកជានិតិរដ្ឋ វិញនោះ មិនអាចទេ។ ស្តាយណាស់នៅពេលដែលកម្ពុជា កំពុងដើរលើផ្លូវនិតិរដ្ឋទៅមុខជាបណ្តើរៗ ហើយ។ តែពួកនេះបានមកទាញកម្ពុជា ទម្លាក់ទៅក្នុងអន្លង់អនាធិបតេយ្យវិញ ធ្វើឲ្យសង្គមខូចអស់សីលធម៌ សូម្បីតែព្រះសង្ឃប៉ុន្មាននាក់ ក៏បានបង្ហាញពីចរិតពាល ព្រៃផ្សៃគួរឲ្យខ្ពើម និងប៉ះពាល់ព្រះសង្ឃល្អដទៃ ទៀត។
យើងសុំឲ្យ ទាំងអស់គ្នាយល់ពីអារម្មណ៍ យល់ពីទស្សនៈ និងសមត្ថភាពពួកទាំងនោះឲ្យបានច្បាស់ ដូចជាស្អី គល់ បញ្ញាជាដើម ។ បើយើងស្តាប់វិទ្យុ គឺពិបាកពិចារណាជាមួយណាស់។ ហើយតើមុខរបរពួកនេះ ក្រៅពីការញុះញង់ក្នុងសង្គម គេជាអ្វី? បើមិនជឿទេ សូមសួរថា ពួក ១៩ នាក់នេះ រាល់ថ្ងៃ គេមានមុខរបរអ្វី សំរាប់ប្រយោជន៍ឲ្យមនុស្សមានការងារធ្វើទេ? តើគេមានកូនហាងតូចមួយឬ សិប្បកម្មអ្វីមួយឬទេ?
ពួកនេះ គឺជាពួករស់បានដោយការញុះញង់ក្នុងសង្គម ដើម្បីដើរសុំជំនួយពួកបរទេស មកចិញ្ចឹមខ្លួននិងគ្រួសារ។
និយាយឲ្យចំ គឺជាឈ្លើងសង្គម ។
ប្រតិបត្តិការផ្លេកបន្ទោរ ប៉ា សុជាតិវង្ស ដែលចំណាយពេលត្រឹមតែ១៥នាទីគត់ សមត្ថកិច្ចអាចចូលទៅបោសសំអាត និងគ្រប់គ្រងតំបន់អបគមន៏(លានប្រជាធិប្បតេយ្យ) គឺជាជោគជ័យធំណាស់សំរាប់ប្រទេសកម្ពុជា ជោគជ័យទាំងសមត្ថកិច្ច ជោគជ័យទាំងរាជរដ្ឋាភិបាល ជោគជ័យទាំងបាតុករ ជាពិសេសគឺជោគជ័យសំរាប់ពលរដ្ឋកម្ពុជាទាំងមូល ដែលថាជោគជ័យនោះ គឺស្ថិតនៅត្រង់ថា មិនបានបង្ហូរឈាមគ្នា សូម្បី១តំណក់ ទាំងខាងសមត្ថកិច្ច និងទាំងខាងបាតុករ ធ្វើអោយយើងមានអារម្មណ៏ធូរទ្រូងយ៉ាងខ្លាំង ហើយក៏សូមសរសើរដល់់មេដឹកនាំបក្សប្រឆាំងទាំង២នាក់ ដែលបានបញ្ចៀសនូវការប្រឈមដ៏តានតឹងដែលមិនអាចស្មានដល់ ចាត់ទុកថាលោកទាំង២ មានគំនិតឈ្លាសវៃ មិនចង់អោយបាតុកររងគ្រោះដោយបង្ហូរឈាម រងរបួស ឬបាត់បង់អាយុជីវិត ដោយការចង់បានអំណាចអំណាចរបស់ខ្លួនឡើយ យើងសូមអបអរសាទរ!!!ប៉ុន្តែលោកទាំង២ត្រូវតែទទួលខុសត្រូវចំពោះមុខច្បាប់ អំពីរការញោះញង់កម្មករ ការបិទផ្លូវសាធារណៈ ការអុកឡុកស្ថាបន័រដ្ឋ ការបំផ្លិចបំផ្លាញទ្រព្យសម្បត្តិសាធារណៈនិងឯកជន ការខាតបង់សេដ្ឋកិច្ចជាតិ ការធ្វើអោយកម្មករបាត់បង់ការងារ ដោយសារម្ចាស់រោងចក្របិទទ្វាររោងចក្រ ការបង្ករភាពវុឹកវរ និងចលាចលក្នុងសង្គម ។ល។
មើទៅស្រុកខ្មែរអំណាចទាំងមួល និងតគណៈរដ្ឋមន្ត្រីស្ថិតនៅលើតែគ្រួសារហ៊ុន សែន និងសុខ អាន ។ ត្រូវចាំថា នៅលើលោកនេះមិនទៀទាត់រហូតទេ។
ដើម្បីគុណភាព គ្រូបង្រៀនការជីវាភាពសមរម្យ លោកឈុន ជាវរៈជនក្នុងបេះដួងគ្រូបង្រៀនជានិច្ច។