ដោយ៖ ជន ស្រីណុច
ថ្ងៃសុក្រ ទី24 ខែមករា ឆ្នាំ2014
http://vodhotnews.com
អគ្គនាយកដ្ឋានពន្ធនាគារនៃក្រសួងមហាផ្ទៃ មិនអនុញ្ញាតឲ្យអ្នកណាម្នាក់ ចូលជួបសួរសុខទុក្ខ លោក វន់ ពៅ ប្រធានសមាគមប្រជាធិបតេយ្យឯករាជ្យសេដ្ឋកិច្ចនៃក្រៅប្រព័ន្ធ ដែលកំពុងជាប់ឃុំ នៅមណ្ឌលអប់រំកែប្រែទី៣ ត្រពាំងផ្លុង ក្នុងខេត្តកំពង់ចាម ក្រៅពីក្រុមគ្រួសារ និងមេធាវីទេ។
លោក វន់ ពៅ ប្រធានសមាគមប្រជាធិបតេយ្យឯករាជ្យនៃសេដ្ឋកិច្ចក្រៅប្រព័ន្ធ រួមទាំងមនុស្ស២២នាក់ទៀត ត្រូវបានចាប់ខ្លួនក្នុងហេតុការណ៍ប៉ះទង្គិចគ្នារវាងសមត្ថកិច្ច និងកម្មករ កាលពីថ្ងៃទី២ និងទី៣ ខែមករា នៅតំបន់សេដ្ឋកិច្ចពិសេសភ្នំពេញ និងនៅមុខសួនឧស្សាហកម្មកាណាឌីយ៉ា រាជធានីភ្នំពេញ។
លិខិតអគ្គនាយកដ្ឋានពន្ធនាគារនៃក្រសួងមហាផ្ទៃលោក គុយ ប៊ុនសន ចុះថ្ងៃទី ២៤ ខែមករា ដែលជម្រាបជូនប្រធានសហភាពការងារកម្ពុជា ឲ្យដឹងថា ករណីជនជាប់ឃុំឈ្មោះ វន់ ពៅ កំពុងស្ថិតក្នុងដំណាក់កាលស៊ើបអង្កេតរបស់ស្ថាប័នតុលាការ ដូចនេះក្រៅពីគ្រួសារ និងមេធាវីរបស់ជនជាប់ឃុំ មិនអាចអនុញ្ញាតឲ្យចូលជួបឡើយ។
ប្រធានសម្ព័ន្ធសហជីពប្រជាធិបតេយ្យកម្មករកាត់ដេរ លោក អាត់ ធន់ មានប្រសាសន៍ថា លោកមានការសោកស្តាយជាខ្លាំង នៅពេលដែលក្រសួងមហាផ្ទៃចេញលិខិតបែបនេះ ព្រោះការដែលពួកលោកសុំជួបសួរសុខទុក្ខ មិត្តភក្តិមិនខុសច្បាប់ទេ មិនតែប៉ុណ្ណោះ លោក វន់ ពៅ មិនមែនជាជនឧក្រិដ្ឋ ម្យ៉ាងគាត់ស្ថិតក្នុងការសាកសួរនៅឡើយ មិនទាន់ត្រូវបានដកសិទ្ធិជាពលរដ្ឋឡើយ។ លោកបន្តថា ទង្វើរបស់អាជ្ញាធរធ្វើបែបនេះ គឺខុសទាំងស្រុង ដោយចាត់ទុកថា ជាការបិទសិទ្ធិសេរីភាព របស់អ្នកជាប់ឃុំ។
លោក អាត់ ធន ឲ្យដឹងទៀតថា ទោះបីជាក្រសួងមហាផ្ទៃមិនអនុញ្ញាតឲ្យចូលជួប តែលោកនឹងរិះរកគ្រប់មធ្យោបាយដើម្បីសួរសុខទុក្ខលោក វន់ ពៅ៕
សូមសរសេរមកកាន់ កញ្ញា ជន ស្រីណុច តាមរយៈ chornsreynoch@vodhotnews.com
ជាការបំភិតបំភយ័
You and all your relative are in the US black lists………so let the 23 poor factories worker go …mother fucker!?!?!?!you committed worst crime than them……..