នៅថ្ងៃអង្គារ ដើមសប្ដាហ៍ខាងមុខនេះ រដ្ឋាភិបាលនឹងឡើងការពាររបាយការណ៍របស់ខ្លួន អំពីកម្មវិធីកែទម្រង់ផ្នែកសិទ្ធិមនុស្សចំនួន ៧ចំណុច ដែលបានដាក់ទៅក្រុមប្រឹក្សាសិទ្ធិមនុស្សអង្គការសហប្រជាជាតិ ក្នុងពេលកន្លងទៅ។ លើសពីនេះទៀត រដ្ឋាភិបាលបញ្ជាក់ថានឹងពុំមានឧបសគ្គណាមួយឡើយក្នុងការការពាររបាយការណ៍នេះ ថ្វីបើមានភាពផ្ទុយគ្នារវាងរបាយការណ៍របស់រដ្ឋាភិបាល និងដៃគូពាក់ព័ន្ធក៏ដោយ។
ដោយ ម៉ម មុនីរតន៍
2014-01-24
RFA
សកម្មភាពហែក្បួនរបស់ប្រជាពលរដ្ឋ មន្ត្រីរាជការ អង្គការសង្គមស៊ីវិល ក្នុងខួបលើកទី៦៥ ទិវាសិទ្ធិមនុស្សអន្តរជាតិ នៅក្រុងបានលុង ខេត្តរតនគិរី កាលពីថ្ងៃទី៩ ខែធ្នូ ឆ្នាំ២០១៣។ RFA/Ratha Visal
មន្ត្រីរដ្ឋាភិបាលទទួលបន្ទុកផ្នែកសិទ្ធិមនុស្សមានសុឆន្ទៈថា កម្ពុជា នឹងមានភាពល្អប្រសើរជាងមុនបន្ថែមទៀតលើផ្នែកសិទ្ធិមនុស្សនេះ ដោយចាត់ទុកថា បើទោះជាអនុសាសន៍ជាង ៩០ចំណុច ដែលកម្ពុជា បានទទួលក្នុងកិច្ចប្រជុំសម្រាប់ក្របខ័ណ្ឌនៃការត្រួតពិនិត្យជាសកល ស្ដីពីសិទ្ធិមនុស្សនូវមានចំណុចចន្លោះប្រហោងក៏ដោយចុះ តែថាកម្មវិធីកែទម្រង់មួយចំនួនទាំងនោះ បានស្ថិតក្នុងរបៀបវារៈនៃគោលនយោបាយរបស់រដ្ឋាភិបាល និងបានអនុវត្តខ្លះរួចទៅហើយ។
អនុប្រធានគណៈកម្មាធិការសិទ្ធិមនុស្សរបស់រដ្ឋាភិបាល លោក ម៉ក់ សម្បត្តិ មានប្រសាសន៍នៅថ្ងៃទី២៤ មករា ថា លោកនឹងដឹកនាំគណៈប្រតិភូរាជរដ្ឋាភិបាលមួយក្រុម ដើម្បីទៅចូលរួមឡើងការពាររបាយការណ៍អំពីបញ្ហាសិទ្ធិមនុស្សក្នុងទីក្រុងហ្សឺណែវ នៅថ្ងៃអង្គារ ដើមសប្ដាហ៍ខាងមុខទៀតនេះ។ លោកបន្តថា រដ្ឋាភិបាលពុំមានការព្រួយបារម្ភ ឬគិតថាមានឧបសគ្គឡើយ បើទោះជាមានរបាយការណ៍ពីដៃគូពាក់ព័ន្ធ ក្នុងនោះមានអង្គការសង្គមស៊ីវិល ជាដើម វាយលុករដ្ឋាភិបាលក៏ដោយចុះ។ លោកគិតថា អ្វីដែលខ្វះចន្លោះនោះ រដ្ឋាភិបាលអាចកែកុន ឬប៉ះប៉ូវក្នុងរបៀបវារៈនៃកម្មវិធីនយោបាយ ក្នុងអាណត្តិបន្ទាប់បាន ជាពិសេសនឹងអាចពិគ្រោះយោបល់រវាងដៃគូសន្ទនា ហើយលើកផែនការអនុវត្តបន្ត។
«សំឡេង»
បើទោះជាបែបណា រដ្ឋាភិបាលកម្ពុជា នៅតែត្រូវគេស្តីបន្ទោសថា មានការរំលោភសិទ្ធិមនុស្សមិនចេះចប់មិនចេះហើយនៅឡើយ ជាពិសេសការប្រើប្រាស់កងកម្លាំងប្រដាប់អាវុធ មានយោធា និងកងរាជអាវុធហត្ថ បាញ់បង្ក្រាបប្រឆាំងក្រុមសិទ្ធិមនុស្ស និងកម្មករ ជាដើម។
កាលពីថ្ងៃទី២៨ ខែតុលា ឆ្នាំ២០១៣ កន្លងមកនេះ កម្ពុជា បានដាក់របាយការណ៍ជុំទីពីររបស់ខ្លួន ស្ដីពីសិទ្ធិមនុស្សក្នុងនាមជារដ្ឋសមាជិកក្រុមប្រឹក្សាសិទ្ធិមនុស្ស អង្គការសហប្រជាជាតិ។ ដោយឡែក ក្នុងជុំទីមួយវិញ គឺកាលពីបួនឆ្នាំកន្លងទៅ កម្ពុជា ទទួលបានអនុសាសន៍ចំនួន ៩១ចំណុច ស្ដីពីកំណែទម្រង់សិទ្ធិមនុស្សពីរដ្ឋជាសមាជិក ១៩២ប្រទេស។
ក្រៅពីនេះ មន្ត្រីរដ្ឋាភិបាលទទួលបន្ទុកផ្នែកសិទ្ធិមនុស្ស ឲ្យដឹងថា ដោយសាររបាយការណ៍ក្នុងជុំទីពីរនេះត្រូវបានកំហិតត្រឹម ២០ទំព័រ ហើយជាភាសាអង់គ្លេសផង ហេតុនេះរបាយការណ៍ជាថ្មីទៀតនេះ ត្រូវបង្ខំច្របាច់បញ្ចូលគ្នាឲ្យនៅខ្លីត្រឹម ៧ចំណុច ជាអាទិ៍ ការផ្ដល់សច្ចាប័នតាមសន្ធិសញ្ញាអង្គការសហប្រជាជាតិ សិទ្ធិដីធ្លី នីតិរដ្ឋ ការបោះឆ្នោត ពន្ធនាគារ និងការប្រឆាំងការធ្វើទារុណកម្ម នីតិរដ្ឋលើប្រព័ន្ធយុត្តិធម៌ និងចំណុចចុងក្រោយ អំពីស្ត្រី និងកុមារ។
ដោយឡែក សម្រាប់អង្គការសង្គមស៊ីវិលវិញ ក៏បានដាក់របាយការណ៍របស់ខ្លួនដែរ កាលពីខែមេសា ឆ្នាំ២០១៣។ សំណុំរឿងប្រហាក់ប្រហែលគ្នានេះ យ៉ាងហោចណាស់មាន ១៨សំណុំរឿង ជាពិសេសបញ្ហាចម្បង គឺឯករាជ្យភាពរបស់ប្រព័ន្ធយុត្តិធម៌ បញ្ហាដីធ្លី និងការរំលោភសិទ្ធិមនុស្ស ជាដើម។
លោក សួន ប៊ុនស័ក្តិ ប្រធានលេខាធិការដ្ឋាននៃគណៈកម្មាធិការប្រព្រឹត្តិកម្មសិទ្ធិមនុស្សកម្ពុជា ហៅថា ច្រាក់ (Chrac) ចាត់ទុកថា កម្ពុជា នៅតែមានការរំលោភសិទ្ធិមនុស្សធ្ងន់ធ្ងរនៅឡើយ បើទោះជាបានសន្យាក្នុងការធានាអំពីការគោរពសិទ្ធិមនុស្សយ៉ាងណាក៏ដោយ។ លោកគិតថា ការគោរពសិទ្ធិមនុស្សរបស់កម្ពុជា ក្នុងដំណាក់កាលចុងក្រោយនេះ គឺមានតែលើក្រដាសប៉ុណ្ណោះ។
«សំឡេង»
ក្រុមប្រឹក្សាសិទ្ធិមនុស្សអង្គការសហប្រជាជាតិ ពុំមានសិទ្ធិចាប់បង្ខំរាល់សមាជិកនៃរដ្ឋជាភាគីណាមួយ ក្រៅពីផ្ដល់អនុសាសន៍ និងត្រួតពិនិត្យការអនុវត្តលើកម្មវិធីកែទម្រង់ក្រោយពីកិច្ចប្រជុំឡើយ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទដែលទាក់ទង
- លោក ម៉ម សូណង់ដូ ប្រកាសធ្វើបាតុកម្មអហិង្សានៅថ្ងៃ២៧សុំបើកប៉ុស្តិ៍ទូរទស្សន៍
- សង្គមស៊ីវិលបន្តដាក់ញត្តិជូនទូតបរទេសស្នើអន្តរាគមន៍ដោះលែងអ្នកជាប់ឃុំ២៣នាក់
- តំណាងសហជីព៨ត្រូវឆ្មាំគុកនៅកំពង់ចាមមិនឲ្យចូលជួបជនជាប់ចោទ២៣នាក់
- CCHR៖ រដ្ឋាភិបាលគំរាមមិនឲ្យបញ្ចាំងកុនឯកសារ តើនរណាសម្លាប់ ជា វិជ្ជា
- រដ្ឋាភិបាលនៅតែមិនអនុញ្ញាតឲ្យវិទ្យុសម្បុកឃុំពង្រីករលកធាតុអាកាសនិងបើកទូរទស្សន៍
- សង្គមស៊ីវិលហែក្បួនដាក់ញត្តិតាមស្ថានទូតនៅភ្នំពេញ
- មេសហជីពត្រៀមដឹកនាំកម្មករ១ម៉ឺននាក់ធ្វើកូដកម្មនៅថ្ងៃ២៦ មករា
- សហគមន៍ខ្មែរក្រោមខកចិត្តចំពោះកម្ពុជាបដិសេធសំណើសុំអន្តរាគមន៍ទៅវៀតណាម
- អង្គការចំនួន១៨១ទាមទារឲ្យដោះលែងអ្នកជាប់គុក២៣នាក់នៅត្រពាំងផ្លុង
នៅកម្ពុជាមានសិទ្ធិសេរីភាពណាស់!!!នរណាចង់ទិញឡានជិះ ក៏ទិញទៅ!!!ចង់សង់វិឡាំក៏សង់ទៅ!!!ចង់ទៅលេងអែណាក៏អាចទៅលេងទៅ!!!មិនដូចសម័យអាពតទេដើរមិនបានទេ!!!
មិនផេះទេលោកម៉ក់ សម្បត្តិអើយប្រទេសអាណាដែរបាញ់ប្រហារកម្មកររបស់ខ្លួនដូចបាញ់សត្វចាបហ្ចឹង បរទេសគេមានរបៀបធ្វើការរបស់ខ្លួគេ គេមានបណ្តាញអ្នកយកពត៏មានដ័ត្រឹមត្រូវរបស់គេ គេមិនទុកអោយលោកអែងច្រៀងរាំស្រេចតែហ្នឹងចឹត្តទេ,…លោលអែងគូរគិតពីមុខមាត់ខ្មែរហ្នឹងតំលៃជនជាតិខ្មែរខ្លះផង់ដែរសព្វថ្ងៃធ្លាក់ក្រោមសូន្យទៅទៀត
ការប្រកួតប្រជែងគ្នា ចង់បានទៅជាអ្នកដឹកនាំ គ្រប់គ្រងប្រទេស តាមរបៀបឈ្នះ ដោយការ
សម្លាប់មនុស្ស មកដល់ក្នុងពេលនេះ គឺអស់មានប្រសិទ្ធិភាពទៀតហើយ។ អ្នកសាងអំពើបទ
ឧក្រិដ្ឋត្រូវតែវិនាស ស្រោចស្រង់ លែងបានចាប់ពីពេលនេះហើយ។
អនុប្រធាន សិទ្ធមនុស្ស រដ្ឋាភិបាល លោក ម៉ក់ សម្បត្តិ ត្រៀមខ្លួនចូល ការពារ ជនពុករលួយ រំលោភ
សិទ្ធមនុស្ស ប្រើហឹង្សា សម្លាប់មនុស្ស !
human rights human rights in cambodia is a joke under hun-sen rule.small case like chhouk bun dit where is he? is he in the jail ? ordinary people asked for better living they kill and took them(23) in the jail. this is cambodia unjustic under dictator hun-veit
Corruption and Human rights abuses linked closely. Human rights abuses almost always perpetrated by the powerful and their associates.
Reduce abuses are to increase salaries and limit the power exercises.
Tax cheat leads to corruption. Proper tax revenues will increase chance of elimination of abuses.
Having received low salaries, it means that corruption permitted.
RGC has a lot to put on the table for REFORM.
It all depends on the political WILL of RGC. So far , it has not indicated of its WILL of doing so.
International communities have been prepared to assist, but RGC has to prove its real intention for Cambodians sake.
និយាយដូចមែនទែន៊៊៊៊៊៊៊៊៊
ប្រទេសគេអត់មានអ្នកដេញបាញ់មនុស្សដូចយើងទេ, ប្រទេសគេក៏អត់មានអាពួកពាក់មួកសុវត្ថភាពចងក្រណាត់ក្រហមដេញវ៉ៃលោកសង្ឃ,រាស្រ្តដូចកម្ពុជាអច្ឆរិយក្សយើងសែរ។
ដូចនេះអស់លោកអញ្ជើញទៅប្រាកដជាសុខមិនខាន។មុនមកវិញកុំភ្លេចលាងខួរខ្លះហើយរៀនពីលិទ្ធិប្រជាធិបតេយ្យអោយបានត្រឹមត្រូវពីប្រទេសគេខ្លះផង។
រដ្ឋាភិបាលគួរបញ្ជូន ផៃ ស៊ីផាន (មានលុយមានយុត្តិធម៌) កែវ រ៉េមី (ធ្លាប់ជាសមាជិក៤បក្ស=មានបទពិ សោធន៍ច្រើន) ឈាង វ៉ុន (ការកាប់ព្រៃឈើជាការអភិវឌ្ឍន៍សេដ្ឋកិច្ចជាតិ) ជាម យាប (ឡានគាត់បុកគេ បណ្តាលឲ្យស្លាប់ម្តាយនិងកូន២ខែក្នុងពោះ) ទៅការពាររបាយការណ៍សិទ្ធិម៉ានឹសនៅកម្ពុជា…………
Long Live H.E. the Great Leader!!!
Long Live H.E. Cheam Yeap, the Great PhD!!!
Long Live H.E. Chheang Von, the Great French-Cambodian Leader!!!