ដោយ៖ បូ សាវី
ថ្ងៃសៅរ៍ ទី25 ខែមករា ឆ្នាំ2014
http://vodhotnews.com
អគ្គិភ័យមួយបានឆាប់ឆេះ ផ្សាកំពង់ថ្មខេត្តកំពង់ធំ កាលពីយប់មិញបណ្តាលឲ្យតូបអាជីវករជាង១០០ និងផ្ទះពលរដ្ឋចំនួន៥ខ្នងទៀតនៅក្បែនោះ ឆេះអស់ទាំងស្រុង ដោយសារឆ្លងចរន្ដអគ្គិសនី ប៉ុន្ដែមិនបណ្ដាលឲ្យមនុស្សរងគ្រោះឡើយ។
ពលរដ្ឋនៅឃុំបល័ង្គ ស្រុកបារាយណ៍ ដែលឃើញហេតុការណ៍ លោក ហុក ហួរ ប្រាប់VOD នៅព្រឹកថ្ងៃសៅរ៍នេះថា អគ្គិភ័យនោះបានឆេះនៅវេលាម៉ោង ជិត១០យប់ ថ្ងៃទី២៤ ខែមករា និងរលត់ទៅវិញ នៅម៉ោងមួយឈានចូលថ្ងៃទី២៥ ខែមករា ឆ្នាំ២០១៤នេះ។
អភិបាលស្រុក បារាយណ៍ ខេត្ដកំពងធំ លោក ហាក់ មុង ហួត ឲ្យដឹងថា អគ្គិភ័យនោះ បានឆេះតួបអាជីវករអស់១២៤តូប និងផ្ទះពលរដ្ឋ ធ្វើអំពីឈើថ្មក្រោមចំនួន៥ខ្នង ប៉ុន្ដែមិនមានគ្រោះថ្នាក់ដល់មនុស្សទេ។
លោក ហាក់ មុងហួត ឲ្យដឹងដែរថា អគ្គិភ័យនេះបណ្ដាលមកពីចរន្ដអគ្គិសនី ហើយទំហំ នៃការខូចខាតនៅមិនទាន់ដឹងនៅឡើយ៕
សូមសរសេរមកកាន់ លោក បូសាវី តាមរយៈ savy@vodhotnews.com
ស្រុកខ្មែរ អ្នកដឹកនាំ អាត្មានិយម ， បាន បង្ករ អភូតហេតុ មិនឈប់ឈរ ! ( ទឹកជំនន់ លិចផ្ទះ
សម្បែង ស្រែ ចំការ ， ភ្លើងឆេះ ផ្ទះ ឆេះតូបក្នុងផ្សារ ， គ្រោះថ្នាក់ ចរាចរ ，ស៊ីផឹក វ៉ៃ កាប់ចាក់គ្នា
បងធំ គ្រឿងញាណ ， ចោរបោក ចោរលួច ចោរឆក់ ចោរប្លន់ មានរាល់ថ្ងៃសព្វបែបយ៉ាង ! )