Friday, 17 January 2014
Chad Williams
ភ្នំពេញ ប៉ុស្តិ៍
កម្ពុជានឹងទៅដល់ពានរង្វាន់អូស្កា (Oscars)សម្រាប់ភាពយន្តដែលផលិតដោយដោយផលិតករខ្មែរដ៏ឆ្នើម តាមរយៈរឿង “The Missing Picture” របស់លោកនាយក ឫទ្ធី ប៉ាន់ ដែលត្រូវបានជាប់នៅក្នុងបញ្ជីជ្រើសរើសបឋម កាលពីចុងខែមុន ជាមួយក្រុមហ៊ុនខ្សែភាពយន្តចំនួន៩ទៀត សម្រាប់ការទទួលបានពាន់រង្វាន់ ត្រូវបានជ្រើសរើសជាវណ្ណកម្មមួយក្នុងចំណោមវណ្ណកម្មចុងក្រោយចំនួនប្រាំ សម្រាប់ពាន់រង្វាន់ “Academy Award” សម្រាប់ផលិតកម្មភាពយន្តជាភាសាបរទេសល្អបំផុត។
“The Missing Picture” ដែលកាលពីខែឧសភា បានទទួលពានរង្វាន់កំពូលនៅមហោស្របភាពយន្តអន្តរជាតិ Cannes គឺជាភាពរួមផ្សំបញ្ចូលគ្នានៃរូបរចនាពីដីឥដ្ឋ និងរូបផ្សេងៗទៀត ដើម្បីរៀបរាប់ប្រាប់អំពីបទពិសោធន៍របស់លោក ឫទ្ធី ប៉ាន់ និងទិដ្ឋភាពអតីតកាលក្នុងអំឡុងរបបខ្មែរក្រហម។
លោក ឫទ្ធី ប៉ាន់ បានប្រាប់ភ្នំពេញប៉ុស្តិ៍កាលពីយប់ម្សិលមិញ ភ្លាមៗបន្ទាប់ពីដឹងអំពីការជ្រើសរើសយកក្រុមហ៊ុនលោកតាមរយៈការផ្ញើសារតាមទូរស័ព្ទពីមិត្តភក្តិម្នាក់នៅសហរដ្ឋអាមេរិកថា៖ «ខ្ញុំរីករាយណាស់ សម្រាប់ខ្ញុំ និងរីករាយសម្រាប់កម្ពុជា»។
លោកបានបញ្ជាក់ថា «វាជាឱកាសល្អមួយសម្រាប់យើងទាំងអស់គ្នា។ យើងមានបញ្ហាជាច្រើន ហើយពេលខ្លះដំណឹងល្អបែបនេះអាចធ្វើឲ្យប្រជាជនមានមោទនភាពចំពោះប្រទេសរបស់ខ្លួន»។
លោក ឫទ្ធី ប៉ាន់ បានមានប្រសាសន៍ថា ការចម្រាញ់យកស្នាដៃរបស់លោកនេះ គឺជាលើកទីមួយមិនធ្លាប់មានសម្រាប់ប្រទេសកម្ពុជា ហើយវាបង្ហាញអំពីទេពកោសល្យរបស់សិប្បករដែលធ្វើការងារនៅក្នុងឧស្សាហកម្មភាពយន្តក្នុងស្រុក។
លោកបានថ្លែងទាំងអស់សំណើចថា៖ «ឥឡូវនេះ ប្រជាជននានាដឹងថាតើយើងកំពុងនៅទីណា»។
គម្រោងថ្មីបន្តទៀត ក្នុងការសហការជាមួយលោក Regis Wargnier របស់លោក ឫទ្ធី ប៉ាន់ ដែលជាជនជាតិកម្ពុជា‑បារាំង គឺខ្សែភាពយន្តអំពី Francois Bizoit memoir “The Gate” ដែលរៀបរាប់លម្អិតអំពីសម័យកាលរបស់អ្នកទោសជនជាតិបារាំងម្នាក់ដែលបានឆ្លងកាត់របបវាលពិឃាធខ្មែរក្រហម។ ពានរង្វាន់ Academy Award ប្រចាំឆ្នាំលើកទី៨៦នឹងធ្វើឡើងនៅថ្ងៃទី២ ខែមីនា៕ PS
សូមអបអរសាទរ និងសូមសរសើរដល់កុលបត្រខ្មែរដ៏ឆ្នើម ដែលបានខិតខំលើកស្ទួយកិត្តិយសខ្មែរឲ្យល្បីលើឆាកអន្តរជាតិ
ផ្ទុយពីអ្នកនយោបាយខ្លះសាងតែរឿងស្អុយអសោចឲ្យខ្មែរ ពេញពិភពលោក
សំដាច់អំពាវនាវពលរដ្ឋធ្វើបាតុកម្មប្រឆាំងគ្នាគឺមិនល្អក្នុងការដោះស្រាយ បើយកល្អគួរធ្វើការបោះឆ្នោតសាជាថ្មីទៅ នឹងធ្វើអោយពលរដ្ឋសប្បាយចឹត្ត
គ្រប់គ្នាទូទាំងប្រទេសផង……..មនុស្សយើងកើតមកខ្លួនទទេ ពេលងាប់ទៅវិញក៏ខ្លួនទទេដែរ។
តើអ្វីទៅដែលធ្វើអោយពលរដ្ឋសប្បាយចឹត្តនៅពេលរស់នៅ?…”គឺសាងអំពើល្អ ជាអ្នកដឹកនាំល្អ”.